×××××××آشعآر فهد المسآعد { صوتي + كتابه } ××××××××

[عذبه الروح]

~الســلام عليكم ورحمة الله وبركاته ~

{اليوم بحط لكم آشعار احبها حق فهد المساعد }

{صوتي + كتابه }

وآن شاء الله يعجبكم الموضوع وما يكون مكرر


{ صدفه }

الشوق مالـه عمـر , يفنـى وينعـاد
له في الضلوع أن عاد وأن غاب رجفه


مع كل فرقا , لـه ورى الجفـن ميـلاد
وأن ماتت الفرقا لقـى الشـوق حتفـه


جيت أقتل الفرقـا مـن بـلاد لـبـلاد
مـلّ الطريـق يشيلنـي فـوق كتـفـه


وأنا بعد مليـت مـن كثـر مـا أرتـاد
هالشارع اللي كـان لـك فيـه شرفـه


تظمأ عيوني شوفـك , وتشبـع سهـاد
عيّا الزمـن يقطـع ظماهـا بـرشفـه


لاوجهـك أسقاهـا , ولا ذاقـت رقـاد
ماغير طيفـك , طيفـك اللـي أعرفـه


كنّه ظبـي , وعيونـي ظـلال صيـاد
يجفـل قبـل يرتـد للجـفـن طـرفـه


مشكلته أنـه كـل مـا أشتقـت يـزداد
حتـى مـلا جـدران وقتـي وسقـفـه


وأصبحت أشوفه فـأول الغيـم لاجـاد
وفـأقصى الشفق لاطاحت الشمس خلفه


وفي الأرض لانامت عقب صوت رعاد
وفي كل شبـاك ٍ صحـت منـه درفـه


أتعبـت طيفـك لـوم , واللـوم مافـاد
ويوم الأمل في شوفتـك مـات نصفـه


نويت أسافـر عنـك بجـروح ٍ جـداد
وعمر ٍ من أوراق الزمن حـان قطفـه


نويت , لكـن جابنـي الشـوق منقـاد
وجابك حنينك , والزمن سـال عطفـه


شفتك تبسّم لـي خجـل مـدري عنـاد
وفي نظرتك شوق ٍ من الظلـم وصفـه


حسيت كني طفـل , وعيونـك أعيـاد
ياعيدي اللي له ورى الصـدر رجفـه


سـمّ اللقـا صدفـة , وأسمّيـه ميعـاد
أنا أنتظرتـك , وأنـت مريـت صدفـه

http://www.youtube.com/watch?v=GMGaYbfPHP8



{ تعبت أسولف لك }

تعبت أسولف لك وانـا مـا تكلّمـت
أسكت أنـا وأتـرك عيونـي تكلّـم
لاتفهم احساسي ولا تفهـم الصمـت
مدري وش أسـوي علشـان تفهـم
ودي أقول فـيوم كم فيك أنا همت.!
لكنّي خايف,,خايـف أقـول وأنـدم
كل ما بغيت أقـول أحبـك تلعثمـت
حتى وأنا أحلـم فيـك كنـت أتلعثـم
كم ضقت منك وكم عشانك تبسمت.!
الله هو اللي بس فـي حالـي أعلـم
أحبـك لحالـي ولا يـوم علـمـت
إحساس أحس الموت من طعمه أرحم
لو بس تدري كيـف أحبـك تألمـت
عن كـل لحظـة منـك كنـت أتألـم
تعبت أسولف لك .. وأنا ما تكلمـت
يارب تفهم بـس ..يـارب تفهـم !

http://www.youtube.com/watch?v=8Ius-Iu3Gzw&feature=related


{ 19 عام }

19عـام .. وبقـى لـك بعـد عــام
ويصير عمرك مثـل ماأنتـي تحبيـن

عقبـال ماتمضـي الليالـي والأيــام
ويمر يوم ٍ فيه اشوفـك تقوليـن : ..

ياشاعـري قـل للدفاتـر والأحــلام
مرت سنـه واليـوم كملـت عشريـن

قلّي كبرتي .. قل كبرتي .. من العام ..
وأنا احتريها .. وأنت ساكت لهالحين ؟!

وأقـول هـذي كلهـا حسبـة أرقـام
هو للسحابه عمر !ردي ؟!وبعديـن ..

مهمـا تكـبّـرك الليـالـي والأيــام
تبقيـن طفلـة قلبـي اللـي تحبـيـن
http://www.youtube.com/watch?v=wjpRjngwG1Y

{ لحظة الفرقا }

اليـوم صوتـي يناسـب لحـظـة الفـرقـاكانـك تبينـا نتفـارق .. خلّـهـا الليـلـه

من ينتظره الشقـى .. لـو ينتظـر يشقـىدام الشقا ينتظرنـي .. ليـه مااجـي لـه ؟!

ياقلبي المنتظـر .. مكتـوب لـك تبقـى ..محروم حتى مـن اللـي كنـت تشكـي لـه

خـل المراكـب تسـيـر ..و ودّع الغـرقـافي موادع الحمْل .. راحة من هـو يشيلـه

اللـي يـدّور عـذر لفـراقـي .. بيلـقـىيامن نويت المفارق .. قبـل تمشـي لـه ..

أرحل من احلامي اللـي قلـت لـك ترقـىومن روحي اللي ماعاد اعرف من هي له !!

ومن دفترك .. وأرتباك خطوطـه الزرقـا ..ومن كل ضحكه , ودمعه .. فـي تفاصيلـه

أرحل .. و خـذ ذكرياتـك معـك .. لاتبقـىساعدني أرجـع لنفسـي كـان لـك حيلـه

علمتك الوصـل .. علمنـي علـى الفرقـامحتاج لي قلـب .. يشبـه قلبـك .. الليلـه

http://www.youtube.com/watch?v=AhoonXK465U

{ آحتياج }

يوم هبّ الوقـت وأعمانـي عجاجـه
الفرج عيّـا .. وأنـا بالصبـر راهـي

ويوم مال وطـال ميلـه وأعوجاجـه
رحـت أدوّر شـي ٍ يشـد إنتبـاهـي

وشفت زولك مقبـل ٍ مثـل إنفراجـه
كنّـه اللـي جايـبٍ عـزّي و جاهـي

يـاه ياضيقـات صـدري وإبتهـاجـه
تذكر آخر مرة ٍ شفتك ..متى هـي !!

صاحبـك مـن يومهـا زاد إحتياجـه
وأمتطى ظهـر المصايـب والدواهـي

سولف الليلـه علـى قلبـي و ناجـه
من بقى لي غيرك أفخر بـه وأباهـي

يابعـد مـن كـدّر غيابـي مـزاجـه
ويابعد مـن مـرّت حروفـه شفاهـي

رغم حيـرة قلبـك ورغـم إنزعاجـه
الزمن .. ماغيّـر احساسـه تجاهـي

ورغم وحشة بعدك وقسـوة سياجـه
كل حاجـه فيـك ظلّـت مثـل ماهـي

الخجل فـي وجهـك أول مـنتواجـه
والبراءه في عيونـك وأنـت ساهـي

وبسمتك لامـن بغيـت تقـول حاجـه
وغيرتك لاشفـت كنّـي عنـك لاهـي

قبل أشوفك .. والزمن عاقـد حجاجـه
أسأله : وش فيك ؟! وألقى العذر واهي

ويوم شفتك قلت للوقـت وعجاجـه :
هيه ياللي في طعونـك كنـت راهـي

أنت لـو غيّـرت فينـا ألـف حاجـه
القلـوب البيـض تبقـى مثـل ماهـي
http://www.youtube.com/watch?v=8zVJiOzVfSo


برب لحد يرد

 

[عذبه الروح]

{ تعال }

من عز نومي صحيت وشفت في عينـي
دمع تهادى علـى جفنـي وأنـا غافـي

ستـرت دمعـي بكمـي قبـل يغرينـي
وأخذت هذا الجسد مـن باقـي لحافـي

وسريـت تايـه ورا خطـوات رجلينـي
لا الوجه وجهي ولا أوصافي هي أوصافي

أمشـي وأقـول لطريقـي لا توديـنـي
لعيون ناس تبي تـدري عـن الخافـي

أمانتـك.. خلهـا مـا بينـك وبيـنـي
خابرك يالـدرب خـوة عمـر وسنافـي

مـا ودي النـاس تـدري وش يبكينـي
كرامة النفـس ورث أبـوي وأسلافـي

http://www.youtube.com/watch?v=9UKloEcZs5A


{ الرساله }



ياصاحبي جيتك اشكيلك من احوالي
جيتك ومدامك رفيقي ليه اطولها
العلم ومافيه ياول واخر امالي
عندي رسالة ولادري كيف اوصلها
للي سبتني وانا من قبلها سالي
ابيك توقف معي وتروح تسالها
وش فيها تفتح علي ابواب عذالي
وتحمل النفس حاجة ماتحملها
وش فيها رغم الوفا تتركني لحالي
وانا لجفاها تركتا لدنيا باكملها
وان كان هذا زعل علمها يالغالي
ماكان قصدي ورب البيت ازعلها
علمها والي يخلي قلبك الخالي
عن ضيقتي وين وصلت من تجاهلها
علمها كم لي وانا ما شلت جوالي
كله عشان ما قلب رسايلها
علمها وشلون لامرت على بالي
اروح وضم صورتها واقبلها
علمها كيف انشغل عن كثرة اشغالي
واسرح واغمض عيون واتخيلها
علمها عني وعن همي وغربالي
علمها عن كل حاجة فيَ تجهلها
وان شفتها دنقت تبكي على حالي
انسى الكلام وتذكر كلمة وقلها :
قل شاعرك بيعتذر ويعاهدك تالي
انه يرتب حساباته من اولها
ويقول : حتى القصيد الي فبالي والله
ما عاد اكتبه كانه يزعلها


http://www.youtube.com/watch?v=WI2rZOhbIoA&feature=related


{ السحابه }

جف الكلام ومـدت يدينهـا فـوق : ..
.. أخترت هذي .. وأنت شف لك سحابه

قلت .. ويديني تحتضنها مثل طوق .. :
أختـرت هـذي هـذي أكثـر رحابـه

هذي دفا صوتٍ مـن البـرد مخنـوق
هذي سـؤالٍ نصـف عمـري جوابـه

هذي هي اللي عرّفتني علـى الشـوق
هذي قدر .. ماكنـت حاسـب حسابـه

قطعة حزن في جيب بالـي ومشقـوق
ومضة فرح في عيـون نـاسٍ غلابـه

أن سولفت في ثغرهـا لمعـة بـروق
وإن سرّحت في عيونها صمت غابـه

واليا اضحكت نورٍ من الفجر مسروق
واليـا بكـت تحـزن عليهـا الكآبـه

حبي لهـا لـوأدري ان فيـه مخلـوق
قدّ حبّ مثلـه .. قلـت : "ياللغرابـه"

هالآدمي من وين له قلـب وعـروق؟!
والصبر هالمسكين مـن ويـن جابـه؟

وأنـا أتكلّـم .. ردّت عيونهـا فـوق
ثم تمتمت : من هي هالأكثر رحابـه؟؟

قلت ويدينـي تحتضنهـا مثـل طـوق
في ذمتـي ماشفـت غيـرك سحابـه

http://www.youtube.com/watch?v=hYdAJvrRW1s&NR=1


{ فهد المساعد وحده بوحده }

يا غايبه و ان كان فيها جماله
تجمّلي يا أم الحلا و الظفاير

بالله شوفي صاحبك كيف حاله
شوفيه في غيبتك وشلون صاير

صارت حياته ضيق خلقه و بطاله
هم و سهر و أوراق شعر وزقاير ..!!

يعني حبيبك صارت حالته حاله
ما باقي الا انه يدّن العبـــــايـــر

الله لا منه ذكر ما مضا له
قبل الدواير ما تجرّ الدواير

يوم الطفوله و الشقا و الجهاله
يوم الكباير في عيونه صغاير

ايام كان معانده راس ماله
و يسوق لهبال الشقاوه بشاير

يا ما امتلى بالحب و الطيش باله
و ياما امتلت من شخبطته العواير

يكتب عليها: [ عاشقك للثماله ] ..!!
و يخط توقيعه: [ جريح الضماير ] ..!!

ياما اشتكاه ابوه في بيت خاله
و ياما تحصّل من هواك العزاير

مرّه حلف بــ أنه يبطل هباله
و قبل يكمّل .. فك اخوه الستاير

ثم طالع الشباك .. لينك قباله
و فــ أقل من لمح البصر جاك طاير

على صغر سنه مميل عقاله
كاشخ و ناسي لا يصك الزراير

لا شافك يتمتم لحاله بحاله:
لعيون هالشوفه تهون الخساير

و لا شاف زول ابوه حذف نعاله
الحب جاير ... لكن العود جاير

طفلٍ يتيم ورغم الاحزان داله
ما يدري ان حظه مع الوقت باير

كنتي طموحه كنتي اغلى حلاله
كنتي و صرتي .. بس يا ام الظفاير

طفلٍ زرع من ضحكتك في خياله
لين أثمرت شعرٍ هزاله حراير

لا تتركينه في غيابك لحاله
بالله شوفي كيف هالطفل صاير

ووحده بوحده كان عندك عداله
اتبطّلي غيبه و ابطل زقاير .


http://www.youtube.com/watch?v=Ij0gfPtoeUY&feature=related

 

[عذبه الروح]

آن شاء الله عجبكم الموضوع هذي اكثر اشعار احبها حق الشاعر فهد المساعد

وهذآ شعر ان شاء الله بعجبكم } طبعا مو الشاعر فهد المساعد }

http://www.youtube.com/watch?v=9tGjbbCLVJ8


وحياكم الله

 

[@نداوي@]

رد : ×××××××آشعآر فهد المسآعد { صوتي + كتابه } ××××××××

لاهنتي .. يالغاليه ..
ومشكوره ويعطييج العافيه .. على القصايد الاكثر من
رائــعـــهــ .. بنتظار الجديد​

​

:e3:


:balo:

 

[!@Bling@!]

روووووووووووووووووعهـ :eh_s(21):~

سـمّ اللقـا صدفـة , وأسمّيـه ميعـاد
أنا أنتظرتـك , وأنـت مريـت صدفـه

يـــآآآآآلبيــــــــــــه :eh_s(21):

 

[* ليــــدي *]

اليـوم صوتـي يناسـب لحـظـة الفـرقـا كانـك تبينـا نتفـارق .. خلّـهـا الليـلـه

روعه
عساج عالقوه ولاهنتي

 

[sara81]

لاهنتي يالغلا

 

[خفوقي عاف دقاتة]

لاهــنــتــي

 

[غنج اهلها]

لاهنتي خيتو

 

[جرب تبسم]

لاهـــــــــــــنتي ياقـــــــــــــلبي