خلاص .. بس بس لي متى يا جامعة الكويت "يا الردية" ..

السلام عليكم ورحمة الله وبركاته ..


ابيكم تعرفون اول اني ماراح اتحجى الا عن واقع مرير خايس بهالجامعة اللي ماتستحق ولا ربع نجمه
هالجامعة الردية الفاشلة ال ال ال ال....... يعجز اللسان مو عن مدحها لا عن ذمها لانها ماتستحق بكل ماتحمله الكلمة من معنى اي مدح ..

لحد يقول اني بالغت بالتفصيل راح تشوفون كلامي وانا ماتكلمت الا وانا صارلي 4 سنين بالجامعة وماتغير ولا شي فيها كل مالها من ردى لي ردى ..

ودي اشوف خطوة جادة مالقيت .. والمشكلة احنا ناس متعلمين وفاهمين مانقدر نسوي اضراب اللي يلجأله بعض الفئات ..

ببدى بعيوووووووبها ... واللي عنده عتب علي .. يتكلم واللي يشوف هالشي مو موجود هم يتكلم بس انا متاكدة كل اللي بقوله انتو مارين فيه .. بس محد فينا وقف بويه هالجامعة وحاول يسنعها معلقين مصالحنا عند القوائم وبنتخرج واحنا ماخذينا خير ...


1- جامعة كل كلية بصووووووووووب ... غباااااااااء والفترة الزمنية اللي بتسجلين مادتين كل مادةو بكليه لازم يكون بينهم 30 دقيقة (طبعا اللي حاط القرار عباله حق كل طالب شارع له بروحه .. وكل طالب له مسفط ويايين حق سالفة المسافط) ..

2- جامعة تحطلنا موعد تسجيل ساعة ونص عشان ندش نسجل واخر شي الشعب كلها مغلقة مانطلع الا بمادة ولا مادتين لا وتلقون الثانية اوفر لود .. ونقعد الايام اللي وراها ننطر وحده تسحب

3- جامعة تستقبل مليون طالب وتوفرله بس 100 مسفط .. لا وياريت بس جذي اللي يحر وخاصة "بكلية كيفان" ايون بنات مع "السايق" ويسفط بمسافطنا واحنا نفرفر ندور مسفط .. لا وبعضهم يستغل السالفة تبيني اطلع عطني دينار .. وللاسف محد من هالبنات الا يمكن وحده اذا بوخر عن الظلم .. اهي اللي تقول للسايق لا تسفط هني متى ما ابيك ادق عليك .. ماااااااااااااااااكووووووووووو

4- جامعة تخليج اتيين من الصبح حق محاضرتج اللي 8 و 9 وانتي بيتكم باخر الدنيا ومساكين اللي بالجهرا وبعيد ... ولما توصلين باردة مبردة اييج الفراش يقولج الدكتورة معتذرة لا مسجات لا تويتر لا فيس بوك لا ويب سايت تدروووون ليش لان دكتاترتنا " شياب"

5- جامعة دكتاترها عمرهم من 70 وفوق ليلحين نايمين على نظامهم القديم يقرقون يساسرون روحهم واحنا نسمع ...التلفزيون احسنلي لا وبعضهم طلبات عجيبة .. يبي تقرير بس مايبي طباعة كمبيوتر .. واللي يطلب منا نطبع صفحات من كتاب علبونة واجب يعني شالفايدة ؟؟ لي متى جهل وسفاهة الدكتارة
لا بور بوينت لا كمبيوتر لا شي

6- جامعة مبانيها متردية تفشل من عمر الكويت حارة وخيسة "والحمدلله على كل شي" مسوينلنا مباني مفتوحة ليش ؟؟؟؟؟؟؟؟؟؟؟ لو قبل كانت الكويت ثلج يمكن نعذركم بس اللي يبني شنو ماكو مخ ماكو تفكير

7- جامعة وقت التسجيل تنزل المواد والمادة نفسها مثلا "عربي" تلقين 10 شعب مثلا مفتوحة 8 منهم نفس الوقت ؟؟؟؟؟؟؟؟؟؟؟؟؟؟؟؟؟؟؟؟؟؟؟

8- جامعة عادي عااااااادي جدا جدا تسجلين مادة بوقت وتداومين ماتلقين الدكتورة او الدكتور واسبوع على هالحال عقب لما تروحين الدكتور تلقينه مغير الوقت ؟؟؟ شرايكم ان دكتورة غيرت محاضرتها من 2 الظهر لي 8 الصبح ؟؟؟ شرايكم بس عبالكم سووو شي الكلية وعميد الكلية ؟؟؟؟ رحتله قال يمعوده هذي مصرقعة .. شنو الدكتورة مصرقعة تصرقعونا وياها يعني ؟؟؟؟؟؟؟؟؟؟؟


9- جامعة عاااااااااادي عادي الدكتور ما يعطيج درجة او يظلمج بالقريد وما يرفعه او يعدله الا لما تروحينله المكتب

10- جامعة مصخرة تمصخرج عشان تسحبين مادة ولازم توقيع دكتور وتوقيع التوجيه وعقب تعالي الشويخ نوقعها .. اخر شي عقب هاللوية تروحين بتسحبينها عقب التواقيع بالشويخ تقولج السكرتيرة "حبيبتي الحين السحب بالنت" تردين البيت تسحبينها بالنت باردة مبردة .... اوكي يعني سهلتو علينا صح
قبل ياسبوع رايحة الشويخ بسحب المادة لان الدكتورة مو قاعدة اشوفها اصلا مصخروني عشاان توقيعها
ولما تمصخرت ووقعت مالت عليها وعلي اللي سجلت عندها اخر شي التوقيع بالنت .. جااااااان قلتووووووووولي ليش هالتمرمط

11- جامعة عشان تتخصصين بتخصص لازم تتخصصين بتخصص اسمه " بهدلة ومصخرة وتمرمط وعبالة ولوية و زرعة و لطعة ....الخ" عشان توصلين للتخصص اللي انتي تبينه مثال : يبت نسبة تدخلني اداب .. دخلوني شريعة اللي اهي اساسا نسبتها اعلى من اداب لان اداب يبون 78 والشرعة وقتها يبون 85
ولما انقبلت ابي تخصص اللغة انجليزية ييت باخذ تمهيدي قالولي مايصير اول كورس واهما عطوني 5 مواد شريعة ومنهم عقيدة وسقطت بمادتين لان مو اختياري .. الحين بحول تربية قالولي لازم 30 وحده يعني سنة ونص .. لما حولت قلت ابي انجليزي ودفعة 2007 قرار جذي فجائي ما اسمحولهم يعيدون القدرات اما الدفعات الثانية تعيد عادي مافي مشاكل بس اهما وشطحاتهم وعراتهم ...
خذيت تمهيدي والتمهيدي لازم معاه بس مادتين ... خلصته قلت يلا خنتخصص قالو لا لازم بعد 3 مواد تعدينهم بس هاااااااااا كل مادة على كورس اذا عديتيها تاخذين اللي وراها يعني هذي 3 كورسات يعني سنة ونص ثانية وهذي 3 سنين ضاعت بس عشان اتخصص .... والحين اخذ السنتين مواد تخصص وياريت اقدر اخلص بسنتين الشعب المغلقة والخايسة خلتني اسجل بس 5 مواد ووحده سحبتها بسبة الدكتورة اللي غيرت موعد محاضرتها من 2 لي 8 .........................

مادري متى بنخلص حتى لو خططنا بنخلص ننصدم ماكو مواد



ملييييييييينا تعبنا نبي حل واذا في حل وفي احد بيوقف وياي بويه هالجامعة الردية
انا مستعدة اكون مسؤوووولة

صج صج صج ملينا صج​