آلام بصذري

[atosha]

آلام بصدري

قوووه بنااات

حبييباااتي انا صارلي فتره والله يمكن من شهر 4 وانا دايما احس يألام بالصدر

وهالآلام بفتراات متقطعه مره هالصدر و مره هالصدر والله العظيم يا بنات اني قاعده اكتب لكم الحين العوار

ذابحني استشرت اهلي وامي تقول انتي وسواسيه روحي الطبيب او يمكن حليب متيمع بعد الولاده

و اذكر حق الوظيفه سويت اشعه حق الصدر وجذي لقيت مثل بقعه سوده بالاشعه صوب الصدر ولما شافوها بالمراجعه قالولي لا عادي

مادري احس صج قمت اوسوس وخايفه ومابي اروح الطبيب .. عاد انا دعله

وانا ادري ان الحل اني اراجع الطبيب بس مادري اخااف والله

والله لا تلوموني من هالزمن اللي يخرع الامراض اشكال والوان طلعت لنا بس قولوا انشالله شي عادي وبسيط

يمكن اللي فيني الحين هواا عشان البرد ؟؟

ياليت احد يطمني اذا يعرف ان هالشي عادي والا لا و اللي عندها تجربه من قبل تطرحها لنا ومشكورين مقدما بس ابيكم تطمنوني والله

تسلمون خوااتي

 

[قلب امي]

تكفين روحي المستشفى وتطمني اكثر يا الغاليه وان شاء الله يصير خير واجو قبول نصيحتي وما تشوفين شر يا اختي الغاليه

 

[كبْرٍيآء]

يمكن ارتفاع بهرمون الحليب

 

[atosha]

بعد قلبي حبيباتي

قلب امي
كبرياء

مشكورين عالرد والله العالم شكثر ابي اتطمن و وايد خايفه
انزين منو اراجع بهالخصووص تعرفون دكتور زين اقدر اراجعه ؟؟

 

[موت الحمر]

حبيبتي عندج دكتور سعد المنيع اللي بالمواساة


و اذا تبين تفحصين عن اعوذ بالله الشين روحي مستوصف الرقعي في عيادة للفحص



شوفي انا بقولج شي و ان شاء الله اطمنج



انا كنت مثلج بس كان عوار اكثر شي باليسار

سويت سونار في مستشفى هادي مالقو شي فيه لقوا باليميت سبحان الله قالولي تليف طب قلبي ببطني

جان اروح المواساة بنفس الوقت شافني دكتور سعد ( وايد شاطر مسوي حق امي المرارة) جان يقولي عادي هذا ناتج من هرمونات

و بعدين عندي نسبة هرمونات الانوثة اكثر من الذكورة احم احم يعني انا انثى صح هههههههه


و رحت دار الشفا نفس الكلام

و سألت الدتور عن الاعراض انا صراحة كنت خايفة من الشين اعوذ بالله

قالي لما تضغطين على الحلمة اي لون يطلع عادي ان شاء الله اخضر عادي بس ها

لا يطلع دم اهنيه الخطورة

و راقبي شكل الحلمة اذا اعوذ بالله ادخلت لغاية داخل

لا اهنيه طيري الطبيب بهالزمن اللهم يا كافي صار الشين جنه نشله و لا انفلونزا


سلامات حبيبتي و ما تشوفين شر و ماكو الا العافية


اقري على نفسج بالليل

 

[*سكون*]

حبيبتي روحي الطبيب وحطي لج موعد أشعه وسونار عشان تطمنين وترتاحين

وان شا الله ما فيج الا العافيه

 

[al7noona]

لا انشالله مافيج شي

انا اقول يمكن من الدوره انتي لاحظي اذا يالج العوار بعده بجم يوم او بنفس اليوم تييلج الدوره

انا صاير معاي جذي من يعورني صدري قمت اعرف ان بتييلي الدوره وصج تييلي

بس انتي راجعي الطبيب اطمني اكثر احسن

وانشالله مافيج الا العافيه

 

[۩۩ الجـــــود ۩۩]

ان شاالله مافيه الا الخير

انا احس بعوارات وتكون قبل الدوره شى طبيعى

اذا مافى شى بارز واضح لا تحاتين