Vision Board
اشبه بلوحة الاحلام
طريقة علمية مجربة من ناس كثر ووصوا فيها مختصين
طبعا هالموضوع جفته من خلال برنامج اوبرا من جم سنة
وطبعا انه طبقته عليي شخصيا سنة 2008 و عن تجربة وايد كان مفيد
واوبرا في احدى حلقاتها استضافت اشخاص عاديين قاموا بتجربة هالطريقة وفعلا تحقق كثير من احلامهم الي اتمنوها
يمكن بعضكم شاف هالحلقة لان عادوها وايد
على كلا لنشرح طريقة الفيجن بورد
عبارة عن لوحة سواء ورقة او ورق مقوى او كارتونه او لوحة خشبية او سبورة
مهما يكن
تلصقون عليه صور عن الشي الي اتحبون اتحصلون عليه او شنو تبون اتصيرون في المستقبل
وكل شي تتمنون اصير في حياتكم
من احلام
وهذي نماذج لبعض اللوحات
احد الاشخاص كان امنيته يقابل اوبرا وفعلا قابلها واستضافته في البرنامج
ما عليكم سوا البحث في النت او في قصاصات الورق عن ماتحبون ان تحصلوا عليه وكيف يكون مستقبلكم
وتقومون بلصقة على هذه اللوحة
وكل ما دعت الحاجه ووردت في اذهانكم افكار جديدة وطموحات
الصقوا الهدف الجديد
طبعا انسوها فترة وارجعوا افتحوها
بتلاقون كثير من الاشياء الي اتمنيتوها حصلت لكم
بقول لكم تجربتي الشخصية في 2008 جبت ورقة رسم بيضاء كبيرة
وقمت طلعت في قوقل صور وطبعتهم صغار ولصقتهم
طبعا صور عن اشياء اتمناها تتحقق ليي
مثلا طلعت صورة كبوس تخرج وشهادة
صورة سيارة
وليسن
وصورة بيت
صورة الكعبه بيت الله
يعني ماخليت شي ماحطيته ههه كل شي ابيه طبعته ولصقته
وفعلا قبل فترة فتحته مـع اني نسيتة سنين
ولقيت ان اشيا ءوايد اتحققت
اخذت الليسن واشتريت سيارة واتخرجت من الثانوي ودخلت جامعه بتخصص احبه
وشفت الكعبة
ويعني اشياء وايد اتمنيتها وصارت
وبقت اشياء انتظرها مـع الايام تتحقق ان شاء الله
بعضها مجنونة هههه لكن مافيه شي يوقف في طريق الانسان الطموح
اتمنى تعجبكم الفكرة
محد مجبور يطبقها
يفضل اتكون اللوحة معلقه في مكان واضح عشان تقدرون تتذكرون احلامكم وتخلونها نصب عينكم وبيعرف عقلكم انها شي مهم بالنسبة لكم فيحث العقل الباطن على ايجادها في الواقع
عن طريق تحفيز العقل الواعي لتهيئة افكار واجواء يناسب مـع الاحلام الي حطيتونها
تحياتيي :eh_s(9):
