~®§§][][ موضوع يديد وافكار عجيبه ][][§§®~

[Gourges]

السلام عليكم ورحمة الله وبركاته ​

رديت لكم بموضوووع يديد .. ومن الحين اقولكم طويييييييييل كالعاده لاني اخذ راحتي بالتفصيل واحب اوضح كل شي لكم وافهمكم بالضبط ... فا الي فااضيه تقرا وترد والي مو فاضيه لاتقرا ولاترد خخخخ لان تعب لمن نكتب الموضوع ونحب الردود الي تشجع وتعطي دافع ... ​

بنات انا من زمااااان افكر بشغله ادري ان تفكيري سلبي بس اول شي سلبي افكر فيه ويكون ايجابي بتسالوني شلون انا اقولكم ​

مره قاعده افكر يعني الي يخونها زوجها .. شنو دايما ينصحونها البنات كشخي وتزقرتي وعدلي حياتج واهتمي فيه حيل وا وا وا .. ليش ؟ علشان يشووف فيها الي مايشووفه عند غيرها ...​

الي يتزوج عليها ريلها تبدي تصير المقارنات فا تصير الزوجه الاولى بتحدي مع الثانيه تبي تصير احسن منها بلبس تبي تصير احسن منها بالفراش مثلا تبي تصير احسن منها بالمعامله والتميز ..وتتغير عن قبل ويزيد تحديها وسعيها لحياة مثاليه ... ​

بس لوو كل وحده من بداية حياتها تعيش بتحدي وبحياة مافي احد يقدر يعيش احسن منها يعني تعيشين حياة عمرج بحياتج ماتقولين لو يعيد الزمن بسوي كيت وبسوي كيت .. صدقووووووني رااح تعيشون حياة مثاليه وحلووه ...
بتتسائلون شنو الشي الي اقدر اسويه واتحدى فيه ولو افقد زوجي ويفقدني الله لا يقوله بيفقده فيني ويمكن مايحصله عند غيري ...
1- طيبة القلب ... بنات هلصفه ناادره بهلزمن ... لمن يحس انج شكثر طيبه وشكثر متسامحه بيقول شلون هذي عايشه بهلزمن ... ومستحيل في احد نفسها ​

​

لاتسالوني شمعنى هلصوره بس حسيت ويها طيب خخخخخخخ​

2- العطر الشخصي .. اختاري عطر للجسم تستخدمينه دااااااايما بالبيت وخليه يمثل شخصيتج وتستخدمينه اكثر من استخدام رشيه على جسمج وعلى ملابسج لي لبستي وعلى فراشج ومخادج .. راح يصير الفراش وجسمج وهدومج ريحتهم معينه وانصح اف bath and body works موجود بالافنيوز المعطر مال الجسم كبيير ويكفيج يعني وريحته عجيييييييييبه ومركزه .. اختاري نووع معين يعني على فنيليا ولا اي شي وخليه دااايما لج ماتغيرينه هذا العطر الي يميزج طبعا بالمناسبات قولي تغييرين بس انا اقصد الاستخدام اليومي هذا ... راح يتعلق بريحتج ولو يشم هلريحه بره بيذكرج بيحس انه يمثلج ويمثل بيته ومكانه ... هذا شكل المحل والعطر وطبعا فيه انوااع بس كنت ببين شكله
​

​

3- ريحة بيتج ... اذا استخدمتي معطرات معينه مثلا للدار .. ومعطرات معينه للصاله ... لازم تفرقون بين العطرين ..
عطورات الدار
تكون على فانيليا و ورد ولافندر و عطووور من سنتر بوينت مالت الفواحه " واقصد بالفواحه المكينا مو الي على شمعه " تحطون المعطر والماي وتشغلونها حق الدار وتعطرون جو الغرفه بنفس الريحه الي حاطينها بالفواحه ... يعني اذا حاطين بالفواحه لافندر تشترون المعطر مال الجو على لافندر وجذي بس الفراااش لااا مثل ماقلت تستخدمون الي من بدي ووركس ... على المخاد واللحاف .. هذا بليل بس طول اليوم عادي استخدموا الي تبونه ... ​

​

عطورات الصاله ​

عطورات الصاله تكون غير تكون البخووور والمعموول والمعطرات الشرقيه .. الثابته والمثبتات ومايحتاي اعلمكم اكيد كل وحده لها ذوقها .. بس عرفتوا الطاابع الي اقصده .. حلو تفرقين بين الجوين .. ​

​

4- ملاااابسه وميزتهم .. لازم تكوون ملابسه مميزه عن ربعه شلوون انه ايكون داااااااايما متبخر ومتعطر ومتطيب .. ولي صرتي موموجوده مثلا انفاس او شي الا يفقد هلميزه ويحس انه انتي كنتي مسنعته ..ومضبطته .. ويفقدج ... في موضوع عندي مادري شنو عنوانه ما اذكر بس كاتبه طريقة التبخير والتعطير والاهتمام فيه اكثر ​

5- حق الي عندهم عيال .. حلو ان عيالج داايما مرتبين بالبيت ... يعني مو على بونه بروحكم تهلقون فيهم بنطرون بجامه غير عن البلوزه والشعر ناافش وحفاااي ... ولووويه وصراااخ ... لا علموهم داايما يلبسوون الملابس المرتبه ولي يو ينامون غيروا ملابسهم ودخلوهم فراشهم .. حددوا ساعه معينه ينامون فيها .. وساعه معينه يقعدون فيها .. منها تربيه وصحه لهم ونظام للبيت ... شغلي وقت فراغهم بشي يفيدهم .. اذا كانوا يهال خل يشوفون الاشرطه والسيديات التعليميه الي على رسوم متحركه وغيرها من اساليب التربيه ... بس دايما حلوو يكونون مرتبين ترى الاهتمام الي الزوج يحبه موو بس فيه حتى بعياله لمن تهتمين حيل بصحتهم وتعليمهم ونظامهم وتربيتهم ولبسهم وشكلهم... زوجج بيستانس وخصوصا ان هلشي واجب عليج قبل لا يكون علشان الزوج ونظرته ... ​

​

6- فناااتقج المنزليه ... في بنات عندهم افكاار يديده يستخدمونها واساليب بترتيب البيت وبالتنظيف وبالاكسسوارات هم انا كتبت عنه عنوانه " متزوجه او مو متزوجه بس مرتبه ونظيفه .." شي جذي العنوان .. اخذي الافكار الي تعجبج من البنات ... ​

7- ستايل البيت العااام ... وديكوراته وطريقة الترتيب .. بنات ادري ان مو كل وحده عندها الميزانيه الي تغير ستايل غرفتها اذا مو عاجبتها او صالتها او او او .. بس بنات في خطوات لازم تسوينها ومقدور عليها مثل ​

· الاغرااض الي مامنها دااعي قطيها بشكل دوووري ...
· الاشيااء الي محطوطه بشكل عشوائي رتبيها سواء بالارفف او الصناديق المنظمه ...
· كل ماتميتي اشتري شي حق بيتج اشيااء رخيصه ومفيده مثلا .. منظم حق الرموتات سله حق الجرايد والمجلات... منظم النابكنز ... فووط التنشيف الصغار والسله لهم ... لووحه حق الطووفه تغير ستايل الطوفه والغرفه وخصوصا الي بايكيا اسعارهم حلوه وكباار ويعطون شكل يديد حق الغرفه مع تغيير الكفر ... تحسين احساس ان غرفتج يديده ... تغيير ليت الابجوورات ...
· تقطين العطورات الي مخلصه ... لان وايد نغفل عن هلنقطه انا عن نفسي ساعات ما الاحظ الا لي شفت طاولتي بدت تزدحم اقول انا ليش مو قاطه هذا وهذا وهذا وهذا كلهم مخلصين ... فا يعطون شكل غير جمالي ...
· جنطة سيديات بدال اللويه والدثره والسيديات محذفه ...
· ارفف معلقه من ايكيا وتحطين فيها براويز اذا كان هلنظام يلوق على غرفتج او صالتج حطيه بيعطي شعوور ان في شي يديد افبيتج ... وكل ماتميتي طبعا غيري شي ... وحطي شي .. وشيلي شي من بيتج وبتحسين بشعوور حلوو ويديد ...
8- الاسلوووووووووووب الراااااااااااااااااقي .... بنات اكره ماعندي البنت الي اسلوبها هيلقي وتسب سب وصخ يعني مثلا تقول حق عيالها سوري على الالفاظ الي بقولها بس والله واقعيه مثلا " العن ابوك .. ياولد ال.." ترى والله في بنات يقولونها حق عيالهم بصراحه احسها قلة ادب واعرف وحده والله مرت علي بالمعهد بناتها صغاااار بو 6 سنوات و 7 سنوات يقولون كلمة وصخه جدا والام تضحك الي اهيا ال b word مادري اذا فهمتوها والله مو عيب ؟ هذا اسلوب سنع؟ وتقول جدام زوجها فا عادي الزوج يسب جدامها ويسبها مافيها شي خو اهيا بيئتها جذي .. بنات الاسلوب الراقي ينعكس على حياتج كلنا واحنا بنات كنا نسب خوانا وخواتنا ونقول يا حمار ياغبي يا اثوول يا معتوه وغيرها من الالفاظ بس بصراحه احسها عاديه يعني ماتيي بمستوى الكلمات الوصخه .. وهم جدام الرياييل مانقول هلكلمات المفرووض كلش ... علشان يحترمج ويدري ان مو نووعج هلالفاظ ...
9- الضعف موو عيب للمره .. حلو المره تكون ضعيفه بمواقف معينه يعني اذا اشتد النقاش بينج وبين زوجج وحسيتي ماتعرفين شتقولين ابجي ... واذا ماقدرتي تبجين ادعي البجي وغطي ويهج وروحي مكان ثاني على ماتذكرين شي ايبجيج ... صدقوني هلضعف احسن من انج تلاسنين وتلعلعين ... بتكونين انثى بهلرياكشن .. بس لمن تصرخين راح تستفحلين
10- كل بيت فيه مشاااكل ... انا عندي مشاكلي .. انتي الي تقرين عندج مشاكلج ... بس بنات نصيحه اخوتيه << حلوه اخوتيه خخخخ يعني من اخت لي اخت ... لاتقولين مشاكلج حق احد وعمرج لاتنزلين قدر زوجج عند الناس حتى لو فيه عيووب الدنيا كلنا رياييلنا فيهم عيوب محد كامل .. بس ماله دااعي تقولينها حق احد ... محاسن ريلج لج .. ومساوئه لج .. لمن تقولين الشي حق غيرج بتنزلين قدر ريلج بعين الناس وبينزل قدرج بتعزينه بتنعزين .. ولي عزيتيه بيعزج وان رزيتيه يرزج ..
11- لاااااااااااااااااترضوووووووون على اهلكم لوو شنو يكون ويا تطرونهم بالخير او تسكتون ... ولاترضووون على اهل زوجكم .. لانهم صاروا او بيصيرون اهل عيالكم بعد ... ياتنفعونهم يا لاتضرونهم حتى لو ضروكم افضل طريقة الانسحاب والرسميه ... الا بالاهانات والمشاكل المباشره اما القيل والقال لاتخوضون فيه .. ولاتشكون لازواجكم الا للشديد القوي .. ليش لان مثل ما انتي ماترضين على اهلج هم اهوا مايرضا .. ​

ادري قرقت واااااااايد بس والله عقب كل الي قلته ماراح يتمنى عيشه بدونج ولا بلياج .. ومالت على اليوم الي ماعاشه معاج يالسنعه ... وحياتج ان ما انجحت الله لا يقوله فا انتي مابدر منج قصور اذا سويتي كل الي قلته فووق ...
وعمره محد راح يغلبكم بالسنع والزين والاخلاق
الي يعجبها موضوعي تدعي لي بظهر غيب ... وانشالله اكون فدت بشي يديد عليكم ​

 

[فنكيه]

اينن موضوعج خطير
الله يجعله في ميزان اعمالج يارب

 

[G!RLooNa]

رد : ~®§§][][ موضوع يديد وافكار عجيبه ][][§§®~

موطالعلي كامل الموضوع لي شبكت من اللاب اقراه انشالله

 

[Miss Chanel]

رد : ~®§§][][ موضوع يديد وافكار عجيبه ][][§§®~

ماشالله تبارك الرحمن اسلوبج يهبل وموضوعج روعه...
وشكرا على الموضوع المفيد:eh_s(17)::eh_s(17):

 

[الأميرة جوري]

رد : ~®§§][][ موضوع يديد وافكار عجيبه ][][§§®~

مووووووووووضوعج روووووووووووعه ..انا بقولج اول ايام زواجى في عطر احبه ودوووووم احطه علي البدل علي فراشي حتى مخدتى لي نمت احب اشمه ...فمره زعلت ورحت بيت اهلي تدرين شنو قال لي ليمن رديت يقول والله يا جوري ذبحتنى مخدتج اشمها واتذكرج واذا لفيت اللجهه اللي انتى فيها تفوح ريحه واتذكرج :eh_s(22):<<قلت بقلبي تعذيب تستاهل :krkrkr:ههههههههههه فعلا العطور لها ذكري

 

[اصداف22]

الله يعطيج العافية

 

[ميما الاموره]

رد : ~®§§][][ موضوع يديد وافكار عجيبه ][][§§®~

موضوعك رائع
تسلممممممممممممممممممممممممممممممم ايدك:ggdw:

​

 

[^noonaa^]

يعطيييج العاافيه علي هالكلام الطيب

ومواضيعج ماشاءالله دايما متميزه

 

[^noonaa^]

يعطيييج العاافيه علي هالكلام الطيب

ومواضيعج ماشاءالله دايما متميزه

 

[احلى بنت بالدنيا]

الله يوفقج يارب مشكورة يا الغالية .. موضوعج اينن .. صراحة كل كلمة قلتيها تدل على السنع والرقة والانوثة ... انا راح احفظ المعلومات هذي عشان تنفعني بالمستقبل .. وياج وحدة من اعضاء حزب الطماشة

 

[(ميادة الحسن)]

موضوووع روعه
ماقصرتي

 

[أم عامر]

موضوع رائع والاروع منه صاحبته

وفعلا أنا مع أن مهما صار بينج وبين زوجج

ما يطلع لبرى لأن أنتي راح تنسين والناس ما تنسى

وراح تظل السالفه براسهم مهما طال الوقت

مهما صار بين الزوجين لازم يبقى بينهم

وشكرا لك :eh_s(17):

 

[gardenai]

مشكورة ما قصرتي خوش موضوع

 

[sharshora80]

رد : ~®§§][][ موضوع يديد وافكار عجيبه ][][§§®~

مشكورة حبيبتي والله يتمم عليج بعقلج ما شاء الله السنع موروث مو شئ جديد
الله يرزقج بالذريه الصالحه السالمه

 

[Gourges]

رد : ~®§§][][ موضوع يديد وافكار عجيبه ][][§§®~

بعد عممممممممممممممري تسسسسسسسسسسسسسسسسلمون :eh_s(7):

شدعوه فوق ال100 مشاهده والردود 13 ​

 

[ضي]

يعطيج الف عااافيه

والله يوفقج بحياتج ياررب

 

[Hello_kitty]

موضوووووع روعه كالعاده ماشالله عليج

وفعلا عن تجربه اكثر من شغله ذكرتيها حيل تأثر ويتعلق الريال فيها


الله يوفقج ويسعدج ويرزقج بالذريه الصالحه يارب

 

[BiiShOoO]

روووووعة يسلموووو

و انا معاج بكل كلمة قلتيها و صح لسانج

الله يعطيييج على قد نيتج يااااارب

 

[white**angel]

قوووووووورقيييس تينننين ومووووضووعج اينن كل كلمه قلتييهاا تيننننن
وصج النقطه المهمه لاااا تلاسنين ريلج او تلاسنين احد جداااامه اصلا احس الي اطول صووتها بويه ريلهاا او غيره مووو انثى يعني حلاتج بهدوووئج

 

[Gourges]

رد : ~®§§][][ موضوع يديد وافكار عجيبه ][][§§®~

بعد عمرررررررررري وايت انجل احبنج ؛**

مشكوووورين صبايا