آخر مرة احط حنة بشعري!! بنات لاتغلطون غلطتي

[om tasneem]

بسم الله

بنات قاعد اكتب وانا منبطة جبدي حيل

قالوا حنة وتنعم و100٪ ماتحتاجون تسشورون شعركم سنة كاملة ومن هالسوالف

قلت اجرب لاني كل ثلاث ايام استشوره

المهم شديت حيلي وحطيت الحنة وطبقت طريقة الاستخدام بالحرف

ولاعت جبدي وانا كل شوي اتسبح واشيلها من شعري

بنات والللللله من ريحتها بس قاعده اعااطس

وتسبحت خلصت الشامبو كله الريحه خايسة موطبيعية ومااترووح

انزين عالاقل وين اللي تنعم و ما احتاج سشوار؟؟؟؟؟ صراااااااحه شعري صار جنه مدهن وليين بس مو جنه مسشور

حددددددددددددددي منبطة جبدي الريحة لوعهوالنتيجه خرطي

الحين انا ادور اي شي بس ابي ريحة شعري تصير حلوة وان شا الله طول عمري اسوي سشوار ولا انضر جذي بالريحة

 

[كيكه توفي]

بالعكس حلوه ريحتها

 

[روحي تحبك...]

اختي ام تسنيم شوفي شنو نوعية الحنه الي انت مستخدمتها يمكن مو زينه

انا سامعه الحنه اليمينه مو زينه

بالعكس مافي احلى من الحنه

تخلي الشعر حلو ولونه بعد

وريحته واااااااايد حلوة

بس الظاهر انتي الحنه الي استخدمتيها خشنه

 

[A.N.L]

مااااحب الحنه

 

[om tasneem]

انا كتبت الموضوع وانا منفعله الحين شوي هديت

انا الي غلطانة يمكن ماتصلحلي


الحين كل همي شلون اشيل ريحتها من شعري مادري شسوي من عنده حل؟

 

[om tasneem]

انا بعد ماحب الحنة مادري شلون تجرأت

 

[(توته مربربه)]

كنت ناويه على نفسي من كثر مااسمع عنها مدح :eh_s(1):
زين انج نبهتي البنات
خلطي ماي بابونج مع شامبو غسليه مرتين​

 

[جروح ودموع]

من وين شاريتها ؟ انا مرت حماي شرت حنة تنعيم من بنت الاحلام رووووووعه خلت شعرها يهبل

 

[om tasneem]

توته مربربة يونسني اسمج كل ماقريته هههه

مشكورة وايد


جروح ودموع اسم الله عليج من الجروح والدموع
المهم شريتها من منتدى يوصلون للبيت مو من عطار او شي

 

[وردة سلفر]

اي حبوبة ترى اللي مايحب الحنة مستحييل يتقبل ريحتها

وانتي مو مستعمله (حنة تنعيم) .. الحنة العادية ماتنعم منو قالج تنعم ؟
اهي تلمع الشعرة لانها تخليها صحية ومو من اول استعمال طبعا. لازم مع الوقت


المهم ..

حطي مقدار غطاا من كلونيا الورد بطاسة كبيره فيها ماي .. وشطفي
شعرج فيها وخلي الماي يتعمق لي داخل الجذور .

قبل لا احد ياكلني بلييز ، الكلونيا يستخدمونها بعض الصالونات كتونك للشعر
عشان تقويه وهذا مو من عندي .. فاهي ماتضر ابدا لاتخافون .
وعن تجربتي الشخصية .. كنت احط هالكلونيا لما ازيت شعري بخلطات فيها ثوم وكانت
تطيرلي الريحة من قلللللب

هذي صورتها حبيبتي

من الجمعية .. مكتوب عليها

royal rose

 

[باذنجانه]

حبوبة انا اعرف ان الحنة اذا غسلتيها لاتحطين عليها شامبو الا قطرة بس

الله يعينك

 

[مناير القحطاني]

اصلا مااحبه احسه يجفف الشعر

أفضل السدر عليه

 

[بنت الاحلام]

حبوبه حسب نوعيه الشعر والمكان وبالعكس الحنه حلوه اليمينه او حنه المدينه كلها مجربه بس انتي مو متعوده

ويمكن مستعمله نوعيه مو زينه او غلطتي بالاستخدام عرفتي

 

[sheraZia_Q8]

الله يعينج !

 

[غلاي عزوزي]

وايد حذروا منها
انتي بنفسج قلتي ريحتها خايسه
ليش
لانها متروسه مواد ضاره وبلاوي

 

[زعنوفه]

حمام الزيت مال براشوت ريحته قويه حيل .. لمه استعمله وابخر شعري ريحة حمام الزيت تطغي على البخور .. واله ما يبين اني مبخرته من قوة الريحه !!! وريحته وايد حلوه بعد ... بس شوي يدهن الشعر!!! يمكن حسب نوعية الشعر ! بس جربيه وايد حلو


وما عليج امر بس ابي اعرف خذيتيها من منو ؟؟؟ لاني شريتها بس ما استعملتها بعد ... عفيه قوليلي حتى لو عالخاص علشان اعرف احطها ولا لا ... لانها كاهي عندي ؟؟؟؟؟؟؟؟؟؟؟؟؟؟؟؟​

 

[ميسم]

الحمدلله

كنت بستخدمهاا بس هوووووووونت عقب كلااااااااااااامج

 

[ماآاريا]

الحنه حلوه وريحتها حلوه

يمكن اللي حطتيها مو زينه

 

[نور الضي]

غريبه
يازين الحنه ويا زين ريحتها
يمكن لانج مو متعوده عليها
بخري شعرج وحطي خمريه

 

[»همسْ ـآلخجل✿]

وايد حذروا منها
انتي بنفسج قلتي ريحتها خايسه
ليش
لانها متروسه مواد ضاره وبلاوي

امبيه !

مواد ضاره وبلاوي  ؟؟؟ من صجج ؟!

انتي تدرين من وين جايه الحنه ؟؟

اذا ماتدرين تراها من شجره بالجنة ، نزل جزء منها لما هبط سيدنا آدم للارض

شلون فيها مواد ضاره واهي من الجنة ؟؟!!

صدمتيني صراحه

بالعكس الحنه حيل مفيدة ومع الاستمرار تخلي الشعر رووعه وسألي البنات عنها وريحتها تهبل شفيها ؟؟ انتي لانج مو متقبلتها اساساً عشان جذي تحسين ريحتها خياس


.
.
.




عوافي لصاحبة الموضوع