قصة حب رفيجتي نبي استشارتكم بنات ♥

رد: قصة حب رفيجت نبي استشارتكم بنات ♥

الله يهديك

لابد أن تنطرح بين يدي الله وتدعيه أن يزيل هذا التعلق من قلبها ويغفر لها ويتوب عليها

ما أظن يترضى تموت وهي على هذا الحال و كمان ماترضى أن أمها تغضب عليها ليوم القيامة

هي أخطأت في حق نفسها لكن خير الخطائين التوابين

خل تقلع عن هذا الذنب وتتركه لله لله لله ومن ترك شيئاً لله عوضه الله خيرٌ منه

و لنفترض بيخطبها لكن هل سألت نفسها ماديانته ؟

لا يجوز شرعاً أن تتزوج المسلمه كافر

حكمي عقلك أختي وريحي ضميرك و قبلها اسعي لرضى ربك

اعلم أن التعلق بشخص في بداية الأمر يكون صعب على الإنسان الترك والإستغناء عن من يحبه بهذه الدرجه

لكن القلب لابد أن يصحح مساره ويتعلق فقط بالواحد الأحد ، وفي النهايه سوف يتغلب على هذا التعلق ويستغني .

أختي اتركيه لله وجعلي تركك له عباده وقربه تتقربين بها له سبحانه اشغلي وقتك استغفري ألحي على الله بالدعاء

لكي يخلص قلبك من حب حرمه سبحانه

أطلبك أختي لا تجعلي الشيطان يسيطر عليك قولي سمعاً وطاعه لما يرضي الله ، توبي إليه

و أسأل الله العظيم أن يهديك ويزيل حبه من قلبك و يعوضك بوافر الأجر دنيا وأخره .

رد: قصة حب رفيجت نبي استشارتكم بنات ♥

البنات ماقصرووو وازيد صعبه تاخذ واحد مو من مواخذيهم والاصعب تخسر اهلها عشانه !!!! لو مكانها ماارضى

>>مو ترفع لمن قلت مو من مواخذيهم بس قصدي ان مو عربي وعاداتهم تختلف ومو مكمل دراسته وصغير يعني كل هذول يحول بينهم والاهم علاقتهم غلط من البدااااية

رد: قصة حب رفيجت نبي استشارتكم بنات ♥

حبيبتيْ ، خليها تنسى قلبها ومشاعرها وتحكم عقلها شويْ :
خليها ترتب امورها وتفهمْ شوعليها ، الزوآج مب لعبة . له تَبِعاتْ
وامور تترتب عليه فالمستقبلْ ، مبْ حبني وحبيتهْ وتزوجته وصار اللي صار!!
لماتتزوجه وين راح تروحْ ؟ تسافر تعيش ويآه برع ؟ تتغرب عن اهلها وبلآدها ؟
هل تقدرْ تتعودْ على نمَطْ حياة متغغير كُلياً عن السابق ؟ بتتعايش ويا عاداتهم وتقاليدهم
ومجتمعاتهم اللي عكسنآ 180 درجة ؟

عيالهآ شومصيرهم ؟ في بلادنآ نحن معززين مكرمينْ كل شي متوفر لنآ من تعليم وصحة
وخدمآت ثانية ، بتلاقي هالمميزات برع ؟ بتقدر تامن لعيالها حياة مابقولجْ مُترفه بس ميَسورة ؟
وفالاول والاخير، هو مب مكمل درآسه !! كيف بيصرف عليها اذا هو ماعنده دخل ماديْ يامن حياتهم
فيه ؟ كيف بيتحمل مسؤولية بيت واسرة وعيال ؟

لآتضيعْ مستقبلها وتعلق حياتها على شخص هي تدريْ انْ مُستحيل ْ تتزوجه !
شوالفايده اذا هي من اول تعرف هالشي؟! ، لامُجتمعها يتقبلْ هالشي ولا اهلها
زين شونهاية هالعلاقة!؟

هذي حياة باكملها ، مُستقبل عيال متعلق فيه ، لاتستوي انآنية وتفكر في نفسها
وبسْ! ، وبعدينْ آذا اهلها مب راضين شراح تسوي ؟ تعيش طول عمرها تتذكره؟
ولاتتزوجه بعيد عن عيونهم!؟ مافي ايدها تسوي شي لان العلاقة من بدايتها غلط
واللي يبدي بغلط لازمْ ينتهي بهالشكلْ !!

تخسر اهلها وعزوتها عشان ريال!! اسمحيلي ، هذي مافيها خير لنفسها عشان يكون
فيها خير لريل ولابيت ! ـ اللي ينسى هالسنين كلها اللي تعبوا فيها عليها بالساهل عشان
حُبْ ولاريآلْ مافيه خير لنفسه عشان يكون فيه خير لاهله!

لاتخسر اهم شي لهابالدنيآ ، لوطآحت في يوم واحتاجت اللي يوقف وياها وين بتروح؟
اذا اخسرتهم ماشي عزوة مثل عزوتتهمْ ولاحُب مثل حبُبهم!

اي توفيق هذا اللي تتترياه دآمْ آهلها مب راضين عليها ؟ وآيْ راحة اللي بتعيشها ؟
عقليها دآمجْ رفيجتها لها حق عليجْ ، لاتخلينها تخسر كل شيْ بدون لاتحسْ .

وآهمْ شيْ ان "من ترك شيئا لله عوضه الله خيرا منه " ، خليها تترك هالشي لويه الله
والله بيعوضها كل الخير باذنه ، الله ماينسى عبيده ، ورزقها بييها لي عندها بس تصبر،

خليها تصلي ركعتين لربها وتتوب له توبه نصوحه عشان لاتردْ للي تسويه ، اذا هو صدق
يحبها ويخاف عليها بيتركها فحالها ولاتعصي ربها بسبته .. خليها تدعي ربها يعينها انها تتركه
وتنساهْ ويعوضها باللي فيه خير لها ولاهلها وعيالهآ فالمستقبلْ / ..
.


آلله يهديها ويصلحها ويعوضها باللي احسن عنه واللي يحميها ويستر عليها ويسعدها

رد: قصة حب رفيجت نبي استشارتكم بنات ♥

الله يعينهآإ
مو عارفه شقول ...
إن شاء الله البنآإت يسآعدونج

رد: قصة حب رفيجت نبي استشارتكم بنات ♥

مرحبا
لا الة الا الله بصرحة الحب مرض وانا مابلومها على شي
لاكن ابيها تعرف حاجة ان ماراح يبقالها بهدنيا الا اهلها وللمعلومية الحب بالنت وغيرة غير عن الحب مع اللعشرة
يعني لا تغتر فية ابدن وسبحان الله دايم الخوارج ماعندهم نخوة يعني بكرة صار ماصار والله بثانية يتخلى عنها ولا يعيشها عيشة سودا
خليها تبعد عنة وتدعي الله ان يزيل حبة من قلبها وان الله يعوضها
برجل بالحلال بأحسنة منة خلقن واخلااقن امين
سبحان الله وبحمدة سبحان الله العظيم

رد: قصة حب رفيجت نبي استشارتكم بنات ♥

الله يعين

رد: قصة حب رفيجت نبي استشارتكم بنات ♥

شوفي الولد والبنت اذا بيحبون بعض اهم شي الصراحه واهم شي بالصراحه يقول اسمه الصجي وعمره الصجي وجنسيته الصجيه

وبعدها تعرف شنو يحب وشنو يكرهه بس اهو خدعها من الاول ولغى كل ايجابياته بعد ما سكت عن جنسيته الاصليه وخله البنت نار

الحب بقلبها واهو يدري انه الكويتين صعب يزوجون بناتهم لاجانب اذا الكويتين بينهم تصير بعض الخلافات شيعي وسني وحضري وبدوي

فشلون اجنبي مره وحده الحل انه يخطبها ويتقدم لها رفضوا الاهل بعد شتسوي تتناساه وان شاء الله بتقدر تنساه

رد: قصة حب رفيجت نبي استشارتكم بنات ♥

لله يعينهـآآ ويستـر عليهــآ ويستر علينـآ وعـلى بنـآت المسلمين ياارب

رد: قصة حب رفيجت نبي استشارتكم بنات ♥

لا توافق عليه و خليها تنسااه و توافق ع الي تقدملها احسن لها

رد: قصة حب رفيجت نبي استشارتكم بنات ♥

اممم بنسبه لى صعبه
اجنبى مره وحده ولاهل اكيد بيرفضون لانه اجنبى وراح تتغرب وغير كيذه مايعرفون عنه شي
ابد اصله اخلاقه هاذى بنتهم اكيد بيخافون عليهاا
انشالله تفكر عدل عدل وتخلى عقلهااا بدااال عواطفهاا تغلبهاا
والله يسهل امورها يارب

رد: قصة حب رفيجت نبي استشارتكم بنات ♥

السلام
انا تقريبا قريت نص الردود

الي بقوله شي واحد ووانا وايد اقوله حق الناس

بس انشالله تفهميني !!

خلي رفيجتج الي تحب تحط نفسها مكانج و انتي مكانها

اهيا شنو بتنصحج فيه شنو بتقول رايها بالموضوع

واهيا العواطف الحين مسيطره عليها لو بتفكر اب عقلها بتعرف ان الاهل ما ينخسرون

وبالذاااات رضا الام اذا الام مو راضيه صدقيني مراح تتوفق !!

انا اعرف وحده بدون خذت بدون على اساس انها تحبها و الحين كل مشاكل على رغم ان اهلها كانو رافضين بتاتا

انشالله تكونين فهمتي قصدي

رد: قصة حب رفيجت نبي استشارتكم بنات ♥

’


نصيحه و مآبي آطولها !
خل تخليه و حلات الثوب رقعته منه و فيه ؛)
و ترا ان خذته رآح تندم !
هاذا آختصار كلآمي ،، و انا متأكده اهيه بينهآ و بين نفسها عارفه هالكلآم
بس مآخذتهآ العاطفه و مآشيه ورا قلبها ،
خل تفكر بـ عقل و تلقى آن كلآمي عين العقل

اهي جم عمرها؟ مبين انها وايد صغيرة!

خلتنساه وصدقيني باجر من اتذكر السالفة بتضحك على عمرها

والله كل اللي ابي اقوله قالوه البنات
حبيبتي لاتفكرين في قلبك وحب وخرابيط ترا مافي حب هالزمن الحب يجي بعد الزواج > اقصد الزواج التقليدي والله سبحانه يقول وجعلنا بينهم مودة ورحمه اي بعد الزواج
واتاكدي دام جو ناس وبيخطبونك هذا اكيد ربي مدبره لك عشان تبعدين عن حبيبك
قومي الليل وصلي ركعتين واستخيري وادعي ربي فيهم والحي الحي في الدعاء
واتذكري قول الله تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
والله يوفقك لكل خير وفكري بعقلك ثم عقلك ثم عقلك
ان شاء الله يوصلك ردي

لو هو من نصيبها بتاخذه لو وقف كل العالم بطريقها ..

اللهيكتب لها اللي فيه الخير : )