السلام عليكم ،
شلونكم بنات ,, عساكم طيبيين
فـ البدايه بقولكم عن بشرتي ،،
بشره عاديه - ناعمه ما آعاني من آي مشاكل لامن حبوب ولا بقع ولا كلف الحمدلله
ما آستخدم خلطات وكريمات وهالسوالف ، اللهم مرطب الوجه وسنفرة المشمش ..
بس اللحين لي 4 شهور تقريباً تحولت بشتري بـ شكل تدريجي إلى ( بشره جافه ) !
بالآول لاحظت في منطقه صغيره بـ خدي اليمين جافه حاولت آرطبها ، صرت آستخدم
المرطب آكثر من مره باليوم عشان تتشبع ترطيب بس ماكو فايده فتره بسيطه ويرجع الجفاف !!
وبدل مايقل الجفاف ، شوي شوي مع الآيام كبرت هالبقعه
وتوسعت واللحين آحس وجهي جاف مهما رطبته
وعندي منطقة الجبهه صايره دهنيه وباقي الوجه جاف ..
حاولت آجرب منتجات هيمالايا ( قناع الخيار ، مرطب الوجه للبشره العاديه ، مقشر المشمش )
وهم جربت مرطب آولاي بالتوت البري ، بس النتايج ( 0% ) ..
مو عارفه شنو آستخدم عشان آرجع لبشرتي نعومتها وترطيبها السابق ..
خصوصاً إني مو من النوع إللي يجرب خلطات وكريمات آبداااااا
ماعندي جرأه آستخدم آي منتج على وجههي .. ساعدووووني بليز
ترى آعز بشرتي حيييل <---
فـ لاتنصحوني بـ شي سامعين عنه وماجربتوه
آبي تجاربكم الشخصيه للي بشرتها جافه ..
ومشكورين مقدماً : )
التعديل الأخير:
