آآلام الظهر والورك بالثامن

[هلا 2010]

مرحبا بنات اشلونكم
انا بآخر الثامن والجنين راسه فوووق وظهري يعورني احياناً ووركي يعورني يالله امشي
ارتاح لما انسدح علا ظهري عادي انام علا ظهري

 

[iLLuMinaTion]

الله يعينج حبيبتي

 

[مألوفة]

نومه الظهر مو زينه بس العوار عادي انتي شكلج كله نايمة لازم تتحركين وتتمشين عشان اعظامج ما تعورج والجنين ينزل راسه تحت وبالنسبة للياهل لازم ينزل راسه تحت. حاولي تمشين وايد

 

[هلا 2010]

يعطيكم العااافيه ماقصرتواا

 

[c a t w o m a n]

عوار الظهر لابد منه مع كل شهر جسمج يعورج وعظامج تتفجج أكثر أما بالنسبة لنومه الظهر مو زينة خصوصا بالأشهر الأخيرة لأنه الياهل يكون متشرغد فياخذ راحته يدور ويتحرك أكثر ولاسمح الله يدور وياه الحبل السري يلتف


الله يهون ويسهل عليج ما بقى شي حبيبتي

 

[ام قدووور]

الآلم الظهر شي طبيعي بالشهور الاخيره واذا تبين راس البيبي يلف احبي هذا كلام الدكاتره وبخصوص نومه الظهر مو زينه والسبب انج ماراح تقدرين تتنفسين والياهل ما يوصله الاكسجين بس مو صحيح سالفه الحبل السري يلتف معلومه خطا

 

[مشغوله و محتاسه]

اطيلي السجود عشان تساعدين البيبي يلف .. و العوار طبيعي بهالفترة الله يعينج

 

[@ام يوسف@]

الله يهون عليج وتولدين بالسلامه

 

[هلا 2010]

تسلمووون ماقصرتوا

 

[sweeta77]

لا تنامين على ضهرك مو زين
وآلام الورك طبيعي أنا قريت في سايت اجنبي ان ينفرز شي بالجسم يرخي العضلات ويوسع العظام الشان يسهل الولاده
سبحان الله

 

[Katkota_46]

انا بعد توني داشه السابع وظهر ذابحني من العوار

الله يعينج

 

[هلا 2010]

يعطكم العااافيه والله كلامكم يريح الواحد

 

[شوق الحب]

لا تخافين حبيبتي هذا طبيعي
بس مثل ما قالوا البنات لا تنامين على ظهرج مو زين
و احبي عشان يلف البيبي ترى بعدين يصير صعب لفته
و ربي يسهل عليج الحمال و تولدين بالسلامه​

 

[هلا 2010]

احبي جم ساعه وجم مره باليووم لان بصراحه عشر دقايق يالله اتحمل

 

[جنون الهوى]

الله يسهل عليك يارب
ومثل ما قالوا الاخوات لاتنامين على ظهرك موزين​

 

[هيبة ملك]

الله يهون عليح

 

[ام العزيز]

انا توني والده كنت نفسج الظهر والورك عوار فضيع بس انا كنت ماآكل حبوب الكالسيوم والنتيجه ولدت وولدي بالمستشفى فيه نقص كالسيوم والحين ندمانه قد شعر راسي نصيييييييييييحه لج ولكل الحوامل لاتهملون الفيتامينات خاصة الكالسيوم تراه مو هين ،،،، وعسى الله يهون عليج ويقومج بالسلامه انت والبيبي