«°·.¸.•°°·.¸.•° كتاب وreview مع تقيم (◠‿◠)°·.¸.•°°·.¸.•°»

[BlAcK_Witch]

هاااااااي يا بنات ياا قمرات يا حلوين صباحكم ورد ونوير :eh_s(7):
بما ان انا قاعده مبجر ومافي شغل ولا عمل :eh_s(15): تطلع بمخي سوالف
امس كنت بالمعرض وشريت الكتب احم احم (فرحانه أوي أوي ) :wqedqw:

وكنت ارتب اغراضي (وبعدين عاد خلصي :friends قلت احطلكم رفيو عن كتب قريتها وبقراها
واهني حرام اما عنوان الموضوع مايبين شنو فيه او صج موضوع روعه بس راح طي انسيان :eh_s(16):

والي شافت موضوع صاحبته تعبانه وحاطه كتب جونان ع قولتهم ماعليكم امر يعني فديتكم حطوه لان حرام :flower:



وبنات طبعا كالعاده هالموضوع مو بس حق كتبي لاء وكتبكم عشان يوم نروح المكتبه ع الاقل نكون كاتبين بورقه شنو نبي ولاء مقالب الكتب او المكتبات ان تكون ترجمه خرطي او نسخه مضروبه او سعر ياااااااحبيبي
حطي صوره الكتاب مع رفيو لو صغير عن مكنونات الكتاب :eh_s(20): مع نجومج الحلوه حق تقيم والكتب انقلش وعربي وكل الانواااع وردج بيكون احلي واحلي من مشكوره او يعطيج العافيه (يعافي كل عظمه بجسمجج ياااارب حياتي ) :eh_s(9):
واذا في مواقع حق تجمعات او شي عن كتاب بيوتيوب يااعوملي لاء تغلين علينا لوسمحتي يا عمري :sfg:

وبسم الله الرحمن الرحيم ننطلق ع بركت الله :nbvppw:

 

[BlAcK_Witch]

المواضيع المميزه كلها بصراحه روعه وفيها وايد اشياء بتفييييييييييييييد
مواضيع العضوات للحين انا شفت الاخت م.بابونج قاعد تحط كتب ورفيو عن الكتب وشغلها واااايد حلو اتمني دشون وتشجعونها تكمل
http://www.q8yat.net/newreply.php?do=postreply&t=721477

والحين مع الكتب البعز هاا البعز وليس الكل :eshrab:



قصة عن الكاتبه جودي بلانكو ايام كانت تدرس في المرحله الابتدائيه الي المرحله الثانويه و شلون كانت تتأذي من الموذين (الاصح متنمرين ) اللي بالمدرسه وربعها يقبلون عليها بس لانها اهي ما تقدر تسكت اذا شافت شي غلط!
اعطيها 10 من 10 :icon30: من قلللللللللللللللللببببببببببببببببببببببببببببببب رووووعه وياتني هديه فا السعر ومن وين ماادري



لبرام ستوكر .. قصه مصاص الدماء الافضل عالميا ومغامره هاركر مع الكونت دراكولا ... لحياته وحب حبيبته
دور احداثها بين ترانسلفينيا ولندن .. قصه دراكولا الاصليه طبعا 100 علي 100 بعد :icon30:
ترجمه دراكولا لجاسم اشكناني والي معاه اعطيهاااااااا 100 من 100 :icon30:وطبعا مشكوررررررررررررره زبده للمره المليون انج قلتيلي عن هترجمه
موجوده بنات بمكتبه بلاتينيوم بوك وسعرها اذا مو غلطانه 3 او 3 ونص مو اكثر

 

[BlAcK_Witch]

هالجتاب يا حلوين فايز بجائزه Printz Award 2007

العاب

القصة تدور احداثها في ألمانيا النازية ... مع نهوض هيمنة و جبروت هتلر ... في هالفترة ...

الكتاب يتكلم عن A BOOK THIEF واضح من العنوان ...

"Liesel Meminger" ... طفلة تضطر أمها أنها توديها لـfoster family ... لانها ما تقدر تربيها في ظل الحكم النازي .. إللي يعتبرها communist ...

و في رحلتهم ... ليزل و امها و اخوها إللي راح يروح لنفس العايلة ... تشهد ليزل موت اخوها و اهو جدام عيونها على كرسي القطار ...

و في مراسيم جنازته ... تلمح ليزل كتاب يطيح من معطف أحد حفاري القبر ...

و تسرقة ... و تبدى عندها حالة من الشغف لسرقة الكتب من بعد هالموقف ...

طبعا هذا مقدمة اول جم صفحة من الكتاب ... باجي الكتاب ... يتكلم عن حياة ليزل مع العايلة إللي تبنتها ... أليكس ... و روزا هيوبارمان ...

و شلون تعايشت معاهم ... و فيه وايد احداث تصير ... فما ابي احرق الاحداث ... خصوصا أنه الكتاب فيه أسقاطات درامية معقدة ...

لكن من النوع الواقعي ... و إللي انا شخصيا تأثرت بأكثر من شخصية

الشي المميز في الكتاب إنه الـnarrator ... أو إللي يروي القصة ... أهو "الموت" ... و كان معطي للكتاب بعد فكاهي بشكل مو طبيعي ...

و ساعات يعطي رايه بمواقف معينه ... و ملاحظات غريبه ...

يعني من الشغلات إللي أتذكرها ... ان شخصية "الموت" ... أنه مقياس الوقت عنده ... بالألوان ...

يعني ... لو بيوصف يوم من الأيام ... يقول ... "في ذلك اليوم المتلون بلون الشوكولاته ... !!"

و كافي اول الجمل إللي يقولها بالكتاب ...

*** HERE IS A SMALL FACT ***

You are going to die.

و غيرها من التعابير ... الفلسفية ... و لكن ببعد فكاهي ... ساخر ...

المهم ... الكتاب جد مبدع وتقيمه 10 علي 10 :eh_s(22):

 

[rawona]

رد : «°·.¸.•°°·.¸.•° كتاب وreview مع تقيم (◠‿◠)°·.¸.•°°·.¸.•°»

خوش موضوع ..

يعطيج العافية ولي عودة بإذن الله :eh_s(7):

​

 

[BlAcK_Witch]

rawona : يعاافيج ربي من كل شر وناطرتج مع الكتب الي قريتيهم وانشاءالله كتابج بيكون اهني مع تفيم والرفيو :tek:




حق الناس اللي بيبلشون بقرأه الانقلش كتاب رائع

كتاب صغير ... بو 120 صفحة تقريبا ...

و الأسلوب حلو ... يعتبر Teen-Fiction

قصه الكتاب تتكلم عن بنت مراهقه ... في مدرسه داخلية ...

بطبعها هاديه و إنطوائية ... و من كثر ما إهي هادية بعض الناس عبالهم إنها "طرمة" ... ما تتكلم ...

عندها مشاكل نفسيه على صعيد علاقتها مع أمها ... و أساتذتها و زملائها ...

الكتاب عبارة عن مذكراتها إللي تحرص إنها تكتبها بشكل متواصل ...

و إللي إهي عبارة عن متنفس لها ... من حياتها إالإنطوائية ... و أسلوبها الغير اجتماعي ...

مع إنه الكتاب صغير ... بس جد مؤثر ... و فعلا فعلا ... حبيته ...

راح تلقونه بجرير ... أو أي مكان ثاني ...

تقيمي له 10 علي 10 ولي ذكريات وايد حلوه معاه :fun22:

 

[BlAcK_Witch]

امريكا خبط لزق لهاله سرحان

الكتاب يتحجي عن تجربه هاله سرحان ايام البعثه الدراسيه بامريكا والمواقف المضحكه الي صارت

رأي بهالكتاب :

كتاب ممتع لاقصي درجه وفي فايده ان يوضح جمال الاختلافات بينا وبين المجتمع الغربي وان مو كل اختلاف في سوء وان ممكن ان احنا ناخذ فوائد من المجتماعات الثانيه .. حبيت بهالكتاب نقطه ذكرتها هاله ان في بعض الاشخاص يسافرون برا ويفقدون هويتهم بس عشان يتكيفون
فيكونون مو عرب مو اجانب ... ومواقفها مع الجنس ناعم من الرجال وطريقه البنات هناك واحلي مافي الكتاب مافي عنصريه او احنا العرب احسن او هسواللف وهاله نكته فييييييييييييه صج صج دمعت وانا اقراه ومن الكتب الي مش حتأدري تغمضي عنيكي :016:

الكتاب ماادري اذا موجود بالمكاتب بس اكيد اذا مو غلطانه انا قريته نسخه الكترونيه
تقيمي 10 علي 10 ومن قلب تعب من الضحك :rerrerek:


http://www.4shared.com/********/lfo3aRBU/___-__.htm

 

[BlAcK_Witch]

the sly fox and the little red hen



من اوائل قرأتي بلانقلش وصج كنت شاده حيلي وتكنيك وايد حلو يا بنات بلشو بكتب الاطفال تري والله طورج حييييييييل وانتي بتستانسين :klhfl:

شنو سالفه هالقصه ان الثعلب الكسول يبي ياكل ديايه وتابعو مغامراته معاها وسبحان الله شنو هديايه اللي ماتنصاد والوانها ورسوماتها حلوه وتقدرون تقرونها حق اليهال لغتها سهله وحلوه يبتها من معرض الكتاب ويييييييييييييه من زمان بس لقيت لنك لها تفضلو
وتقيمي 10 علي 10 :eh_s(21):
:33_1185028183: http://www.mediafire.com/?vnkkwzaumfu

 

[معابر الذكرى]

رد : «°·.¸.•°°·.¸.•° كتاب وreview مع تقيم (◠‿◠)°·.¸.•°°·.¸.•°»

موضوع رووووووووووعه


كنت قاعده اتصفح وفيني نوووووووم بس جذبني النقد والتوضيح الي فعلا نبيه قبل لانتوهق بالكتاب..

دراكولا بترجمه كويتيه..اقصد مترجم كويتي..(مثير للاهتمام)

يارب يكون مثل ما وصفتي..لان القصه من اول الكتب الي قريتها فالطفوله..لا ومثلتها بعد..بصالة البيت والممثلين والجمهور نفس الاشخاص خخخخخخخخخخ بزران من قرايبي وهم خخخخخخخخخخخخخخ ...بجد اتمنى الكتاب ينال مستوى الترجمه الي يستحقها.

احب الافلام الي تدور فترة الحرب العالميه وسوالف النازيه .

واول كتاب(توقف عن الضحك علي) احسه راح يردنا ذكريات اول حركات التنرفز والمهاوش بالمدارس..ياحلوها..ويامررررها خاصه لما تكون الجوله الاولى في حياتج ضد وحده عايده السنه 3 سنين تردين البيت وعيونج شدو طبيعي.


رواية (الكثير لاخبرك عنه) العنوان بروحه يكسر الخاااااطر ما ادري ليش حزني.


شكل كتاب هاله سرحان تحفه...رغم تحفظي على بعض جوانب هالشخصيه..


تسلمييييييييييييييييييييين عالتنوع في خياراتج وجمالية هالخيارات الي تدل على ثراء فكري

تحيـــــــــــــــــــــــــــــــاتـــــــــــــــــــــــــــــــتي​

 

[BlAcK_Witch]

احلي قلوب لج فديت اناملج الي ردوو هرد والله

اول شي انا نفسج انصدمت وتوقعت ترجمه خربوطه ويزيدون ويشيلون بكيفهم بس للامانه طلع لاء انا الحين وصلت صفحه 50 وللحين راضيه رضي تاااااااااااااااام عنهم جربيهاا بما انج نفسي بهالموضوع بس سالفه انج مثلتيها ههههههههههههههههههههههههههههه لاء يبيله والله عاد انشاءالله مو طايحه تعضض باليهال :eh_s(10):

وتوقف عن الضحك ايييي نظام جذي (ع فكره تري انا كنت اطق :wqedqw: خدمه 7 سنوات ثانويه تسكع علمي وادبي ) بتعجبببببج وايد بس الشدووو لاء اهو مشروع مافي عيييين ناجح :050103nbh_prv:

هاله شخصيتها اكس عندي ماعاد جم شغله بجراه وقوه شخصيه اهيا فيها وقاحه بس مانقدر نقول مافيها قوه ... بس بهالكتاب طلع فيها جانب مو طبيعي فكاااااهي لابعد درجه انصدمت منهاا جني هبله قاعده بروحي واضحك

بس هذي سو مج تو تل صج بتأثرين وااااااايد فيها مع البوك ثيف احب اخذ اشياء من شخصيات الكتب صج ابداااع
عاد بما ان انتي عندج ميول حق دراكولا خوو قوليلي شنو قاريه يمكن عندج شي (وانا متأكده) تفيديني فيه انا ادور هسوالف وطحت علي كتب مقالب لو احطلج عن كتاب واحد منهم بتبجين من القهر bbbiu:[]

 

[BlAcK_Witch]

من ابداعات هسنه وبمشاركه انامل اختنا DIVA
كتاب بصور والوثائق عن اشهر سفاحين بالعالم ... عجبنييييييييييي وايد ترتيبهم للكاتب بوجود صوره المجرم وصور ضحايا (بعض القتله) وطرق القتل وعدد ضحايا وسنه والدوله

كوالتي الارواق جدااااااا جدا ممتاز وضوح وترتيب ودقه تصفحته بسرعه وعطيتهم تقيم 10 علي 10 :eh_s(21):غيابيا .. شغل مرتب واشكرهم عليه

من شخضيات الموجوده وانا مهتمه فيهم سابقا اليزابيث باثروي .. وجني شفت عن جاك السفاح .. هذا الكتاب الجزء الاول وناطرين الجزء الثاني :eh_s(9):

موجود ببلاتينيوم بوك بأرض المعارض وسعره 5 دينار كويتي فقط :eh_s(15):

وصج بنات ياريت تحطون تقيمكم بعد علي كتب الي اوردي انحطت وانتي قاريتهم لان يمكن يكون عند هلانسانه حلو والباجي نهي هي فا ياريت تزودونا بتقيمياتكم عن كتبكم وكتب غيركم فديتكم (^-^)

 

[ladyah]

صباح الورد والنوير ... في أحلى تجمع في نادي الكتب والقراءة

حبيبتي وأختي

BlAcK_Witch

... مشاء الله عليك وتبارك الرحمن ,, عندج خووش كتب وخوووش كلام وخوووش ريفيو

أنا أول مرة أشارك بس والله دايما أحب اشوف كلامج وأشوف الكتب أحس إانج كلج على بعضج

شي قيم
سيري دوما على هذا المنوال لآنج بجد بجد ممتعة

ودمتي

 

[BlAcK_Witch]

من ناحيه الفكرة ف ماكو شي يديد كللللش

روااية سعوديه بحته طبعا مافيها شي مفيد كل البلاوي اللي بالسعوديه

بصراحه تشوه فكرة المجتمع السعودي اللي وصل لي مرحله مو صج ومو شي يديد تطرق للموضوع والفضايح هذا بنات الرياض ,,,,!

باختصار ,,,

الرواية مافيها قصه

كلللش ما شدتني ولا شجعتني اني اقرى للكاتب شي ثاني

تقيمي اهو 3 من 10 :eh_s(4):



فضائح سعوديه عن البنات .. بنات الرياض بصوره البنات الي يقعدون بامقاهي ويتعرفون بشباب واقامه العلاقات وشرب الشمبانيا !!

هذا حجي الكاتب غازي القصيبي مزكياً: «هذا عمل يستحق أن يُقرأ.. وهذه روائية انتظر منها الكثير.. تزيح الستار العميق الذي يختفي خلفه عالم الفتيات المثير في الرياض..».

القصه أربع بنات من الطبقة الغنية قمرة ولميس وسديم وميشيل (مشاعل) صديقات ، ومكاشفة لأسرارهن عبر الشبكة العنكبوتية، وطرح خمسين رسالة إلكترونية، وجهت إلى مجموعات «الياهو غروب» المعروفة، أطلقت عليها «سيرة وانفضحت». والبنات الأربع يدورون عن الحب: قمرة مطلقة بعد اكتشاف خيانة زوجها لها، سديمهدها خطيبها بعد أن سلمته نفسها في لحظة من تشتت ورغبة وهدها بعد هاليله دافئة،تأخذه الظنون بعيد متوقع انها سوت جذي مع ناس قبله، أما مشاعلماقدر حبيبها يتزوجها وفشلت علاقته ، لأنه امتثل لأوامر أمه الرافضة أن يتزوج ابنها من فتاة أمها أمريكية، ولميس فكانت أوفر حظاً منهن، ولعبت دوراً في مساعدتهن، وروت تجاربهن، وأقامت علاقات جيدة معهن.

بنسبه لي فاااااشله وتقيمي عشان خاطر المساكين بالوطن العربي 2ونص من 10 :eh_s(4):
وتأسفت اني قريتها مافي اي فايده طلعت منها غير عوار راس .. شنو شي يديد ماادري

 

[BlAcK_Witch]

ladyah :eh_s(22):

والله العظيم احرجتيني بهالحجي (وتبين صج فرحتيني :dddds: الله يرضيج ويفرحج دنيا واخره يارب )
وكج ذوق وادري كل الزود عندج وانا نقطه بحرج فديت راسج لي ريلج ومشكوره علي هالحجي طيب والحمدالله اني قادره افيدج لو 1 % وهذا كافي علي :tek:

 

[ladyah]

BlAcK_Witch
الله يرضى عن الجميع اللهم أمين .. ووالله ماكنت ابالغ بكلامي عنج

لأني كنت أتابعج وايد في نادي المثقفات

أمبيه إنتي مو صج جنج تحفة فنية مخلوقة لحب القراءة والكتب

وكلامج تبارك الرحمن حده عجيب في نادي المثقفات

والمواضيع اللي كنتي تختارينها همن شي حد الأبداع

ياحلوج والله وهنيالج على هاسلوب وعلى هالأختيارت وعلى هالجمال الفني

وعلى هالحبكات التصويرية ,,, والمفرادات الجميلة


بس عاد هااااا ,, لاتصيرين مغرورة

سلمت يداك ,,, ودمتى

 

[م.بابونج]

رد : «°·.¸.•°°·.¸.•° كتاب وreview مع تقيم (◠‿◠)°·.¸.•°°·.¸.•°»

ما شاء الله عليج خوش كتب و الله .. استمري يا قلبي متابعة لج

 

[الصحفية]

موضوع رائع

متابعين متابعين



لا يوقف



:ggdw: :ggdw:

 

[وهج الحب]

من ناحيه الفكرة ف ماكو شي يديد كللللش

روااية سعوديه بحته طبعا مافيها شي مفيد كل البلاوي اللي بالسعوديه

بصراحه تشوه فكرة المجتمع السعودي اللي وصل لي مرحله مو صج ومو شي يديد تطرق للموضوع والفضايح هذا بنات الرياض ,,,,!

باختصار ,,,

الرواية مافيها قصه

كلللش ما شدتني ولا شجعتني اني اقرى للكاتب شي ثاني

تقيمي اهو 3 من 10 :eh_s(4):



فضائح سعوديه عن البنات .. بنات الرياض بصوره البنات الي يقعدون بامقاهي ويتعرفون بشباب واقامه العلاقات وشرب الشمبانيا !!

هذا حجي الكاتب غازي القصيبي مزكياً: «هذا عمل يستحق أن يُقرأ.. وهذه روائية انتظر منها الكثير.. تزيح الستار العميق الذي يختفي خلفه عالم الفتيات المثير في الرياض..».

القصه أربع بنات من الطبقة الغنية قمرة ولميس وسديم وميشيل (مشاعل) صديقات ، ومكاشفة لأسرارهن عبر الشبكة العنكبوتية، وطرح خمسين رسالة إلكترونية، وجهت إلى مجموعات «الياهو غروب» المعروفة، أطلقت عليها «سيرة وانفضحت». والبنات الأربع يدورون عن الحب: قمرة مطلقة بعد اكتشاف خيانة زوجها لها، سديمهدها خطيبها بعد أن سلمته نفسها في لحظة من تشتت ورغبة وهدها بعد هاليله دافئة،تأخذه الظنون بعيد متوقع انها سوت جذي مع ناس قبله، أما مشاعلماقدر حبيبها يتزوجها وفشلت علاقته ، لأنه امتثل لأوامر أمه الرافضة أن يتزوج ابنها من فتاة أمها أمريكية، ولميس فكانت أوفر حظاً منهن، ولعبت دوراً في مساعدتهن، وروت تجاربهن، وأقامت علاقات جيدة معهن.

بنسبه لي فاااااشله وتقيمي عشان خاطر المساكين بالوطن العربي 2ونص من 10 :eh_s(4):
وتأسفت اني قريتها مافي اي فايده طلعت منها غير عوار راس .. شنو شي يديد ماادري

السلام:
معك في كتابين اللي عرضتيهم واظنك اكركتي الكاتب باعطائة 3من 10 لان ما فيه شئ غير التكلم عن عضوه انا كل ما اقرأ صفحة ينتابني الغيثان منه والى الان لا احب مشاهدة الكاتب في برنامج سوالفنا حلوة من اشوفة اتذكر كتابة واقول اكيد فيه من حياته ..
وكتاب بنات الرياض اخرج لنا ادب تافه وهو ادب ما تحت الحزام ..
تقيمك للكت جدا رائع واسلوبك كما عهدته رائع لاني من محبين ادب الرعب ايضا

 

[حياتي فراغ]

رد : «°·.¸.•°°·.¸.•° كتاب وreview مع تقيم (◠‿◠)°·.¸.•°°·.¸.•°»

موضوووووووووع قمة ,,,, واااصلي

 

[غلاتي غلاتي]

رد : «°·.¸.•°°·.¸.•° كتاب وreview مع تقيم (◠‿◠)°·.¸.•°°·.¸.•°»

موضوووع رائع و بانتظار المزيد:eh_s(9):

 

[Kuwait 1]

رد : رد: «°·.¸.•°°·.¸.•° كتاب وreview مع تقيم (◠‿◠)°·.¸.•°°·.¸.•°»

السلام:
معك في كتابين اللي عرضتيهم واظنك اكركتي الكاتب باعطائة 3من 10 لان ما فيه شئ غير التكلم عن عضوه انا كل ما اقرأ صفحة ينتابني الغيثان منه والى الان لا احب مشاهدة الكاتب في برنامج سوالفنا حلوة من اشوفة اتذكر كتابة واقول اكيد فيه من حياته ..
وكتاب بنات الرياض اخرج لنا ادب تافه وهو ادب ما تحت الحزام ..
تقيمك للكت جدا رائع واسلوبك كما عهدته رائع لاني من محبين ادب الرعب ايضا

أول شي يعطيج الف عافية black_witch على الموضوع الراقي
وبصراحة اختيارج للروايات مميز وذوقج قريب من ذوقي بالقراءة
بالنسبة لهالروايتين اوافقكم الراي 100%
روايتين بعيد بعد تام عن الادب والثقافة ولا منهم اي فايدة