آلآستآذه تسآلني شنو يشتغل آبوج ... قلت لهآ ................ :)

[حُلم وانتهى]

السلاآإم علييكم ,

شلوؤنكم يآإ بنآإت ,.

بدخل بالموضوؤع على طوؤل ..

آمس الآستآإذه آخذتني غرفتها .. عشان اقولها معلومآإت عني وجذي .. لآني كنت اغيب وآإجد ..

والسؤآإل الي حسيته صج آثر فيني .. وهز مششآعري

وين يشتغل آبوج .. آنـآ سكت بعدين قلت لهآإ مآإدري ..

قامت تطآإلع فيني مستغربة .. تقولي ماتدرين وين يشتغل آبوج ؟؟

قلت لها لا ..... آبوي مو سآكن ويآإنـآ ..

تقولي وين سآإكن !! , قلت لهآإ متزوج غير آمي وسآإكن بالككويت ..
آحنـآ كنـآ سآإكنين بالكويت بس بالغزو جينآإ السعوديه .. واستقرينآإ بالسعووديه

قالت لي انزين ماتذكرين شي عنه !!

قلت لهـآإ اذكر اني اخر مره شفته قبل 12 سنه .. كآن جآي من سوريآإ و جايب لي لعبه آنــآ وصيته عليهآإ ....... كآإن عمري 4 سسنوآإت ..

وآهي تطآلعني منصدمه

تقولي وامج شلون نفسيتهآإ ..

قلت لهآإ امي فيها سرطآإن ..... بسم الله عليكم ..
صآرلهآ 11 سنه ..

تخيلوو بنآإت والله قلبي يحترق ...

آختي الي آكبر مني آهي الي تصرف علي وتشتري لي اغرآض وكل شي .. السنه الي فاتت كآنت مخطوبه وصآإبها حآإدث وصآرت مآإتمشي .. وتركت الشغل .. .. وكنت كله وياهآإ

بعدهآإ توفى ولد آختي .. وبعده بفتره آختي .. وبعدها بفتره بنت آختي .. وآخر شي آخوي .. --> كلهم بسنه وحده

الله يرحمهم يآإرب ويسكنهم فسييح جنآإته ..

وبعدهآإ آنــآإ تعبت من كثر مآإ أفكر في .. آمي .. آختي .. آبووووي ,, والدنييييآإ .. وتركت المدرسه


..

والنآإس عبآإلهم آني تركت المدرسه بس جذي مايدروون عني

والكل يقولي تركتي المدرسه وتركتي المدرسه !! مآيدروون بالي دآخل قلبي ..


يعني تتوقعوون كل هذا ومآإرآح يأثر فيني ..........


..

معني آحب آبوي آكثر من آمي ,, وآممي زعلت لمآإ قلت لهآإ تقولي آبوج مآإيدري عنج عآإيشه أو مييته .........

آمي تعوور قلبي توني حسيت فيهآإ ....
كنت مااقعد ويآإهآ ومآآهتم لهآإ
وهي توها صغييره وآبوي تآركها ومريضه

بس الحين العكس كله ويآهآإ
آدعووولهآإ


والله ضايقه فيني الدنيآإ ومخنوووقه ..

حبييت افضفض لكم بآلي دآخلي
الحممدلله على كل شي ..
والله كريم !
​

 

[جولينار]

الله يفرجها عليكم بأقرب وقت



امك مالها الا الله ثم انتي


لاتزيدين همها هم

ولاتطرين ابوك قدامها

يكفي الجرح اللي جرحها


وكملي تعلميك وتوظفي وارفعي راس امك


لا تستسلمين


وابوك دام هذا طبعه مع السلامة شيليه من حياتك

لانه مايستحق بصراحة


وامكـ انتي عونها وسندها بعد الله


والله يفرجها عليكم

 

[رانا ***]

لاحول ولا قوة الا بالله
الا بزكر الله تطمئن القلوب ازكرى الله وصلى الله يربط على قلبك

انتم فى بلاء واجركم عند الله كبير
الله يعوض عليكم بكل خير

وفضفضى حبيبتى كلنا اخواتك الله ييسر لكم الامور ويشفى امك واختك قادر يارب استمرى بتعليمك هوا سندك بعد الله

وابوكى لا تزكريه قدامها

والله اب بلاسم استغفر الله

 

[Tulips]

لا حول ولا قوة الا بالله

الله يصبركم يارب ويشفي امج .. خليج دايما معاها وفوق راسها

ماعليه حبيبتي هـذا ابتلاء من الله سبحانه وربج اذا حب عبده ابتلاه

وكلو امركم لله والله يعينكم

 

[shak!shoka]

يا بعد قلبي

هذا ابتلاء و انتي انشالله صابره

وامج هالله هالله فيها و لو تبي عيونج عطيها لا تقصرين معاها و تحملي كل شي في سبيل راحة امج ترا والله اجرج كبيييييييييير عند الله
وربج ما ينسا عبيده

الله يكون بعونج و يقويج على بر امج انتي عند كنز وما خسرتي شي بوجود امج



و الله يعوضج و تشوفين الفرحه بايامج اليايه يااااارب

 

[ام الدرر]

حبوبة حاولي تتواصلين مع الوالد لعل وعسى يحن قلبه
عالاقل يتحمل مسائلكم الماليه
اسال الله العلي العظيم ان يشفي الوالدة ويرفع عنها
ويسخر لكم الطيبين من خلقه
ويعينك على بر والدتك ورعايتها
ويكتب لك النجاح والصلاح ويرزقك بالزوج الصالح اللي يحبك ويخاف الله فيك​

 

[MC ANFAL]

Waaay 3warni galbi 3laich
La 7wl wla 8wa ela bellah
Allah yer7amhm Ya rab w ysknhm fse7 jnatah
W ya rab yshfi omech 3ajelan '3air ajelan
W 7awlay ts3den omech kthr ma tgdren
Malha '3airech
W allah y6wl b3mrha ya rab

 

[KOKO_284I]

الله يصبرج ويشافي امج يا رب

وهي الدنيا دار ابتلاءات وامتحان

بس اهم شي اتكونين قويه وتكملين دراستج هذا السلاح الوحيد اللي ممكن يفيدج بالدنيا بعد رضا رب العالمين طبعا

 

[شاي ونعناع]

خليج قويه وشجااعه قولي الحمدلله هذا ابتلاء من الله لان يحبج والله يطول بعمر امج ويخليها لكم ويشافيهااا بس نصيحه كملي تعليمج حاولي تتأقلمين مع الظروف محد مرتاح بالدنيا وكلنا ماشين بهالطريج والله كملي تعليمج وفرحي امج محد دايم لحد ورفعي شهادتج وقوليلها يمه عشانج رفعت شاااااانج وجبت لج الشهااااده وتحملي المصااااااعب واتعااااابج هذي موخساره لج اجر ويوم القيامه راح تشفعلج الله يوفقج ويسر اموووورج اهم شي الاذكار والاستغفار والصلاة لاتتركينهم

 

[Vdieta]

الله يشفي امج ويفرج همج

 

[~✿ ارتـِوآآآء روح !]

.✿.

لاحول ولا قوة الا بالله
كآن الله في عونج حبيبتي كل اللي تمرين فيه ابتلاءء وامتحان من رب العالمين
لاتنسين ان الدنيا دار ابتلاءات وامتحانات وان عوض هالابتلاءات جنة
احتسبي الاجر واصبري ان الله مع الصابرين
لاتشغلين نفسسج بدنيا فانية ,, مصيرها الزوال
والله يشفي امج ويحنن قلب ابوج عليكم وترجع المياه لمجاريها
ويصبركم
اعلمي ان الله ارحم واحن من امج عليج
انطرحي بيد الله عزوجل واشكيله وقولي كل اللي في خاطرج
احنا بشششر ضعاف مثلج ونمر بكرب ومصائب
مابيدنا شي
السعادة والراحة كلها بيد الله عزوجل
اشكيله فضفضيله بثلث الليل لاترفعين من سجودج وفي قلبج شي ماقلتيه
اذا ضاقت فيج الدنيا ألجئي الى الله
اهتمي بأمج اهي بحاجة لج الحين في مرضها اسال الله ان يشفيها شفاءا لايغادر سقما
احتسبي الاجر
الله يسعدج ويفرح قلبج ويعوضج خير


..}|,‘​

 

[• الْـڪَـونّتيسَـہٌ «]

حبوبه اكبر غلطه سويتيها انج وقفتي الدراسه

لان مافي شي راح ينفعج غير شهادتج

مافكرتي انج راح اتكملين وتتوضفييين احلى وضيفه ويكون لج راتب تصرفين منه عليج وعلى اهلج

والله يكون بعونج

 

[~✿ ارتـِوآآآء روح !]

.✿.

لاتنسين قيآم الليل
وسمعي هالمحآضرة آحزم ان آول ماتنتهي ه المحآضرة رآح
تحسين برآحة وشعور ثآني
تفضلي
http://www.youtube.com/watch?v=NEuhn5lcvVs


..}|,‘​

 

[شباصـه فرنسيــه]

ربي يفـــرج عليكِ :eh_s(2):
حاااولي تكونيييين قووويه وكملي دراااستـــــــكِ
ولاتنسين الدعــــــــاء
والللله يهدي ابوووك ويحن عليكم

 

[*الغاليه*]

لااااحول ولااقوة الا بالله

ضروووفج جدااا متعبه ,,وان شاااء الله دليل على حب الله لكم اكثر عليكم البلاء

اختي عليج بقيااام الليل والدعااء والصدقه لوو بشق تمره

والدرااسه لاتفكرين انج تتركينها ارجعي ادرسي لانها هذي سلاحج بهالزمن

لاتقولين زوج ولا قريب انتي انفعي روحج بروحج محد بيجي ويقولج شحاسه فيه
ناقصج شي لااااااا طبعااا

ورربي يفرررج همج ويشرررح صدررررج

ويشفي امج ويقومها لج بالسلامه

 

[D_a_n_o]

ربي يفرج همج آنشالله ويشآآفي امج ويطول بعمرها انشآلله

 

[يحليني غروري]

اختي حلم وانتهى هذا حال الدنيا والمؤمن مبتلى الله يفرجها عليكم وعلينا ياربي فرجا عاجلا ويقر عيونك بشفاء الوالدة عاجلا وادعي لها دايما بالشفاء وعليكي بالرقية الشرعية وجيبي لها ماء زمزم وشربيها منه الله يخليه لج ويفرحج بعافيتها قبل نهاية هالسنه وجعل الليالي من حلا الحظ تعطيكم انتي في السعودية

 

[مُخملْ]

يَ قلبي علييج

حبيبتي ، مافي شي في ه الدنيآ بيفيدجْ كثثر شهآدتجْ
ردي آدرسي واخذي الشهادة ، وخاولي مرة ومرتين وثلاث لين تنجحيينْ !
تقربي من ربجْ ، خلي وازعجْ آلديني اقوى من جي ، صلي قيام الليل ووآظبي علليه
ادعي ربجْ في كل وقتْ ، كل ماتحسين بضيقة صلي ركعتين واقري قرآنْ ـ
آدعيْ ب هالدعاء ، رآحه عججييبة تحسين فيها لمآتخلصينْ :

" آللهم اني عبدك ابن عبدك وابن امتكْ نآصيتي بيدك مآضٍ في حكمكْ عدلٌ في
قضآئك ، آسآلك بكل اسمٍ هُوَ لك سميت به نفسك ، آو انزلته في كتابكْ ، أو علمته
آحداً من خلقكْ ، آو استاثرت به في علم الغيب عندكْ ، آن تجعل القرآن الكريم
ربيع قلبي ونور صدري وذهاب همي وجلاء حزني " ،

لوآلدنيآ كلها وقفت بويهجْ ، في العدل اللي ماينسى عبيدهْ ، في فوق
وآحد مآينسآجْ ولايظلمجْ ، في وآحد فوق بيده رزقجْ وسعادتجْ وهنآجْ ،

كلنآ ندور السعادة بهآلدنيآ ، بس مآرآح نلقآها الا بطآعتهْ
والسعادة ماتعني حياة خاليه من المشآكلْ ، السعادة تتحقق ب
التغلب على المشاكل والمصايب اللي تواجهجْ ،
خليج الاقوىْ ، كوني عونْ لآمجْ ولآتهملينها
فرحي قلبها بشهادتج ونجاحج وتحقيق طموحجْ
،
روحي لها بوسي راسهآ ـ يلسسي وياها ، سولفي
ولو كنتي تحبين ابوجْ آكثر لاتبيينين لها ه الشي مرة ثانية
عامليها احسنْ معآملهْ ، روحي وردي عليها في كل وقتْ ،
آسآليها اذا محتاجة شيْ آو تبتغي منج شيْ ، لآتهمليها او
تنسيها ، ترى مابتلقين ادفى من حضنهآ ولآآقرب طريجْ للجنة من ريولها !

،
آبوجْ حاولي تتواصلين وياهْ ، دوري رقمه واتصليله ،
خذيه ب عاطفة الابوة اللي فيه ، حآولي مرة وثنتين وثلاث
لينْ مآيرضىْ ،

،
وفقدآنجْ لخوآنجْ وعيآلهمْ تراه مآكآن الا اختبار من ربجْ ، عشآن
يمتحنْ صبرج وقوتجْ وتححملجْ ، وكل شي بآجرهْ ،
دنيآنآ زآيله شو تبين منهآ ؟ عندج آخرتجْ جهزي لها واصبري
على اللي توآجهينهْ وآجرج عند الله مايضيعْ ،
.

آلله يفتحْ عليجْ ويفرج همجْ ويجمعجْ بآبوجْ ويششفي آمجْ من كل مررض

طمنيينآ حبيبتي وآي شي تآمرينْ عليه انا موجودهْ

 

[مسكته بحلاها~]

لا حول ولا قوة الا بالله~

الله يفرجها عليكم ياااارب ويصبركم ع مصابكم ~

وخلج صابرة يا بعد قلبي وتذكري قول الله تعالى ~ وبشر الصابرين~

والله يعينج وربي قطعتي قلبي~>>

 

[أريد حلا]

يارب تتسخر لج كل امورج مثل ما تبين وتهدى نفسيتج وااااااي مأساااااااااااااااااااااااااااة