شلون اغسل الدجاجه عدل من الزفره

ام كوثر2007 قال:

حبيبتي انا بعطيج طريقتي صار لي سنين عليها الوالده الله يخليلها لي علمتني عليها من زمان


اهم شى بالموضووع انه دياي عن دياي يفرق


يعني في دياي ازفرته لو شتسوين ما تروح وفي دياي زفرته تروح بسرعه


اهم شى اخذيلج ساديااا وايد روعه


اتيبين الدياي وتقطعينه


وتغسلينه عدل مدل من اللى فيه وعقب اتييبين لج باديه وتحطين الدياي فيها

واتييبين خل ابيض وتفركين الديايه فيه وعقب اتييبين لج طحين وتقعدين تفركينها عدل


تخلينها بو ربع ساعه جذى


لو تبين الطبخه حق مجبووس فوحيلج ماي بالجدر وغسلي الدياي من الطحين والخل

وتبليه بزنجبيل مطحووون اللى مثل البهارات ووشوي دارسين مطحون مع ورقه غار ودقيلج فصين ثوم بعد ودهني فيها الديايه


عقب قطي كل هذاا داخل الجدر وخليه يغلي لمده خمس دقايق بس

عقب شيلي الدياي وكتي الماي وحمسي مجبوسج مثل ما تبين ..

أنقر للتوسيع...