بنات ابيكم ضروري تكفووووون تعالوا ابي رايكم (منصدمه)

قوه بنات


شلونكم شخباركم



بنات ابي ابي اقولكم سالفه وابي رايكم لاني قررت اني ما اتخذ ولا خطوه الا بعد مشورة ناس كبار فاهمين واخاف اي شي اسويه يرجع عكسي


المشكله ان ابوي صارله فتره سألنا عن الكمبيوتر شلون تشبكون شلون ادش المنتدى شلون اسجل

شلون افعل اشتراكي شلون اضيف بالمسن شلووون وشلووون وانا واختي نعلمه كل شي

على فكره ابوي مو كبير شباب :eh_s(13)::eh_s(13):

وقبل فتره اسبوعين لاحظت انه يقعد ع النت واذا دشيت عليه يكون يلعب الجنجفه قبل جم يوم دخلت فجاه والا هو داش شات ويسولف وغيّر الصفحه ولما رحت حذفها واليوم يصرف خواتي عنه عشان يسولف ومسجل بنك اخوو الحلا

صرت افكر اقول حق امي بس اخاف من المشاكل والمصيبه ان ابوي رجال خلوق وله مكانته بالديره ومعروف والكل يشهدله وانا لما عرفت انصدمت واحترت والله حتى النوم ماني قادره انام

شسوي فكرت اصارحه بطريقه غير مباشره بس مايمنع انه يدش مره ثانيه اما ان قلت لامي يمكن يوقف لانها اول مره وبصراحه مابي ابوي يتعود على هالسوالف لانها خراب بيوت

ابي راااااايكم تكفوووووون

والله مادري شقولج


اذا انتي وايد ميانه مع ابوج ويسمعلج .. قوليله عادي ... قوليله يبا ترى عادي الصغير ينصح الكبير ... وانا بنتك واول وحده تحب انها تنصحك .. يبا ترى الكمبيوتر بلاوي مو بس بلاوي .. الكمبيوتر مستنقع من الوحل والطين .. يجرك للاسفل بدون ما تحس وماراح تحس وطول الوقت عبالك انت مو مسوي شي غلط لمن تغرق بالطين -الله لايقوله- وتالي يفوت الفوت وما ينفع الصوت


والله وياج حبيبتي وان شاء الله يكون ابوج ذخر لج ولا اييه خراب البيوت هذا ويخربه ..... صدقيني اهو ما قال علميني وعلميني الا سامع من الشباب ولا من احد خرابووووه

في رياييل تحوشهم مراهقه متاخره
ادعيله الله يهديه ويرده لعقله ولاتقولين لاحد بيي وقت بيعرف ان غلط ويرد نفس اول المشكله الحين رمضان مووقت هالسوالف

والله انا من راااااااااااااااي الغاليه نونو
واهم شيء تلتمسين لبوج عذر لانه في بعض العيال يلقون عذر لعمايلهم الغلط
غلط الكبير

اهلين ياقلبي ..

والله عادي .. هو رجال كبير فاهم .. خليه يدخل شات اذا هو مايسوي شي غلط ..

واذا كان يسكر الصفحه يمكن يبي ينبهج على شغله ..

بان هو مايشوفكم بس في احد فوقكم يشوفكم ..

احسني الظن يالغلا

وان شاء اللهـ خير

انا اقول ا ذا يعني اذا امج انسانه متفهمه و عندها اسلوب بالنقاش قولي لها اما انها تسوي مشاكل و ما يكون عندها حلول اسكتي و حاولي تشوفين اخطاء الوالده يحقه او تقصيرها و ناقشي امج فيها يمكن اهي مقصرة او عندها نقص خلاه يدور شي يلهى فيه عنها

او يمكن من باب الفضول يبي يعرف هذي السوالف انتي بعدج بلبدايه و يمكن تلوع جبده لان هذي السوالف لليهال و اتمنى لكم الستر و التوفيج

لووول يا حليله ابوج ضيفيه بايميل ثاني يديد سويه بس حقه وخلي نكج نك دلع
وقوليله انج عرفتيه من الجات او اي شي وشوفي طريقه سوالفه

لو انا منج اصارحه واقوله يبا اشتبي بالجات والخرابيط
وبعدين اهو اكيد سامع بالدواوين عن الجات وبلاويه وشاف احد حاط اللاب توب ماله ويهذر مع البني جدام الرياييل ويازت له الفكره وحب يجرب من باب الفضول بس خوفج يتولع بالنت

صج نسيت اقولج
لا اتييبين طاري لامج كلش واتكدرينها ولا تفتحين باب الشك بينهم ترى فيها خراب بيوت

Q8ia_100% قال:

لووول يا حليله ابوج ضيفيه بايميل ثاني يديد سويه بس حقه وخلي نكج نك دلع
وقوليله انج عرفتيه من الجات او اي شي وشوفي طريقه سوالفه

لو انا منج اصارحه واقوله يبا اشتبي بالجات والخرابيط
وبعدين اهو اكيد سامع بالدواوين عن الجات وبلاويه وشاف احد حاط اللاب توب ماله ويهذر مع البني جدام الرياييل ويازت له الفكره وحب يجرب من باب الفضول بس خوفج يتولع بالنت

صج نسيت اقولج
لا اتييبين طاري لامج كلش واتكدرينها ولا تفتحين باب الشك بينهم ترى فيها خراب بيوت

أنقر للتوسيع...

لووول خوووش راي والله ... تحلييينهاااا بدووون لا تفتحين السالفه لا مع امج ولا مع ابوووج ... وانا لو مكانج اسوي جذي :eh_s(3): واقوووله انت عمرك جذي ليش تسوي هالخرابيط .. وقوليه على قولة الغاليه نونو في فايل تجسس انا حاطته في كمبيوتري يطلعلي كل الصفحات اللي انته فاجها من اول ما شبكت خصوصا ان الوالد ما يعرف ولا شي بالنت

بس ديري بالج لا ترووحين تقولين له ولا تقولين لامج .. يمكن امج و اوبووج ماراح يعجبهم الحال خصوصا اذا يت النصيحه من بنتهم ... وهذا راي وانتي على راحتج ...

أزمة منتصف العمر يسمونها هذي

حبيبتى مو معناته دش شات يعن يخربط ويغازل
يمكن كان بيشوف شنو هالشات اللى الكل يتكلم عنه
انا ماشوف ابوج ارتكب جريمه

ماشاء الله اسلوب نونو هو العدل والصح

الغاليه نونو قال:

شوفي يمه بوصيج وصيه حطيها حلقه بإذنج


اول شى الله سبحانه وصي بالوالدين احسانا
والرسول صلي الله عليه وسلم ياله واحد قال له يارسول الله انا شفت امي تزني قول لي شسوي تهقين اشقال له الرسول صلي الله عليه وسلم بابي هو وامي

قال له ان شفت امك تزني غطيها واستر عليها

انتي الحين قلتي سالفة ابوج بطريقه مباشره وهذا من باب العقوق اسأل الله سبحانه انه يغفر لج يابنتي اول شى هذى اسرار بيوت مايجوز تخربطين وتكتبينها لي ولا لغيري ثاني شى ابوج ريال كبير وفاهم الحياه لووو ابوج يبي خرابيط والا يدور الهياته بالنت جان راح تعلمها بره البيت انتي ماسألتي نفسج ليش ابوج طلب منكم هالشي وليش مااطلبه من احد ثاني غيرج انتي واختج؟؟؟؟؟؟؟

يمكن ابوج بيوصل لكم رساله بطريقه غير مباشره من كثر ماتجابلون النت انتي واختج حتي لووكنتوا مجابلينه لاغراض تربيويه وثقافيه
)

أنقر للتوسيع...

بالضبط الي كنت داشه بقوله....


و شنو يعني داش جات؟
مافي ناس تدش الجات باحترامهم وتطلع باحترامهم؟!
مافي بعض الجات حجرات خاصه يكلم صاحب له مسافر...
ممكن له حاجه مو شرط يقولكم عنها...و لما شافته اختج غير لأنه ما يبيكم تتعلثون بان هو يدش الجات عيل احنا ندش بعد....

لما بغينا نسافر كنا ندش الجات نسأل أهل البلد عن المناطق السياحيه و الاماكن الحلوه بديرتهم.....
معناها احنا الحين اجرمنا؟!
و الا سوينا ذنب؟!!!

نكلمهم باحترام و ردودهم باحترام و فهمنا منهم الي نبيه!
و خاصه بالجات الي يبي الخراب ما يحطه عالعام الا قليل و اماكن معروفه بوصاختها...


اذا البنت ماتكون واثقه بابوها بمنو تثق عيل؟!
خاصه و هو خلوق على ماوصفتي.....

انتي حرصي يا حبيبه على نفسج و ديري بالج على خواتج....
لكن لا تخربين بيتكم و تشبين نار بين امج و ابوج على شك ماله داعي!

و ابسط شي اذا علاقتج بابوج تسمح قعدي معاه ببساطه و قوليله يبا مابي الشيطان يدخل علينا لأن فاهمينك غلط.... بس شفنا كيت و كيت شالسالفه؟

و الاحسن برايي حتى ما تسألين و خلج واثقه بابوج.

صعبه ريال خلوق و له مكانته و عنده بنات يحبهم يخليهم يعلمونه على الخراب و يبدي يراهق بها العمر!

ان ما رده عمره بيرده حبه لكم
و ان مارده حبه لكم بترده اخلاقه
و اذا ما كانت تكفي تردع عن الغلط.بيرده خوفه على مكانته ...

و اذا كل هذا ما رده و غلط ساعتها حتي بالغلط ماراح يطول و مرده ينقد على روحه...فأحسن انه تخلونه حتى لو متأكده من غلطته(و انتي منتي متأكده)
طول ماهو مستور سهل يتوب و يصلح الغلط ...خاصه انه خلوق .لكن الفضيحه حتى لو بس جدام امج تخليه احيانا يصر عناد فقط لا غير ساعتها عاد تعالوا رقعوا!



لا يبا خلج واثقه بابوج نادر نادر نادر واحد على ما وصفتي ابوج يغلط مثل ها الغلطه!

واذا مسجل بمنتدى او حتى دخل شات
اوكي هو ابوكم بس هم هو انسان طبيعي مثلي ومثلك ومثل كل اللي يدشون النت الرجال مااجرم عادي حب يضيع وقته الفاضي بالنت
تتوقعين لو بيخربط بيقعد عندكم بالبيت لاااااا حبيبتي بيقزرها سفرات وروحات وجيات ووووو وماتقدرون تمنعونه
احمدي ربك والعني ابليس وسكري عالموضوع نهائي لا تفتحين امك على سوالف يمكن تكون وهم ومالها اساس من الصحه

ممم بصراحه من راي الغاليه نونو مو كل شي بنات بحياتكم الشخصيه تقولونه ترا سهل انج تتعرفين على ناس وبهالطريقه تكونين كاشفه اسرار بيتج مو حلوه بحق ابوج كلش