°• مشكلتي °•

[فكتتتوريا]

السلام عليكم ورحمه الله وبركاته
اخباركم بنات

انا اليوم بطرح لكم مشكلتي اتمنى انكم تساعدوني
انا تو متزوجه بيصير لي 6 اشهر من زواجي
بس احس اني انا وزجي مو متفاهمين صج نحب بعض
بس مايحسسنس وايد بحبه
ونادر يطلعني مشاوير انا ساكنه مع اهله بنقس البيت ولما نطلع بنت اخوه تقعد تصيح :eh_s(2):
قبل جذي قلت له طلعني اتمشى قال مااقدر بنت اخوي تصيح ولحيت عليه وصارت كم مشكله
وقلت على الاقل راضيه نتمشى وتطلع مرتين بالشهر قال ان شاءالله
والحين طايح بشي جديد بيقلل من مصرفي الشهري وانا رافضه بيعطيني مبلغ مايجيب لي جنطه
وقلت له الشهر هذا ماابي منك شي بس الاشهر الجايه بيمشي مصرفي مثل ماهو
عصب علي وقال اسلوبج مو حلو مااحب الاسلوب هذا مااحب احد يامرني من هالكلام اللي عور قلبي
كنت انتظر يقول لي تفداج الفلوس الدنيا كلها لاكن للاسف خذلني
قلت له خلاص مابي منك ولا شي عصب وطلع
بنات انا مو موضفه ومحتاجه مصايريف كثيره والمفروض يراعي هالشي :eh_s(16):
الله يخليكم اللي عندها خبره بالحياه الزوجيه وطريقه اتعامل معاها مع هالكائن
وجزاكم الله خير الجزاء​

 

[فكتتتوريا]

وين الناس

 

[كتكات احمر]

اول شي شكو بنت اخوج بطلعتكم انتي معاه؟؟
يعني واذا صاحت ماعندها ام تسكتها ؟
ثاني شي اسلوبج غلط بطلب المصروف المفروض اول شي تعرفين قدرته المالية يمكن مضغوط او عنده ديون او اقساط واذا ماعنده كان بامكانج تطلبين منه
باسلوب احلى من الامر (مصروفي يمشي غصبن عليك)
وبدلع
وبالوقت المناسب

 

[iLLuMinaTion]

الله يعينج

 

[بنت التمايمة]

حبيبتي لانكم تو متزوجين ومو ماخد على انه احد يشاركه فلوسه ولا بيته يعني شي جديد انا كنت اردى منك يرفض حتى يجيب لى كرت جوال بس بالوقت تعلم وفهم الحياة الزوجيه ومسؤلياتها انتى خلى اسلوبك فيه شوي دلع يمكن اهو مايجي الا بالاسلوب الحلو
والله يسخره لك يارب

وبالنسبه لبنت اخوه قولى له باسلوب حلو انه ماله داعي تجي معكم
وبعدين لصاحت بتسكت عادي حالها حال كل الاطفال

 

[MiSS B.K]

الله يسخره لج ان شاالله حاولي تصبرين وتعاملينه بأسلوب الدلع مو ان تعصبين معا

 

[زهرة الليل86]

انا مع الاخوات الي تكلمو قبلي ...الله يعينج

 

[مارشميلو..]

بتكلم عن ناحيه المصروف
حبيبتي لاتركزين على سالفه الفلوس واجد وترى الرياجيل مايجون بالاوامر
متى مااحتجتي وبغيتي اطلبي منه بأسلوب حلو ولا عاطاك طيريه بالسما وحسسيه ان محد مثله وانه مدلعك
انا عن نفسي مااحب يكون لي مصروف ثابت مايتغير كل شهر لان في شهر يمر ومااحتاج شي واجد وشهر يجي يكون في مناسبات واحتاج اكثر من العادي صار زوجي يعطيني مبلغ بسيط هذي تكون في بوكي عشان متى مااحتجت شي صيدليه ولا اي شي بسيط اصرف منه والسوق طبعا هو معاي دايما بكل طلعه انا اشتري وهو يدفع واحيانا مشترياتي في العيد او اذا بشتري اشيا واجد تطق الخمس والست آلاف وعادي مايقول شي
يعني مو شرط اذا ماعطاك كل شهر مبلغ محدد انه بيكون بخيل لا احتجتي
والله يهديه ويسخره لك ان شالله

 

[اللؤلؤ المتناثر]

قدري ظروفه يمكن مو بستطاعته يعطيج المبلغ إلي تبينه صدقيني مع الأيام إذا الله رزقه ماراح ينساج
وبنت أخوه قوليله بهدوء إن عندها أم وأبو يهتمون فيها إذا بجت
والله يهدي بالج ويصلح زوجج لج ويرزقج بالذريه الصالحه

​

 

[حكم الصمت]

اهو قالكـ ما يحب هذا الأسلوب ... يعني غيريه الأسلوب إلى الأفضل وبتاخذين منه كل شيء مو بس فلوس..
بالمسايسة والدلع والغنج والهداوة والتفاهم كل شيء يصير ..

 

[أعشقه]

اول شي بنت اخوه وش دخلها فيكم عاد شدعوا ماتعرفون تتصرفون قامت تصيح تربيط حياتك فيها لانها تصيح
عندها ام تمسكها .. اما امركم غريب ..
ومن ناحيه المصروف مهوب لازم الا يعطيك كل شهر .. الي يقدر عليه يجيبه لك .. وبيني له ان الفلوس مو مهمه عندك بقدر اهميته هو .. ولو عطاك اي مبلغ خوذيه واشكريه بعد عليه ..
انا زوجي اول ماتزوجت يعطيني مبلغ كبير .. بعدين اذا احتاج ارجع ارجعهم له
ويرجع يعطيني وبعدين قام ينقص المصروف وبعدين هون ولا جبت له طااااري ابد ..
هو من نفسه يقولي اعذريني ماعندي هالفتره لي يصير عندي اعطيك ويكفي انه مو مقصر علي الي ابيه بيجيبه لي وان احتجت فلوس بقوله وبيعطيني لاتخلين اكبر همومك المصروف ترى الفلوس تروح وترجع زوجك اهم شي ..
حاولي تقرئين اكثر من المواقع عن كيفية التعامل مع الزوج باكثر من طريقه ..
وبعدين هو صرح لك وقالك ان اسلوبك مو عاجبه خلاص غيريه وحاولي تكلمينه بدلع بالاسلوب الي هو يحبه
والله يصلح مابينكم

 

[رقـة الاحسـآس]

سالفه بنت اخوه تقهر
يعني وصاحت؟
اذا انتو الحين خفاف وبتمسكم هالبنيه وبعدين يوم بيون العيال بتستوي اصعب السالفه
ما بنخلص
عندها اهلها وبيتصرفون معاها
او يوم تشوفين انه بتطلعون كلمي امها قوليلها باسلوب حلو انه انتو طالعين بس عشان تلهي البنت و ما تشوفكم و خلاص

اما بالنسبه للمصروف
قدري ظروفه وانتي عروس اغلب الاغراض عندج المفروض
خليه يعطيج شي يكفي احتياجاتج الاساسيه
و اي شي ثاني هو ياخذه او يوم انتي تكونين معاه فالسوق
تكلمي معاه و استسمحي منه
ولا تكلمينه باسلوب الامر مافي ريال يحب هالاسلوب و لا حد اصلا
الشي بالاسلوب الحلو و التفاهم يمشي

 

[القلب الخالي]

حبيبتي لا تحاتين وتكبرين الامور
توكم متزوجين وقاعد تاخذون على بعض
لازم تتحملينه وتتفهمين وضعه يمكن يكون عنده ازمه مالية

 

[ماء العين]

حبيبتي انا مثلج ما اشتغل وزوجي مب دايما يعطيني مصروف احيانا مبلغ بسيط احطه ف بوقي وله يحط مصروفي ف حسابي ويعطيني شي بسيط

ولما احتاج اروح السوق عادي يوديني واشتري واكيد هو يدفع..بعدين انتي توج متزوجة يعني مو محتاجة واايد اشياء واذا طلبتي مصروف منه اطلبيه بدلع لان الرجال ما يحبون اسلوب الامر..
والله يسخر لنا ازواجنا..​

 

[* ملكني الخوف *]

نفس الحاله الله يعين بس اذا بجت بنت اخته الصغيره ياخذها معانا جنها بنتنا وربي زهقت ورحت كلمته قلتله يافلان ترانا تونا متزوجين مايجوز جذي ابي اخذ راحتي معاك وبطل ياخذها وقالي انا غلطان بنت اخته غثيثه واذا شافونا طلعنا دقو على زوجي يله تعال اخذها معاكم ولا اذا شافونا طلعنا يدزونها علينا عشان تبجي وياخذها وكل وقت تلقينها بغرفتي يعني عيب انا باخذ راحتي*

 

[ام داليا07]

الله يعينج