تجمع الامهات اللي عيالهم يلبسون نظاره

السلام عليكم

منو عندها طفل يلبس نظارة؟باي عمر لبسها؟ وشنو كانت المشكلة؟وشلون تعاملتوا مع الموضوع اكيد بدايتة صعبة؟شلون حببتوا عيالكم فيها؟وشلون تعاملتوا من الناس الفضوليين واللي اسالتهم ماتخلص حرااااااام وليشششش وشحقة الخ""""""

انطر تجاوبكم:eh_s(8):

اشدعووووووووووووووووووووة ولارد ليش بنات ماتدرون شكثر متضايقة

يااااليت المشرفات يحذفوووون موضوعي باقرب وقت

حبيبتي ليش كل هليأس بصراحه انا معندي بيبي ليلحين بس لو كنت مكانج راح اقوله انت لازم تلبسه عشان نظرك يتحسن و بعدين انشاله بيتعود عليها و الضاهر انج عصبيه لازم تهدين بالج معاه

أهلين أختي رغد والله يعينج بس الي ابي اقول لج لا تأخذي نضارة عدساتها زجاج لأن أخي المسكين يوم كان صغير دعمه احد الأطفال بالدراجة وانكسرت العدسة بعينه وشقت العين وراح للمستشفى ولم يقدروا يسووا له شيء ألا تخفيف الألم والحين فقد البصر في عينه وذلك بسبب تلك العدسة الزجاجية والمعروف ان كل شيء بتقدير الله سبحانه وتعالى لكن فعل السبب شيء ضروري والله يشفي كل مريض

عاشقه السراب

الله يجزاج خير عالنصيحه بصراحه توني أدري أن الزجاج خطر والبلاستيك أفضل



حبيبتي صاحبة الموضوع يسلمو خوش موضوع يبيله قعده بطلع كل اللي بقلبي

بنتي أول مالبست النظاره كانت وايد متضايقه لأن اليهال كانوا يعايرونها أم أربع عيون مسكينه كسرت خاطري بعد عمري بس بكتبلج تجربتي مع بنتي ونظارتها بالتفصيل ان شاء الله بس الحين مشغوله لي عوده ان شاء الله

انا ولدي يلبس نظارة من 3 ابتدائي ومحتاسين كله يناساها او عيوني تحره وما ندري ليش

والله مادري يا رغد ماجربت هالوضع بس مالج شغل بالناس كلشي ينشدون عنه اهم شي مصلحة بنتج ..

^^رغد^^ قال:

السلام عليكم


و عليكم السلام و رحمة الله وبركاته:eh_s(8):


منو عندها طفل يلبس نظارة؟

أنا أنا((((رافعه ايدي الثنتين:eh_s(9))))


باي عمر لبسها؟

من أقل من سنه يعني كان عمره ثلاث سنين


وشنو كانت المشكلة؟


الله يسلمج ولدي هذا يسمونه (بو خزة) يعني كان يدش بالورقه عشان يشوف شنو فيها...
و يلزق بالتلفزيون بشكل مو طبيعي!
و على كثر ما كنت أحاول اعلمه الألوان ما كان يفرق!
فشكيت بالوضع!و طلع مسيكين نظره ضعيف..


وشلون تعاملتوا مع الموضوع اكيد بدايتة صعبة؟


واااااايد...أكثر الصعوبات انه يقطها.
بينما الطبيب يقول اذا حافظ على لبسها انشالله على دخلته الابتدائي ما يعود يحتاجها و ممكن يتحسن النظر بعون الله.

و من الصعوبات كثر تكسير النظارات.>>>>> اليوم كاسر نظارته الي تونا من عشر ايام مسوينها:eh_s(16):

يااااكثر ما تضيع خاصه اذا زايرين.

غيرة اخوه الصغير بعد يبي يلبس مثله.

كان يطحن قلبيييييييييي لما دريت انه يبيله نظاره وايد وايد كسر خاطري.
و انا كسرت خاطر نفسي اكثر لأن صار عندي معاناة يوميه انه اخليه يلبسها و ما يقطها.



شلون حببتوا عيالكم فيها؟



حياج الله تربعي و شربي جاي ....مابقا شي ما سويته.و ما بقا أحد ما سألته ها السؤال.

أول شي قبل لا يلبسها اشوقه لها و انه الله راح تلبس نظاره نفس فلان و الا فلانه!


و قبل لا البسه النظاره بجم يوم طلعت نظاراتي القديييييييييييمه و قمت البسها عشان يشتهي النظارة لفصلناها له.


خليته اهو ينقيله النظاره الي تعجبه.
طبعا بهذلنا بهذله بالمحل و عفس الدنيا لكن معلش


أول ما لبسها سويتله احتفال و صفقه و تصوير و خبه يعني كل شي قدرت اسويه سويته عشان افرحه فيها و أنا الله العالم قلبي متقططططططع.


أول شهر ما حاولت افرضها عليه ابدا.....البسها اياه بمزاجه و اذا قطها اخليه شوي بعدين البسها اياه و اذا ما رضى اخليه على راحته....بس بالبدايه لين يفهم انه لازم يلبسها و هو الي يبيها مو مفروضه عليه.


اذا طلع بباي و الا احد بالتلفزيون لابس نظارات اقوله طالع طالع ها الولد الشاطر نفسك ما يقط النظارات.


أكثر أكثر شي فادني قصة الليل(((كان يا ما كان في ولد اسمه نعمان قعد من النوم لبس نظارته ليييين بالليل ما قطها....بعدين فصخها عشان ينام و لبسها الصبح.شاااااطر نعمان .حتى حماده شاطر ما يقط نظارته)))>>>>> ها القصه المقرر اليومي كانت لمده اشهههر:eh_s(15):

من عقب اول يومين بالقصه لاحظته بدى يحرص على النظاره اكثر.


نصيحة الدكتور لما سألته ها السؤال.....يقول لبسوها اياه و هو يطالع التلفزيون عشان يحس بالفرق.و هو يصير الي يبيها.



ما ارضى له يلعب معاي و الا يطالع التلفزيون الا اذا لابس النظارات.


أكثر شي احرص عليها وقت الحضانه ايام الحضانه و الحين بالروضه لأن هناك طول النهار ما يقطها مو مثل البيت ياخذ راحته و شغله محذف يمين يسار.



وشلون تعاملتوا من الناس الفضوليين واللي اسالتهم ماتخلص حرااااااام وليشششش وشحقة الخ""""""
مافي مشكله من ها الناحيه....
خلج مرتاحه البال شنو بيقولون الناس يعني؟!
و طبيعي بيسألون وعليه مسكين ها الكلام عادي طبيعي.....لأن ياهل و لابس نظاره بيسألون شفيه جاوبي عادي!و لا تحطين ببالج.


انطر تجاوبكم:eh_s(8):

أنقر للتوسيع...

آخر شي اقولج الله يعينج انشالله

رنين ماشاء الله تجربتج عجبتني واستفدت منها الله يحفظلج وليدج ويشفي عيونه

انا بنتي لاحظت عليها بأولى ابتدائي تنقل من السبوره كلمات غلط وتشتكي انها ماتشوف اللي مكتوب مع انها تقعد اول وحده ولما وديتها للطبيب قال نظرها ضعيف ولما فصلنالها نظاره سوت لنا سالفه ماتبي تلبسها منحرجه منها عاد قعدت اقنعها ان اللي يلبسون نظارات كلهم عبقريين وأذكياء بس كلا توقف جدام المنظرا وتطالع شكلها وتتضايق والمصيبه يوم راحت عند بيت جدها عيال عمامها وعماتها طنازه عليها ام اربع عيون وياخذون نظارتها وينحاشون ولعوزوها وصارت انطوائيه بصراحه الحين اذا بتروح عند بيت جدها ما اخليها تلبسها واهيا مستانسه على جذي

جزاج الله خير عالدعوة الحلوة عباية راس


ولدي جذيه بثاني نظاره...
من ثاني يوم عوى نظارته الأولي...لما بغيت اشتريله الثانيه حرصت على المواصفات و المتانه اكثر من شكلها عاللبس...

هم كنت ماخذته معاي و من وحنا بالمحل ما حبها و مايبيها...بس خذيتها لأنها اقوى و احسن شي لقيته.

و ما تشوفينه الا مستحي يطلع فيها و لما بغينا نروح يبت اهلي اول ما وصلنا خاش ويهه و شالها ما خلاها..عاد بلغة الاشاره قلت حق خواتي يمدحونها و يونسونه و فعلا ارتفعت معنوياته شوي.


عقب ببيت خالتي نفس الشي قلت لهم ترى كارهاااا يسلمكم لحد يقوله شي....
ماقص عليج شكلها مو حلوة وايد عليه بس هي الي عمرت شهور معاه....

طلعة طلعتين ثلاث مع التشجيع عجبته و ارتاح عليها لأن زجاجتها واسعه يشوف براحته من جميع الجهات

يعطيكم العافية بنات
ماادي شقولكم حسيت انة في احد حاس فيني والله نفسيتي تعباانة ومومستانسه كلش
بنتي تلبس نظارة ياحياتي عمرها 6 شهووور ونص اشوا انها صغيرة ماتفهم بس ماني قادرة اتقبل الوضع تعباااااااااااااااانة اهي عندها بعد نظر
ماني قادة اكمل ارد كم بعدين

ليش نفسيتج تعبانه قولي الحمد لله غيرج عيالهم مايشوفون بعدين بنتج صغيره بتكبر وتلاقي النظاره عليها بنتي كبيره وفاهمه وصارت تستحي من شكلها بالنظاره بس شنسوي الحمد لله على كل حال

بعد عمري يا رغد و الله حاااسه فيج.....
أنا ولدي بوقت سويناله الفحص و دريت انه بيلبس نظاره ما نمت الليل من الهم مع انه كان المفروض بعد وراه عمليه لحميه بنفس الوقت....ماهمتني العمليه كثر النظاره .
العمليه يومين اسبوع و يطيب الحمدلله ....لكن النظاره جهاد يومي....

بس لما الواحد يعيش الوضع غير عن لما يتخيله...
خلاص تأقلمين.
و قولي الحمدلله انتبهتوا لها مبجر.

دام فيه حل الحمدلله الواحد يرتاح....


أنا جذيه لما كنت افكر اقول يعني لو مو فاطنين له و دش المدرسه بيحسبونه غبي و يكون كسلان و السبب النظر ما فطنا له!

و تكبر المشكله اكثر من مشكله شكليه الى شي يأثر بحياته بثقته بنفسه بعلاقاته بكل شي.

حتى بالحضانه و هي الحضانه الابله قبل لا ندري انه يحتاج نظاره تقولي ولدج عادي ما يجاوب بالمشرمحي ما يفهم بس عاد مع الذرابه ماقالتها....

لكن مسيكين شلون بيفهم شي ما شافه!

لما لبس النظاره شخصيته تغيرت.
و بدا يفرق الألوان مثلا الاعداد الحيوانات......يعرف يميز بين الاشياء اكثر.



و يظل في أمل انشالله اذا بها العمر حرصتي عليها انها اذا كبرت ما تحتاجها.



طولي بالج و الحمدلله بنتج صغيره معاناتج معاها وايد أخف باذن الله....
أنا ينني فوق الهم تكسر و تحذف و اذا هو ما ضيعها اخوه يكسرها
يعني ماكانت تقعد على عينه!

و محايل و اقناع عشان يحبها و خطط....غير لجابل روحه بالمنظره يلبسها و ما تعجبه يقول لا مو حلو!
أبي ثانيه!

و خذي عاد

يا حبيبتي رغد ازعلتيني والله كلنا نتأثر بما يزعل احد أخواتنا في المنتدى لأننا كالجسد الواحد اذا اشتكى عضو تداعى له باقي الجسد واحب اقول لج لا تزعلي لأن هذا من قضاء الله وقدره ولازم علينا نرضى بما كتبه الله سبحانه علينا وابي منج تشاهدي من هو اكثر منج مصيبة حتى تهون مصيبتج لأن أختي رزقها ببنت تعاني من بما يسمى الماء الازرق وهذا يتلف الاعصاب حقت الحس العصبي البصري وهي عمرها 11 شهر والمسكينة من عملية لعملية والحين ما لها الا اسبوع مسويها لها عملية وهي كانت زيج زعلت وبجت لكن شاهدة في المستشفى من هو اصعب حالات من بنتها وأنا انشدج أن تهوني عليج وتحمدي الله أنها مو معاقة حركية أو ذهنية وكل مصيبة أهون من مصيبة أخرى والله يشفيها لج ويخليها لج وما عليها ألا كل خير والحمد لله على ما اعطانا

ااااااااااب