مرحبا..
انا ما أطلب شي ضخم كل مافي الموضوع
حلاوة على نعناع او فراولة .. أو علج بو 100 فلس
حتى لو مؤقت..
يعني الصراحة هالمشكلة اعتقد كلنا نعاني منها
وهي " رائحة الفم "
=====
تكلمت الكورس الي طاف عن " رائحة العرق "
والحمدلله لقيت تجاوب كبير من المعلمات في الموضوع
واليوم قلت أفتح هالموضوع علشان أشوف تجاربكم وحلولكم بنفس الوقت
=====
مابي اتكلم عن عوارض واسباب رائحة الفم لأن هالموضوع
اكل الدهر عليه وشرب من الكلام وكلنا صرنا نعرف الأسباب .
لكن بما انج انتي موظفة وتختلطين بموظفات وطالبات وادارة
لازم على الأقل تكون ريحة نفسج حلوة شوي حتى لو مؤقت!!!!
======
شحلات العلوج والحلاو الي على نعناع كل وحدة تقول الزود عندي وقاعدين يتفننون فيها بعد
باحجام واشكال مختلفة ومميزات روعة
اي اكلي وتعالي الصبح. وااااي على الظيم الي نشوفه من بعض المعلمات
تيييج المدرسة وريحة حلجها تقولين ماكلة فار ميت... ولما تكلمج تهف عليج
بهالريحة الي تحسين نفسج تطقين اطوف..
=======
في ناس مهما تقطين نغزات ماكو فايدة
وفي ناس مهما تعطينهم علوج او حلاو ما يبون
وفي ناس تواجهينهم او تاخذينهم على جنب وتقولين لهم عن المشكلة
ومايسوون شي. انزين احنا شنسوي يعني خلاص احنا مو مجبورين
نختنق ويحوشنا ثاني اكسيد المنجنيز والسبب الروايح هذي!! لوووول
=======
بالاضافة الى ذلك عندنا بعد الطالبات. لأن ممكن الطالبة تقرب يمج
وتشمين أنواع الروائح.. الله يعين
المايك لكم بنات... :eh_s(15):
التعديل الأخير:
![وآثقة الخطوة..]](/data/avatars/m/156/156563.jpg?1621061512){kind=avatar}
