تجمع حوامل :: مستشفى الفروانيه :: ومراجعات

بسانت
والله يهبلون بالمراجعات والسونار ... وانا كنت بنفس الوقت
اسوي سونارات وتحاليل بعياده خاصه ... وخرعوني ورديت
يبت السونار حق دكتوري بمراجعتي بالفروانيه وحولني حق
دكتوره ساميه رئيسة قسم السونار عشان يتأكد ...
لو احد ثاني جان ماعترف بسونار الخاص وقالي خلج على سونارنا
الاول ...

والولاده انا بجريه ولدت عندهم ... احتجت الواسطه والتوصيه لما دخلت
الولاده بس قبلها لأ عادي ...

غرقانه منو تأخر وبشنو ؟؟؟؟
مافهمت

اتصدقين ايه ... ومادري شنو اللي خلاني افتحه من الاساس
يالله يستفيدون اللي بعدنا من تجاربنا ...

موعدي يوم الثلاثاء ...

الله يخلي عيالج ويبلغج فيهم يارب ....
والولاده سهاله من الله ...

والله يسخر الناس الطيبه للناس الطيبه

في وحده كاتبه موضوع تسأل عن الفروانيه
مادري منو قايلها يطقون ....!!!

انا خالتي اولدت بخاص ربطوها بالسرير هي
بنفسها قالت لنا لانها تصارخ وتبي تنزل وترافس
يعني انتي يايه تولدين تحملي مو داشه هوشه ...

وفي ناس لسانهم متبري منهم مايحشمون وايدهم طويله
والسستر هذا شغلها يعني شنو بتسوي لنا زود غير انها
تساعد باللي تقدر ...

الله يرحم زمان المراه تولد بالبيت ... لا كمام ولا ابرة ظهر ....

ام عفاف حياج حبيبتي وربي يسهل عليج

ليبرا محد زحمه مواعيد الكويتيات العصر ...
انا اروح عال ٥ هدووووء اعطي الكاتبه كرتي وملفي جاهز
عندها اخذه وادش اعطيه دكتوري غرفه ٢ ههههههههههههه

انا لان مراجعاتي هناك ف بس يحطون المواعيد بعد الدوام يعطون
كشف حق الكاتبه عشان الموعد اللي بعده اتجهز الملفات عندها ....

والله يسهل عليج يارب ...

ليبرا مادري عندج فكره ولا لا ان حتى مدخل امراض النسا والولاده
بروح يم مبنى الجلديه ...

يعني ماتوقفين عند الحوادث وزحمة المستشفى

ادعولي ... يوم الاحد ٢٥ موعدي والثلاثاء ٢٧ اخر موعد ولاده

بس اولد اسدح لكم تجربتي الثانيه ... وربي يسهل علي وعليكم

ليبرا ولدت ... بس اتوقع بالخاص مو بالفروانيه ...

اهلين طيف ...

والله انا كنت بجر ولي السابع اراجع بالسلام ...
وكل اسبوعين ادش عالدكتور كان يعطيني مواعيد
وانا اروح قط بهالفلوس ،، ومادري عن شي ...

لو مو الحكومه جان مادريت ان معاي فقر دم حاد زياده
على الثلاسيميا اللي فيني .. مع اني من دخلت وانا اقول
حق الدكتور ترا معاي ثلاسيميا وهو طاف ... ولا مهتم ...

والله بشهرين عدلولي نسبة دمي والحمدلله ولدت عندهم احلى
ولاده طبيعي ... ربي سهل علي ...

مع ان اغلب الاهل محتجين ليش حكومه وليش مو خاص ،، ومرت
ولدنا وبجرها ونبيها بمستشفى زين بس الوالده الله يحفظها لي
لو مو هي وزنها علي اني اروح افتح ملف بالحكومه جان مادريت
عن حالي ...

والخاص لما راجعته بتحاليل الحكومه قالي اكون صريح معاج اذا احتجتي
دم اضطر انقلج بالاسعاف الفروانيه @@ او اذا اتعرفين احد يوفر لج دم وقت
الولاده من بنك الدم استقبلج ...