؟؟ شنو اللى قاعده تقدمه قناة الوطن؟؟

[عمرى شقا]

اليوم موضوعى هو علامة استفهام كبيره؟؟؟؟؟؟؟؟؟؟؟

لما تقدمه قناة الوطن أحيانا عبر برامجها وخاصة برنامج تو الليل

واتمنى اعرف ماهى الفائده مما تعرضه ؟؟؟؟؟؟؟

ماهو الهدف من إنها تقابل أشخاص ليس لهم تلك الأهميه وليسوا

اصحاب مراكز أو ناس مثقفين أو لهم ثقل على المستوى العام

بل مواطنين بسطاء وعلى نياتهم ,,,,

وتعرضهم بهذا الشكل المخجل كما حصل بحلقة الخطاب بوحمد

اللى عرضوا له عدة لقطات صراحه مخجله ساخره

إذا اهو ممكن مسكين ودفع له للموافقه على القيام بها بقصد

التربح وجذب المشاهدين .... المفروض أنتم كقناه إعلاميه

كويتيه تحرصون على شكل وكرامة المواطنيين الكويتين وعدم

إظهارهم بهذه الصوره أمام دول العالم اللى تدور الزله علينا

حتى لو كانوا أهم ذكائهم محدود وبسطاء المفروض انتم تكون عون لهم

ولاتكشفونهم أمام المتشمتين ... قبل التفكير بالربح المادى فكروا إنه كويتى

وكرامته من كرامتكم ككويتين وأنا لااخص موضوع بوحمد بس بل هناك الكثير

مثل سلوى المطيرى .. وأم على وغيرهم الكثيرين

 

[kndora]

الحمدلله مو من متابعي برامجها

ويمكن اهيا قام تقدم جذي عشان ترضي جمييع الناس يعني

ويمكن لان ما عندها شي

 

[هنـــد]

الله يهدي الجميع

 

[غلا بنت الكويت]

صج والله قناة الوطن مرات تحط شغلات تافهة ومثل ماقلتي عن حلقة تو الليل يوم حطوا اللقاء مع الخطاب أبو حمد بصراحة اللقطات اللي حطوها تفشل وجنهم قاعدين يتطنزون عليه وبعد لما حطوا سلوى المطيري ويتمسخرون عليها بأسئلتهم ويضحكون عليها وخلو الناس تضحك عليها

بس كلمة حق لازم أقولها إنه في برنامج تو الليل وبالتحديد في حلقات المحامي خالد عبد الجليل في بعض الأحيان تنعرض شغلات ومواضيع وايد مهمة وهالبرنامج يسلط الضوء عليها

وعلى فكرة فيه برامج وايد حلوة عالوطن ومفيدة مثل برنامج الشيخ نبيل العوضي وبرنامج صباح الوطن وفي ضيافتهم وبرنامج الجاسم يعني شوفي اللي يناسبج وتابعيه

تحياتي

 

[dob106]

بهذه النقطه انا معاج ليش تستضيفهم وتمسخرهم ولا تنسين استضافتهم للبذالى ايضا والنغزات اللى قطهم عبد الجليل عليه ؟؟؟؟

 

[سنابرق]

بصراحه في حلقات مهمه يعني مثل العلاج مساعدة الناس الفقيره الي محد يدري عنهم اما الحلقات الي فيها استخفاف لا والله فشله ولا اطالعها لانه عيب اني احط احد وافشل فيه وبعدين الناس كلها تشوفه لا لا مانرضى

 

[:: Diva ::]

القنوات الخاصه سلاح ذو حدين

انتي انتقي الي تبين تشوفينه
و بنفس الوقت ما نقبل ان تتم السخريه من الناس


بالفعل انا تفشلت لما شفت ابو حمد
فما بالج فيه و باهله !!
و نفسهم و صلوا سلوى الى فوكس !!
و خلوا العالم كله يضحك علينا و على الاسلام


عيب عليهم والله استغلال سذاجة الناس في الضحك عليهم

 

[فلنتينو]

قناة فتنه وسخريه وخاصتن تو الليل
اللي تجيب الناس وتستهزئ فيهم وتمصخرهم ليش هالهدف مااادري

يعني الخطاب بوحمد مصخرووه اخر مصخرره

 

[FeShinGoOo]

اي والله وانا هم اقول نفس الكلام ايبون الناس يتمسخرون عليهم شالهدف بالله ؟؟ اي فئه يبون يجذبون من ورى هالسخافه ؟؟

 

[منو انت]

بصراحه توالليل كان برنامج قوي ايام محمد المنصور وناديه صقر بس ماادري شنو صار بالفتره الاخيره تحسين يبون يلفتون نظر المشاهد باي شي والدليل شكثر ناس ماصارت تششوفه الا بحلقه المحامي بس مهما كان مفروض مايسمحون لحالهم يتعدون على الناس بالطريقه هذي

الله يهديهم

 

[طالبه مصدومه]

بخصوص الخطاب ابو احمد والي تقول تفششلت لما طلعوه للمعلومة. اصلا هو موكويتي وهالشي متأكده منه جنسيته عراقيه بس عايش بالكويت يمثل نفسه واصلا شغلته يترزق من ورأ شغلته ،،،،كانت عنده معامله عند وحده من رفيجاتي. تقول الله يهديه يفتر بالوزارات يوزع أوراق يروج عن مكتبه للخطابه استغفرالله بدل مايستضيفون ناس يفيدون الناس يجيبون هالاشكال *

 

[e.ngland]

على ايام المنصور وناديه
كانت حلقات المحامي دائما وبأستمرار انشاهدها
اما الان ما عندهم غير الطنازه
احس المحامي يضحك وفيه ضحكه
والخطاب وقبلها حلقه ان بنت عميه اسم الله عليها الله يشفيها
مو صايرين يقطعون يروحون ويسلمون ويصفقون ع نهاية الحلقه
ليش ما يصورون الغدا بعد

ع العموم الله يهدي الجميع
ومشكوره

 

[sweet.sanfoora]

تو الليل كبرنامج كان حلوو احس غادة الرزوقي خربته حيل مستفزة !

اما بخصووص الخطاب بو حمد و غيره : المفرووض القناة ما تستغلهم بهالشكل هذا من ناحية اخلاقية بحته

اما من الناحية القانونية: محد طقهم على ايدهم ! << اكيد هذا مو رايي بس هذا حجي القانون

وبثث

 

[تذكر خافقي رمحك]

مو كاسرة خاطري الا سلوى المطيري
إلعبوا بحسبتها مسكينة
وطبعا خالد عبدالجليل حدث ولا حرج
بس يستهزأ بضيووفه

 

[شوق@ذوق]

?????????????

 

[Miss Cherry]

خالد عبد الجليل يدور مادة اعلامية يضحك على الناس فيها ... ومرات احس يستغال معاناة الناس وقضايا حساسة مثل العلاج بالخارج والله بجانا مع الحالات اللي طلعها والفساد اللي صاير بادارة العلاج بالخارج ماتشيله جبال

سالفة الخطاب بو حمد هذي فلم بروحها .. شنو تمصخر وضحك الناس عليه مادري منو بيروح له بعد اللي انعرض مبين انه نصاب يبي الفلوس بس

بس بالاخير اهو ما غصب احد اهما طلعوا برضاهم ..

 

[& شرطان الذهب &]

علييييييييييييييييييييييها فصلات قنااه الوطن واجد

 

[مآلكني غلآهآM]

الله يهدي الجميـــع​

 

[mngo67]

بطلت أشوفها

 

[فاقده ابوهاااا]

صح عبدالجليل يقهرني بعض المرات شنو يعني اييب الخطاب بوحمد ويسوي منه اضحوكه وعلى العجيرب يركبه حصان ويطيح ومره يطق مسمار ومصخره الصراحه قمهههههههههههههههههههه في اسفاف والتفاهه والظاهر خلصت المواضيع عنده فقام االاخ يتخبط ويسوي شغلات حتى لو تعطي برنامج حق طفل بو 5 سنين يمكن يقدم يقدمه بصوره احسن وافيد استغفر الله ياربي والشرهه على بوحمد الي ماشي معاهم وامسوي من نفسه مصخره له ولخالد