آخذ (أوتي)(كواية)معاي لماليزيا ولا الفنادق فيها؟

[وردة نقية]

السلام عليكم

هذا سؤالي وشكرا؟

 

[غلا الكوويت]

الفنادق فيها


بس اخذي معاج لان مو كل شوي نازله المصبغه

وماليزيا يكون نفس مكان يم الفندق للغسيل

يعني اخذي اوتي احسن

 

[كويتية أصيله]

لا تاخذين بس زيادة وزن ... الفندق يوصلون الأوتي لي الغرفه ومعاه الستاند

 

[جـنان]

لا لا تاخذين اكيد راح يكون في مصبغه بالفندق الي راح تكونين فيه ماله داعي وزن عالفاضي

 

[د-سوسه]

علي حسب الفندق دشي السايت وشوفي الfacilities راح يكون مكتوب فيها اذا في اوتي بالغرف او لا

 

[جنات الورد]

اي في اكيد بالفندق وان مالقيتي عادي تقدرين تطلبينه وايبونه لج

 

[قبلة مطير]

حبيبتى اشترى اوتى صغيره للسفر بالغانم في
انا شاريه وحده بس للسفر ووايد نافعتنى للملافع وغيره

 

[miss_ant]

أنا وحده أنصحج لا تاخذين لأن الفنادق فيها مصبغة وبأسعار رخيصة ...

 

[toot^o^mishmish]

اذا الفندق 5 نجوم واو4 اتوقع فيه بس تأكدي من وقع الفندق نفسة
بالسلامه ان شاء الله

 

[وردة نقية]

تسلمون يارب

بس انا لازم حق العباية والنقاب والشيلة.

 

[أم حمني المزيون]

لأ مافيها فنادقهم الا اذا تبين تودينهم مصبغة الفندق بس مو معقوله كل ما تبين تلبسين شي وديتيه ونطرتي لين يخلص..آنا أخذت معاي أوتي حق السفر صغييير من الغانم...

 

[شواقه المطيري]

انا كنت رايحتلها شهر 3 اخره اللي فات والفندق كان five star


وعباتي وملفعي للمصبغه دوغري ونقابي حسب المزاج لي خلق اكوي الفندق موفرلي كوايه وكويت مالي خلق المصبغه مع ربعه لوووووووول...

 

[بطه فيها نطه]

على حسب الفنادق ... بس اذا حابه تاخذين معاك وحجمه صغير عندك اكترونيات اوزان بالري

صغير حيل وسعره 5 دك