آآآآآآآآآآآ ه طالعة من قلبي ...كنت احاتيكم ..احين ابيكم...

[إباء الروح]

بسم الله الرحمن الرحيم
قبل لما أقرأ عن اللي زوجها عنه ضعف حيل احزن عليهم واقول وشلون شعورهم وحياتهم كيف ماشيه بالهمشكلة ...
للأسف اليوم كان عندي موعد ..وللأسف ان زوجي عدد الحويمنات 8 مليون بس ..والحركة هم ضعيفة هي قالت لي كم نسبتها بس نسيت لاني حيل انصدمت ...
طبعا الحمد لله عندي اعيال وكلهم جايبتهم طبيعي ...
هذا من ناحية زوجي ..
انا سويت اشعة الصبغة وكانت النتيجة سليمة ..
وهرمون الحليب سليم...
المشكلة ان عندي الغدة الدرقية ...
وهنا هم عندي استفسار ...
الدكتورة قالت لي انت ...نتيجتك 5 بينما الطبيعي 4 ؟
ابغى اعرف هل هو فرط في نشاطها؟
طيب هالارتفاع يعد بسيط جدا ؟ولا متوسط؟
طيب ...عندي هم شعر بالذقن شوية مو كثير حيل ..وعندي تساقط فضيع في الشعر ..وهم سمنة شوي ..اعتبر عندكثيرين وزني طبيعي بسش بالنسبة لاكلي اللي دايم اقلله المفروض اضعف ولو اشوي ...
وهم امساك من كذا سنة ..والدورة دايم تتقدم ..وحدها غزيرة...
الدكتورة قالت بتعيد لي التحليل ..ماعطتني شيء عشان الغدة قالت بتتأكد بتعيد التحليل صج صحيح...
ماادري شكتب...
اليوم من جيت وانا مو مشتهيه اكل وهمزوجي وثنينا مصدعين..يمكن مو مستوعبين...
طبعا الحمد لله عندنا عيال 3 ومشكلتنا مو مستعصية بس كانت صدمة ..كنت قبل مراجعه عند دكتورة وقالت لي البويضات عندج صغار ..الصرااحة كنت متوقعة نفس الشيء ...
اللحين صرت اهدء ..ولله الحمد ...الصراحة عندي ثقة اني بجيب عيال بعد ..بس ماابي اطول كثير ...
المطلوب منكم خواتي ...
زوجي ...طبعا معاه سكر وضغط وكوليسترول ...شهر واحد بس خذا منظم حبوب بعدين اتركه...
طبعا الحين حولته الدكتورة عشان يتعالج...
ابي نصايحكم..عشانه..
وابي حالتي هل بالفعل عندي ارتفاع في هرمون الغدة...
ولا كيف؟
انتظركم والله محتاجتكم وسامحوني طولت عليكم ..والله من جيت الظهر وانا اقول مالي غيركم ..
بس ماحبيت اكتب حزتها لاني كنت متأزمه...
والله يرزقكم ويرزقني معكم.

 

[إباء الروح]

ا نسيت
طبعا الدكتورة قالت لي ان السكر والضغط يأثرون على الرجال؟؟
وانا قبل سمعت انهم ما يأثرون؟
وهم قالت لي ان التدخين حيل له دور كبير في مشكلة زوجي وسألتني مرتين هل هو يدخن؟
طبعا الحمد لله زوجي مايدخل ولا يحب حتى ريحة الدخان.

 

[الزيـــــ^^ـــــن]

حبيبتي مادري شقووولج ،،،،ليش ماتغيرين دكتووورتج اذا موواثقه فيها

علشان تتإكدين اكثر وتروحين لاحد موثووق فييييه

 

[الكادي 2011]

حياتي عندك كسل بالغده وبسيط

 

[الريشة]

عندك خمول بالغدة الدرقية و التحليل المفروض أقل من 4
يعني انتي مو وايد خاملة بس لازم تاخذين دواء على حسب جرعة الطبيبة
و أنصحك لعبي رياضة لأنها تنظم إفرازات الغدة ،
و اكلي حبوب فيتامينات باء B complex من الصيدلية لأنها تساعد في تنظيم الغدة الدرقية الخاملة، و شربي شاي المرقدوش لأنه ينظم الهرمونات بالجسم.
و اقري الرقية الشرعية انتي و زوجك.
و يمكن حبوب الضغط اللي ياكلهم زوجك لهم آثار جانبية على الإنجاب ، قولي له يسأل الطبيب عن أحسن نوع لحبوب الضغط عشان ما يسببون له ضعف.
و السكر لازم ينظمه زوجك و يمتنع عن الأكل اللي يرفع السكر مثل: الحلويات و المشروبات الغازية و النشويات و خليه يشرب حلبة لأنها مقوية و خل يخلطها مع الحليب.
و همن زوجك خليه يلعب رياضة معاك عشان ينتظم السكر عنده و الكولسترول و خل يبتعد عن الأكل المقلي و يكثر من الخضروات و ياكل بصل وايد.
و قولي لزوجك ياكل حبوب فيتامين اي E لأنه مقوي للإنجاب بإذن الله
و قولي الحمدلله إنه عندكم عيال ، الله يحفظهم لكم ان شاءالله

 

[الغــــرور]

الله يكون بعونك يارب.... بس لاتشيلين هم.. موضوعك بسيط باذن الله..
والحمدلله عندك عيال.....

زوجك حاولي تعطينه فيتامين e لانه ممتاز..... وكثري لع سي فود ومكسرات....
ومثل ماقالوا الخوات خليه يسال عن الحبوب اللي ياخذها.......

وبالنسبة لك للغدة بسيطة ..... في حبوب لها بس وحاليا مايحضرني اسم الدواء.... والرياضة منشطة للمبايض..
وحاولي تخففين اكل بس لفترة معينه حبيبتي.......

وعسى ربي لايضيع تعبكم يارب.....

 

[دمعة^حزن]

حبيبتي مشكلتج ومشكلت زوجج بسيطه انتي الحمدالله مشكله الغده تنحل وزوجج خليه يكثر من العسل حيل مفيد انا ادري ان مفيد ويزيد عدد الحيوانات المنويه بشكل خيالي بس زوجي اقعد احن احن عليه ماكو فايده مايحب العسل موفقه حبيبتي وطمنينا عليكم

 

[إباء الروح]

مشكورين بنات ماقصرتوا ...
يعني اللي معااي كسل ..انا كنت ملخبطه بين انه كسل او افراط فيها..
وعلى فكرة اخر بنت جبتها من ولدتها وهي معاها كسل بالغدة الدرقية وتاخذ علاج من وهي صغيرة ...
زوجي قال بيسأل دكتور بنت لانه معاه بالدوام بس اليوم ماقدر حده مشغول ...
وزوجي الحين ماياخذ اي نوع لا حبوب سكر ولا ضغط ..شهر واحد خذا العلاج وخلص ولا راجع مرة ثانية ...
ومن ناحية الحلويات والاكل المالح ابد مايقرب منه اصلا سبحان الله اهو مايحب الحلويات ابد واكله حده صحي وحتى المالح ماياكل واايد دايما اكله ملحته متوسطه ..وسبحان الله جاه السكر والضغط...
اليوم خذا موعد بعد اسبوعين ..من عيادة المسالك ؟؟هل هو بالفعل المفروض يتحول لعيادة المسالك البوليه؟
ومشكورين ماقصرتوا ...
بس سؤال اخير:
الغدة بالنسبة لي على وضعها تمنع الحمل؟ اولا؟
واذا ماتمنع اتوقع تأثر عليه لو حصل؟

 

[خاشعة للرحمن]

يأختي خلي زوجج يكثر من المكولات البحرية وبدأت الروبيان زين حيل
وأنت معاج غدة خاملة. مو مرتفاع وأيد أنا فيني غدة خاملة. وطبعااا العدة إذا
ماتاخذين العلاج ممكن يأثر عليج بالصنا وغير تساقط الشعر من العدة لازم تبدين علاج يااأقلبي
وربي يرزقج بالولد الصالح ياربي ويشفي زوجج يارب ويرزقكم يأكريم. وإذا
زوجج مدخن يتركة لأنة تأثيرة كبير

 

[إباء الروح]

ومن ناحية الاكل كل فترة اخفف حيل لدرجة حدي اتعب وامشي بس للاسف بدون فايدة عشان كذا كنت شاكه من قبل بالغدد.

 

[إباء الروح]

خاشعة للرحمن
زوجي مايدخن
بس كنت اقول ان الدكتورة ركزت على موضوع التدخين قلت اكتبه لعلى وحده تستفيد وتعرف ان التدخين يأثر على الرجل ..
زوجي ماعمره فكر اصلا انه يدخن والحمد لله.

 

[الريشة]

أختي لازم تاكلين دواء خمول الغدة الدرقية و اسمه ثيروكسين و راح تكتب لك إياه الطبيبة عشان تحدد لك الجرعة و يمكن راح تعطيك الحبة 50 و تاكلينها الصبح على الريق و قبل الريوق بنص ساعة و تنتظمين تاكلينها كل يوم بنفس الوقت أفضل.
و إذا ما كليتي الدواء ما راح تنتظم الغدة و بالتالي ما راح تحملين و إذا حملتي و ما كليتي الدواء أثناء الحمل راح يأثر على الجنين و ممكن يطيح أو يتشوه ......
حتى أثناء الحمل لازم تسوين تحليل الغدة كل شهر أو شهر و نص.
و اكلي سمك وايد لأنه زين حق الغدة مع ممارسة الرياضة و اشتري فيتامين باء المركب من الصيدلية و جربيه.
و لا تنسين قراءة القرآن و الصدقات للفقراء

 

[زوجة عزيز]

الله يشفيكم ويرزقكم يارب

 

[لاجل عينه]

الله يشفيكم يارب ويرزقكم

انا امي وخالتي كلهم فيهم غده الحمدلله يحملون طبيعي
بس لاتخلين عمرج راجعي

 

[إباء الروح]

مشكورين خواتي والله ماقصرتوا
الله يعطيكم مرادكم.
ان شاء الله بحلل مرة ثانية قريب ...
واعطيكم النتايج.

 

[دمعة^حزن]

لي طلعت النتايج طمنينا عليج

 

[إباء الروح]

المشكلة ان الدكتورة قالت لي سوي التحليل 3 يوم من الدورة واللحين الدورة متأخره مو راضية تجي ...
يوم السبت بحاول مع زوجي اروح احلل حتى لو ماجات.
وشكرا لهتمامكم خواتي.

 

[رهووومه]

انتي الاعراض اللي عندج كلها اعراض الخمول التعب وتساقط الشعر و السمنه والامساك وغيره..
واهي ماتاثر على الحمل اذا ضبطتيها ... و الخمول اللي عندج ترا مو وايد .. انا مره وصلت 14 بس ساعات حتى لو نسبه بسيطه بس الاعراض تظهر بوضوح.. اهم شي تتابعين عند دكتور شاطر يضبطها لج ..