(السلام عليكم ورحمة الله وبركاته)
**الحمدلله الذي اطعمني هذا الطعام ورزقنيه من غير حول مني ولا قوة**
ياهلااا بالغالياات..أحلى كويتياات
مرقة البريااني هاذي باختصاار..لذيذه وسهله راح تدمنون عليهاا..
احنا دايما نسوي البرياني بالطريقه المعتاده..حبيت اغير واسوي البرياني بنفس نكهته بس
بهالطريقه... تفضلوا عزيزااتي ...
احنا دايما نسوي البرياني بالطريقه المعتاده..حبيت اغير واسوي البرياني بنفس نكهته بس
بهالطريقه... تفضلوا عزيزااتي ...
اول شي نحمس بالزيت..بصلتين مقصصين صغار ونحمس ولا تشوقروا ضفنا ثوم ناعم كميه زينه مع زنجبيل ناعم ونحرك عدل ..وديري بالج وانتي تحمسين لا يحترق معاج الثوم
ونحمس ونضيف نص ملعقة بهارات مشكله ونص ملعقة فلفل اسود وشوية كزبره ناعمه وشوية هيل ناعم وشوية كمون ناعم ومكعب ماجي ونحمس
ونحمس ونضيف نص ملعقة بهارات مشكله ونص ملعقة فلفل اسود وشوية كزبره ناعمه وشوية هيل ناعم وشوية كمون ناعم ومكعب ماجي ونحمس
وعقب نضيف قطع الدجاج ونحرك علشان تتشرب البصل والثوم والبهارات
وبعد مانحمس الدجاج عدل نضيف حوالي طماطتين مقصصين صغارونحرك ..ونخلي الدجاج والطماط يتمازجون عدل
ونسكر الجدر على نار متوسطه ونخليه شوي.. نبي قطع الطماط تختفي وتصير مثل الصوص
وعقب نضيف قطع الجزر
وعقب نضيف قطع الجزر
و نضيف نص علبة معجون طماط ونحرك المكونات مع بعض
ونكون مجهزين ماي حار على صوب نضيفه على خلطتنا ..يغطيها بحوالي 2 سم ونخلي الجدر على نار هاديه يطبخ ..وانتي عاد جيكي اذا صار الماي ناقص تقدرين تزيدينه شويه من الماي الحار..ونضيف الملح
وعقب حوالي ربع ساعه نضيف مكعبات بطاط مقليه على مرقتنا ونحرك بخفه لا يتكسر معاج البطاط
ونضيف نص شدة كزبره وربع شدة نعناع اخضر..واذا ماعندج تقدرين تحطين نعناع يابس يعطي نفس النتيجه
ونخليهم حوالي خمس دقايق على نار هاديه وعقب نضيف علبة ونص روب(زبادي) على المرقه ونحرك بخفه
ونخلي جدرنا على النار حوالي عشر دقايق على نار هاديه ..تتشرب المكونات من بعضها
وراح يكون بهالشكل
وراح يكون بهالشكل
الحين نجي حق طريقة عيشنا المشخول
أول شي نفوح العيش بماي وملح ثلاث ارباع استوا ..ديري بالج لايصير لين معاج
وقبل خمس دقايق من انتهاءه نضيف نص كيس بزاليا مثلجه وعقب نشخله
أول شي نفوح العيش بماي وملح ثلاث ارباع استوا ..ديري بالج لايصير لين معاج
وقبل خمس دقايق من انتهاءه نضيف نص كيس بزاليا مثلجه وعقب نشخله
و بقاع الجدر نحط زيت وحلقات بصل وشوية بهارات مشكله وفلفل اسود وكركم ونحرك شوي وعقب نضيف العيش الي شخلناه
نخليه حولي ربع ساعه وطبعا نكون مسكرين الجدر عدل علشان يستوي العيش من البخار ولو تحطين قصدير او فوطه على وجه الجدر يكون احسن..ونرش وجه العيش بماي ورد منقعين فيه زعفران وشوية صبغ العيش ونتفة هيل ناعم
ولا زهب العيش نقلبه بصينيه علشان ننجب
والي جدرها تيفال ماراح تتعب بهالشغله
والي جدرها تيفال ماراح تتعب بهالشغله
وهذا عيشنا انجب
وهاذي مرقة البرياني اللذيذه..تزينين الوجه بشوية كزبره خضرا
حبيباات قلبي بكمل الصور ..لو تكرمتوا لحد يرد
