طبعاً أنا سويت للرواية جزء ثاني لأني حسيت ماطولت بالأحداث و عشان جذي حبيت أسوي جزء ثاني ... و انشالله يعجبكم هالجزء ..
نتذكر شصار بالقصة .
البارت الأول ..
((أبراهيم يمسك ايد احمد : ايي احمد نسيت اقولك . احمد يطالعه : شنو ؟ ابراهيم : باركلي ترا خطبت بنت عمي . أحمد يوقف جدام أبراهيم مستانس : جذاااااااااااااااااااااااااااااااااااااااااااااااااااب برهوم قول الصج . أبراهيم يضحك على احمد : والله العظيم . احمد : خطبت دانه ما غيرها ؟))
البارت الثالث ..
((حصة : شدعوه ياحافظ البنات صارلهم نص ساعه تحت ليش مانزلتي ؟ عايشة بغرور : أمي كانت تتمكيج . سارة بصوت خفيف : تتمكيج . نوريه تلف على ابرار و فاطمة و سارة : و انتو ليش ماتسلمون ؟! أبرار+فاطمة + سارة : السلام . عايشة : أظاهر ماعلموهم شلون يسلمون . أبرار معروف عنها انه ماتسكت عن حقها و خصوصا اذا غلطوا عليها او على فاطمة و سارة . أبرار : نعم هي انتي أحترمي نفسج . عايشة : ماني محترمتها شبتسوين يعني ؟ سارة تمسك ايد ابرار : خلاص برور خليها . عايشة توقف و تتخصر : الله الله عدال الي ماتبي تسوي مشاكل انتي لو فيج خير جان تحجبتي مو ليلحين سفور . سارة بهدوء : أبرار لو سمحتي مالج شغل فيني . عايشة : انتو اظاهر مو متربين . و بدا الصراخ بين البنات الأربعه .))
البارت الخامس ...
((أحمد ناايم بسابع نومه و يرن تيلفونه . احمد مغمض عيونه و يرد : همممممم رغد : نايم ؟ احمد مغمض عين وحده : همممممم منو ؟ رغد : حبيبي شفيك انا رغد ؟! أحمد يفز من مكانه : رغد !!!!!!!!!!!!!!!!!!!!!!!!!!!! و يفز احمد من النوم و اهوا مخترع : بسم الله الرحمن الرحيم ....بسم الله الرحمن الرحيم ( يحط ايدا على راسه : اعوذ بالله من الشيطان الرجيم . مريم : مصممين ؟ الكل : أييييييييييي . مريم: انا اقولكم ، اول شي أباركله و اهني و استانس ....و وقت النوم اخليه ينام معاها و بليل اروح اخذ سجين و اقطعه قطعه قطعه ... أحمد يطالع امه بأستغراب . مريم : بعديييين احط كل خمس قطع أب جيس و اوزعه عالفريج و اقولهم هذي دفعة بلا عني و عن عيالي و إذا سألوني عنك أقولهم سافر لا هاااااااااااجر. أحمد يبلع ريجه : انا شبعت ( ينحاش. ))
البارت السادس ...
((عبدالله : لاطب ولا حقوق أنسى . أحمد يطالع عبدالله : ويييع وييع عبووود ويهك يا المليغ ( يدز عبدالله بالماي و يضحك . سارة كانت واقفه اتطالعهم من بعيد و خايفة على عبدالله . سارة : انا اعلمك حموود ماشي . وراحت من ورا بدون لايدري و دزته . يوسف : عاشت بنت اخوي والله . أحمد : سارو يا شقول . سارة : عشان ما تدز ولد عمتي . عبدالله : أي عاشت ساروو . أحمد يمسح ويها : ماشي مردوده يا بنت شهاب .))
البارت السابع ...
((رغد و احمد قاعدين يتمشون عالبحر و ماسكين ايد بعض . رغد : حبيبي . احمد : عيونه . رغد : ودي اركب طراد و اوقف بنص البحر و اصارخ و اقول : أحبببببببببببببببببببببببببببببببببببببببببببببببببببببببببببببببببببببببببببك . احمد يضحك : يا مينونه . رغد : بليزاحمد طلعني بليييييييييييز . احمد : خلاص من عيني هذي قبل عيني هذي . رغد : الحين . احمد : الحين عاد ؟! رغد : أي الحين . احمد : يالله عيل تعالي . وركبوا و بنص البحر اخترب الطراد و صار في هواا و ريح و مطر و الطراد انترس ماي و غرقوا يوو خفر السواحل و طلعوا احمد بس مالقوا رغد . بالطراد احمد كان قاعد يبجي و يصارخ : رااااااااااااااااااااااااااااااغاااااااااااااااااااااااااااد لا تخليني بروحي أحمد يضيع بدونج حبيبتي . الريايل ماسكينه من كل صوب و احمد قاعد يرفس بريوله عشان يطب البحر بس ماكو فايده ماتت رغد و مات قلب احمد معاها . 2011 . جاسم : شتبي يا حبيب أمك ؟ أحمد يعصب : جاسم ثمن كلامك لا تعرف شسوي فيك ، انا محترمك عشان خالي بس . جاسم يدز أحمد و يطيحه ، أحمد يقوم و يدز جاسم و يطيحه و قاموا يتهاوشون و يوو البنات . فاطمة : هووو شصاير ؟ سارة : لحظة ..........أمبيييي هذا احمد مع جاسم . أبرار تصارخ : أحمااااااااااااااااااااااااد . و يطلعون الريايل يفاككونهم بس وين ؟؟ يوسف و عبدالله ماسكين أحمد و خالد و حسن ماسكين جاسم و الحريم و البنات يصارخون . يوسف : بس يا احمد خله يولي . جاسم يصارخ : أنا اعلمك يا حيواان . أحمد بيفك نفسه من عمه و عبدالله بس موقادر و يصارخ : جب لا تسب لا أطيح حظك . جاسم : بنشوف يا الديايه . أحمد يصارخ و يطالع يوسف : عمي خلني وخر ..... ماااااااشي يا جسوم يا دلوع الماما . جاسم : انا دلوع الماما على أقل انا ما ابجي على وحده . أحمد ينط : جاسم جب . جاسم : روح عند رغد روح . عبدالله عصب و هد أيد احمد و احمد دز يوسف و طق جاسم . ليما صرخ ابو احمد صرخه . شهاب : انتو ريايل انتو ؟ فشلتونه الله يفشلكم و هذا و انتو عيال خوال . جاسم : اهوا الي .........( يقاطعه أحمد : لاتجذب . شهاب : مابي اشوف ولا واحد منكم .))
البارت الثامن ...
((سارة تبجي و تطالع ابرار : أستانستي ابرار خذيتي مني ؟! ابرار تطالع سارة مصدومه : ماخذيته عبالج احبه والله ما احبة انا احب احمد . سارة تبجي : لا والله صج جذبي علي بعد ماهقيتج جذابه و نصابه . ابرار تبجي : سارة بس انتي تدرين اني احب احمد . فاطمه تصارخ : هاااااااااااااااااااااااااي انتو الثنتين ؟ بس تذابحو بعد استحوا على ويوهكم ترا الي تتكلمون عنه اخوي و بعدين هذا نصيبكم وافقوا .
عبدالله ينزل راسه : انا أسف أذا جبرتج على شي بس انا من يوم كنت صغير و انا شايفج انتي البنت الي اتمناها و أظن لما تتذكرين المواقف الي تصير بينا راح تعرفين ...( يبلع ريجه ) ..( يرفع راسه : انا ادري انج مو موافقه بس تمنيت انج ماتقولينها جدام الكل ( يبجي : تمنيتج تمسكيني و تقولينلي اياها بس انه تفشليني جدام الكل ( يطالعها : هذا الي ما ارضى فيه))
البارت العاشر ...
((احمد كان قاعد عالسرير و جدامه ريم و عبدالعزيز و رناد و حاط جدامهم الضرف . احمد : أبي إجابة سؤال واحد ....ليش ؟! ريم تبجي و تطالع عبدالعزيز و رناد الي ساكتين و ماتكلموا . احمد يصارخ : لييييييييييييييييييييييييييييييييييييييش ؟ ريم يزيد بجيها و يقوم احمد يمسكها من ايدها حيل : تكلمي قولي ليش ؟ يعني عاجبج الي صار ؟؟ ( يدزها عالأرض : ليش سويتي جذي ليش ؟ ريم تبجي : صدقني احمد ( تشهق : صدقني انا مالي شغل والله اهما ( تأشر على عبدالعزيز و رناد ) أهما الي قالولي جذي والله العظيم احمد . أحمد يصارخ : و اهما كل ماقالولج شي تقولين حاضر تم ؟ باجر لي قالولج قطي روحج بالنار تقطين ؟ ( يتلها و يقومها و يعطيها طراق . عبدالعزيز : أحمد ريم مالها شغل انا و رناد الي قلنالها هالشي و اهيا عارضت بس احنا أصرينه ليما يابته . احمد يوقف جدام عبدالعزيز و يتخصر : و انت بأمر منو تسوي جذي ؟ الملف يخصك ؟؟؟ شهالقلة الادب هذي ؟ رناد تبجي . احمد : بس ماعندكم حل غير البجي؟ عبدالعزيز : احمدخلاص لاتصارخ ترا احنا مو يهال . احمد : شسويتي بالأغراض . عبدالعزيز : مامدانه بطلنا جان انتو تردون . احمد : والله ثم والله اذا مسوين شي و موقايلينلي و راس أغلى انسانه بحياتي لا اوصل الي صار حق اخوانكم و انتو تدرون عبدالله و حسن شيسوون ( يصارخ : الموووووووووت ما يبرد قلوبهم و الحين طلعوا برا .))
البارت الحادي عشر ..
((أحمد : فاطمة انا ....أنا .... بغ.....أنا ابي ...أت ... أنا . فاطمة : احمد شفيك تكلم . احمد : فاطمه اذا ( يغمض عيونه : اذا تقدمتلج توافقين ؟ فاطمة تسكر التيلفون . احمد : حلوو عرفت ردها .
عبدالله : انزين شفيها عايشة ؟ أحمد : مافيها شي و المشكلة مو فيها فيني انا ... عبدالله يخاف : احمدووو شنو المشكلة ؟ انت ريال كامل و الكل يتمناك ؟قول شفيك ؟ أحمد ينزل راسه و يقول بقلبه شلون تبيني اعترفلك اني احب اختك والله غلط . عبدالله : قول . احمد يعض شفايفه . عبدالله يعصب : شفيك شعلتك تعبان ماتييب عيال يعني ؟ احمد يطالع عبدالله و يبجي : أحب . عبدالله يتنح بوي احمد : أت...ت...أتحب ؟؟منوو أحمد : وحده خذت قلبي و خذت حياتي . )) . ((شهاب يطق احمد طراق : ايا جلب . يوسف : صل عالنبي يا شهاب . شهاب يصارخ : انا تسوي فيني جذي ؟! ليش شقصرت معاك ؟ كل شي كنت تبي يوصلك برسم الخدمة ، فلوس و سيارة و كل شي ( يطقه طراق ثاني : يا ابن الـــ ...( يقاطعه عبدالله : خالي . شهاب : حشى مو ولد عدو عدو حسبي الله عليك من ولد . سارة تبجي على حال اخوها . احمد يبجي . شهاب : تبجي على شنو سوااد عيونك يا حماار قولي ( فصخ عقاله و قام يطق احمد و يوسف و الشباب قاعدين يوخرونه بس ماكو محد يقدر عليه ليما احمد دز ابوه . احمد يبجي و خشمة قاعد يطلع منه دم و حلجة بعد : بس حرام عليك موغصب الزواج مو غصب ،( يصارخ : انت علمتنه انه مافي شي غصب و انت بلسانك كنت تقول انا من اليوم ورايح ماراح اغصبكم و انا من اول ما فتحت عيني عالدنيا و انت كنت تقولي مو غصب و مو غصب يبا انت ماكنت تغصبنه على شي شلي تغير الحين ؟؟؟ ليش انها بنت اخوك ؟؟؟ ( يأشر على فاطمة : هذي بنت اختك و انا احبها مو عيب صح مو عيب اعترف اني احبها يبا مابي اخسرها مابي ( يبجي و يصارخ : مابي اخسرها مثل رغد انا ماصدقت على الله انسى هالجرح و احب وحده و انت ياي تفرقنا حراام عليك يبا حرااااااااام عايشة انا لايمكن ارتبط فيها ولا يشرفني اصلاً ( يبجي: بس انت هذا الي تبي و انا راح انفذه لك و الحين راح تشوف انت تبيني اموت تفتك مني اوكي ماشي راح اطلع لكن يكون بعلمك ترا ذنبي برقبتك . و يطلع و يلحقونه الشباب .)) ((بيت شهاب . غرفة أحمد . احمد و فاطمة منسدحين و فاطمه حاطة راسها على صدر أحمد . فاطمة : أففففف مابغت تنام يننتني . احمد يمسح على شعر فاطمة : طلعت مزعجة عليج .( يضحك . فاطمة : لا صج ؟ احمد يضحك . فاطمة : أحبك . أحمد : فطومتي . فاطمة : واااااااااااااااااااااااااااااااااي انت مانسيت هالأسم هذا بس بس من يوم كان عمرك 9 سنوات و انت تقولي هالأسم . أحمد : راح أتظلين فطومتي لي اخر يوم بعمري .))
الشخصيات الي راح تنبرز بهالرواية و شخصيات راح نفقدها ..
1- رغـــد >> بنت أحمد و فاطمة . 2- أحمد و عبدالله و خالد و حسن << عيـــال يوسف و عبير . 3- عيسى >> ولد عبدالله و أبرار . 4- أحمد و دانهـ << عيال خالد و سارة . 5- جمــانه << بنت حسن و جنان . 6- شهـــاب << ولد عبدالعزيز و ريم . 7- بدر << ولد رناد و فيصل . 8- أحمد << ولد أبراهيم و دانهـ .
((البارت الثاني عشر ..))
يوم الثلاثا .. الساعه 4 الفير .. بيت شهـــاب . شقة يوسف . اليهال كانوا شايلين الشقه من الصراخ و البجي و عبير تسكتهم .. عبيـــر : بس يا ماما بس ... أييي شفيكم خوو ؟ يوسف يحط راسه تحت المخده : عبروو طلعي براااااا مع عياااالج . عبير تعصب : أي قوم سكتهم معاي شنو بس عيالي ؟ يوسف يوقف و ياخذ مخدته و لحافه و يطلع و يسكر الباب بقوة . عبير : الله يهديك يا يوسف مسؤولية اليهال علي أفففففف .
شقة أحمـــد . فاطمة كانت شايله رغد و تدور فيها : بس ياماما بس عييب ابوج نايم . أحمد يقعد و يطق بأيده على يبهته : بناااااااااام مو حاله هذي . فاطمة تضحك : شفتي رغووده ابوج طردنا . احمد يبتسم و يوقف يمهم : أفااا عليكم انا اطردكم ؟ أطلع جليل حيا والله . فاطمة أتطالعه و مستغربه : هذا شفيه ؟ يروح احمد صوب الباب و يفتحه و يصارخ : طلعوا برااااااااااااااااااااااااااااااااااااااااا . فاطمة تهز البنت و اهيا بأيدا : احمد بس خالي و خالتي نايمين . احمد : أبي اناااااااااااام باجر عندي أمتحاااااااان حرااام عليكم . فاطمة : أفففففففففف أنزين بطلع ( تطلع . احمد يسكر الباب و يحذف روحه عالسرير و يناام .
الصالة . يوسف كان نايم بساااااابع نومه بس صرخت رغد قعدته . يوسف يعصب : ما أنام يعني ؟ بناااااااام يبا مايصير جذي . فاطمة تقعد : يعني خالي انا شسوي ؟ احمد يقولي برا و انت تقولي روحي شقتج ؟ يوسف : فطووم بنام باجر بروح عندي موعد الساعه 9 . فاطمة تعصب : و مدام انكم ماتتحملون ليش يبتوهم ؟ يوسف يطالع فاطمة : علمي زوجج . فاطمة : الحمدلله احنا يبنا وحده مو انتو اربعه مره وحده . تنزل عبير و بيدها احمد و عبدالله و الخدامه وراها شايله حسن و خالد . يوسف يصارخ : حلووووو اكملت .
غرفة شهاب . شهاب يفز من النوم : لاحول لله شهالصراخ ؟ تقعد مريم : الله يهداهم اليهال ما يبجون الا بالليل . شهاب يوقف : خل اروح اشوفهم . مريم : البس شيلتي و ايي . طلع شهاب و راح شقة احمد و طق الباب : أحمد ... أحمد .... احمدوو و صمخ قووم . احمد كان غرقااااااااان بالنومه و موداري عن الي يصير بالبيت . فتح شهاب الباب و شافه نايم و راح صوبه و هزا : أحمدووو قوم سكت بنتك ترا صدعتنا . احمد غطى ويها بالكمبل و قلب الصوب الثاني . شهاب شال الكمبل و سحب احمد : انا مو قاعد اكلمك . احمد يعصب : يباااا بنام والله حرااام باجر عندي امتحان . شهاب يسحبه لي الباب : أذلف شوف بنتك ترا مرتك متوهقه . احمد يعدل تي شيرته : أيي قلعتها محد قالها أتييبها ؟ شهاب يطقه على راسه : ايي مو أنت الي حنييت صح ( يدزا : أذلف . أحمد عصب و نزل . فاطمة كانت أتدور بالصالة و تغني حق رغد و عبير و يوسف يسكتون الأربعه نزل أحمد و أنصدم : شصاير ؟ غزوو؟ مريم تضحك : تعال شوف بنتك . وقف احمد يم فاطمة : عطيني أياها . فاطمة تعطيه و تشوفه رايح صوب الباب : وين رايح حبيبي ؟ احمد : بروح اتمشى بسيارتي بالفريج يمكن تهدا . فاطمة تتثاوب : زين تسوي . احمد يطالعها و يرفع حاجب واحد : أي مو تعبانه ( يطلع . مريم تشوف فاطمة : روحي يماا نامي . فاطمة : لاخالتي بنطرهم . مريم : ما عليه على مايرد اكيد نامت يالله روحي . فاطمة : اوكي ( تصعد . شهاب : يالله يا بطل سكت اليهال الي عندك . يوسف يمسك أحمد ويوقف : بس يا ولد بس .
سيارت احمد . احمد كان حاط رغد على ريوله و يمشي شوي شوي عشان تخدر . أحمد : بالله هذي حاله ؟؟ انا وين و العيال وين ؟؟ ( يطالع يمين و يلف : شزيني و شزين العزوبية بس وين ؟؟ الا اتزوج ( يطالع رغد ويبتسم : فديتها والله ( يتذكر خطيبته رغد و يبتسم : الله عوضني أبــ فطـــومتي الله يخليها لي و يخليني لها . يرن تيلفونه و يشوف اسم ابراهيم و يضحك و يرد : هلا . أبراهيم : شفيك تضحك؟ احمد : على الازعاج الي عندك ؟ أبراهيم : أميننا هالولد ويع ويع كرهتك والله . احمد يضحك : و انا شكو ؟ ابراهيم : اصلاً مو بس كرهتك كرهت كل الي أسمهم أحمد . احمد : برهوم ما اقدر اضحك رغوود غصب نامت . أبراهيم : يا لبا قلبها والله مرت ولدي . احمد : يحليلك لا حبيبي خل ولدك لك مانبي نزوج بنتنا حق ولدك . أبراهيم : ويييع اصلاً من زينها انت لو شايف امس البنات شسووله تصدق أنا أحتريت . احمد ضحك بصوت عالي و نقزت رغد : شفت قتلك راح تقعد يالله باي . سكر التيلفون و قعد يغني بصوته الساحر : لا إله الا الله رغوود يحفظها الله .
بيت حصة . الوضع كان مختلف نهائياً شقة عبدالله . عبدالله نايم بسابع نومه و أبرار بعد .
شقة عبدالعزيز . ريم كانت قاعده تعدل سرير شهاب و عبدالعزيز يلعب معاه . عزيز يدلدغ شهاب و شهاب مايدري شسالفه ؟
بس الوضع كان يطمن مو مثل بيت شهاب . بيت جراح . بما أنه خالد ولدهم الوحيد و ماعندا اخوان و بيتهم كبير فماكان يحتاج شقة . غرفة خالد . خالد كان مسند راسه عالسرير و ماد ريوله و حاط دانه على بطنه و دانه كانت نتفه و شكلهم كان أينن و ساره ماسكه احمد و تغنيلها : لولواه يايمااا لولوا لولوا ... عيونك سكنوا قلبي يايماا لولوااا ... يما شيسوي الي أحبابه راحو وخلووووه ؟ سهرت لجلك مع نجمة سهييل سهييل و أبي رباي يبين فيك حييل فيك حييل و لي هدني الزمن شيلني يا يمااا شيييييل لولوا . خالد و دانه غفوا على صوت سارة و احمد كان نايم من زمان . سارة رفعت راسها و شافت خالد و أبتسمت :فديتك والله . وقفت و حطت احمد و خذت دانه و اسدحتها يم احمد و غطتهم و راحت غطت خالد .
شقة حسن . حسن كان نايم و جنان أتسكت جمانه بس ماكو فايده .. أزعاج جمانه كان أهدا من زعاج رغد .
شقة فيصل . رناد و فيصل و بدر ناايمين بساااااااااااابع نومه .
يوم الأربعاء .. الساعه 8 و نص .. بيت شهاب . طبعاً أحمد رجع البيت الساعه 6 و نص . شقة يوسف . اليهال ناموا و يوسف عقب هالتعب نام و أذا فجروا قنبله يمه ماراح يقوم . شقة أحمد . فاطمة طلعت من الحمام و شافت احمد نايم و تذكرت أمتحانه ، لبست و راحت صوب التسريحة و رفعت شعرها بعدين راحت قعدت عالسرير و تهز أحمد : حبيبي ... حبيبي يالله قوم انت مو عندك Exam ?? احمد :........... فاطمة : أففف يالله حبيبي حرام تضيع هالسنه من ايدك يالله عشان هالأمتحان . احمد فتح عيونه و شاف فاطمة و ابتسم ، ردتله فاطمة الأبتسامة : يالله قلبي قوووووووووووووووووووووووووووووم . قعد احمد و حك راسه : الساعه جم ؟ فاطمة : 8 و نص . احمد يحط أيدا على رقبته من ورا و بصوت تعبان : مابي اقدمه . فاطمة تشهق : أنت ينيت ؟ كافي انك وقفت قيدك سنه و الحين تقول مابي اقدم ؟ احمد : أففففف والله تعبان . فاطمة توقف و تمسك ايدا و أتله : يالله قوم . قام احمد و تمغط : شهالحالة ياربي . فاطمة تضحك ، يروح احمد صوب الحمام و يرجع : أبي انام . فاطمة تمسكه و تضحك : لا قلبي يالله . ضحك أحمد و دش يتسبح . فاطمة طلعتله قميص احمر و بنطرون جينز أزرق غامج و طلعتله الساعه الحمرا و جوتيه ( حشاكم ) أوول ستار الأحمر و طلعت تزهبله الريوق .
شقة أبراهيم . قعد ابراهيم و شاف دانه نايمه و دخل الحمام يتسبح . وعت دانه على صوت الماي و شافت الساعه و راحت اتزهب ملابس ابراهيم .
بيت شهاب . نزلت فاطمة و شافت شهاب قاعد مع مريم و راحت سلمت عليهم , شهاب يحط الكوب : انشالله نمتي زين ؟ فاطمة : أي الحمدلله بس احمد كسر خاطري قعدته و اهوا ليلحين في النوم . مريم : وعليا على وليدي . شهاب : محد مخربه غيرج مدلعته . مريم : أي مو ولدي الوحيد لازم ادلعه . فاطمة ضحكت لأنه هالأسطوانه كل يوم تنعاد عالريوق . نزلت عبير : صباح الخير . الكل : صبااح النور . فاطمة : ليش قعدتي ؟ عبير تقعد : شبعت نوم . شهاب يضحك و يوقف : يالله انا أستأذن ( طلع . نزل احمد و كان بكاامل أناقته و اهوا يغني أغنية عبدالقادر الهدهود : و أنا ذبت أشكرا سرا عشقك فيني سرا و أذا تسمح أنت ترا لي محجوز محجوز . مريم : صباح النور . احمد ابتسم و راح باس راس امه : صباح الخيير يا عسل . مريم تضحك . راح صوب فاطمة و باسها على راسها : صباح الخير ياقمر . فاطمة : صباح النور . احمد يقعد مكان ابوه : شلونج عبووره . عبيري تضحك : تمام و انت . أحمد ياكل الزيتون و يأشرلها يعني : تمام . فاطمة : أصبلك ؟ أحمد : أبي مااي . عبير : اليوم أخر امتحان ؟ احمد : أي . عبير : و انت جم سنه بقالك ؟ أحمد يشرب ماي و يحطه عالطاولة : ما بقى شي بعد سنتين . عبير تضحك . احمد يمسك التوسته و يعطيها فاطمه : سويلي ( يطالع عبير و يبتسم : ليش تضحكين ؟ عبير : عليك ، سنتين و مابقى شي ؟ أحمد يستوعب الي قاله و يضحك : Me Sorry . يرن تيلفون احمد و يرد : هلا بو احمد . ابراهيم : انت وين ؟ احمد يتصنع بالعصبية : صباح النور . أبراهيم : خلصني وينك ؟ احمد يبتسم : قاعد مع زوجتي . أبراهيم : أحمدوو و يهد الساعه 9 الا ربع و الأمتحان 9 و ربع قوم اطلع . أحمد : انزين بطلع . يسكر التيلفون و يوقف . مريم : وين يما ماكليت شي . احمد : وين ماكليت شي ؟ مو شايفه كرشتي ؟ فااطمة تضحك . احمد : أي ضحكي .. شهر و انتي توكليني هالعيوش . فاطمة تضحك : عشان تمتن . احمد : لا حبيبتي راح اسوي رجيم قاسي . مريم : ليش يما ؟ احمد يقعد و شكله نسى أبراهيم : يمااا انا قبل لا اتزوج فطوم كان جسمي اينن و البنات يلحقوني و الأرقام تتحذف علي من كل صوب بس الحين مع هالكرش و الي يشوفني يعطيني ظهرا و يمشي و برهوم يقولي (( شرشبيل )) . الكل : ههههههههههههههههههههه . احمد يشرب مااي : يما شنو الغدا اليوم ؟ مريم : مطبق زبيدي . فاطمة : الله . احمد : ليش يا ام احمد ليييييييييش ( يقعد يم ريول مريم و يمسك ايدها : و انا اقول بسوي رجيم و انتي تسوين مطبق ؟ فاطمة و عبير ميتين من الضحك . يرن تيلفون احمد و يشوف اسم ابراهيم : المبااااااااحث ( يطلع ركض . عبير توقف : خل اقعد يوسف . تصعد و تقوم فاطمة و تشيل الصحون .
بيت حصة . شقة عبدالله . ابرار كانت قاعده تلبس شيلتها . قعد عبدالله و شاف ابرار : وين ؟ أبرار : نسيت ؟ عندي امتحان . عبدالله : ايييي . ابرار تمسك كتبها : يالله حبيبي باي . طلعت و شافت حصة مع ريم قاعدين : هااااي . ريم و حصة : هايات . حصة : هااا يما طاالعه . أبرار : أي عندي أمتحان . حصة : أيي الله يوفقج . يطلع عبدالعزيز : صباح الخير . ابرار : يالله باي . قعد عبدالعزيز : يوعاان . حصة : روح المطبخ و سولك شي . عبدالعزيز يطالع ريم : قومي سويلي ريوق . ريم توها بتقوم و تسحبها حصة : قوم انت ابي ريم بسالفه . عبدالعزيز : أفففففففففففف . طلع عبدالله : السلام . الكل : وعليكم السلام . حصة : ها يما وين ؟ عبدالله : بروح الدوام . حصة : انزين و ولدكم ؟ عبدالله : يمااا بروح أوقع و أرجع . حصة تضحك : روح الله يستر عليك . طلع .
بيت جراح . نزل خالد مع سارة و شافوا جراح قاعد مع نورية . خالد + سارة : صباح الخير . جراح : صبااح النور ، تبون ريووق ؟ نورية بنفس : خالد حبيبي روح تريق . خالد : لا يما بروح الجامعة . جراح :و انتي سارونه ؟ ساره طالعت نورية الي كانت تخزها : لا عمي بتريق بالجامعة . نورية تعصب : أذا انتو الأثنين بتروحون الجامعه اليهال منو عندهم ؟ خالد يطالع ابو و سارة نزلت راسها . جراح : احنا اهني و بعدين اهما اثنين يعني مو درزن ؟ نوريه : لا يا بو خالد اسمحلي انا ماصدقت خالد و عايشة كبروا . جراح : و انتي مو يدتهم ؟ نورية : خوش خوش و مريووم مو يدتهم بعد ؟ سارة دمعت عينها و صعدت . خالد وقف : يمااا شفيج ؟ نورية : شفيني مافيني شي ؟ خالد يطالعها : و بعدين يعني لازم كل يوم تسمعين ساره كلام مثل السم ؟ نورية : ليش شكتلك ؟ اعرفها بنت مريوم ام السحورة . جراح يصارخ : نوريه . خالد يعصب و يصعد . جراح : انتي متى بتكبرين ، تدرين أذا خالد قال بطلع من البيت والله ما تظلين على ذمتي ( يحذف الجريدة و يصعد . غرفة خالد . سارة كانت قاعده جدام سرير احمد و دانه و تبجي . دخل خالد و شافها و عورا قلبه و راح قعد يمها و حط ايدا على جتفها : ساروونه انا أسف أدري انه امي زودتها بس شنسوي ابوي يبينا نقعد عنده . سارة تبجي و تحط ايدها على ويها : انا تعبت يا خاالد تعبت كل يوم تسمعني كلام مثل السم . خالد تدمع عيونه و يلم ساره : خلاص حياتي . سمعوا صوت الباب و سارة مسحت دموعها . خالد : أدخل . دخل جراح و وقفوله احتراماً له . جراح يشوف سارة و وييها الي صاير احمر : سارونه يبا تعالي . تروح سارة و توقف جدامه . جراح يمسح على شعرها : ماا عليه يبا استحمليها هذي خالتج و بحسبة امج و انتي تدرين انه نورية لسانها متبري منها . سارة نزلت راسها و دموعها ماتوقف . جراح رفع راسها و باس راسها : خلاص يا حياتي . سارة دفنت راسها بحظن عمها و بجت . خالد يطالع ساره و ابوه و يبتسم . جراح يرفع راسها : يالله الحين روحوا . خالد : و اليهال ؟ جراح : انا بجابلهم . سارة تمسح دموعها : لا عمي اخاف يأذونك ؟ جراح يطقها شوي شوي : ماكو ثقه ؟ ساره تضحك و خالد ضحك . جراح : يالله روحوا . و راحوا .
1- ساره راح تستحمل كل الإهانات من نورية ؟ 2- جراح راح يكون قد المسؤولية ؟ 3- (( تم البارت الثاني عشر ((
جامعة الكويت . كلية الهندسة . ابراهيم و احمد و أبرار قاعدين يم بعض عشان يساعدون بعض << مو غش . توزعت الأوراق و ابرار اول ما شافت الورقة شهقت شهقه و احمد اخترع و حذفها بالقلم .
كلية الحقوق . ساره دخلت القاعه و شافتها فاضيه مافيها احد و اخترعت و طالعت الساعه : الساعه 9 و نص يعني تو الناس و ينهم ؟ رغد : سااارونه . ساره نقزت : يماااااااا . رغد ماتت من الضحك : يا الخوااافه . ساره أتطقها على جتفها : يا البايخة خرعتيني . رغد : ليش يايه أهني ؟ سارة : عشان المحاضرة . رغد تضحك : لا تخافين الدكتورة غااايبه . سارة : ليش ؟ يطلعون من القاعه . رغد : مادري عنها ؟ سارة : حسااافه . رغد تضحك : ادري فيج أم قلبين تموتين عالدراسة . ساره بدلع طبيعي : لا عاااد رغوود لاتقولين جذي . رغد : المهم خلينا من الدكتورة ... دانه و احمد شلونهم ؟ ساره : وااي فديتهم واايد مؤدبين . رغد تضحك : فديتهم ؟ ساره : عكس بنت احمد اخوي وااي مزعجه . رغد تقعد : فديتها والله . سارة ترفع نظارتها على شعرها و تقعد يم رغد : سميتج ما نقدر نقولها شي . رغد : سارو تريقتي ؟ ساره : لا والله يوعانه . رغد : قومي ناكل . و قاموا .
<<< خل نتكلم عن رغد شوي ..
رغد رفيجة سارة و ماصارلهم واايد يعني ، أهيا ما طلعت بالجزء الأول بس بهالجزء راح تطلع بس شوي ، بيضه و حلوه و مو متجبه و كله تقص مثل حصة اللوغاني و ساره كله تقولها تشابهين حصة اللوغاني و رغد أتعصب .<<
شقة حسن . حسن كان قاعد يطالع تلفزيون و ياكل توست و جبن . طلعت جنان شايله بنتها : حسون انا بروح شوي عند امي . حسن يقصر : ليش ؟ جنان : مشتاقتلها . حسن : اوكي سلمي عليها . جنان تبتسم : يوصل . تطلع و يرن تيلفون حسن و يشوف الرقم و يبتسم و يرد : هلا والله . رناد : شلونك حسون ؟ حسن : انا بخير الحمدلله و انتي و فيصل ؟ رناد : احنا تمام بس انا داقه عليك لأني بسافر . حسن يوقف : وين ؟ رناد : بنروح نستقر أبـــ أمريكا تدري بعد فيصل دراسته هناك . حسن : أنزين و احنا ؟ رناد : أي خو بالعطلة راح ازوركم . حسن يقعد : انزين عالأقل مريتونه و قعدت معاج شوي . رناد : ماعليه يالله انا بسكر تبي شي ؟ حسن : لا سلامتج بس اتصلتي على برور ؟ رناد : لأ لأنه حاطه بالـ Bb أنه اهيا بالأمتحان . حسن يتنهد : خلاص تروحون و ترجعون بالسلامة . رناد : الله يسلمك يالله باي . حسن : باااي . سكر التيلفون و تضايق : الله يهداك يا فيصل .
بيت شهاب . شقة احمد . فاطمة كانت قاعده تعدل غرفتهم و يرن تيلفونها . فاطمة تقعد عالسرير و تشوف الرقم و تستانس : ألوووووو. حصة : هلا حبيبتي شلونج شخبارج ؟ فاطمة : انا تمام الحمدلله انتي شلونج و عبود و برور شلونهم و عزوز و ريوم و اليهال شلونهم ؟ حصة : كلهم تمااااااااااام و يسلمون عليج . فاطمة : بعد شمسوين ؟ حصة : والله ماكو قاعين .. ترا اليوم انا عازمتكم كلكهم . فاطمة : خلاص اشوف احمد ( قعدت رغد : يماااقعدت رغد . حصة : اخليج عيل يالله باي ؟ سكرت التيلفون و راحت شالت رغد : صباااحووو يا عسل .
جامعة الكويت . طلعوا الثلاثة من القاعه و اهما ميتين من الضحك . ابراهيم يضحك : نرفزني . احمد : و انت تقوم تصارخ عليه ؟ خله يولي . ابراهيم : أشوا اني كنت مخلص . احمد : أي والله حتى انا . أبرار كانت طول الوقت ساكته . احمد : أشوا انه أخر امتحان بس متى يعلقون النتايج ؟ أبراهيم : اذا خلصنه الخميس أكيد الأحد أو الأثنين . احمد يطالع ابرار : برور شفيج ساكته ؟ أبرار منزله راسها : ....... ابراهيم : أم عيسى شفيج ؟ ابرار :............. أحمد يأشر بأيده جدامها : أبرار . ابرار أنتبهت : هلا . يدخلون الكفتيريا و يقعدون . احمد : شفيج ساكته ؟ مو من عوايدج ؟ ابرار : تعبانه شوي . أبراهيم يبتسم : مو من عوايدج ؟ ابرار تبتسم و تتنهد . احمد :يوااعه ؟ ابراهيم : انا يوعان حدي . احمد : و انتي برور ؟ ابرار : بس ابي Coffee أحمد يوقف : ثواني و الطلب يوصل . ابراهيم يضحك و بروح احمد . أبراهيم شاف نظرات ابرار لأحمد : أبرار . ابرار تطالعه : هلا . ابراهيم : شفيج ؟ ابرار تنزل راسها و تبجي . ابراهيم يستغرب : شفيج ليش تبجين ؟ أبرار ترفع راسها و تحط ايدها على حلجها : أ...أ...أحب..ب..أحبه . أبراهيم أنصدم : منو ؟ أبرار : أحمد . أبراهيم مو مستوعب و تنح بوي ابرار . أبرار: لاتطالعني جذي انا لو اتزوج اكثر من واحد غير احمد ما احب . ابراهيم : انتي فاهمه شقاعده تقولين ؟ ابرار تهز راسها بمعنى (( أي )) . أبراهيم : احمد متزوج و عنده بنت و انتي عندج ولد . ابرار توقف : احمد راح يظل بقلبي و ماراح انسى ( تروح . أبراهيم ليلحين مستغرب منها و ماشاف احمد الي ياي و بأيده الأكل و قعد . احمد : وين برور ؟ ابراهيم :.......... أحمد يطالع ابراهيم : الووو يبا نحن هنا . ابراهيم :........... احمد : انتو شفيكم اليوم يوم التتنيح العالمي يعني ؟ ابراهيم :............. أحمد يدز ابراهيم : اكلمك . ابراهيم أستوعب : هلا شفيك ؟ احمد : سلامتك انت الي شفيك صارلي نص ساعه اكلمك و اقولك وين ابرار و انت حاقرني . ابراهيم يتنهد : ابرار ؟ راحت . احمد : هل بنت مو طبيعيه كلش . ابراهيم يقول بقلبه \ بلاك مادريت ياخوي بلي يصير : مادري . احمد ياكل . ابراهيم : انت الحين مو متريق ؟ احمد : بس يوعان . ابراهيم يضحك و ياكل .
كلية الحقوق . ساره واقفه يم رغد الي ناطره اخوها . ساره : أي ليش ما اتيين بسيارتج ؟ رغد : سيارتي اخوي ماخذها . ساره تضحك و تتذكر احمد لما كان ياخذ سيارتها يكشخ فيها . رغد : يالله انا رايحه و بينه ألووو اليوم . ساره : اوكي يالله باي . راحت رغد و ساره راحت الكفتيريا .
سيارت ابرار . ابرار كانت قاعده تفكر بأحمد و يرن تييلفونها . أبرار : ألووو . حسن : وينج ؟ ابرار : راده البيت . حسن : انزين تعالي عندي ابيج بموضوع . أبرار : شصاير ؟ حسن : انتي تعالي . أبرار : ثواني و اكون عندك .
بيت جراح . نورية قاعده بدارها و دخل جراح . نورية : صرت خدامه حق بنت مريووم ام السحورة ؟ جراح يقعد : لا حول لله . نورية : أسمعني يا جراح أنا مو متحملة اقعد مع مرت ولدك و لو ثانيه وحده . جراح : ليش خالد مو ولدج بعد ؟ نورية توقف : لا مو ولدي ولا نسيت با جراح نسيت انه خالد مو ولدي . جراح يوقف : لا مانسيت بس انتي الي ربيتي و كبرتي و درستي بعد . نورية : بس يظل ولد فرح . جراح : و فرح مو أختج ؟ نوري : الله يرحمها . جراح : أستغفرالله يارب ... سمعيني نوريه هالسالفه مابيها تنفتح جدام خالد فهمتي . نورية : أنزين . جراح يوقف : انا رايح عند اليهال و اتصلي على عوشو شوفيها وينهي غاطه أسبوع ماندري عنها ولا بس فالحه تزفين سارة ( يطلع و يسكر الباب . نورية تقعد : أففففففف ( تمسك تيلفونها : خل اشوف هذي وين بعد ؟
الشاليه . طبعاً عايشة كانت بالشاليه مع ولد خالتها عادل . رن تيلفونها و شافته : ألووو . نورية : انتي وينج ما تبينين ؟ عايشة : يمااا قتلج مع رفيجاتي بالشاليه . نورية : اليوم تردين لأنه ابوج حاط ريل بالأرض و ريل بالسما يبيج ترجعين . عايشة : أنزين يالله باي . سكرت التيلفون و ردت نامت .
شقة حسن . أبرار واقفه : و ليش ماقالت من أمس ؟ حسن : مادري عنها ؟ ابرار : اففففففففف . حسن : اليوم كلنا بنيي عندكم . أبرار : ليش ؟ حسن : مادري عميمه حصة داقه علي و قالتلي . ابرار توقف يم الباب : اشوفك اليوم عيل يالله باي . و طلعت .
بيت شهاب . طبعاً جنان راحت عند امها بعدين راحت عند اختها عبير . عبير تقعد : مابي اقعدهم . جنان : يالله عبوور و الله مشتاقتلهم . مريم : الحين اذا قعدتهم ماراح ينامون وراح يأذونه . جنان : اوكي خلاص . نزلت فاطمه مع رغد : أووه جنونه اهني ؟ جنان قامت و سلمت على فاطمة و خذت رغد : أمبيي موصح كل يوم تصير أحمد . فاطمة : يابختها . عبير : لا حتى انتي قمر . فاطمة : تسلمين حبيبتي . جنان : أي أصلاً احنا البنات احلى من الشباب . مريم تضحك . يدخل شهاب : السلام عليكم . الكل : و عليكم السلام . راح قعد يم فاطمة : شلونج جنان و شلون حسن و جمانه ؟ جنان : بخير عمي . شهاب : فطوومه ترا لقيتلج شغل أبــ شركتنا . فاطمة : حلو . شهاب : تعالي يوم الأحد . فاطمة: حااااااااااااضر .
الساعه 12 و نص .
بيت شهاب . دخل احمد و شاف يوسف قاعد يلعب مع رغد و رغد تبتسم . احمد : السلام . يوسف : و عليكم السلام . احمد يمسك رغد : شلونج رغووده؟ يوسف : الي يقول فاهمتك . احمد يطالع يوسف و يبتسم : المهم اني اكلمها . يوسف : ها شقلت تعطينه رغد حق واحد من عيالي ولا لأ؟ أحمد : ودي ياعمي بس رغود محجوزه حق احمد ولد برهوم صاحبي . يوسف : عيل عليهم بالعافيه . احمد : فديتك والله قنووووووع . يوسف يضحك و تنزل عبير . يوسف : الفيران ليلحين نايمين ؟ عبير تقعد : أي نايمين . احمد يلعب مع رغد : الله يعينكم يبتوهم مره وحده . عبير : احسن عشان ما احمل مره ثانيه . يوسف يضحك بأستهزاء : هاهاااي سمعتها حموود ؟ احمد : أي ليش ؟ يوسف : لاحبيبتي انا ابي اييب عشره ؟ عبير و احمد : عشرررررررره ؟ أحمد : بتذبح مرتك ؟ يوسف : كيفي . احمد يوقف : الله يعينج خالتي . يوسف : وين ؟ احمد : بروح البس على ما ايي ابوي و يحطون الغدا . عبير : ابوك راجع من زماان . احمد : ليش ؟ عبير : يقول ماكو شغل اليوم . احمد : عيل حطو الغدا انا يوووووعان . صعد .
بيت أبراهيم . ابراهيم كان قاعد يتغدا بس تفكيره مع ابرار الي فاجئته بالموضوع . بدر : برهوم اكل شفيك ؟ أبراهيم : قاعد اكل . دانه : مبين صحنك على حطته . ابراهيم : و انتو عيونكم علي ؟ بدر : شفيك شقلنا ؟ أبراهيم يعصب و يقوم . بدر يطالع امه : هذا شفي ؟ دانه تلحق ابراهيم . يدخلون و يسكرون الباب . دانه : انت شفيك ؟ ابراهيم ينسدح و يطالع فوق : متضايق . دانه تقعد يمه : شفيك شصاير . يقعد و يطالع دانه : ابرار اليوم قالتلي شي . دانه : شقالت ؟ ابراهيم : تصدقين ليلحين تحب احمد . دانه تنصدم : أي شي . ابراهيم : والله . دانه : هذي مينونه ؟ ابراهيم ينزل راسه : استغفرالله يارب .
بيت جراح . وصلوا خالد و سارة و على طول صعدو فوق و دخلوا و شافوا دانهـ و أحمد نايمين و ملابسهم غير و شكلهم كان نظيف و استانسوا . خالد : ابوي طلع مو هيين . سارة تضحك : ماتوقعته جذي . جراح من وراهم : ليش طايح من عينكم . يلفون و يطالعونه . خالد يبوس جتف ابوه : تسلم يا الغالي الله يطول بعمرك . سارة تبوس راسه : مشكور تعبناك . جراح : تعبكم راحه يالله لبسوا و نزلوا عشان الغدا . طلع و سكر الباب . بيت شهاب . الكل تيمع عالغدا . طبعاً يوسف ماخلى احمد بحاله كل ساع يضحكه و شهاب يزفهم بس ماكو فايده لما ضحكوه معاهم وقف شهاب بيروح يغسل ايده و اهوا رايح حس بشي و حط ايده على قلبه و غمض عيونه و طاح . أحمد صرخ : يباااااااااااااااااا . يوسف يروح صوبه : شهاب شفيك ؟ احمد يهزا : يبا قوم كلمني شفيك ؟ فاطمة راحت اتصلت عالأسعاف و عبير تهدي مريم .
المستشفى . احمد و يوسف و مريم و جراح و خالد و حسن و عبدالله و عبدالعزيز و ريم و سارة و مريم و حصة و فاطمة و ابرار و عبير كانوا بالمستشفى . سارة تبجي و لامه خالد و خالد يهديها . خالد يمسح على شعرها : خلاص انشالله افي شي . ريم كانت لامه عمها يوسف و تبجي و يوسف يدعي . مريم كانت تقرا قرأن . طلع الدكتور . الدكتور : تطمنوا جلظة خفيف و ماراح تأثر . احمد: جلطة من شنو ؟ الدكتور : أرتفع السكر عنده . احمد يطالع يوسف و يرفع حاجب واحد . خالد : مشكور دكتور . و راح الدكتور . يوسف : يالله الحين ماله داعي وجودكم . مريم تبجي : عفية يوسف بضل عندا . يوسف : لأ خلاص باجر راح يرجع . جراح يوقف : خلاص انا راح اخذهم معاي و انت عبدالعزيز تعال معاي . عبدالعزيز : انشالله . وراحوا و الي ضلوا بس احمد و يوسف و عبدالله و خالد و حسن . وبعد ساعتين طلع الدكتور و سمح لهم بالدخول . غرفة شهاب . احمد كان قاعد يم أبوه و ماسك أيده و عيونه تدمع : جذي يبا خرعتنا و خوفتنا عليك ؟ شهاب يبتسم : مادريت اني غالي . أحمد يطالع ابوه : انت لو تامر عالروح نقولك هني . شهاب يمسح دموع احمد : يالله عاد حموود مابي اشوف هالدموع انت ريال . احمد يبجي : غصبن علي يبا . يوسف يحط ايدا على جتف أحمد : خلاص حموود كا ابوك مافي الا العافيه . احمد تنهد و طلع برا الغرفة و لحقة حسن . شهاب : هالولد حساس . يوسف : طالع على عمته حصة . شهاب يضحك . احمد كان متسند عالطوفة و رافع راسه و يبجي . حسن : بس يا احمد لاتسوي بعمرك جذي . احمد يطالع حسن : ابوي بغى يروح . حسن يبتسم : بس كاهوا جدامك مافي شي . احمد يمسح دموعه : الحمدلله . حسن ينزل راسه : مصيبتك اهون من مصيبتنا انا و خواتي . احمد شاف حسن الي عيونه بدت تغورق و لمه. و بعد نص ساعه على ما هدوو روحهم و راحت اثار البجي دخلوا و بدا الأزعاج بغرفة شهاب ، طبعاً حسن و احمد معروفين بأزعاجهم و يوسف معاهم طبعاً .
يوم الخميس . الكل تيمع في بيت شهاب . الساعه 4 العصر . بيت شهاب . شهاب قاعد بالديوانيه مع جراح و بو ابراهيم و يوسف و يسولفون عن البورصة و احمد و حسن و ابراهيم و خالد و عبدالله و عبدالعزيز و بدر كانوا يلعبون أونو و يصارخون . شهاب : بس شكلهم أخسروا . بو ابرهيم : أظاهر . يوسف : افففففففف . جراح : شفيك ؟ يوسف يوقف : ولاشي . شهاب : وين ؟ يوسف : بقعد عند الشباب سوالفكم ترفع الضغط . راح و الريايل يضحكون عليه . عند الحريم الوضع كان عفسة . كل وحده شايلها ولدها او بنتها و يسكتون فيهم . مريم : سارو و ريوم و فطوم و برور و جنون و عبير و دندونه قوموا جدامي اشوف . سارة : ليش يما . حصة : قوموا عطوهم عيالهم ترا يننونا . ساره عجبتها الفكرة و وقفت : منو راح ايي معاي ؟ فاطمة و ابرار و جنان و دانه و ريم و عبير وقفوا: كلنا . ساره : يالله تعالوا . الديوانيه . الشباب عقب اللعب تعبوا و قاموا يسولفون . سمعوا صوت الباب . شهاب : تفضل . تدخل ساره : السلام . خالد : خير فيج شي ؟ اليهال فيهم شي ؟ ساره تضحك : لا . شهاب يضحك : شفيك خالد ؟ خالد : شفيج ؟ ساره وخرت عن الباب و دخلوا القوم الي وراها و الكل استغرب . احمد نقز و راح قعد بين ابوه و جراح و خالد لزق ابـ جراح و حسن لزق أبـ خالد و عبدالله لزق أبــ أبراهيم الي راح و قعد بين شهاب و ابو ابراهيم و يوسف و عبدالعزيز لزقو يم ابو ابراهيم . احمد يبلع ريجه : الله يستر أجتمعوا. شهاب يضحك . ساره بدلع طبيعي : خاالد . خالد بس يسمع صوتها يذوب و يغيب : ياعيون و قلب خالد . جراح يطقه : أثقل يا ولد . ساره بنفس النبره : ممكن اتيي . خالد يروح يوقف يمها : أمريني . ساره : امسك اليهال شوي على ما ايبلك شي . خالد مسكهم و راح قعد يم ابوه و عطى ابوه احمد و اهوا مسك دانه و نفس شي صار مع عبدالعزيز الي مسك شهاب و ابراهيم الي مسك احمد و حسن الي مسك جمانه و عبدالله الي مسك عيسى و احمد الي مسك رغد و يوسف الي وزع عياله اهوا مسك احمد و شهاب مسك حسن و ابو ابراهيم مسك عبدالله و بدر مسك خالد و أنطروا نص ساعه بس محد يا و توهقوا معاهم و بدا الصراخ و الشباب متوهقين لأنه جراح و شهاب و أبو ابراهيم هدوا الديوانيه و طلعوا . احمد يعصب : أشوف فيج يوم يا فطوم . حسن متوهق : اففففففففف . خالد كان شايل دانه و يسكت احمد . عبدالله الوحيد الي كان مرتاح لأنه ولده نايم بس ماظل نايم لانه قام من صوت اليهال و ابراهيم الي توهق لأنه اخوه خلاه و راح و عاد انتوا تخيلوا شكلهم . صالة الحريم . ساره : واااااااااي راااااااااااحه . عبير : أي والله ( تضحك : اتخيل شكل يوسف و اهوا متوهق . فاطمة : ولا شكل احمد . ابرار ميته من الضحك و ريم شوي و تموت من الضحك .
1- أبرار و حبها حق احمد ؟؟ 2- ابراهيم راح يلقا حل حق هالمشكله ؟ 3-شهاب و الجلطة الي صابته .
صالة الحريم . ساره : واااااااااي راااااااااااحه . عبير : أي والله ( تضحك : اتخيل شكل يوسف و اهوا متوهق . فاطمة : ولا شكل احمد . ابرار ميته من الضحك و ريم شوي و تموت من الضحك. حصة تشرب القهوة : واااي بسكم لا تنفجر معدتكم . ساره تقعد يم امها : ماماتي صبيلي قهوة . حصة : سارونه يمااا القهوة مو زينه . ساره : عميمه الله يخليج . مريم أتدزها : اهووو قومي من يمي . حصة : ألا تعالي ساره شلون نورية معاج ؟ ساره تنزل راسها و تلعب بالصحن : مادري شقولج يا عميمه واايد مأذيتني . حصة : حسبي الله عليها . ساره : الله كريم . مريم تمسح على شعر ساره : ماعليه يماا اتحمليها عشان زوجج و عمج . ساره : و انا هذا الي مصبرني . أبرار : يالله سارونه أصلاً بعدين تدخلين الجنه . سارة تضحك و يرن تيلفونها و تشوف الرقم : هذي رغد .... ألووو. رغد : السلام . ساره : وعليكم السلام . رغد : شلونج شخبارج ؟ ساره : انا تمام الحمدلله و انتي شلونج ؟ رغد : انا تمام ساروو شنو هالصراخ الي عندج ؟ ساره : أي كلهم متيمعين في بيت ابوي لأنه اليوم طالع من المستشفى . رغد : ويي عمي شفي؟ سارة : جلطة خفيف . رغد : ماتشوفون شر . ساره : الشر ما أييج عفيه رغود تعالي البنات كلهم أهني . رغد : فشلة سارو . سارة: لا فشلة و لاشي يالله ناطرتج باي . سكرت التيلفون و رن تيلفون عبير و ضحكت . حصة : يوسف ؟ عبير : أي..( ترد : الوو . يوسف يصارخ : سمعيني عبروو خلال دقيقتين ان ما يتي خذيتي عيالج ترا احذفهم بالشارع . عبير توقف: لا خلاص يايه . الديوانيه. احمد عقب ما نوم رغد أرتاح و حسن و عبدالله نفس الحاله بس خالد الي عياله كانوا يوزعون ابتسامات و عبدالعزيز الي حط ولده عالأرض ليما نام و عيال يوسف المزعجين . يوسف : انا وين و العيال وين ؟ الشباب : ههههههههههههه . يوسف يطالعهم : ان سمعتكم تضحكون والله اقعد عيالكم . الشباب اسكتوا و سمعوا صوت عبير و طلع يوسف و عطاها اليهال .
بيت رغد . غرفة رغد . رغد كانت قاعده تتمكيج و تغني أغنية يارا : خذني معك بالجو الحلو خليني معك...( يقاطعها اخوها : خلصتي ؟ رغد تمسك جنطتها : يالله . سعود : انزين متى بتخلصين ؟ رغد تنزل : انت ليش ماتخيني اروح بسيارتي ؟ سعود : لأني أبيها . رغد تعصب : وين سيارتك ؟ سعود يضحك : بالوكالة . ركبوا السيارة و حركوا .
بيت جراح . نورية قاعده تطالع تلفزيون و تدخل عايشة . نورية : تو الناس لي ييتي ؟ عايشة تروح تبوس راس أمها و اهيا مستانسه : يمااا عفيه انا مستااااانسه حدي . نورية : خير اللهم اجعل خير . عايشة توقف : كل شي بوقته حلو ( تصعد . نورية مستغربه .
بيت شهاب . البنات كانوا قاعدين بشقة احمد و منومين عيالهم . ساره : بنات ترا رغد راح أتيي. فاطمة : أي عشان نستانس . لحظة صمت . ريم يرن تيلفونها و تبتسم : هلا حبيبي . عبدالعزيز : يالله ريوم نزلي انا تحت . ريم : انشالله ( تسكر التيلفون و توقف : انا رايحة تبون شي ؟ عبير : وين ؟ ريم : عزيزان ناطرني تحت يالله ..( شالت شهاب و طلعت . وقفت عبير : عيل انا انزل اقعد معاهم تحت . ساره : لا خالتي قعدي معانا . عبير تغمز حق جنان عشان تقوم و قامت جنان . فاطمة : وين رايحه ؟ عبير : أتيي معاي انتو بنات تبون تاخذون راحتكم . ساره : وااااااااي لا عاد جنون اختنا بعد . جنان : ماعليه اصلاً أنا ابي عبير شوي . فاطمة : على راحتج . و طلعوا . ساره قامت و راحت صوب التسريح و شافت عطر لاكوست اليديد و خذت و رشت منه . فاطمة صارخت : لااااااااااااااااااااا. ساره اخترعت و طالعتها : شفيج ؟ ابرار : فطوم و يهد شفيج ؟ فاطمة : سارو شسويتي ؟ يويلج من احمد اذا اهوا ليلحين مو راش منه . ابرار : ليش ؟ فاطمة تعدل قعدتها : يقول مابي ارشه الا لما يطلع معاي انا . ساره تنهدت : انزين و منو شاريله ؟ فاطمة : انا بعيد ميلاده . ابرار تقول بقلبها \ خذيتي مني و الحين انتي مستانسه و انا عايشة بناار بس لاتخافين راح اخذه منج . فاطمة تروح يم سرير رغد الي كانو منومين فيه رغد و عيسى و دانه و احمد و طالعتهم و ابتسمت : يحليلهم والله . ساره : هااا شقلتوا تعطونا بنتكم حق ولدنا ؟ فاطمة تضحك : والله ودنا بس ابراهيم حاجزها . ابرار : الا تعالوا على طاري ابراهيم .. دانه وين ؟ ساره تطالع فاطمة و ترد تشوف ابرار : ماسمعتيها تقول باي ؟ ابرار : متى ؟ فاطمة تضحك . ساره : ردي نامي حبيبتي .
الساعه 7 المغرب . بيت شهاب . طبعاً وصلت رغد و كملت الشله و بدا الضحك و فاطمة شغلت اغاني و قعدوا يرقصون . الديوانية . الشباب و الريايل قاعدين يطالعون مباراة الكويت و الفلبيين و الصراخ كان له دور بالقعده .. احمد كان يطالع المباراة بس عقله فوق عند بنته رغد الي ماخذه كل تفكيرة و فجأة وقف . شهاب : وين ؟ احمد : بروح اشوف رغوود أشتقتلها . يوسف : رغود ولا فطوم . عبدالله يضحك . احمد يوقف يم الباب : الثنتين ( طلع . عبدالله : الله يخلي فطوم الي نسته رغد . شهاب : أي والله احنا ما صدقنا على الله نساها . يوسف يطول عالصوت .
الصالة . الحريم كانوا قاعدين و يسولفون . دخل احمد وشافهم و ابتسم : انتو مامليتوا ؟ حصة : ليش أنمل ؟ احمد يروح يقعد يم حصة : يعني من الساعه 12 الظهر و انتوا تسولفون . حصة اتطقها على ريله : اذكر الله . احمد : ألف من ذكرا بس ( يأشر على حلجه : بسكم حش . مريم : انت شتبي ؟ احمد يتذكر و يوقف : رايح اشوف بنوتي . مريم : البنات كلهم بالشقه أتصل على فاطمة . احمد يصعد : ماله داعي ما ابي اكلهم .
مريم لحقت احمد ليما اختفى و طالعت حصة : حبيبي والله . حصة : تتذكرين مريم يوم يالي مره و غمزلي و قالي شنو يعني هالحركة ؟ مريم تضحك : أي أتذكر و ظل طول اليوم و اهوا يغمز حق البنات .
شقة احمد . وصل أحمد و البنات أسمعوه و اهوا يغني : خذاني الشوق لعيونك و جيتك طرالي شي ماعمرا طرالي على بالي و لا لحظة نسيتك أسولف فيك من حالي لحالي ( طق باب الشقة . طلعت ساره : خير شتبي . احمد يرفع حاجب واحد : نعم !!! ساره تكتم ضحكتها : شتبي ؟ احمد يصارخ : درب . لبسوا ابرار و جنان شيلاتهم و سمع صوت فاطمة : تعال حبيبي . احمد دز ساره و مسكها من أيدها و ضحك : شلونكم بنات شخباركم ؟ البنات : بخير . احمد يدز ساره : مالت عليج . فاطمه تضحك و تقوم توقف يم احمد : بغيت شي ؟ احمد يمسكها من خصرها و يهمس بأذونها : بغيتج . فاطمة ويهاا صار احمر و عضت شفايفها : استح البنات اهني . ساره حست بالوضع و قامت تضحك . أبرار الي ما تحملت و طلعت و اهيا تبجي . رغد : احمد شلونك ؟ احمد يوخر عن فاطمة و يروح صوب اليهال : انا زين و انتي ؟ رغد : تمام الحمدلله . ساره توقف : تعالي رغووود... احمد اول ما سمع رغوود رفع راسه بيشوفها بس بعدين نزل راسه بسرعه . رغد تضحك : يالله . ساره تمسك الباب : فطومه اذا خلصتي احنا تحت . احمد : لحظه انتو الثلاثا تعالوا . دخلو جنان و رغد و ساره : شتبي ؟ احمد : كل وحده أتيي و تشيل بنتها ولا ولدها . و شالوا اليهال و طلعوا . احمد يقرب يم رغد و يبوس راسها بعدين حذف روحا عالسرير و غمض عيونه . فاطمة : حبيبي شفيك تعبان ؟ احمد يتنهد : لا بس ( يطالعها و يضحك : I Miss U . فاطمة تلبس شيلتها : مو الحين البنات ناطريني ( و توها يايه تفتح الباب نط احمد و قفل الباب و حط المفتاح بمخباته . فاطمة ترجع خطوتين : حموود البنات يبوني وخر . احمد يقرب منها : و انا ابيج بعد . فاطمة أتدزا و تروح صوب الباب .. احمد مسكها من خصرها و حط راسه على جتفها و همس لها بشي و ويها صار طماطه . الحديقة . ابرار كانت قاعده بالحديقة و تبجي ، طلع حسن و شافها و راح صوبها و قعد على ركبه جدامها و مسك ايدها : شفيج حبيبتي ؟ أبرار تمسح دموعها : مافيني شي . حسن يرفع حواجبه : كل هالدموع و مافيج شي ؟ ابرار تتنهد وتنزل راسها : متضايقه . حسن : أفااا شفيج ؟ أبرار تبجي و توقف : تعبت من هالدنيا ياخوي تعبت . حسن يوقف وراها : بيعيني بالسوق برور . أبرار : أشتريك بماي عيني بس....بس...أنا . حسن : أي . أبرار تبجي و أتطيح عالأرض : أأأأأأأأأأأأأأأأاخ . حسن قعد يمها و اهوا خايف : سلامتج من الآخ قولي شفيج . أبرار تبجي و تدفن راسها بصدر حسن : ابي امي . حسن يمسح على راسها : أبرار أنتي لازم تكونين أقوى من جذي هذا و انتي الكيبره عيل شنقول عن رناد . أبرار من سمعت أسم رناد زاد بجيها : آآآآآآآآآآآآخ يا رناد راحت و خلتني . حسن مسك أيدها و وقفوا : يالله امشي غسلي ويهج و ماصار الا كل الخير . و اهما ماشين أبرار أغمى عليها و طاحت . حسن صارخ : أبرااااااااااااااااااااااااااااااااااااااااااااااااااااااااااااااار ( نزل قعد يمها و هزها : أبرار كلميني . طلعوا الشباب لما شافوه يصارخ . عبدالله راح ركض : شفيها أبرار ؟ حسن : مادري .... ( توهق : فجأه طااحت . عبدالله شال ابرار و طلع و لحقوه الشباب . الصالة . دخلوا الحريم و البنات و اهما خايفين . ساره تبجي : الله يستر . عبير تلمها : حبيبتي ماصار شي . جنان : شزينها كانت قاعده تضحك معانا . حصة : هالبنت كلش مو طبيعيه . مريم : حصل خير .
بعد ربع ساعه وصلوا المستشفى . غرفة ابرار . أبرار كانت منسدحه و عبدالله قاعد يمها و ماسك أيدها : جذي خرعتيني عليج ؟ أبرار أبتسمت و طالعت حسن الي كان يبتسم لها . يوسف يقعد الجهة الثانيه : برور شصار ؟ شزينج كنتي تضحكين . أبرار غمضت عيونها . شهاب : خلاص خلوها ترتاح . خالد : لا عمي الدكتور توا قال راح يرخصها اليوم لأنه مافيها شي . أبرار بهمس : وين عيسى ؟ عبدالله يطالعها : الحين انا الي بجيت دم عليج أخر شي تتذكرين عيسى ؟؟ الكل : ههههههههههههه . أبرار : أبي ولدي . حسن : راح نوديج حق ولدج ؟ شهاب : عبدالله أخذ زوجتك و روحوا بعدين حسن و جنان أييبون عيسى لكم . عبدالله : اوكي .
الساعه 9 ونص
بيت شهاب . الكل كان ناطر اتصال يطمنهم . نزل احمد وشافهم و ابتسم : انتو اهني ؟ ساره تبجي و جنان أتسكتها : خلاص حبيبتي . احمد أستغرب و راح وقف جدام اخته : ساره شفيج تبجين ؟ ساره وقفت و لمت احمد و دفنت راسها بصدره و تبجي : أبرار . احمد اخترع و وخر ساره : شفيها ابرار ؟؟؟؟ ساره تبجي و تقعد . أحمد يصارخ : تكلمي شفيها ابرار ؟ ماسمع رد بس سمع اصواتهم و اهما يبجون . نزلت فاطمة و استغربت و راحت وقفت يم احمد : شصاير ؟ احمد مستغرب : يقولون ابرار و بعدين يبجون . فاطمة حطت ايدها على قلبها : شفيها ؟ دخلوا الشباب و الريايل و يوسف شاف احمد : صح النوم . أحمد ركض و وقف جدام ابوه : يبا أبرار شفيها ؟ شهاب : مافيها الا العافيه اغمى عليها و بس . أحمد يطالع الحريم و البنات : و هذولا ليش مسوين عزا ؟ شهاب يضحك : شدراني عنهم ؟ يوسف يروح يقعد يم حصة : شنو العشا ؟ مريم : أبرار شلونها ؟ حسن يقعد يم جنان : بخير الحمدلله راحت البيت مع عبدالله . حصة توقف : يالله عيل انا راده . شهاب : وين قعدي ؟ ماتعشينا ؟؟ حصة تلبس عبايتها : لا ماعليه ابرار محتاجتني الحين ( تمسك جنطتها : يالله مع السلامة . طلعت حصة و وقف حسن : يالله جنان يبي جمانه و عيسى . جنان توقف : حااضر ( راحت . مريم : شتبون عشا ؟ شهاب : أي شي خفيف ؟ خالد قعد يم ساره وشاف عيونها الحمر : كل هذا خوف ؟ ساره طالعته و حطت راسها على جتف خالد : شسوي؟ يوسف : خلها هذي دلوعة ابوها . خالد : مو اهني المشكلة دلعتوها و ابتلشنا . ساره تطالع خالد : ليش انا شسويتلك ؟ خالد : ولاشي بس وايد تتدلعين . ساره توقف و تروح تقعد يم جراح : عمي شوف خالد . جراح : والله يا خويلد ان ماسكت يويلك . خالد يرفع ايدا بأستسلام : أذا السالفه فيها بو خالد انا أنسحب . الكل : هههههههههههه . احمد يوقف : انا بروح أييبلي ماك منو يبي ؟ فاطمة ترفع ايدها : انااااااااااااا .. ردت جنان و اهيا شايله عيسى و جمانه : تعال حسن . راح حسن و شال عيسى و طلعوا . ساره : و انا ابي ماك . خالد : انا مابي و انتي بعد ( يأشر على ساره : ماكو . ساره تتصنع بالزعل : ليش ؟ خالد : كيفي . ساره تروح تقعد يم خالد : عفيه خلووود . احمد يوقف يم الباب : يالله خلصوني . خالد يرد لي ورا : أنسي سالفة المطعم. سارة تمسك أيدا و تبوسه على خده و بصوتها الي يسحر : عشاني ولا مالي شان عندك . خالد تنهد و وقف : شتبين من ماك ؟ ساره تضحك : ماك رويال. خالد : يالله حموود . احمد يوقفه : نعم نعم شسمي ؟ خالد مستغرب : حمووووود . أحمد : لو سمحت احمد مو حمود . خالد يضحك و يدزا برا : عبالي عندك سالفة . و طلعوا الشباب . مريم : يمااا سارونه رغد وين ؟ ساره تطالع عبير : ماكانت معاج ؟ عبير تهز راسه بالنفي .
نورية كانت تكره فاطمة لأنه اهيا السبب بعدم زواج عايشة و احمد : عندنا شغل ؟ فاطمة : اوكي . عايشة تروح يم فاطمة : هذي رغد ؟ فاطمة تبتسم : أي . عايشة تشيلها : ماشالله عليها نسخت احمد . فاطمة تضحك . عايشة : بس فيها شبه مني لأني انا أشابه احمد . فاطمة انصدمت و قالت بقلبها \ ويع شياب لي ياب لايسمعج احمد والله ينتحر . عايشة تعطي فاطمة رغد : يالله يما . و طلعوا و اهما رايحين صوب الباب دخلوا احمد و خالد . خالد : أوووه الوالده اهني ؟ نورية : ليش حرام ؟ يايه ازور ولد عمي . احمد : السلام . نورية ماردت عليه وطلعت و عايشة لحقتها . احمد استغرب : شفيهم ؟ خالد ابتسم : طوف يالله داخل . احمد انقهر من الي صار بس سكت عشان خالد و جراح و أدخلوا . فاطمة : ايبب وينكم يوااعه ؟ احمد : زحمه عالمطعم .. يالله نادي سارونه . فاطمة توقف يم السلم و تصارخ : ساااااااااااااااااااااااااااااااااااره يالله وصل المطعم . احمد يضحك ، قعدت فاطمة و نزلوا ساره و مريم و على طول ساره كلت من البطاط. خالد : حيااكم . شهاب : لا احنا سبقناكم و تعشينه عشا خفيف . يوسف يوقف و يتثاوب : أسمحولي يا جماعة انا بروح انام . احمد : وين عمي تو الناس . خالد : أي عمي عفيا اقعد . يوسف : أي مو انتوا مو هامكم شي عيالكم عجال مو مثل هالفيران الي عندي فوق ( يمشي لي الدري و يلف ورا : ليش ما تلحقيني ؟ عبير كانت تسولف مع شهاب . يوسف : يا مدام عبير . عبير انتهبت : هلا .. يوسف : لما انا اصعد لحقيني مثل احمد و فاطمة ( يستعبط . احمد يطالع فاطمة بطرف عينه : اثاري احنا مراقبين من زمان ؟ فاطمة تضحك : تصدق ماحسيت . احمد يطالع عمه : اقول عمي لاتحاول مافي مثل ( يطالع فاطمة : فطوووووووومتي . يوسف بقهر : أي ادري مو انت حظك قايم من يوم كنت أبـ بطن امك . احمد : الله و اكبر ...عمي صل عالنبي . يوسف يطق الخشب : لاتخاف عيني مو حاره يا أثول ( يصعد . احمد : خالتي صعدي لحقي عمي . عبير توقف : هههههه كاني قايمه . خالد يشرب بيبسي و ساره كل ساع تبوق بطاط من احمد و أهوا مايدري. تعشوا و خلصوا و راحوا جراح و خالد و ساره و عيالهم . شهاب يتثاوب : يالله تصبحون على خير . احمد : و انت من أهل الخير يبا . صعد و لحقته مريم . احمد يسكر التلفزيون و يوقف : يالله . فاطمة : مافيني النوم . احمد : انزين امشي فوق ابيج بموضوع . فاطمة توقف : اوكي . وصعدوا .
بيت جراح . غرفة عايشة . عايشة تبجي و امها تلمها . عايشة تبجي : يمااا شفتيها شلون مستانسه . نورية : بس يايما لاتحرقين قلبج عليها خليها تولي . عايشة توقف و تمسح دموعها : والله ما اخليها تستانس . نورية تضحك : أي هذي بنتي .
بيت حصة . ابرار كانت نايمة و عبدالله قاعد يقرا القرأن و حاط أيدا على راسها و عيونه تدمع .
بيت شهاب . شقة احمد . احمد كان منسدح و فاطمة قاعده تمسح المكياج . احمد : اقول فطووم اليوم البنت الي كانت معاكم منو ؟ فاطمة تفصخ عدساتها : هذي رغد رفيجة ساره . احمد : أيييي . فاطمة أتطالعه بالمنظرة : ليش ؟ احمد يقعد و يلعب أبــ علبة الكلينكس : بس لأنه اول مره اشوفها . فاطمة تربط شعرها : عاد تهبل و طيبه . احمد : اممم . فاطمة قعدت جدام احمد و رفعت راسه : حبيبي شفيك ؟ احمد يتنهد : مافيني شي . فاطمة : لأ فيك قول . احمد ينزل ريوله : ابرار مادري شفيها ؟ فاطمة تقعد مثل احمد : حتى انت حسيت ؟ احمد : اصلاً اهيا من أمس سرحانه و تفكر . فاطمة توخر قذلتها : الله يهديها . احمد يمسك أيد فاطمة : فطوم ممكن سؤال و ماتعصبين ؟ فاطمة : قول . احمد : انتي مستانسه معاي؟؟ فاطمة طالعت بأستغراب : اكيد . احمد يبتسم : خلاص . فاطمة : احمد شفيك ؟ احمد ينسدح : مافيني شي . فاطمة توقف و تروح تشوف رغد الي كانت قاعده : طااع هذي مو نايمه . احمد : يبيها . شالتها فاطمة و راح انسدحت و حطت رغد بينهم . احمد يحط صبعه على خد رغد : ها يا حلو بتسهرين مع امج و ابوج اليوم . فاطمة نزلت و باست رغد على خدها و لما رفعت راسها شافت احمد معصب . فاطمة تضحك : شفيك حبيبي ؟ احمد : انا بعد ابي ولا بس رغد ؟ فاطمة : أي بس رغد . احمد يعصب : قومي شيليها لا اقطها من الدريشة . فاطمة ضحكت ضحكه و احمد داخ على ضحكتها . فاطمة : حبيبي ممكن تسكر الليت . احمد راح سكر الليت و وقف يم الباب و ربع ايدا : ليش ؟ فاطمة : لأنه رغوده تنام . و مامرت خمس دقايق و لا رغد نايمة . احمد فتح الأبجورة و بصوت خفيف : شيليها . فاطمة وقفت و شالت رغد و اسدحتها على سريرها و حست بشي مسكها و لما لفت شافت احمد . فاطمة منزله راسها : وخر . احمد استغرب و عصب و راح حذف روحا عالسرير و تغطى . فاطمة ضحكت و راحت انسدحت يما : حبيبي . احمد : ............... فاطمة : حبي . احمد :................... . فاطمة دنت يم احمد و دزته و احمد طاح من السرير و فاطمة بدت تضحك . وقف و تلها من ايدها : انت متى بتعقلين ؟ فاطمة تضحك : عشان ماتحقرني. احمد مسكها من خصرها و لزق فيها و مسك أيدها بأيده الثانية : و متى بتكبرين ؟ فاطمة ابتسمت : أحبك . احمد غمض عيونه: عقلي يا بنت الناس . فاطمة : احبك . احمد : فطوم ترا اذبحج . فاطمة : احبك . احمد دزها عالسرير .
بيت جراح . ساره كانت ترضع دانه و خالد يتسبح . خلصت ساره و بنفس الوقت طلع خالد و ابتسم : ناموا ؟ ساره : أي نامو . حطت دانه يم احمد و باستهم . خالد فتح الكبت و طلعله تي شيرت اخضر و بنطرون سبورت ابيض . سارة توقف : لما تخلص نادني . طلعت و سكرت الباب . لبس خالد و خلص و راح فتح الباب : حياتي . قامت ساره و دخلت . ساره : خلووود باجر وين بنروح ؟ خالد : والله مادري بس ..( يسكر الليت : يمكن يمكن نروح السينما . ساره تنسدح و تتغطى : مع منو ؟ خالد : انا و احمد و حسن و اذا تحسنت ابرار راح ايي عبدالله . ساره : ابرار ؟؟ خالد أنسدح و ساره راحت يمه و حطت راسها على صدره : أي ابرار شفيج ؟ ساره : تصدق خالد احساسي يقول انه ابرار ليلحين تحب احمد . خالد : ليش ؟ ساره : مادري لأنه نظراتها حق فاطمة نظرات حقد . خالد : والله عاد خل تحط فبالها انه احمد متزوج و عندا بنت و يموت على زوجته . ساره : بس يا خالد مستحيل تقدر تنسى حبها له ترا صعبه حب 19 سنة . خالد يمسح على شعر ساره : ليش انتي مانسيتي عبدالله ؟ ساره رفعت راسها تطالع خالد : امبله نسيته و محيته من بالي انا حبيت عبدالله لما كان عمري 16 سنه و بعدين لما فاطمة قالتلي انه يحب ابرار نسيته . خالد يتثاوب : عالعموم كيفهم . سار تضحك : يالله تصبح على خير . خالد : و انتي من اهله .
يوم الجمعه . الساعه 3 الظهر . بيت حصة . ابرار طلعت و لقت ريم قاعده مع شهاب : وين عميمه ؟ ريم : بالمطبخ . ابرار تقعد : شقاعده تسوي ؟ ريم : نسيتي انه اليوم بنروح بيت ابوي ؟ ابرار : محد قالي . ريم توقف : عالعموم انا قلتلج . ابرار ابتسمت و قالت بقلبها \ الخطة راح تبدي اليوم .
1- شهاب راح يكون بخطر بهالبارت .. 2- ابرار راح تنفذ خطتها ولا لأ ؟ 3- عايشة راح تتدمر و يمكن تنذبح .. 4- خالد و السر الي راح يكشفه ..