موتي ولادمعه امي
New member
اغناك الوقت عنّي
صحيح اغناك الوقت عنّي ونسّاك
وقتٍ مضا كنت ترجيبه وصالي.
ماحسبت اني لو قويت بنساك
لكن فعولك مايحتمل صبرها حالي.
رحّ للي على قلبك تجنّا وقساك
ياليت فيه لو ثنتين ٍ من خصالي.
ياما مشى قلبي عشانك ومشّاك
وياما سهر جفني على بعدك ليالي.
ياما تخليت عنّي ولا يوم خلاّك
ياما صبر لطعون صدك باحتمالي.
ماذخر عنك شيٍ يكسب رضاك
ولا دوّر على الزلات ولوله مجالي.
صدّ عن وجيه البشر كلها ثم جاك
وغدالك عن هجير المحبه ظلالي.
ماتعب ولا اجهده بالليل مسراك
مايرده عنك المسافه ولاهاب الرجالي.
وليا منه تمنى ماتمنى غير لقياك
ولا طلب منّك غير الوفا والوصالي.
لا اقبلت حيّا ولا اقفيت حياك
عند الموادع يخفي عنك الدمع لاسالي.
ويوم انه جار وقته وجاك ينخاك
يبي وقفتك وياه يوم انه غدالي.
من ايام الزمن مع شين مسعاك
طعنة اليمة ماله عليها احتمالي.
تخليت عنّه وارخيت العزم ويّاك
والقلب حسّ بخطاه وبينت الخطا لي.
منقووووووووول
