××× ذهبــــج .. بعتيه أو أحتفظتي فيه..؟ ×××

[sunshine22]

مرحبا بنات

سؤالي من العنوان

في بنات شكر اعرفهم منهم يقول ما قعد الذهب عندها وطيرته كله,,,,,مع انهم صغار
وبنات لا والله خاشينه للزمن


والباجي باع نصه ونصه لأ وفي اللي احتفظ بقطعه وقطعتين


اول سؤال تؤيدون بيع الذهب.؟
ثاني سؤال هل يعتبر ذخر للمرأه.؟
واذا باعته وزادت فيه وديعه مثلا هل احسنت التصرف ام لأ,,,,,,,,,,,,,,!! وهذا اللي بسويه تنصحوني ابيع ذهبي واخشه مع الوديعه اللي عندي وازيدها من راتبي سنويا حق الزمن​

 

[عنايد]

لا والله خلي ذهبج عندج الذهب مثل الاسهم كل ماله بالصاعد وسعره فيه

انا تندمت اني بعت ذهبي ولا جان الحين جايب لي دبل سعره

 

[**الغلا والغرام**]

انا كل سنة أبيع طقم آخرها الإسبوع اللي فات وجاب لي مبلغ ضعف المبلغ اللي شريته فيه

بس دايما أكون مضطرة لبيعه وألحين ما بقى شي عندي بس بصراحة حاااااز بخاطري أن ماعندي شي ألحين

يالله شنسوي الحمدالله على كل شي

 

[sunshine22]

صاجه الذهب مثل الاسهم

بس انا اذا ببيعه ببيعه لي ارتفع


الغلا والغرام
---------
لا ان شاء الله انا اذا نويت ماراح اطير المبلغ لأ ابي اخشه وازيد عليه كل ماالله قدرني من راتبي
لان احس مالي طريقه للتحويش غير جذي

انا حيل مبذره ونويت اني اتسنع واجمع مثل الناس

 

[غلاي غير]

ماانصحج صراحه الله لا يقوله اهلنا مانفعهم بايام الغزو الله لا يعيده الا الذهب والا الفلوس طاحت

 

[فرح العجرف]

لا تفكرون ببيع الذهب الا للشديد القوي <<<الله لايقولهااا

اصلا احسن شي كل ماطاح بيدج فلس اشتري فيه سبائك ذهب بسعر الغرام بدون مصنعيه
وخشيه للزمن .

لاتقولين وديعه ما وديعه يوم الغزوو ماشفناا ودائع ولافلوسناا بحساباتناااا

علي قولت وحده من الاخوات مانفعناا غير الذهب ....

 

[قلبي ابيض]

بعته الله يعوضني << قولو امييييييين

 

[شهودة البطة]

المحتاجة وانحدت على بيعت الذهب الله يعينها ويرزقها بس انج تبيعين علشاان تخشين الفلوووس ما دري الذهب على قولتهم زينه وخزينه يعني حلو اذا بغيتي تكشخين فيه موجووود عندج وفلوووسه محفووووظة فخلي الوديعه وزيديها من معاشج احسن لج

<<<<<< باب النجار مخلع خخخخخخخخخخ

 

[sunshine22]

للرفع

 

[*البدرة*]

بقولكم شيء.....
يمكن بكسر خاطركم...؟ بس هذا الصج
تدرون ما عندي ولا شيءء ذهب...؟!! من زمااان
"
"
وانا لو لو عندي كنت اخشه ذخر للزمن..
وانصح كل وحده انها لا تفرط بذهبها لو شنو..

 

[sunshine22]

يووه البدره

ابشرج منتي حاله نادره شكثر نفسج

وانا يحسره عندي واحد بس هو الهامووور

 

[روزالكويت]

الله يرحم ذهب عرسي شبكتين وسبحه بس ثقال وشي شي
وبعتهم بخساره ضحيت فيهم لسبب قوي قوي والحمدالله على كل حال
حاليا ماعندي ولا قطعة ذهب اللهم خزامه بدينارين ونص مطليه ذهب ههههههههه بس
عندي الماس شبكتى مومفكره ابيعه كلش لان ماراح يعطيني سعره اللي شريته فيه وبخليه ذكرى
و بعطيه بنتى هدية عرسها اذا الله رزقنى بالضنا يارب<<<شفيها الملكه فيكتوريا هههههههههههههههه


اعرف جارتنا هذى تجارتها السبائك الذهب تشتري وتكود ولي صار ارتفاع بالذهب باعت وماشالله تقول جايبه همها الشغله ..

 

[*البدرة*]

لله يرزقنا يا رب ويرقكم