>> الفــــــرق بــين التربــية الأساسيــــة و التربــــــــية بجامــــعة الكويــت <<

dl3 q8 · 27 سبتمبر 2007

>> الفــــــرق بــين التربــية الأساسيــــة و التربــــــــية بجامــــعة الكويــت <<

مرحبا كويتيات

كل عام و انتم بخير
و عيدكم مبارك مقدما ......

بنات ابي اعرف شنو الفرق بين التربية الاساسية و الجامعة

لأني دخت و انا افكر بالهموضوع ابي اعرف الفرق بس للحين ما وصلت له

ابي اعرف من حيت التوظيف المعاش و كل شي

عسى الله يفتح عليها اللي ترد علي

و يعطيكم العافيه مقدما

أحب أمي · 27 سبتمبر 2007

بقولج اللي آعرفه

الشهاده كلهم بكآلوريوس وكلهم يتوظفون على الدرجه الرآبعه

بنآت الآسآسيه آسآميهم بالديوآن قبل بنآت الجآمعه وهذي سمعتهآ وشفتهآ

الآسآسيه الحلو فيهآ من تدشين من اول كورس عارفه تخصصج وتبلشين فيه دآيركت

أمأ الجآمعه كورس اذا مو آكثر عشآن تقدرين تتخصصين

آستخيري

dl3 q8 · 27 سبتمبر 2007

انا بكلية التربية جامعة الكويت

مستجدة

بس حيل مسستغربة مو معقووولة ان التطبيقي احسن من الجامعة اكيد في مميزات بالجامعة مو موجوده بالتطبيقي بس ما ادري شنو ؟؟

ღღغــ الدنــيــا ـــلاღღ · 27 سبتمبر 2007

اللي اعرفه

صح كلام اختي اللي قالته

ونفس المعاش ونفس الوظيفه والاساسية بالديوان اول

الفرق الوحيد

الاختلاط

فقط لااااااااغير

اتمنى افدتج

dl3 q8 · 27 سبتمبر 2007

شنوو بالديوان اول اذا بالديواان اول عيل الكل دش تربية اساسية

اكيييييييييد في امتيازات اكثر للجامعة

ورفيجاتي توظفوا نفس بعض

وبعدين اختي بالثانوية قالت لي ان جت لهم وحدة من التطبيقي ندووة وقالت لهم ان الاساسية يتوظفون درجة رابعة والجامعة ثانية ؟؟

dl3 q8 · 27 سبتمبر 2007

والتربية الاساسية مافيهاا ثاانوي ومتوسط؟

نونو جين · 27 سبتمبر 2007

نفس الراتب والدرجه الرابعه كلهم هذولا اهم شيين عاد الفروق الثانيه مثل الدراسه انا اشوف انا الاساسيه اسهل

شي ثاني الجامعه يتوظفون على الدرجه الثانيه مستحيييييييييييييييييييل
خواني وخواتي كلهم جامعات توظفوو درجه رابعه ومع الوقت صاروو الي الدرجه الثالثه والثانيه وجذي

والاساسيه بس ياخذون الثانوي
بعد شنو

احلى شي بالاساسيه انه على راحتج بس بنات

وبس سلامتج

عالي مستواها · 27 سبتمبر 2007

ما فيه فرق

بالعكس التربية الأساسية فيها تخصصات أكثر مثل " الفنية ، الموسيقى ، البدنية ، الإقتصاد "

وبعض التخصصات تكون دراسة التربية الأساسية أحسن وأصعب ومخرجاتها أقوى مثل رياض الأطفال لأنه مواد الجامعة نظري ومواد التربية الأساسية فيها نظري وفيها عملي

بس الفرق الوحيد انه الجامعة يكون فيها بالتخصص إما إبتدائي أو متوسط وثانوي بس الأساسية بس إبتدائي بالتخصصات كلها ما عدا اللي ذكرتهم قبل

يعني خريجة تربية أساسية لغة عربية ما تتوظف إلا بمدرسة إبتدائي .. الجامعة ممكن الواحد يتخصص لغة عربية إبتدائي ويكون مثل خريج الأساسية بالضبط .. أو متوسط وثانوية فيدرس المراحل هذي

بس ما فيه فرق بالمسمى ولا الدرجة ولا الشهادة ولا شي

ريفيل · 27 سبتمبر 2007

الجامعة شهاتج معتلاف فيها عالميا والتربيه الاساسيه بالكويت وبس ما تقدرين تكملين ماجستير اللي بعد ما تاخذين دبلوم عالي علشان ترقعين فيها عمر الجامعة ما كانت مثل التطبيقي الجامعة دوليه والتربيه الاساسيه هيئة داخل الكويت خاااصة

Pop^*^CoRN · 28 سبتمبر 2007

بالنسبة للمعاش و الدرجة نفس الشي

الجامعة تختارين المرحله اللي تبين تدرسينها التطبيقي بس ابتدائي

و نسب القبول بالاساسية اعلى من الجامعة

و تقدرين تكملين ماجستير و دكتوراة لان دكاترتنا كلهم خريجين الاساسية و مكملين بامريكا

و مستوى دكاترة الاساسية اقوى من الجامعة لانهم ما يقبلون الا الدكتوراة من امريكا او بريطانيا

زيـטּ عَبْس · 28 سبتمبر 2007

حبيبتي اثنينهم نفس الشي في التوظيف والمعاش

ومن قال ان التربية الأساسية بس يدرسون ابتدائي

لا حبيبتي هالكلام خاطئ

انا الحين نازلة تربية عملية .. المشرفات يقولون لناا احتمال التوظيف يكون بالمتوسط

لأن في اكتفاء بالابتدائي

هذا غير باقي التخصصات الاقتصاد والألعاب والفنية والمكتبات ..ألخ هذولي اكثر شي مرشحين للعمل بالمتوسط وثانوي

واللي اكيد يتوظفون بالمتوسط او الثانوي .. الانجليزي والاقتصاد المنزلي
=====

ومن ناحية المواد الدراسية فـ التربية الأساسية افضل جداا واسهل
ومافيها تعب
والمحاضرات كلهاا بقاعات قريبه من بعض

يعني مانحتاج نركب باصات وتنقل من كيفان الى الشويخ الى الخالدية ...الخ

====
والأخت اللي ذكرت ان التربية الأساسيه بس معترف فيها داخل الكويت
حبيبتي والدكاترة اللي قاعدين يدرسونه هذول من وين شهاداتهم؟؟؟

كلهم خريجين تربية أساسية وطلعوا بعثات لـ أمريكا ومصر
والحين احنا بعد
مفتوح لنا المجال لــ الإبتعاث للخارج لأكمال الدراسه

والحصول على الماجستير والدكتوراة

وحبيبتي رااجعي موقع الهيئة وشوفي بنفسج
مكتوب بخط احمرررررر كبير وان التوظيف بيكون بالكلية نفسها بعد

======

والكلام في الفرق بين تربية الجامعة والتربية الأساسية كثيير جداا

ولكن بالأخير
تتفوق التربية الأساسية عن تربية الجامعه

dl3 q8 · 2 أكتوبر 2007

وجهات نظركم احترمها

بس ماكو احسن من جامعة الكويت

زهور المحبة · 3 أكتوبر 2007

انا بالتربيه الاساسيه والحين عملي
ونسبتي دخلتني الاداب بس انا فضلت التربيه الاساسيه عليها

مادري احس التربيه الاساسيه احسن منالجامعه بوااااايد

انا ثنتين من بنات عمي تبارك الرحمن تخرجوا من الثانويه بمعدل عالي ودخلوا الجامعه وضيعوا على نفسهم جم سنه واخر شي حولوا عندنا

ورفيجتي كانت بالجامعه وهي تبارك الرحمن متفوقه ونسبتها كانت 96 بس عقب 3 سنين من الجامعه ماقدرت اتكمل وحولت عندنا وماشاء الله متفوقه وماشيه

وعلى فكره ترى دراستنا مو سهله و وايد دكاتره صعبين بس هم احسن من الجامعه

تبين الصج عاد الناس اتقول الجامعه والجامعه بس برستيج لا اكثر ولا اقل
وبالنسبه للوظيفه فانا اختار اذا ابتدائي او متوسط

على فكره شكثر عندنا دكتورات ودكاتره متخرجين من كليتنا وكملوا دراسه يعني مايبيلها دبلوم ولا شي
ومنهم د راويه الحميدان كان تخصصها علوم والحين اهي بقسم التكنولوجيا ود لطيفه الكندري تخصصها عربي والحين اتدرس بقسم اصول التربيه

Um Ritaj · 4 أكتوبر 2007

انا درست بالجامعه ثلاث سنين وكورس ضاعت هباء الرياح تنقلت فيها بين العلوم والاداب وفي الاخير حولت عالتربية الاساسيه

وبنات الجامعه يعرفون انهم يدشون من اول كور ما يتخصصون واحتمال تقعدين سنتين او ثلاث ما تخصصت لان اذا كنتي تبين تتخصصين لازم تاخذين مواد معينه وتجيبين فيها معدل معين يعني مصعبين الامور

والله يا اختي الحين انا بالتربية الاساسية وعادلولي المواد العامه الي درستها بالجامعه والحمد لله باقي لي سنه واتخرج لان في التربية الاساسيه تمشين بالمجرشيد صح وتتخصصين من اول كورس

بصراحه

تربية الاساسية هو اختياري <-----------مثل الي بالدعايه يقول التجاري هو اختياري

وانا متحسفه عالثلاث سنين الي ضيعتها بالجامعه وعلى فكرة كل خواتي جامعيات وكلهم اخذو اكثر من اربع سنين للتخرج من التربيه

اختي تقولي ان الجامعه معترفه عالميا والاساسية بس داخل الكويت بس احس هالكلام غلط لان اغلب دكاترتنا خريجين الاساسية بس اظن لازم يدرسون جم ماده بالجامعه عشان يتعادلون مع الجامعه وبعدين يكملونها ماجستير ودكتوراه
بصراحه اهم شي الكويت معترفه فينا ما يهمني حتى لو بنغلاديش ما تعترف فينا

dl3 q8 · 5 أكتوبر 2007

يقولون فيفرق بالكادر السنوي بس مدري بالضبط شنو الكادر السنوي ؟؟

make up · 5 أكتوبر 2007

ريفيل قال:
الجامعة شهاتج معتلاف فيها عالميا والتربيه الاساسيه بالكويت وبس ما تقدرين تكملين ماجستير اللي بعد ما تاخذين دبلوم عالي علشان ترقعين فيها عمر الجامعة ما كانت مثل التطبيقي الجامعة دوليه والتربيه الاساسيه هيئة داخل الكويت خاااصة

me gaaaal !!!

la 7abebty '3ala6

ana o'7ooy ta'7arraj mn tarbeya asaseyya ta9meem da'7ely
w al7een ra7 USA ykammel majesteer w Doctooorah

w el wa'63 3aaady w 6abeee3y

عالي مستواها · 6 أكتوبر 2007

من قال أنه التربية الأساسية مو معترف فيها عالميًا ؟!!

الواحد إذا مو متأكد من معلومة ياليت ما يحطها ..

أغلب دكاترة التربية الأساسية كانوا طلبة فيها وكملوا ماستر ودكتوراة بجامعات برا .. لأنه بالعربي شهادتهم " بكالريوس " يعني كلية مو معهد فشي طبيعي معترف فيها دوليًا

الدرجة بكالريوس بغض النظر كان دارس بالجامعة أو بالتربية الأساسية كلهم خريجين " كلية التربية "

فداك أرواحُنا · 6 أكتوبر 2007

dl3 q8

//

حيّ الله بنت كليتي

: )

شوفي الاغلبيه اللي رادين عليج من بنات الاساسيه

عشان جذي كلهم يقولون الاساسيه افضل

:

..

وعلى قولة الدكتور خالد الرميضي ( لا تقارنونا باللي أقل منا )

مع احترامي للجميع .. بس عمر التطبيقي ما كان احسن من الجامعه

صج مافي فرق واجد ، بس الافضل جامعه الكويت

/

انا خواتي وبنات عمي يدرسون بالتربيه الاساسيه .. ويعانون

مافي نظام .. الناس تداوم وتقرب امتحاناتها وهم توهم ينتظمون بالدوام

اما الجامعه غير نظام ويعطون الطالب حقه

لا تخافين ولا تحاتين ..

واذا بغيتي اي شي .. انا بالخدمه عنوني :$

< سنه ثالثه

الغلا....... · 6 أكتوبر 2007

والله انا نفس الحاله اختي واعاني مثلج.....

dl3 q8 · 7 أكتوبر 2007

فداك أرواحُنا قال:
dl3 q8

//

حيّ الله بنت كليتي

: )

شوفي الاغلبيه اللي رادين عليج من بنات الاساسيه

عشان جذي كلهم يقولون الاساسيه افضل

:

..

وعلى قولة الدكتور خالد الرميضي ( لا تقارنونا باللي أقل منا )

مع احترامي للجميع .. بس عمر التطبيقي ما كان احسن من الجامعه

صج مافي فرق واجد ، بس الافضل جامعه الكويت

/

انا خواتي وبنات عمي يدرسون بالتربيه الاساسيه .. ويعانون

مافي نظام .. الناس تداوم وتقرب امتحاناتها وهم توهم ينتظمون بالدوام

اما الجامعه غير نظام ويعطون الطالب حقه

لا تخافين ولا تحاتين ..

واذا بغيتي اي شي .. انا بالخدمه عنوني :$

< سنه ثالثه

هلا فيج حبوبة معاج سنة رابعة :eh_s(3):

المهم انا سألت وطلع صج الشهادة غير معترف فيها عالميا للتربية الاساسية وسألت عندنا ادارة الجامعة

والاهم
ان الجامعة تقبل نسب عالية ومايدخلها الا المتفوقين اما مع احترامي
التطبيقي اي احد ايا كانت نسبته ان شالله 60 يدش دورات خاصة ويجيب معدل ويحول التربية الاساسية
يعني تتقارنين بناس اقل منج اكاديميا مهما كانت نسبتج وياما شفت بنات كسلانات بالثانوية والحين تربية اساسية انا مدري شلون بتدرس واهيا بالاساس ماكو شطارة او تفهم بالاساس وتبي تفهم الطالبات:eh_s(22):

مع احترامي لهم:eh_s(17):

والجامعة موخاصة التربية مايدشها الا فوق 87 % تكون نسبهم :eh_s(15):

يعني ناس صج يستاهلون واحلى شي لما يقولون قابلتها الجامعة وخريجة جامعة الكويت مو التطبيقي
:eh_s(13):
مع احترامي
:eh_s(9)::eh_s(9):

>> الفــــــرق بــين التربــية الأساسيــــة و التربــــــــية بجامــــعة الكويــت <<

New member

New member

New member

New member

New member

New member

New member

New member

Active member

New member

New member

New member

New member

New member

New member

New member

New member

New member

New member

New member