~*¤ô§ô¤*~احسن امبولا استخدمتها حق شعري~*¤ô§ô¤*~

[كويتيه مزاجيه]

~*¤ô§ô¤*~احسن امبولات استخدمتها حق شعري~*¤ô§ô¤*~

​

هاااااي بنات​

بكلمكم ع احسن امبولات استخدمتها حق شعري​

اولا انا ماشالله ماشالله شعري روووعه من كنت صغيره
والكل يسالني عن شعر و حتى اللي ما اعرفهم بالمدرسه
يوم قصيت شعري الكل يسالني ليش و حرام
زين انا ما عرفكم شكو لهدرجه شعري ملفت​

عندنه وراثه الشعر بذقل و طول
والله مو مو متحجبه جان وريتكم​

امي ماتحب الشعر القصير من عمرها و عمرها ماقصت شعرها
ماشالله شعرها طولها
امي نضام اول حنه و محلب ماتستغنه عنهم و كله بصغري تحطلي معاها
انا و خوانتي​

المهم
عندنه عرس و رحنه كلنه بعد العرس اعوذوبالله
اختي لما قعدت من النوم شعرها ع المخده جنه في احد قاصه لها خترعت
و صارت فيها حاله نفسيه من شعرها راحت الطبيب و قالها تستخدم امبولات اكرينال استخدمته
والله شعرها وقف ماقام يطيح ​

فاانا ملقوفه ايشي حق شعر ابي اجربه
رحت وشريتلي علبه
سعرها اذا مو غلطانه 16 دينار
فيها 6 مادري 8 امبولات
المهم انه الامبوله الوحده حق اسبوع
ماشالله انا شعري ما يحتاي
بس ابي اجربه
والله ثم والله
يطول شعري بسبوع
وينبت شعر و يكثف
والله عجيب​

و هاذاي صورته​

​

معلومه اختي لما طاح شعرها كانت تستخدم الامبولات مع الشامبو مالهم نفس الماركه اكرينال​

والحين بحطلكم الاامبولات اللي استخدمها الحين
اهي الصبار​

​

بعد ما اسبح يكون شعري امبلل اخذ شويه و افرك فروت راسي​

صارلي 3 مرات استخدمته للامانه و احسه حلو حق شعري​

و اتمنى انكم تستفيدون من تجربتي
بس للامانه انصحكم بالامبولات اكرينال​

واللي تجربه ويعجبها ما ابي غير الدعوه :yaaaaaarb:الحلوه منكم اني احمل :eh_s(2):​

 

[omsalooom@hotma]

اختي امبولات اكرنال صج تنبت الشعر انا اعرف انها تدهن الشعر تخلي دهني

 

[omsalooom@hotma]

انتي كان شعرج اشلون قبل استخدام اكرنال

 

[ReeM ^ Style]

مشكووووووره حبيبتي ماقصرتي
ويعطيج العافييه

 

[كويتيه مزاجيه]

اختي امبولات اكرنال صج تنبت الشعر انا اعرف انها تدهن الشعر تخلي دهني

حبيبتي انتي وين تحطينه ع فروت الراس الجذوربس مو على الشعر كله

شعري قتلج كثيف و معاه صار تغير ملحوض ما حسيت انه يدهن

و اقولج اختي رد شعرها مثل اول

 

[كويتيه مزاجيه]

مشكووووووره حبيبتي ماقصرتي
ويعطيج العافييه

حبيبتي منورتني
الله يعافيج

 

[omsalooom@hotma]

بس ما قلتي شعرها كان خفيف او في فراغات وشفتي نبت واذا نبت من اشكثر لاحظتي ارجو الرد

 

[omsalooom@hotma]

بس اهي اظن تحطينها قبل الحمام صح وتنغسل بالشامبو

 

[Nnoosha Style]

يعطيج العافيه

 

[لولو دبي]

انا مب ناقصه دهون في شعري
شعري وايد يزيت ):

 

[دلووووعة نجد]

الله يوفقتس و يعطيتس ما تمنيتي
انا اخت صديقتي كانت معنا ايام الدراسه و شعرها كان لكتفها لما جات زياره بعد سنه من التخرج الا شعرها لاخر ظهرها و كان قبل سنه لكتفها ما شاء الله تبارك الله
سئلت اختها صديقتي قالت تستخدم امبولات الصبار
بس طلع شعرها خشن و هو كان ناعم
معروفه تطول حيييل

 

[لولو دبي]

معروف الصبار يخشن الشعر
بس اذا في فروة الراس ما يضر ما يخشن

 

[sousouna]

مشكورة حبيبتي سمعت كثير عن شامبو و امبولات أكرينال حاليا أنا بستخدم الشامبو ناسب شعري كتيير بس الصراحة انا مابعاني من التساقط غير العادي فما حاسة بالفرق ( تساقط الشعر عندي بالنسبة الطبيعية الي هو بين 50 و 100 شعرة باليوم )

 

[omsalooom@hotma]

يعني خلاص راح نقرع ونصلع ماكوشي ينبت الشعر اذا احد جرب شي وفادها تقول

 

[LAVENDER-Kw]

سامعه فيهم شاكرتلج نقل التجربة

 

[omsalooom@hotma]

ييعني معقول ما كو حل اافراغات شعري وايد خف من جدام

 

[^_^ Coco Chanel]

انا اليوم اول يوم لي بالكبسولات مالتهم ... شوف النتيجه اشلون

 

[كويتيه مزاجيه]

اختي قرعت و شعرها طلع مرا ثاني
رووووعه

 

[كويتيه مزاجيه]

ييعني معقول ما كو حل اافراغات شعري وايد خف من جدام

جربيهم و اذا ما عجبوج روحي الطبيب راح يقولج عليه
صدقيني

 

[اوبراا]

شنو اللي نبت شعر اختج ايفا ولااكرينال عفيه وايد متازمه شعري يحت يخرع خفيف ومصلعه من جدام وانا بنيه