آخر بدايع مدارس الحكومة؟؟؟؟

[رشووون]

السلام عليكم ورحمة الله وبركاته...




سمعوا قصة المسكين باختصار، ولد اخوي المفروض رابعة ثانوي رايح المدرسة اول يوم يدور اسمه عشان يروح الصف يدور يدور:gr4uu: ماكو

يوم سأل قالوله انت كان عندك دور ثاني بمادة العربي وماحضرت الامتحان والحين راسب ولازم تعيد السنة شنوووووو:krkrkr:

بس انا شفت النتايج اخر السنة وكنت ناجح ومطلع برنت للشهادة عن طريق النت قالوله أبد لااااازم تعيد السنة

شفتو شلون حتى بالنتايج خوارة نتيجته ناجح وهو دور ثاني ومايدري والسبب غلطتهم بيعيد السنة

قولولي شرايكم بالذمة

 

[جوك احلى جو]

غريبه !!!!!!!!!!!!!!

 

[دراهــم]

حراااااااام اكيد نفسيته تعبت

بس على طووول خليه يودي اوراقة للمنطقة التعليمية ولا يسكت

شنو يعيد السنة عشان غلطتهم .. وإذا ما سووا لكم شي روحوا للاعلام .. شنو هـ التخبط ؟؟؟؟؟

 

[mrs_sugar]

خل يتأكد اول اخاف تشابه اسماء

لا حول ولا قوة الا بالله

 

[بــ زايد ــنت]

ويه عاد كلش مب حلوه

خليه يتاكد بالاول يمكن تشابة بالاسماء واذا هم مغلطين روحي للمنطقه التعليميه لان الغلطه غلطتهم

الله يكون بعونه

 

[Amory]

مسكيييييييييييييين

واي كسر خاطري ببجي حسبي الله عليهم

لا يسكت لا خل يروح الوزاره وياخذ معاه الشهاده ويشتكي

هذي مو غلطته غلطتهم والله

 

[سبائك]

امبلا السنه مسوين هالسالفه بوايد ناس

داقين عليهم بداية السنه قالولهم عيالكم دور ثاني مع ان كانوا ناجحين نهاية السنه !!!!!!!!!!

بس ولد اخوج يمكن دقوا عليه بس كانوا مسافرين او مو موجودين خل يتصرفون اهله حرام عور قلبي والله

 

[-Bello-]

لايسكتلهم .. لانه الغلط غلطتهم .. حتى يرفع عليهم قضيه الحق معاه مو معاهم

 

[Goth-Girl]

امبيييه اي شي حرام عليهم يبون يضيعون سنة من عمر الصبي..لازم تتحركون ما يصير جذي

 

[حنطاااويه]

خل يروح الوزاره
مو غلطته
اذا كانوا كاتبين الدرجات غلط

 

[الفزاعة]

لاحول الله
اكيد تخرع المسكين
الله ينكد عليهم مثل مانكدوا عالولد
عطينا التطورات

 

[sweet barbi]

وشكوو يسكت عنهم ؟

 

[Maltesers]

من صجهم !!!

 

[●STARBUCKS●]

يروح للمنطقه التعليميه ومعاه الشهاده ويرفع تظلم عليهم
اما ينجونه والا يمتحنونه هذا حقه ولا يسكت عنه

 

[a7la tooota]

حبيبتي لا تسكتون روحوا الوزاره أو المنطقه التعليميه اشتكوا عليهم ,,

مو غلطته هذي غلطتهم و أهما يتحملونها ..


الله يعينه المسكين

 

[ليالي الكويت]

امبييييييييييييييييييييييه من صجهم ؟؟؟

 

[ZaNo0By]

أي شييييييييي حرااام شنوووو هذا مايصير والله .. لازم يشتكي أو يسوي أي شي لأن مو ذنبه إنه يعيييد السنه بسبة غلطه من الوزاااره !!!!!!

 

[~ miss NERD ~]

ybo66on elchbd

 

[(كويتيه عسل)]

مسكيييييييييين مايستاهل خل يروح المنطقه التعليميه ويشوف شسالفه شلون ناجح وبعدين يقولونله عيد السنه

اذا ماكو فايده منهم خل يروح للمراقب ويشتكي

 

[الريحانة]

رووووحوو اشتكو
مدام عنده ورقة تدل على هالشي
غصب عنهم يقروون إنهم غلطانين و الولد ماله ذنب