|--*¨®¨*--|جربتهـا تجريـب عاقـل وحسـاس|--*¨®¨*--|

[دلوعة الكويت]

أطرى على بالـي ثلاثيـن هوجـاس
مـن هالزمـان اللـي كثيـرٍ جهـاده


دنيا وهـم وغـم وانكـاد واتعـاس
وابـو حيـاةٍ مـا وراهــا فـيـادة


جربتهـا تجريـب عاقـل وحسـاس
أدرى حياتـي عـن طريـق النقـادة


إلي مع أهل العرف والطيب مجـلاس
أيضـا ولـي معهـم قدايـم وعـادة


والرجل معدن والمعادن لهـا سـاس
فيهـا ذهـب غالـي وغالـي زيـادة


وإلا النحاس نحاس على إسمه نحاس
حتـى النسـا مايلبسـنـه قــلاده


واليوم جانا وقت منحـاس منحـاس
أضعف عـزوم اللـي بعيـدٍ مـراده


والناس وين الناس ؟؟ جا غيرهم ناس
عـز الله إن النـار تخلـف رمـاده


البعض منهـم مامعـه فكـر وقيـاس
يمشي وعينه مثـل عيـن الجـرادة


من خلقته ما حاش طالـة ونومـاس
يانعنـبـو قـربـه وملـحـه وزاده


والبعض الأخر فيه سجة ووسـواس
يمشـي مـع الدنيـا بليـا رشــادة


همه يبيـع ويشتـري لـو قرطـاس
من كثـر هـم المـال صابـه بـلاده


والبعض يمشي رافع الصدر والـراس
كنه ولد عنتـر مـا يبغـى شهـادة


ما يدري انه يـوم الأريـاق يبـاس
يروح مثـل اللـي طريـح الوسـادة


مير إمْعَروف السيف والرمح والفاس
والله يدبـر مـا يشـا فـي عبـاده

الشاعر: وصل العطياني

 

[لبيه لكن!]

رد : |--*¨®¨*--|جربتهـا تجريـب عاقـل وحسـاس|--*¨®¨*--|

تسسسسسسسسسسسسلم ايدج دلوعه اختيار ولا اروووووووووع

 

[الغلاااااااكله]

رد : |--*¨®¨*--|جربتهـا تجريـب عاقـل وحسـاس|--*¨®¨*--|


والبعض يمشي رافع الصدر والـراس
كنه ولد عنتـر مـا يبغـى شهـادة


ما يدري انه يـوم الأريـاق يبـاس
يروح مثـل اللـي طريـح الوسـادة


مير إمْعَروف السيف والرمح والفاس
والله يدبـر مـا يشـا فـي عبـاده



قمممممممممممممه في الابداع

الشاعر وصل العطياني

والف شكر دلوعتنا