مزاجي أكتـب إليوم .

)
(

سلام عليكم ورحمة الله وبركاته

(
)


::

عنوان موضوعي اليوم مزاجي اكتب !

لكن موضوعي اشياء انا مقتنعه فيها

اخذي الجمله الي تعجبج وخليها ادلدغ مشاعرج

::


) ( النقاش ) (

والله احلى شي بالدنيا انج تناقشين شخص وتعلمينه الصح من الغلط
وتقنعينه بكثر ماتقدرين .. بس الي مو حلو
يوم تناقشين شخص ! وفجآة ينط بويهج ويعصب و و و و
ويحقد عليج ومع الايام يغار منج بسبب انج افحمتيه بالنقاش
يقول المثل
أن خاطبت السفيه فقد أنزلت من قدرك
وأن جاوبت الأحمق فقد أسأت لفهمك

::


) ( المزاج ) (
حلو الواحد يكون مزاجي وحياته فيها اكشن مو مود واحد ولا روتين واحد
بس الي مو حلو انه على ابو ان مزاجي يفصل على بعض الناس يمشي ويجرح
على ابو انه مزاجه اليوم اوكي

::


) ( التقدير ) (
حلو الواحد يقدر الي جدامه ويحترمه في كثير امور
بس الي مو حلو انه اقدرج بنسبه 90 بالامية وانتي ماتقدريني بنسبة 10 بالامية


::


) ( الصراحة ) (
وايد روعة وتعجبني واحب اكون صريحه
بس الي مو حلو انه بكل وقت صريحه حد الدعسه وماتراعين او ماتفهمين مزاج الي جدامج او ظرفه
راعي خلق الله شويه وارحم نفسج


::


) ( الزعل ) (
بعض الاحيان الزعل يفيد انه الشخص الي جدامج يحس بقيمتج
لكن مو تمصخينها انتي غلطانه وانا غلطانه وكل واحد زعلان على الثاني
ماتحاجيه ايام واشهر وتقول شرايج فيني انا زعلانه
ترا الدنيا ماتسوى


::

) ( الآسف ) (


حلو الواحد يكون قلبه كبير مسامح عقله كبير
يفكر بكل عقل وبكل حكمه ويعذر الغير وماحقد
ويكون قلبه اسود وماينساله السالفه
لكن قليل تلقين هالصفة قليل حيل
سامحي .. لا ايي يوم تفقدين الشخص الي جدامج وتندمين طول عمرج

::


) ( الادمية ) (
حلو انج تكونين ادمي عاقله ومثقفه ومتحظره
بس الي مو حلو انج تتحجين من طرف خشمج
لا تكابرين ترا اخر الدنيا مقابر


::


) ( العصبيه ) (

والله انا عصبيه حيل والعصبيه بعض الاحيان تفيد عشان الي جدامج
اذا ماكان يستحي يعني يخاف واذا خوفته يصير خوش ادمي
لكن مو حلو انج تسبين وتسفلين بالقريب والبعيد على ابو انج عصبيه
بجذي تروحين هيبتج ويروح احترامج وتصيرين غير محترمه
احترمي نفسج

::


) ( الاحساس والعاطفة ) (

عن نفسي عاطفيه وحساسه وايد لكن بعض المرات اراجع عقلي واعطيها بريك
لكن مو حلو انه الواحد يكون قلبه رهيف الى درجة خلاص في الموقف هذا نهاية العالم
وازني عدل بين عاطفتج وعقلج

::

) ( الذكاء ) (

لما الواحد يكون ذكي وعارف اطباع الي جدامه سواء صغير ولا كبير
بنت ولا ولد يعرف شنو شخصياتهم وشنو يحبون ويكرهون حلو
بس الي مو حلو انج تاخذين على كل صغيره وجبيره وتضربينها بسوء نية
احذري لكن ابدأي بالطيب والعذر عشان ماتظلمين نفسج

::


) ( الحب ) (

اجمل شي بالحياة
بس يكون قبيح جدا اذا ناس ادعت الحب واهيا ماتعرفه اصلا ولا تعمل فيه


::


) ( الوحده ) (

والله الوحده رغم تعبها الى اهيا حلوه تبتعد عن الجذب والمصالح
تبتعد عن الجروح والالم ويكون كل تركيزك على اهدافك بالحياة
وتناضل عشان توصل ماكو شي يعيقك او يوقف حجر عثره بطريجك
لكن الي مو حلو انج لما تتعودين على الوحده
خلج اجتماعيه والي بالقلب مصيرج تلاقين انسان يشاركج فيه بيوم

::


) ( الغشمره ) (

حلو الواحد يكون يونس ويضحك ويستانس ويونس الي جدامه
بس الي مو حلو انه كل ساعة ضحك ومع كل الناس
بعدين في نقطه ماي صغيرونه تنزل من صوب اليبها هذي النقطه تختفي وتقوم ماتطلع
مشكله !

::


) ( الدين ) (

والله شي زين انه الواحد يكون ملتزم وهنياله
لكن مو لدرجة انه يضرب بدين الي جدامه ويكفره من غير دليل
يعني يا عزيزي ياغلاتي لا تعصب وخذ الامور صوب رحمة ربك
يمكن الانسان هذا او البشريه بيوم الدين تكون اهيا على حق وانت على باطل

::


) ( الشباب ) (

وناسة الواحد يتشبب ومايخلي شي بخاطره
لكن مو لدرجة انه كل شي بخاطره او بهواه يسويه
يعني خلنا بالمعقول ولاتبيعها واخر شي تندم

::


) ( الغيره ) (

الغيره هذي منبع الرجوله والريال الي ماعنده غيره مو ريال
لكن حبيبي عزيزي لا تسوي نفسك ابو الغيره
يعني لا تبالغ وتفشل نفسك وانت مو ناقص
وان كنت ابو الغيره عمت عيني عليك حكم عقلك شويتين


::


) ( الكتابه ) (

ودك الواحد يكتب عشان هدف الكتابه السامي
مو عشان اشياء ماصخه اشياء تافهة اشياء مالها طعم
يعني خليج صادقه ويا نفسج ولا تدعين شي مو انتي
واكتبي اشياء فيها نصائح مع ارشادات .. وتقدرين تكتبين الي يعجبج
واكتبي شي طالع من قلبج
وماخرج من القلب وصل للقلب


::

) ( معادلة البشر ) (

تعلمي شي وخليه بحياتج وبذهنك وبعقلك
لو كل الناس زينين وطلع واحد من القاعده مو زين شنقول ؟
الكل زينين ..
ولو الكل شينين وطلع واحد زين منهم شنقول ؟
لو خليت خربت واصابعك مو سوا
بالمعادلة هذي انا بالسليم

::

) ( بريف هارت ) (

من احلى واروع الافلام التاريخيه

بس الي مو حلو اني اجوفه اكثر من 27 مره

هذي عقدة نفسيه وملل بنص الليل

لووووووووووول

::

ابييه شفيني صايهر حكيمه هالايام !!!

اكتفي اليوم بهالكلام

واتمنى يكون موضوع خفيف مو ثقيل على قلوبكم

وحبيت اقول معادلات الحياة الي مقتنع فيها .. واذا كان في شخص مو مقتنع بشي فـ هذي حرية شخصيه

وهمن اترك لكم مجال الي حاب يضيف شي من روحه

اقول له هذي صفحتك قبل لا تكون صفحتي

تحياتي لقلوبكم ..

أبيك قربي

أأأحبه قال:

) ( الصراحة ) (
وايد روعة وتعجبني واحب اكون صريحه
بس الي مو حلو انه بكل وقت صريحه حد الدعسه وماتراعين او ماتفهمين مزاج الي جدامج او ظرفه
راعي خلق الله شويه وارحم نفسج


تو تاذيت من الصراحه الزايده وتفشلت صراحه حدي مقهورة

مشششكورة ياقلبي ع هيك حكي

أنقر للتوسيع...

ولووو حبيبتي

منووره قلبو

ƒα6σσm;25922378 قال:

حيـل حبيـت كـلآمج ، لآمـس مشـآعري آلرهيـفه
آهنـيج ، جـآن زين كـل يـؤم مزآجج كتـآبـه .. عششـآن تتـحفينـآ !

قـؤآج آلله ~

أنقر للتوسيع...

بعد جبدي والله

إنشالله كـل يوم مزاجي كتابه لعيوونج


منووره حبيبتي

تعويذة قال:

)(( الذات ))( ​

هــي أنت ْ بلا رتوش ٍ مُــــضللة أو خربشـــــــــات .. لا تلقي بالاً أبدا ً لذاوتِهُــم ْ ​

بل لَك و لك وحدك .. أنت فقط ... و فقط بِك أنتِ تكمُن ذاتِك الحقيـــقية !!​

أنقر للتوسيع...

منووره قلب

ޢޢޢإيمانޢޢޢะۣۨ>;25929255 قال:

أنقر للتوسيع...

منووره يالغاليه

غلاى الغويليه قال:

حلووو المووضوع بس ماكنت ابى اقوول انا شنوو علشان مااحس انى يعننى الانسانه النمووذجيه ^ ^

أنقر للتوسيع...

هههه
حيـاج حبيبتي .. ؟

mama-dodo قال:

الدين
والله شي زين انه الواحد يكون ملتزم وهنياله
لكن مو لدرجة انه يضرب بدين الي جدامه ويكفره من غير دليل
يعني يا عزيزي ياغلاتي لا تعصب وخذ الامور صوب رحمة ربك
يمكن الانسان هذا او البشريه بيوم الدين تكون اهيا على حق وانت على باطل



اي والله اكره هالنوع



يعطيج. العافيه موضوع روووووعه

أنقر للتوسيع...

الله يعافيج حبيبتي
حياج الله
منووره قلبي .

pupa^^sweet قال:

يصير اضيف من عندي




*****


الكراهية البحتة


سبحان الله


رغم كل ما تكنه لشخص محدد من محبة و معزة و مودة


تجد هذا الشخص يبغضك بصووورة مطلقة

ولا يتحمل منك ضحكة ولا بادرة طيبة

الافضل لهذا الموقف ترك الشخص يقرر بنفسه محبتك وان لا تضغط عليه

لأنه لو استمر كرهك سيكون خسر اصدق شخص كن لك المودة


وبذلك انت لم تخسر شيئا بل ربحت عزتك


ولكنه هو خسر معزتك

أنقر للتوسيع...

حبيبتي حياج الله ياقلبي

منووره حبيبتي .

lode قال:

يسسسسلمووو

والله كـــل الكلاااااآم روووعه ماابستثني شي منه
كلللله عجـــبببني

مشكووورة حبيبتي

أنقر للتوسيع...

هلا وغلا والله حبيبتي
حبيبتي مرورج إلرووعه ،
الله يسلمج
منوره ياقلبي .