آخر فناتق النون

[فوووفه]

بنات بقط على ولدي نون شنو آخر الفناتق ؟؟ اتمنى انكم تساعدوني :d

 

[Tejan]

بنت خالتي بنون بنتها

وزعت بعدها علينا كيك صغير من سابليه لونين كاكاو و جوز الهند
و عليه صورت البنوته كانت حركه تونس

و قبل النون عطت يدتي من راس مرفوع علبه خصوصي من زارا هوم فيها من النون لانها ماراح تيمع معانا طبعا

و وحده من رفيجاتي كانت حاطه مع النون شباصات الكلبسات الصغار ملوت اليهال << العياره تقول النون لان طلع لبنتي شعر و اخير .. مسكينه بنتها تمت قريب السنه قرعه لووووووول

لا تخلين الخدم يجمعون معاكم لان يطقون اليهال طق من الشطه خخخخخخ

و لا تنسين تخلين احد يصوكم و انت تقطين النون و الناس تيمع و الله الصور تحفه

و لبسي ولدج لبس مثل القرقيعان او دشداشه و بشت وناسه

و خلي حلاو النون شيئ سبشل ممكن ككاوات لندن او شيئ جذي

و يوم تفرحين بعرسه يااااااااا رب

 

[فوووفه]

حبيبتي Tejan

ماقصرتي على هالافكار تسلمين و نفرح بعيالج بعد يالغالية

 

[أم عنوبي]

والله يختج حلات النون حلاو و ككاو وخرده وتحذف وتلقط
خواتي الله يحفظهم سووا حق ولدي مرتين نون بس مغيريين إسمه من (نون )الى (candy shower ) وبما إنه ولد حطوا ألعاب سيارات صغار وكور وأنواط أرباع وأنصاف ودنانير مصفطينهم مربعات ومثلثات مايدرون اليهال مساكين انهم فلوس يجمعون الخرده ويخلون الأنواط ههههههههه

وفي عضوه الله يذكرها بالخير سوت حق نون بنتها كوكيز
بعد النون وزعت كوكيز على شكل بنت وضرسها لولو عشان أول ضرس طلع حق بنتها
اذا خاطرج بالكوكيز أطرش لج رقمها على الخاص وكلميها

الله يحفظ لج وليدج ويبلغج فيه معرس يارب

 

[أم و حلوة]

الله خوش افكار
و بليز ام عنوبي ابي رقم مالت الكوكيز على الخاص

 

[meen_ana]

في وايد افكار حلووة انا مثلا لبست بنتى لبس سنو وايت ولبستها باروكه مالت سنو وايت
وبالنون حطيته في زبيل خرده وارباع وحلاو وكاكاو


وبعدين وزعت كوكيز على شكل بنوته عندها ضرس و في بنوته بمصاصه الانه فترتها بنتى كانت تاخذ مصاصه
وفي شكل على اسمها بعد

تقدرين تدخلين على البروفايل وتشوفين الموضوع الانه حاطه صور عن الموضوع

 

[meen_ana]

http://www.q8yat.com/t656076.html


هذا الموضوع دخلي وشوفي على راحتج حبووبه

وتقدرين اذا تبين فنتق تحطين الحلاو داخل بالونه كبيرة وتبطينها فوق راس البيبي

 

[Om 3zo0oz_2011]

بعد النون له فناتق كلها حلاو وخرده ويلقطون اليهال حلاته جذي

 

[زبده]

كل شي صار له فنتق عندنا

اب لعيونكم

 

[Om Ghalia]

شوفي محل كوكيز بوكيه ببرج جاسم عندهم فناتق عجيييييييييييبة ومميزة ..............

 

[جورجيت]

جزيل الشكر...
الله يخلي اطفالكم ويعينكم على تربيتهم .

 

[AVE.NJ]

انه عجبتني فكرة العاب سيارات صغار وكور انشالله بسوي بنون فهودي لاني ناويه اسويله لما يقول ماما نون

 

[جوري الكويت]

حلاو و لزقي عليه انواط دنانير ارباع خمسات

ما احب احط خرده مع النون

اخاف احد من اليهال يبلع الخرده و اخاف عليهم من التفلع

 

[ام^تبوله]

انا بعد بسوي نون حق ولدي لان ضرس كربونه
الله يخليلنا عيالنا كلللللللنا ونفرح فيهم​

 

[ام اغلى الناس]

انا قطيت عليه فلوس و ماكنتوش
و قبلها وزعت كاكاو م كوكيز بوكيه مطبوع عليه صورته و عندهم بعد كوكيز يهبل
و كوكيز نفس مال مين انا بس على ولد
و حمواتي اتفخوا تفيخه كبيره و بطوها و طلع منها حلاو كانت حلوه

 

[ام عفاف الكويت]

الله يخليه لج
عطيتني افكار حق نون ولدي ان ردينا بالسلامه
علي سلامته