ضوى العيون
New member
- إنضم
- 7 أغسطس 2006
- المشاركات
- 5,999
- مستوى التفاعل
- 0
- النقاط
- 0
بعد أسبوع .. نورة كانت يالسة في غرفتها أروحها
.. وينج يا أمي .. ليش خليتيني .. أبوي .. ليش ما خذتني وياك .. ليش رحتوا وخليتوني وحيدة .. انا شو اسوى بلاكم ..
أمي .. أماية بنتج بتعرس وانتي مب وياها .. اتخرجت من المدرسة وانتي مب وياي .. دخلت الجامعة وانتي مب وياي .. والحين انخطبت وانتي مب وياي .. هيه يا امي انخطبت .. بنتج كبرت يا امي .. لكنها اكبرت من دونج يالغالية .. ابوي .. امي .. والله مشتاااااااقة لكم موت يا الغاليين .. مشتاقة لضحكتكم .. مشتاقة ليلستكم .. ما اريد اعيش حياتي من دونكم .. ارجعولي دخيلكم .. انا ما اسوى شي بلياكم .. صح يدي ويدتي مب مقصرين وياي .. لكن مهما سووا ما بيعوضوني غيابكم .. امي .. ابوي .. انا حايرة .. ما ادري شو اسوي .. دخيلكم كونوا وياي .. لا تخلوني ..
ونامت نورة ودموعها على خدها .. نامت وهي تتمنى انه الله يجمعها مع اهلها ..
فتحت نورة عيونها .. شافت شي ابيض جدامها .. شي يتحرك .. وشوي شوي يقترب منها .. ركزت فيه
أبوي ؟؟ أمي ؟؟ مستحيل ..
بو نورة : شحالج يا الغالية ؟
نورة ودموعها تنزل وتبتسم : حالي ؟؟ شو بيكون حالي يوم انتوا مب وياي
ام نورة : لكنا نحن الحين وياج
نورة : امي .. دخيلكم لا تروحوا عني .. خلكم وياي .. او خذوني وياكم
بو نورة : بنتي .. اللي صار قضاء وقدر .. ولازم تأمني فيه ..
نورة : مؤمنة يا بوي والله مؤمنة فيه .. بس انا مب مستحملة فراقكم ..
ام نورة تبتسم في ويه بنتها ابتسامة كلها حنان : انخطبتي يا نورة ؟؟
نورة : هيه امي .. شفتي امي بنتج كبرت وبتصير عروس
بو نورة : وان شاء الله بتييب ولد وبتسميه خليفة على اسم ابوها .. هههه
نورة : هيه ابوي .. بسمي ولدي خليفة وبنتي مريم ..
ام نورة : رفعتي راسنا يا بنتي .. صح نحن رحنا لكن خلينا ورانا بنت الكل بيذكرنا بها
نورة : يعني انتوا راضيين عليه ؟
بو نورة : اكيد يا بنتي .. اكيد
ام نورة : انا افتخر انج بنتي يا نورة
نورة : ابوي . . امي .. وين بتروحوا ؟؟ ارجعوا دخيلكم
ام سالم : نورة .. بسم الله عليج يا بنيتي .. شو فيج يالغالية ؟ ليش اتصيحين
نورة : اماية ؟ عيل هم وين راحوا ؟
ام سالم : منو هم ؟
نورة : ابوي وامي .. قبل شوي كانوا هني
ام سالم : بسم الله عليج يا بنتي .. يا بنتي كنتي تحلمين .. قومي فديتج علشان اتصلي وادعيلهم بالمغفرة
نورة : لا يا اماية ما احلم .. كانوا هني وقالوا لي انهم راضين عليه ..
ام سالم : فديتج روحج يا نورة لا اتعذبيني .. قومي صلي واقري قران .. اكيد اهلج راضيين عنج .. قومي فديتج
نورة : ان شاء الله اماية " ااااااه يا اغلى ناسي .. ما تتصورن شكثر مشتاقة لكم .. وشكثر انا فرحانة لانكم راضيين عني .. "
***
في بيت بو خالد ..
ام خالد : سعيد ترا ولدك مستعيل على مريم ويريد يجدم العرس
بو خالد : انزين خليه يجدمه خير وبركة
خالد : هذا الكلام ولا بلاااااش .. اتسمعي يا ام خالد .. خليني اجدمه اسبوعين ولا شهر شو بيضر يعني ؟
ام خالد : شو شو بيضر .. البنت ما بيمديلها تتجهز ..
خالد : افا عليج اماية اذا على مريم خليها عليه .. انا ما ابيها تتجهز ولا شي .. تتجهز بعد العرس .. عطوني اياها بالملابس اللي عليها
ام خالد : وشوا فيك مستقطع جيه على العرس .. يوم انك مستعيل ليش ما طعتني السنة الماضية يوم قلتلك اتعرس .. جان الحين عرست وعندك ولد
خالد : الله يسمع منج يا امي .. كنت غبي وما افهم ..
بو خالد : خااالد
خالد : هلا ابويه ..
بو خالد : اركز شوي غادي لنا شرات الهندي اللي ما عطوه معاش
ميرة : ههههههههههههاااااااي .. حلللللوة .. حلوة منك يا سعود .. وبعد تعرف اتنكت
بو خالد : هههه
ام خالد : وابوي عليج يا ميروه .. شو بعد هذي سعود .. اصغر عيالج هو ..
بو خالد : خليها يا سلامة .. يوم انها ما بدلع ابوها منو بالدلع
سلطان : خلها ادلع ريلها
ام خالد : لا بالله عيالي ضاعوا .. شو هالرمسة سلطانوه .. حد يقول هالرمسة جدام هالياهل ؟؟
خالد : الحين اماية ميرة ياهل ؟
ميرة : قولهم يا خالد .. ما يعرفون قيمتي
سلطان وهو يطالع ميرة ويبتسم بخبث : ما يغرج يا امي .. تراها تفهم اكثر منج ومني ومنا كلنا
ام خالد : واااااابويه .. ومن وين تعرفي يا مسودة الويه ؟؟
ميرة : الحين كل هالبياض وخليتيني سودة ؟
بو خالد : خلوكم من هالكلام اللي ما منه فايدة .. وسمعوني شو بقول
سلطان يوم سمع ابوه يقول جيه ابتسم لأنه عارف ابوه شو بيقول
ام خالد وهي حاسة انه ريلها بيقول شي مهم : ها يا بو خالد .. قول اللي عندك ..
بو خالد : انتوا تعرفوا انه نورة بنت حياة المرحوم خليفة
الكل : الله يرحمه
بو خالد : نورة يوها خطاطيب اخر الاسبوع الماضي .. وانا وبو خليفة سألنا العيال اذا كانوا موافقين وما حد اعترض وكلهم موافقين
ام خالد : اشوووه .. شقايل موافقين ؟؟ لا نورة ماحد بياخذها غير سلطان ولديه
سلطان نزل راسه .. هذا اللي كان خايفة منه .. وناظر ابوه .. يريد المساعدة منه
بو خالد : دام انه ياها نصيبها وهي موافقة ليش نوقف في طريجها ؟
ام خالد : شهالرمسة يا بو خالد .. انت تعرف انه نورة لسلطان وسلطان لنورة .. وهالرمسة من هم صغار ..
.. وينج يا أمي .. ليش خليتيني .. أبوي .. ليش ما خذتني وياك .. ليش رحتوا وخليتوني وحيدة .. انا شو اسوى بلاكم ..
أمي .. أماية بنتج بتعرس وانتي مب وياها .. اتخرجت من المدرسة وانتي مب وياي .. دخلت الجامعة وانتي مب وياي .. والحين انخطبت وانتي مب وياي .. هيه يا امي انخطبت .. بنتج كبرت يا امي .. لكنها اكبرت من دونج يالغالية .. ابوي .. امي .. والله مشتاااااااقة لكم موت يا الغاليين .. مشتاقة لضحكتكم .. مشتاقة ليلستكم .. ما اريد اعيش حياتي من دونكم .. ارجعولي دخيلكم .. انا ما اسوى شي بلياكم .. صح يدي ويدتي مب مقصرين وياي .. لكن مهما سووا ما بيعوضوني غيابكم .. امي .. ابوي .. انا حايرة .. ما ادري شو اسوي .. دخيلكم كونوا وياي .. لا تخلوني ..
ونامت نورة ودموعها على خدها .. نامت وهي تتمنى انه الله يجمعها مع اهلها ..
فتحت نورة عيونها .. شافت شي ابيض جدامها .. شي يتحرك .. وشوي شوي يقترب منها .. ركزت فيه
أبوي ؟؟ أمي ؟؟ مستحيل ..
بو نورة : شحالج يا الغالية ؟
نورة ودموعها تنزل وتبتسم : حالي ؟؟ شو بيكون حالي يوم انتوا مب وياي
ام نورة : لكنا نحن الحين وياج
نورة : امي .. دخيلكم لا تروحوا عني .. خلكم وياي .. او خذوني وياكم
بو نورة : بنتي .. اللي صار قضاء وقدر .. ولازم تأمني فيه ..
نورة : مؤمنة يا بوي والله مؤمنة فيه .. بس انا مب مستحملة فراقكم ..
ام نورة تبتسم في ويه بنتها ابتسامة كلها حنان : انخطبتي يا نورة ؟؟
نورة : هيه امي .. شفتي امي بنتج كبرت وبتصير عروس
بو نورة : وان شاء الله بتييب ولد وبتسميه خليفة على اسم ابوها .. هههه
نورة : هيه ابوي .. بسمي ولدي خليفة وبنتي مريم ..
ام نورة : رفعتي راسنا يا بنتي .. صح نحن رحنا لكن خلينا ورانا بنت الكل بيذكرنا بها
نورة : يعني انتوا راضيين عليه ؟
بو نورة : اكيد يا بنتي .. اكيد
ام نورة : انا افتخر انج بنتي يا نورة
نورة : ابوي . . امي .. وين بتروحوا ؟؟ ارجعوا دخيلكم
ام سالم : نورة .. بسم الله عليج يا بنيتي .. شو فيج يالغالية ؟ ليش اتصيحين
نورة : اماية ؟ عيل هم وين راحوا ؟
ام سالم : منو هم ؟
نورة : ابوي وامي .. قبل شوي كانوا هني
ام سالم : بسم الله عليج يا بنتي .. يا بنتي كنتي تحلمين .. قومي فديتج علشان اتصلي وادعيلهم بالمغفرة
نورة : لا يا اماية ما احلم .. كانوا هني وقالوا لي انهم راضين عليه ..
ام سالم : فديتج روحج يا نورة لا اتعذبيني .. قومي صلي واقري قران .. اكيد اهلج راضيين عنج .. قومي فديتج
نورة : ان شاء الله اماية " ااااااه يا اغلى ناسي .. ما تتصورن شكثر مشتاقة لكم .. وشكثر انا فرحانة لانكم راضيين عني .. "
***
في بيت بو خالد ..
ام خالد : سعيد ترا ولدك مستعيل على مريم ويريد يجدم العرس
بو خالد : انزين خليه يجدمه خير وبركة
خالد : هذا الكلام ولا بلاااااش .. اتسمعي يا ام خالد .. خليني اجدمه اسبوعين ولا شهر شو بيضر يعني ؟
ام خالد : شو شو بيضر .. البنت ما بيمديلها تتجهز ..
خالد : افا عليج اماية اذا على مريم خليها عليه .. انا ما ابيها تتجهز ولا شي .. تتجهز بعد العرس .. عطوني اياها بالملابس اللي عليها
ام خالد : وشوا فيك مستقطع جيه على العرس .. يوم انك مستعيل ليش ما طعتني السنة الماضية يوم قلتلك اتعرس .. جان الحين عرست وعندك ولد
خالد : الله يسمع منج يا امي .. كنت غبي وما افهم ..
بو خالد : خااالد
خالد : هلا ابويه ..
بو خالد : اركز شوي غادي لنا شرات الهندي اللي ما عطوه معاش
ميرة : ههههههههههههاااااااي .. حلللللوة .. حلوة منك يا سعود .. وبعد تعرف اتنكت
بو خالد : هههه
ام خالد : وابوي عليج يا ميروه .. شو بعد هذي سعود .. اصغر عيالج هو ..
بو خالد : خليها يا سلامة .. يوم انها ما بدلع ابوها منو بالدلع
سلطان : خلها ادلع ريلها
ام خالد : لا بالله عيالي ضاعوا .. شو هالرمسة سلطانوه .. حد يقول هالرمسة جدام هالياهل ؟؟
خالد : الحين اماية ميرة ياهل ؟
ميرة : قولهم يا خالد .. ما يعرفون قيمتي
سلطان وهو يطالع ميرة ويبتسم بخبث : ما يغرج يا امي .. تراها تفهم اكثر منج ومني ومنا كلنا
ام خالد : واااااابويه .. ومن وين تعرفي يا مسودة الويه ؟؟
ميرة : الحين كل هالبياض وخليتيني سودة ؟
بو خالد : خلوكم من هالكلام اللي ما منه فايدة .. وسمعوني شو بقول
سلطان يوم سمع ابوه يقول جيه ابتسم لأنه عارف ابوه شو بيقول
ام خالد وهي حاسة انه ريلها بيقول شي مهم : ها يا بو خالد .. قول اللي عندك ..
بو خالد : انتوا تعرفوا انه نورة بنت حياة المرحوم خليفة
الكل : الله يرحمه
بو خالد : نورة يوها خطاطيب اخر الاسبوع الماضي .. وانا وبو خليفة سألنا العيال اذا كانوا موافقين وما حد اعترض وكلهم موافقين
ام خالد : اشوووه .. شقايل موافقين ؟؟ لا نورة ماحد بياخذها غير سلطان ولديه
سلطان نزل راسه .. هذا اللي كان خايفة منه .. وناظر ابوه .. يريد المساعدة منه
بو خالد : دام انه ياها نصيبها وهي موافقة ليش نوقف في طريجها ؟
ام خالد : شهالرمسة يا بو خالد .. انت تعرف انه نورة لسلطان وسلطان لنورة .. وهالرمسة من هم صغار ..
