اشرايكم اعزم الاهل بمطاعم بوفيه و لا مطاعم العاديه مثل قيصر و ربعه

بنسبة لي تعقدت من مطاعم البوفيهات لأن برمضان كان لي تجربتين
تعرفين برمضان أكثر المطاعم يصير الفطور نظام بوفيه فرحت بوفيه فندق هوليدي ان الي بالديرة وانصدمت بروحه المطعم صغير بس زحمة وكلا يهال وكان فيه جنسية معينة ماني قايلة اسمها وناس موشايفة خير طق عصي عالبوفيه ويترسون الصحن جنا الأكل بيخلص ..

وثاني مرة رحت فيلا فيروز وكان الوضع أحسن بشوي بس هم ما ارتحنا لا بالقعدة ولا بالبوفيه لأنه كان زحمة ..

بنسبة لي أحسن بوفيه رحتله كان بفندق موفينبك المنطقة التجارية (جربت ريوق وغدا وعشا وحتى فطور وكلهم اوكي حلوين)

أما عن باجي مطاعم البوفيه فما عندي أي خلفية

جربت بوفيه مغل محل حلووو وسعره مناسب ...

انا ماجربت بوفيه مغل :ggdw:بس جني قريت مرة ان سعرهم 5 أو 5 وشي ..
المهم قبل لا تعزمينهم نصيحة روحي المطعم بحزة الغدا وشوفي الجو العام شلون زحمة ولا لأ .. وفي هنود ويهال ووووو الخ ولاناس ذربين

انا اقول روحي ميس الغانم المطعم مو بوفيه بس اكله حلو وسعرة مناسب واكله راهي يعني صحن مشويات مشكله يكفي 3او 4 اربع وطبعا انتو ضيفوا طلباتكم من سلطات ومقبلات وعصاير واطباق ثانيه

والله الصراحه انا عندي لا يعلى على فررررررررررررررررريج صوووووووووووووووووويلح توب الاكل امممممممممممم والله اني اشتهيت على سمج بقاع الجدر اممممممممممممممممممممم

امم ما احب نظام البوفيه لويه قومي و حطي و قعدي

روحي مطعم عادي طلبات و منيوو احسن عندج لبناني ميس الغانم و برح الحمام

و امركي جيليز و فرايديز

و اذا تبين ايراني ناز و شيرين بانو و ليالي الخيام

بوفيه اذا ميزانيتج كبيره

بس اذااا الميزانيه مو كبيره عزميهم عادي طلبات

تروحين فيلا فيروز تتفقين معاهم على عدد الاشخاص والطاولة وين تبينها وتختارين من المنيو الطلبااات من السلطات والمقبلات لي الحلو وبس وحزت العزيمة وانتو قاعدين الطلبات تنزل بس يفترون عليكم علشان يسالونكم شنو تشربون اسهل واايد من القومه والقعده اوفلان اشتبي ساعات في ناس يستحون يطلبون اذا معزمين