آآآنا وال.......... (له حل؟)

[S 7LaWa S]

بنات بدش بالموضوع على طووول

بنات انا قبل لا اتزوج الحمدالله ما كان فيني شي

بس الحين :eh_s(16): الوسواس ذبحنييييي

وخاصه لما ولدت بلش معاي بكل شي مو بس باليهال

انا لي 3سنين متزوجه وعندي صبي وبنيه صغار

بقولكم جم شغله على اللي امر فيهم بشكل يومي

يعني لي نومت اليهال قبل لا امشي اقعد ساااااااااااااااااااااااااااااااااااااااااااااااااااعه اطالعهم

واعييييييد هل حجي:
نايمين على جنبهم اليمين راسه على جنب
ايده يمه مادهم
جسمه على جني ريوله على جنب

يعني اتأكد انه مو نايم عوي او مو نايم على ايده لا تتعور او ريله تكون لافه اجيك على كل شي بهل طريقه
وجان زين اقول الجمله مره وحده لا 100 مره
ونفي الحجي على اخته اوقف ساعه اعيد نفس الحجي! صايره شي موطبيعي انا قمت استغرب من وضعي!! ينيييت خلاص؟

موقف ثاني باجر عندي موعد مهم او موعد عادي بحط منبه حق ساعه 8صبح
ادش بفوني احط المنبه قبل لا اطلع امسك الفون واطالعه واردد:

حطيت منبه من فوق اون يعني مشغلته حطيت ساعه 8ص
يعني 8 صباحا يعني الصبح
م يعني مساءا بليل

انا متأكده ان ص صباحا بس اكرر عشان لايكون حاطته م بالغلط ويروح على الموعد!
واتم اعيييييييد

موقف ثالث اذا بطلع واليهال عند حمولتي وخدامتي فأوصيها على شغلات
اتم طول الطريج اعييد:

قتلها انا وكلتهم توني وغيرتلهم انتي بعد 3ساعات عطيهم وغيري لهم
وحماتي كله معاهم وخالتي يعني اتطمن
وردت على انشاءالله ماما
وارد اعيد الجمله!!

والله هل ايام قمت اتنرفز من هل سالفه!؟
و ودي اعالجها لان مليييييييييت
وقمت اصدع من كثر ما اعيد واكرر وبالي ينشغل بالسالفه!
مو من صجي مادري شلي صاير فيني :eh_s(11):
وعلى شغلاات واااااااااايد وتكون تافهه او مهمه!

ولاتقولولي لا تسوين كل هذا يعني حطي منبه وسكري الفون نومي اليهال وطلعي من الغرفه

مااااااااااااااااااااااااااااااااااا ااااااااااااقدر
اتم طول الوقت بالي مشغول ما اقدر اسويلي شغله ولا اطالع شي الا وبالي مشغول

تعرفون شلون اذا بتقولين سالفه على لسانج ونسيتيها وتحاولين تتذكرينها بالج يكون مشغول
حتى لو اللي جدامج يسولف او في شي جدامج بس انتي مو معاه
تبين تتذكرين سالفتج

جذي الشعور اللي يصير فيني اذا ماقعدت اعيد واكرر بيني وبين نفسي:eh_s(2):

شالحل؟ له علاج؟ وين؟​

 

[الزيزفونا]

مادرى وش اقولك بس يمكن انتى عودتى نفسك ع كذا ....... تعوذى من الشيطان والله يكون بعونك
ما حبيت اطلع دون رد

 

[مهمومة والله]

عادي حبيبتي
اني هيجي مثلج وعندي 3 اطفال يس بعدين خفت الحالة هسة تعبت وقل اهتمامي بوايد شغلات وتغيرت
الحين اطفالج اصغار واتحبينهم وتهتمين فيهم وايد بس عودي روحج على الثقة يعني اتوقتين الساعة مرة وحدة وخلص وهكذا
الله يحفضلج اطفالج ويخليج خيمة على راسهم

 

[sosowaty]

هاذي وسوسه تعوذي من ابليس

 

[ابي اصير ممثلة]

مافيه شي عندج وسواس الخوف انج ما تنجزين الشي بوقته الحل كتب كل مشاويرج واعمالج بورقة وال سويته حطي عله صح والي بيتاجل كتبي عليه تاجل

 

[سمر شمر]

هذا مو جنون هذا يسمى

((هوس))

اللي اهو انج تكونين جداا دقيقة

وينتج عن عدم الثقة بالنفس ف تكررين الشي مرة واثنين وثلااث

فطنشي نفسج

حطي ببالج اننا كنا بيووم من الاام مثل عيالنا ويمكن مالقينا الاهتمام الزايد وكا احنا شحلاتنا وشزينا ماءشالله
نافينا شي

عالجي نفسج بالعقل بالتفكير بالمنطق
انا اقوولج احيانا اسكر الفرن وارد عليه مرة واثنين

لانني من حبي للي بالبيت صار فيني هوس وبالغت حييل

فلما طنشت ارتحت
والله يهونها عليح ياارب

((بناات تقييمكم اصلح عالمة نفسس هههههههههههه

 

["GloRia"]

والله انتي نفس اختي الله يعينكم

والله ماعندي خبره احسن لج روحي لطبيب نفسي يعرف بهالسوالف

وان شاءالله يحل مشكلتج

 

[سفيره الكويت]

انا شوي من حالتج بس انا اكرر الشغله مرتين مو اكثر ساعات مادري طفيت السياره او لا ارد اجيك او مادري حطيت الفون صامت او لا

ارد اجيك بس كثره التكرار حرص وزياده عن المعدل الطبيعي يعتبر مرض حاولي تقليلين عدد التكرار وخلي هالشي بينج وبين نفسج

وبتلقين نفسج عالجتي روحج باذن الله

 

[دلوعة صلوح]

حبيبتى انتى اتوسوسين وايد ودقيقة بكل الامور وما انتبهتى لهشى الا عقب العيال

الانة صار عندىج شئ مهم بحياتج تخافين على .. تعوذى من ابليس ومافيج الا العافية يارب العالمين.

 

[مزاااج]

بالنسبه لعيالج استودعيهم الله
يعني لو راح توقفين ع راسهم وهما نايمين والله كاتبلهم شي لاسمح الله اقتنعي انج ماراح تردين شي
بس لما تثقين بالله وتستودعينه اطفالج حتى لو انج بآخر الدنيـــا الله سبحانه راح يحفظهم لج
وقولي حق نفسج اذا شيكت عليهم ايده جدامه ونايم ع اليمين ومادري شنو ماراح استفيد شي ولاراح ارد عنهم شر الله لايقوله
الا بالدعاء لهم وانه يحرسهم بعينه التي لاتنام

وع فكره اعرف ناس واااجد مثلج واحيانا انا منهم بسالفه التكرار

​

 

[S 7LaWa S]

وااى والله شسوي مو بيدي
قتلكم شنو الشعور اللي ايني اذا ماكررت الشي وأكدت عليه

بس فكرت اروح الطبيب بس شنو علاجه؟
مادري حاسه مامنه فايده

ابي اصير ممثله هم فكرتج حييل عجبتني بس يبيلها 24ساعه معاي هل ورقه والقلم احط صحح عشان ما ارد واجييك على الشي

اييه بنات عيل انا عبالي بروحي محتااسه بهل شغله
والله ودي اترك هل شغله

 

[قل علها خيره]

الله يهدي بااالج .,’~

 

[نوني الحلوه]

انا فيني هالشي
لدرجة رحت المطار ونسيت لاااكب الزباله وانتو بكرامه قعدت احن على زوجي نرجع تخيلو عشان اكبها خخخ
وركبت الطياره وانا افكر بالزباله ومكتمه ومكشره ولا اسولف عشان ماكبيتها لاني كنت مخططه ونسيت
وحتى بالمشاوير والزيارات لازم ازهب كلشي واغسلة وانظفه حتى التفاصيل التافهه افكر فيها ولو انسى شي اتنكد
ولازم قبل الموعد اقوم بساعه ع الاقل مع اني ماحتاج كل هالوقت
والمنبه بعد نفس حالتك وباب الحمام تكرمين مليون مرا اشيك عليه اذا مقفول او لاا واللحين ولدي كل اشوي اطل عليه وهو نايم واشياء كثيره مهوسه فيهااا بس ماوصل لحد اللحين لدرجة هوسك واختي اللي هي عكسي تماما كل شي يجيها بالبركه وماتخطط لشي ولا تدقق على شي ومتوكله على الله احس مشالله متيسره امورها حتى شخصيتها هاديه وريلاكس وثقه اما انا دايم متوتره لاني مثللك فيني هوس وبالي ينشغل على اشياء ماتسوا
لمن تفكرين بينك وبين نفسك تحسين لحضات كثيره تمر وانتي مو قاعده تستمعين فيها وعمر يروح وانتي بجد ماتستمعين فيها ولا تعيشين اللحضه وقاعده تاذين نفسك وعياللك تذكري ممكن ياخذون هالطبع منك

اول شي خلي عندك توكل ع الله واشغلي نفسك بالطاعات النوافل والصيام والاستغفار
ثاني شي اقري ايات السكينه والانشراح وانفثي على نفسك بعدها بتحسين نفسك ريلاكس ان شالله
وقاوومي هالافكار الداخليه اللي فيك ولاتعتقدين الامر محتاج لدكتور نفسي متى ماكبرتي الموضوع بيكبر
وماازود ع اللي قالوه البنات من نصايح
وسلامتك

 

[! هُوْ وِينِه !]

آسمه إكتئآب مآ بعد آلولآدة
دكتور نفسي وإن شآءالله تنتهي مشكلتج

 

[! هُوْ وِينِه !]

انا فيني هالشي
لدرجة رحت المطار ونسيت لاااكب الزباله وانتو بكرامه قعدت احن على زوجي نرجع تخيلو عشان اكبها خخخ
وركبت الطياره وانا افكر بالزباله ومكتمه ومكشره ولا اسولف عشان ماكبيتها لاني كنت مخططه ونسيت
وحتى بالمشاوير والزيارات لازم ازهب كلشي واغسلة وانظفه حتى التفاصيل التافهه افكر فيها ولو انسى شي اتنكد
ولازم قبل الموعد اقوم بساعه ع الاقل مع اني ماحتاج كل هالوقت
والمنبه بعد نفس حالتك وباب الحمام تكرمين مليون مرا اشيك عليه اذا مقفول او لاا واللحين ولدي كل اشوي اطل عليه وهو نايم واشياء كثيره مهوسه فيهااا بس ماوصل لحد اللحين لدرجة هوسك واختي اللي هي عكسي تماما كل شي يجيها بالبركه وماتخطط لشي ولا تدقق على شي ومتوكله على الله احس مشالله متيسره امورها حتى شخصيتها هاديه وريلاكس وثقه اما انا دايم متوتره لاني مثللك فيني هوس وبالي ينشغل على اشياء ماتسوا

لمن تفكرين بينك وبين نفسك تحسين لحضات كثيره تمر وانتي مو قاعده تستمعين فيها وعمر يروح وانتي بجد ماتستمعين فيها ولا تعيشين اللحضه وقاعده تاذين نفسك وعياللك تذكري ممكن ياخذون هالطبع منك

اول شي خلي عندك توكل ع الله واشغلي نفسك بالطاعات النوافل والصيام والاستغفار
ثاني شي اقري ايات السكينه والانشراح وانفثي على نفسك بعدها بتحسين نفسك ريلاكس ان شالله
وقاوومي هالافكار الداخليه اللي فيك ولاتعتقدين الامر محتاج لدكتور نفسي متى ماكبرتي الموضوع بيكبر
وماازود ع اللي قالوه البنات من نصايح
وسلامتك

الله يعينج
إلي معآج وسوآس قهري
روحي لدكتور نفسي
حآله حآل آي دكتور
عسى ربي يشآفيكم ويرفع عنكم يآرب

 

[ام فواازي]

ياليتني نفسج انا من كثر الشغل والامور اللي في بالي من دراسه و دوام وبيت وعيال ماعندي وقت افكر مرتين او اتاكد من الشي اللي السويته انتي يمكن ماعندج غير عيالج ومتفرغه لهم باجر بس يكثرون وتكثر مسؤولياتج بتلهين عن هالطبع

 

[أو عبوش]

ابشرج انتي فيج او يبي يصير فيج فـــــــــرّي بالراس

لان انا صار لي هالحاله وفري 3 اصابع ونص


ترى قسم بالله اتكلم جد


وبدايتها صداع قوي
ونرفزه
وعصبيه
ونسيااااااان قوي



واذا تبين تفاصيل اكثر او شلون عالجته عالخاص قوليلي

 

[ام كوثر2007]

ان شاءالله منتي محتاجه علاج ولا اطبه نفسيين ..


اللى فيج مجرد حرص زايد لا اكثر ومع الوقت يخف


تدرين انج صغيره وتوج متزوجه ويبتي هاليهال فوق بعض .. وكبر المسؤوليه عليج اهي اللى خلتج جذى تحسين


لانج خايفه وحاسه نفسج لو سويتي اي غلطه بتقولين لاني ما كنت حريصه .. عشان جذى الحرص زاد عندج


شوفيها من ناحيه ايجابيه عادي .. قولي اني حريصه ودقيقه علي عيالي ومواعيدي عشان جذى انا جذى ..


وصدقيني هالشي بيستمر معاج لا راحو المدارس . وبتظلين طول ما انتي بالبيت توسوسين وتفكرين شكلوا ششربوا .. راحو الحمام اخاف يبجون اخاف يخافون .. ومن هالامور


بعدين لا اكبروا اشوي خلاص بتخف حالتج هذى وان شاءالله ما عليج الا العافيه .. انتي بس تعوذي من بليس ودايم قبل لا تطلعين من البيت قولي اللهم اني استودعك عيالي وبيتي .. وهمن لمن ينامون .. قولي يارب استودعك عيالي .. وان شاء الله ربي بيحفظهم لج بعينه اللى لا تغفي ولا تنام ..

 

[شقـــرديه]

وييي الله يعينكم

 

[أنسأنة غير]

عالجي نفسك مثلا رقية بالقران كلام ربي هو الي بيشفيك