مراحب ...
على ذاك الجدار الي على حد البيوت
وقفت وهاجس الذكرى نفض غباره
وفي ذاك المكان ثبت ان الآدمي من طين
تخيل يوم لمسته تنهد من شقا ناره
سألني وقال أنا أذكر تجون اثنين
بكيت وقلت صدقني ..
رحل وانقطعت أخباره..!
*****************
قالوا علامك كل ماحل طاريه
تنسى البشر حولك وتذكر خياله..؟
قلت أبنشد قلب لاغاب يرجيه..
قلب بعد فرقاه واعزتاله...
قالوا علام القلب متولع فيه؟
دور لعل القلب يغلي بداله..؟
قلت الغلا ماهو على كيف راعيه
لو الغلا بكيفي قلنا حلاله..
*****************
ليه ماأرحل عن غرامك
بعد ماذقت الغبينه؟؟
اذكر لي شي واحد يستحق
أقعد عشانه..؟
قلب ماحن لوصالي
ماني بحاجة حنينه
وأشهد انه مايعزر بالرفيع
الاهـــــــوانه....
*****************
تخطي علي وأستسمحك وأترجاك
ضعفي هواك وفطنتك ماتخونك
المشكله اني كل ماجيت أبناسك
فكرت نفسي كيف ترتاح دونك؟
ورديت قلبي عنك لاشك هو جاك..
جيتك معه راضي بمقبل طعونك..
*****************
احتجت لك في ضيقتي مالقيتك
وقضيت ليلي بين همي وفرقاك
واليوم جاي تقولي هاه جيتك..
وش فايدة اني الى رقت أبلقاك..؟
*****************
يامرحبا باللي يبيني وأنا ابيه
الي غدا بعده على القلب جاير..،
لامرني طيفه وجتني طواريه
من زود شوقي له تهل العباير..،
ماغيره أحد علق الروح بيديه
ولا أحد سواه بخاطري مر زاير..،
*****************
تخيلتك وأنا جالس بين الناس وحداني
تذكرتك وقمت أضحك بس العين زعلانه
راحت تشتكي وتقول:
متى بشوف خلاني؟
فجأه اذا بالناس بدت تسـال وولهانه:
ورى عينك تهل الدمع
عسى ماهو خبر شيني؟
تبسمت وقلت لا
(جفون العين تعبانه)
*****************
لاتنزعج ماودي أزعجك واشقيك
بس القدر حكم بحكم الفراقي..
ماهوب قلبي لاتصبرت ناسيك
بعدك على هالحال زاد اشتياقي..
أبنتظر لو طول البعد وأرجيك
أشيل حمل الشوق لو مايطاقي..
أنا على عهد الموده مصافيك
ولو تحدا الوقت مازلت باقي..
*****************
بالأمس كنا نجتمع ليل ونهار..
واليوم يابعدك ويابعد دارك..
ليت الليالي علمتني بالأقدار
وليت القدر يرحم بحالي وحالك..
يمر ليلي في خيالات وأفكار
على بساط الشوق أصور خيالك..
*****************
يعانقني صدى صوتك
يجسد فرحة الإحساس
يغني للهوى معنى
ويفضح نظرة عيوني
ويعلن خاطري كلمة
أحبك يا أعز الناااس
أحبك والغلا بالروح
يزيد اليوم بشجوني..
*****************
في شوفتك "فرحه"
تنسيني أحزااااني
يالي أحبك كثر حب البشر كله
حبك طويل ولا أدري وين وداني..
أروح وأعود في ذرى ظله
كاني نسيتك عسى هالعمر ينساني..
وإن مادرى خافقك عن هالغلا قله..
*****************
ياحيلة الله وش أسوي بالأقدار
مالي على رد المقادير قوه
مكتوب أصير في دار والزين في دار
وقلبي تلوع وأحمر الدمع ضوه
ياما صبرت وراعي الحب صبار
يخفي عذابه كان عنده مروه..
*****************
لو ضاعت مفاتيح الوفاء
من كفوف الزمن
أوعدك مايضيع مفتاح غلاك
دامني حي..
*****************
عسى ربي يعوضنا
على قل اللقاء والشوف
ويجمعنا مثل أول
ونروي بالغلا ديره
*****************
لاتظن طيفك عن عيوني رحل
واعرف انك في قلبي اكيد
لو يمل الصبر والله ما امل
وانا في درب الهوى لجلك شهيد
*****************
يابخت من قلبه من الحب خالي
لاهو يفكر في كثيره وقليله
لكن انا ياناس ياشين حالي
ان قلت بنسى الحب ماالقى وسيله
*****************
سو اللي براسك ولاتذكر اسباب
لاصرت بايعني توكل على الله
مابيني وبينك مشاريه وعتاب
شف دربك اللي جيت منه تدله
ماراح تغلبني لو الحب غلاب
من حضرتك عشان قلبي تذله
*****************
عليك قلبي يامنى الروح مذبوح
الشاهد الله مانسيتك ثواني
يلي فراقك حط لي هم وجروح
واكبر مصيبه عشتها في زماني
احبك اكثر من الحب المسموح
ولو بيدي ضميتك بصدري
واتعانقت الروح بالروح
*****************
انا قلبي من كثر شوقي ملا صدري
من كبر قلبي نفذ صبره
من "صباح الخير" لين الشمس ماتسري
ومن "مساء الخير" لين نصير في بكره
والغلا في داخلي مثل النهر يجري
ليتك تدري بغلاك داخلي وش كثره
*****************
يموت الحب في لحظه
ويولد الف حب غيره
ولكن الوفا ان مات ما
يتعوض بثاني
*****************
كيف ينجرح قلب من لي
هم سكونه
كيف يقسون يجفون
وبالغلط يفهمونه
خلهم ينزعوا قلبي دام
البعد يبونه
من غيرهم ماحتاجله
خلهم ياخذونه
*****************
ان كان بالغلا والاخلاص
توفي لي
اوعدك ما اضيع الاخلاص
واوفي لك
ان كان قلبك بكل الغلا
صافي لي
قلبي من العام بالاشواق
صافي لك
ان كان خايف علي دايم
وتدعي لي
انا اذكرك في قيام الليل
وادعي لك
*****************
دورت لك
في داخلي
شي يزعل عليك
لقيت
حتى الزعل فيني
راضي عليك
وسلامتكم ،،،،
