دلوعة الكويت
New member
- إنضم
- 29 أكتوبر 2004
- المشاركات
- 757
- مستوى التفاعل
- 0
- النقاط
- 0
- العمر
- 40
[grade="FF4500 000000 008000 FFFFFF 000000"]الـــكــــويـــت[/grade]
"|"|"|"|"|"|"|"|"|"|"|"|"|"|"|"|"
نامي .. وحِنّا نسهرك .. لاتضيقيـن
العيد باكـر يحتفـل بـك لـحالـك
نامي .. واذا كف الغدر صار كفّيـن
نكسر يديـن اللـي بشّـره نوالـك !
اللي غدر ! منبوذ مـن مِلّـة الديـن
خاين ... ويغريه الكفـر للمهالـك !
شيطان .. أحمق .. التحق بالشياطين
مجنون ... عابث .. ماينقّص كمالك !
ندفن شـرور الشرذمـه والمعاديـن
مايجرحون أرضك وحنّا عيالـك ..!!
انتي فداك الرووووح ياقـرّة العيـن
وقلوب شعبك كلهـا لـك .. فدالـك
دم الشهيد اللـي روى هيبـة الطيـن
للحين نشـرب عِزتـه مـن رمالـك
روح الأسير تفوح بارضـك وتبقيـن
دار ٍ حضنتي شيمتـه فـي ظلالـك
اسمك " كويت " وموطنك نَعرفه زين
طيبة جنوبـك مـن كرامـة شمالـك
الخير ياأم الخير واضح مـن سنيـن
ياما عطيتي .. والكرم راااس مالـك
هِبّي على وجـه العـدو لاتضيقيـن
واللّه لـو يطمـع عـدوّك ماطالـك
شوفـي بناتـك صيتهـم فالمياديـن
والأرض تفخر في شجاعـة رجالـك
فِلّي جديلك عيد " خ25سه وعشرين "
رفرف يغنّـي فـي غـلاك ودلالـك
شعبك يعيش بفرحـة العيـد عيديـن
نصر وبطـولات اهتفـت باحتفالـك
نامي .. وحِنّا نسهـرك .. لاتحاتيـن
نقطـع يميـن المعتـدي لا نوالـك !
العيد باكر يحتفـل فيـك .. والحيـن
زيدي فخر ياداااار .. حنّا عيالك !!!
للشاعره:خلود البراري
"|"|"|"|"|"|"|"|"|"|"|"|"|"|"|"|"
