معايا الفوزاير الطازة؟ الكل يدخل ويورينا شطارته

[COLOR=Red][SIZE=7]الـــــفــــــزورة(1)
بأضحك من قلبى وبأكركـر
ضحكة بريئة ما تعرف غـش
لمـا بتظهـرلـى وتتنـكـر
وتلخبـط ألـوان ع الــوش
ولابس لى طرطور على راسك
وكمان جاى لابـس بابيـون
وهدومك موش على مقاسـك
مع ذلك ما انتـاش مجنـون


الـــــفــــــزورة (2)
بتبـص لـى بعنيـك وتبـرق
غرضـك يعنـى إنـى أنــام
لأ صحصح لى يا سيدى وفـوق
وإيـاك تغـرق فـى الأحـلام
وإوعى تهز لى فى البنـدول
وعينيك فاطـة لبـره وناطـة
وإوعى تقول لى بصوت معسول
شـد لحافـك نـام وإتغـطـى

الــــفـــــزورة (3)
لما لقيتك جـاى حارتنـا
شايل قلمك..ماسك دفتـر
بصيت م الشباك لجارتنـا
رحت نادها وقلت أستفسر
وسألتها عنك فقالت لـى
إنك إنـت سفيـر الحـب
مافهمتش قامت غمزت لى
وقالت لى عقبالنا يـارب [/SIZE] [/COLOR]

ولو لاقيت فيه تفاعل منكم على فوازيرى حقولكم الباقى
وسلام دلوقتى ومستنيه ردودكم