©«-.¸¸.-»© ¶ *رابطة المتكممات* ¶© «-.¸¸.-»© الجزء الثاني

[دمع القلوب]

قاعده اتمشى بالجمعيه بعد ما اخذت ابرة السيوله بالمستوصف

معدتي حيل تعورني

مو عارفه شنو اشتري

اخذت عصاير اناناس تفاح وحليب ولبن المراعي خالي الدسم

وكيس بفك وحلاو وكيك لوووول لعيالي مو لي

ابي الماي اللي تمدحونه شنو اسمه. اكوافينا صح والا غيره

 

[al7nooona]

اخذي جم نوع من الماي وشوفي شنو اللي ترتاحين له

 

[al7nooona]

اخترت هالدكتور مادري ليش بس حسيت اني مرتاحتله لما شفت مدح البنات له وهم في ناس بالمجال الطبي امدحولي ياه وانا استخرت والله يسهل.. بنات اذا موعدي بعد شهر متى اسوي التحاليل والفحوصات؟؟ ولازم منظار؟ جنه في بنات ما طلب منهم

لا تسوين منظار لان مو الكل يطلب منهم الدكتور على حسب


سوي بس التحاليل والسونار ... سويهم بهالايام لان تحليل الغده ياخذله وقت شوووي

 

[دمع القلوب]

الحنونه انتي جم صارلج مسويتها وجم نزلتي

ابي العوار متى يخف بصراااحه

واول الايام ما تشتهين الاكل

امس اشتهيت اكل وجبه واليوم اشتهيت الكورن فلكس مع الحليب واشتهيت البفك

يعني لو اكلهم عادي والا بتذبحني معدتي

الحين مو قادره اتحمل الالم اللي احس فيه تصدقين ماقدر اتنفس عدل ولا قادره اتثاوب واخذ راحتي

احس مثل الابر بمعدتي وبطني كله

الله يعطينا العافيه باسرع وقت واصير طبيعيه حالي حال الناس

 

[al7nooona]

الحنونه انتي جم صارلج مسويتها وجم نزلتي

ابي العوار متى يخف بصراااحه

واول الايام ما تشتهين الاكل

امس اشتهيت اكل وجبه واليوم اشتهيت الكورن فلكس مع الحليب واشتهيت البفك

يعني لو اكلهم عادي والا بتذبحني معدتي

الحين مو قادره اتحمل الالم اللي احس فيه تصدقين ماقدر اتنفس عدل ولا قادره اتثاوب واخذ راحتي

احس مثل الابر بمعدتي وبطني كله

الله يعطينا العافيه باسرع وقت واصير طبيعيه حالي حال الناس

صارلي شهر واسبوع تقريبا

والعوار يخف باسبوع تقريبا وب 10 ايام يخف وايد ماتحسين بالعوار كلش

وبالنسبه للاكل اي كنت وايد اشتهي اكل وابي اكل اكل خصوصا باول الايام عقب العمليه

ومن كثر ما كنت ابي اكل واشتهي كنت احلم اني قاعد اكل وعزايم والله :krkrkr:


بس قالولي هذا شي طبيعي لان احنا فجأة تركنا الاكل وما نقدر ناكل فنشتهي وايد اشياء


فتره وتعدي بس ديري بالج تخربطين وتاكلين لان فترة السوائل هيي اكثر فترة راح تشوفين ينزل وزنج

والله يعطيج العافييييه باسرع وقت يااارب :yaaaaaarb:

 

[دمع القلوب]

ههههههههههههههه الحنونه والله العظيم امس حلمي اني قاعده اكل شبس كنتاكي لااا وانثر الملللللح والكاتشب عليه واتلذذ بطعمه لوووووول

 

[al7nooona]

ههههههههههههههههههههههههههه

 

[دمع القلوب]

الحنونه جم نزلتي للحين

وتحسين بتغير

متى ابدااا بالمهروووس مشتهيه بطاااط بالماي ومملح

 

[al7nooona]

تقريبا نزلت 10 كيلزات لقبل اسبووع وموعدي الاسبوع الياي وراح اشووف اشكثر نزلت باخر اسبوعين

اي احس بتغير حركتي احسن من الاول قومتي وقعدتي هم تحسنت مو مثل قبل


و اليوم بالدوام وحده صارلها فتره مو شايفتني قالتلي ضعفانه وايد عن قبل من ويهج مبين ليكون مسويه عمليه بمعدتج شي ههههههه عاد انا مو قايله حق احد قتلها لاء مو مسويه بس مسويه ريجييييم

تبدين بالاكل المهروس عقب ال 10 ايام ان شاءالله

 

[@بنت زايد@]

السلام عليكم
خواتي عندي لكم كم سوال وياليت تجاوبووني
بتاخذون اجري
بغيت اسالكم هل كنتوو ترجعوون؟؟؟؟
وخذتو ادويه للحموضه؟؟؟؟
كم ستمريتو عالسوايل؟؟؟
متى حسيتو انكم تقدرون تاكلوون مثل اول ( ما اقصد الكميه اقصد تاكلون براحه بدون الم )؟؟؟
خذتو فيتامينات؟
كنتي تعانوون من الامساك؟؟؟
ياليت تجاوبووني وماتهملوون رسالتي

 

[دمع القلوب]

بنت زايد يا رب البنات يفيدونج لان ما صارلي اسبوع من سويتهااا


بناااات اكلت 5 حبات بفك بق سااايز لووول وشوية عصير تفاح وماي شويه

لو اخذ 100 حبة بفك شكله عادي صح

 

[دمع القلوب]

بنات انا من سويت العمليه ما رحت وانتو بكرامه الحمام يعني ما في خروج كلش ملش

طبيعي هالشي والا لا

 

[دمع القلوب]




ردووو علي يا ربي ما في غيري هووون

 

[مذهلة 78]

دموع حبيبتي صالج شكثر من سويتي العمليه

 

[دمع القلوب]

سويتها بتاريخ
٥/ ٦
وعليكم الحساااب

 

[دمع القلوب]

يعني اليوم رابع يووووم

احس مثل المغص بمعدتي اخاف من البفك اللي اكلته وعواااار بعد

متى يا ربي ارتاااح

 

[مذهلة 78]

حبيبتي انا صج للحين ما سويتها بس عندي وايد معلومات بالنسبه للامساك والمغص هالشي طبيعي لانج

مو قاعده تاكلين بس سؤال اللي ما شيه عليه واذا فيه غازات لازم تمشين عشان بطنج يرتاح


شكلي بهون عن العمليه انزين اهم ما عطوج مسكن تاخذينه

 

[دمع القلوب]

مذهله عطوني بندول مادري ادول شراب سائل للاطفال وحبوب مادري حق شنو وابر سيوله بس

والله تحسفت اني سويتها قسما بالله

بس

البنات يقولون حدج اسبوع او 10 ايام وما يكون فيج الا العافيه

الله يسمع منهم يااا رب واعيش حياتي طبيعيه

 

[دمع القلوب]

الحين مسويتلي شوربة ماجي اللي بالشعريه عادي صح

 

[مذهلة 78]

شربي بس الماي بدون شعريه وخففيها شوي لان الماجي وايد مالحه

ونصيحه اشتري مسكنات من الصيدليه عشان يخف العوار وانشالله سهالات كل شي بأوله صعب