«الخدمة المدنية»: إلغاء صفة الندرة عن تخصصات المحاسبة والحقوق والشريعة والصحافة ونظم

[اجياد]

السلام عليكم ​

اليوم بجريد ةالانباء قريت هالخبر:-
تقرر وقف العمل بالاستثناء من الشروط المقررة للتخصصات النادرة (بكالوريوس محاسبة، ليسانس حقوق، ليسانس شريعة، بكالوريوس الصحافة والاعلام، بكالوريوس نظم معلومات ادارية)، واعتبارها جميعا على خلاف مسمياتها تخصصات نظرية ونزع صفة الندرة عنها ولا ينطبق عليها شروط الاستثناء من الاجازة الدراسية التي تطبق على الراغبين في الحصول على التخصصات النادرة وذلك بسبب وفرة مخرجات التعليم من تلك التخصصات وعدم حاجة سوق العمل لها. ​

شنو معنى هالخبر؟؟​

http://www.alanba.com.kw/AbsoluteNMNEW/templates/local2010.aspx?articleid=210362&zoneid=243​

 

[^^ROSE^^]

يعني قبل كانوا تخصصات نادره
بس الله يعافي اللي يروحون مصر مايداومون واييبون شهادات ويحطون راسهم براسنا اللي تعبنا و طحسنا و درسنا
فصار اكتفاء من هالتخصصات
اللي متخرج دبلوم من معهد تجاري محاسبه يشتغل احسن من الجامعي خريج مصر 1000 مره
حسبي الله ونعم الوكيل

 

[vogue grl]

نص ديره محاسبه واغلبيه يروحون مصر ياخذونها بدون تعب
ويخربون على الي دارسين وتعبانين فيها..خلاص هل تخصص استهلك بما فيه كفايه.
عاد توه فاتحين جامعة الكويت العالميه ليسانس حقوق مادري ليش احس ماراح دوم

 

[قرنبيطوو]

انا تخصص محاسبه جامعه 6 اكتوبر من مصر

بنات لا تظلمون اللي رايحين يدرسون في مصر انا شايفه بعيني وااايد كانوا يتعبون ومن اول الكورس هناك بمصر

وبعدين لما الديره تكون تشجع على التعليم وتبني جامعات وتسهل من اموور الدراسه وتخلي الكل يكون جامعي ذيك الساعه لوموهم الكل يبي معاش زيين يبي يعيش حاله حال غيره وفي ناس ظروفهم الله العالم فيها ودزوا عيالهم علشان هالشهاده بس لا تقولولي هني يدرس وياخذ الشهاده احسن!!!!

ترا حتى جامعه الكويت فيها وااسطااااااااااااااااااااااااااات وتغيير معدلاااااات شوووف عيني

واذا على الاكتفاء لان بقلصون الوظايف والديره مافيها سوووق عمل نهائيا مجمع الوزارات نفسه نفسه من قبل 30 او 20 سنه غير الاماكن الحكوميه الراقيه الناس الكبيره واللي وصل فيها العمر الى..... ماتبي تترك مكانها وتجدد روح الشباب

فوق هذا الخريجين سنه وراه سنه يزيدووون ولا يلاقون وظايف حتى اللي تخصصهم نادره يقولون لهم مو مطلوب هالتخصص!!!!!!!

لا تنسون طلبه الثانويه اللي المفروض الدوله تكون من اول المشجعين لها سوو لهم حد من القبول في الجامعه !!!!

6850 هذا العدد بس الباجي وين يرووووح ؟؟؟؟ واللي عنده نسبه ادخله الجامعه بس ما انقبل يدرس بره ولا جامعه خاصه؟؟؟؟ واذا ماقدر على مصاريف الاثنين شسوي؟؟؟؟؟؟ يتحبط ولا تصير في حاله نفسيه؟؟؟؟؟

على فكره انا درست جامعه الكويت 3 سنين من اتعس الجامعات

تحياتي

 

[atoooty]

شنو قصدهم ليكون يشولون الكادر بعد ؟؟

ياربي انا ليش حضي جذي لما تخصصت محاسبه صار مو من التخصصات النادره عيل ليش هالكررف كله

واهم شي انها تخصصات نظرررريه ؟؟؟؟؟؟؟؟؟؟؟؟؟

شلون نظريه المحاسبه كلها مسااائل ورياضيات @@

 

[سمو ذاااتي]

مو بشااره والله

انا غلطة عمري اني دخلت كلية الحقوق بجامعة الكويت مع ان وااايد احب تخصصي بسدراسه صعبه و ماكوو مزايا وزاره ومعاشي 740 !! بس

باجي الاماكن مثل الفتوى والتحقيقات وديوان المحاسبه لناس معينه وانا مووومنهم :/

 

[Peony]

سمو ذاتي حبيبتي ليش كله تقولين انا مو مقبوله ومو منهم ومادري شنو
انتي قدمي والله يوفقج
كل شي بيد رب العالمين انتي بس بذلي الاسباب وتوكلي على الله ماتدرين رزقج وين

و بنات الله يوفقكم كلكم يارب