مهر اختي بس 3 الالاف

ليش 3 ؟
اذا الحكومه تعطي 4 ؟!!

الصراحه مايكفي لازم تزيدونها اقل شي 3 فوقهم

خل تدخل جمعيه بما ان باقي شهر عالعرس

اقل شي الف وميتين الجمعيه

وتشتري لاول ليله بدله ( من اديبا المحبوب مسويه عروض لهالاسبوع حيل منزله ) لازم تمرها اول شي تفتك من البدله
تحجز مكياج عند حنان دشتي ب 250 تقريبا واذا تبي ارخص فيه صالونات ارخص ب 150 دينار
تاخذ ساعه كشخه بس مو غاليه لاول ليله ساعه رفيجتي لعرسها ب 200 تقريبا بس مادري اي ماركه !
وتاخذ ساعتين من اون تايم شحلاتهم ب 20 و30 و50
تشوف اللي يعجبها بس لا تكثر ساعتين غير ساعه اول ليله
طقم اول ليله شوفو طقم فضه ناعم مو لازم ذهب ابيض بالمباركيه مرات مستعمل ورخيص وشحلاتهم بس يبيلكم فراره

تاخذ بدلتين استقبال والصراحه مفروض اكثر بكثييير انا ماخذه 15 بدلة استقبال !
بس اهي بتعيش ببيت مع اهل زوجها والا بشقه ؟
والاحسن تشوف موديل بمجله وتقص خام وتخيط عند خياط اوفر لها

وتاخذ 3 كعب الوانهم مختلفه عشان البدل
وشحاطتين بس مو غاليه حق الدراريع

وترى بالذوق مو بالسعر

الملابس الداخليه
تاخذ 10 قمصان واحد طويل لاول ليله تلقاه رخيص بالشاهبندر وشحلاته بحدود 20 جذي
والباقي تشتريهم من العضوات بالمنتدى تلقاهم ب 7

تاخذ بجامات النفانيف القصار لا تاخذ بنطرونات
وشورتين بالكثير معاهم بديات
وهذا كله بالاسواق الشعبيه بدينارين وثلاث
ويهبلون لا يغركم السعر

وتاخذ اطقم ملابس داخليه ملونين وواحد اسود

المكياج والعطور
الله يسلم كومار حمره تجنن الوانها لا تضايق روحها والحمره بنص ويرخص اذا ماخذه كميه
تاخذ اربع الوان
وبودرة الخدود منه واللمعه بعد
الكريم الاساس والمسكره خل تاخذهم ماركه
الكحل محمود سعيد بدينار ونص لا يعلى عليه
الاي شادو تاخذ باليت من الهنود ب 3 مادري 5 دنانير يهبل كل الالوان فيه

صبغ الاظافر من كومار بنص

تاخذ رموش من كومار بعد يهبلون

العطور مادري يمكن يجيها هدايا
خل تاخذ طقم لوشن وشاور جل وعطر
وتشتري عطرين او 3 عطور بس

اكسسواراتها من خواتم وتراجي واساور فيه معارض تبطل هالفتره خل تاخذ منهم رخاص ويؤدون الغرض
وتشتري قد اللي تحتاج مو اكثر يعني عالبدل بس

والبدل مالوت الشقه خل تشتري بنطلون جنز وجم بدي وجم تنوره والحين كل مكان تنزيلات خل تفتر

شنو باقي ؟؟

الذهب صعبه حيل تشتري

هذا اللي فكرت فيه
والله يوفقها ويطمن قلبها وييسر امورها يارب

اهي بتسوي عرس ؟؟
علشان نضبط لج الميزانيه مع نفنوف العرس

ليش مهر 3 الاف مايكفي
شوفي حبيبتي اول شي ختروح تشوف نفنوف العرس جم يكلف لانه المهم تقريبا يكلف 800دينار قولي
ونقول 250مكياج عروس ختروح تحجز من الحين
والمصورة بحدود 350 تلحق على العروضات اللي بالمعارض تاخذ اقل شي لان مراح يكفي المهر

وتروح محل للبجايم وتنوع بين الشورتات والطويل والبرمودا والستان والشيفون تقريبا 200دينار
والمكياج بحدود 150 دينار
والعطورات بانواعها والبخور اممم تقريبا 150 دينار
وقمصان النوم 100 دينار
هني طارو الفين دينار على الشغلات المهمه
باجي الف صراحه مراح يكفي الذهب تمسح ايدها
تروح تشتري اكسسوارات قولي 100وانشالله يكفون
وعبي وجناط على حسب اختيارات اختج
اممم وبعد تشتري طقم جناط للملابس بحدود 50 دينار
وباجي الفلوس بدل استقبااااااااااااااااااااااااااااال
احس انا المتوهقه تعبت وانا احسب واحط اسعار هههههههههه لاتنسى تبيض اسنان وبرنامج عروس بحدود 150دينار
واهلج انشالله مايقصرون الهدايا وغيره ورفيجاتها والمنحه انشالله ماخلصت تحط على المهر وبس هذا اللي عندي

ياعمري الله يبارك لها فيها ان شاءالله
وانا اقدر اساعدها بالبدله البيضا
عندي بدلتين أسعارهم من 400 وتحت وحلوين مع الطرحه والارقام بالتوقيع واذا بعد قدرت أنزل لج بالسعر تستاهل

بس ضروري اذا حبيتي تمرين دقي عرفيني بنفسج عشان أراعيج

لازم تزيدونها لان كلش ما يكفي

والوقت مايمدي شهر

خل تطلب من التاجرات قمصان نوم ارخص
و ماقصرت ام عهد

وششيهانه بالشرح

الله يعينكم انشالله

ويوفقها ويهدي لها ريلها هذا اهم شي

لا تشتري ذهب

بس اكسسوار

وتجهز

بتكيفيها 3 الاف بس جهاز ولي عوده

خل تحط مكياجها بصالون ماي فير ليدي المكياج عند ميرفت والتسريحه عند روعه ب250 رقمهم 25751408
مسكتها ب50 ناعمه
ثوبها اجار من 400 وتحت عندج رفيجتي عندها ثوب راقي من الخبر لبسه اولى فخم وناعم رقمها 55068301

وعندج بعد مشغل ام خالد 94940922
عندها نفانيف حق ثاني يوم وبدلات عرايس وتراعي بالسعر

المصوره عندج زيزي عندها عروض 180 و200
رقمها 66817192


مكياجها خل تشترينه من مكياج منصور وسنتر بوينت

قميص اول ليله من نعومه
خل تشتري 20 قميص
10 طوال مع روباتهم و10 منوعين بين البيبي دول والقصير
وطقم فوط

العطور
خل تشتري من اجمل والرصاصي والشايع

والعطور الفرنسيه من موقع كتالوج ارخص لها من المركز الفرنسي وبيضون

بس خل تجرب العطر عندهم وتشتريهم من كتالوج ارخص واصلي نفسه
لا تكثر بس اربع عطور فرنسيه

http://catalog-express.com/

عندج عطر الور شانيل عرايسي تخليه حق اول ليله

وعطر اوه لا لا من فكتوريا سيكرت

وعطر نيور من فكتوريا سيكرت

وعطر ch من كارولينا هريرا هذول حلوين للعرايس

وعندج العطور العربيه خل تشتري من اجمل :
عطر قطرات مطر 3وربع دك
عطر ساكريفايس 6ونص
عطر تينز جنه 4 دك
عطر اوصاف
عطر حروف
خلطة ليلة خميس
عطر خلاب 10دك
عطر وصال ب6ونص

الرصاصي :
عطر رومانس 2 دك وخرده

عطر دلع بنات الوردي 5دك
عطر بلو ليدي جنه 4دك
عطر بور فيم ب4دك
عطر المحبه من الرصاصي ب7دك
خلطة اكوا كوثر 2دك
خلطة اكوا زينه 2دك
عطر خلطة العود للعبي ب2دك

بخور المميز ب20دك مع مبخرته هديه


الشايع :
عطر هاجر 6دك
عطر كلمات 7دك
عطر حروف 7دك

وعندهم عطورات سيد جنيد ورخيصه واغلبها ب7 و6
مثل بنفسج وفنن سرور وطيوب وتناتيف


كلها رخيصه وحلووه وانا مجربتهم

مجموعات الجسم
اشتري من بدي سنتر مجموعة فيوليت

موجود لهم فروع بالجهرا : بمجمع المنار مول وبمجمع الصحاري مول
وبالفروانيه بالعربيد بلازا ولهم موقع يوصلون للبيت
http://www.body-kw.com/default.aspx

ومجموعة وايت مسك من بدي شوب حلوه وعرايسيه

من القرشي : اشتري مسك العروسه فقط

وفي بخور معمول اسمه حنان حلوو من العبدالمحسن لهم فرع بجمعية الخالديه ولهم فرع بمجمع واره رقم 1 ع الارض بالجهرا
وعندهم عطر حور ب3دك حلوو وفريش للصبح وعطى حنان ب5دك

دهن العود اشتري من سويس اربيان ب2ونص
دهن عود ( عطر مبخر ) وفي بعد دهن عود اسمه كشخه حلوو ولهم فرع بالمباركيه وفرع بالجهرا بمجمع المنار مول بالسرداب وبمجمع واره رقم 1 ع الارض
وموقع كتالوج هم يوصل منتجاتهم حتى عندهم خلطة فراش حلوه اسمها سلمى -كشخه

الروقي في بخور للبيت اسمه بيتي حيل حلوو للشقه

وفي عندهم خمريات شعر حلووه


البجايم اشتري من ماكس
موجود بالافنيوز
موجود بمجمع الصحاري مول بالجهرا فوق
رخيص
واهم شي التنويع بالبجايم من حراير برمودات ترنغات
وعندج محلات شحليله موجوده بمجمع العالميه مول فوق بالجهرا
وهم سنتر بوينت عندهم بجايم

وبالنسبه للدراريع خل تفصل 3 كشخه من العربيد على 20 و25 دك وحلوين للمناسبات و3 بدال حلوه نظام تنوره وقميص

ودراريع حموله كشخه من دراعات ساره ع الاقل تشتري 6 دراريع وهناك اسعارهم رخيصه

كفر عرايس عندج الشاهبندر بالجهرا في محل ع الارض كفرات حلوو

وفي يم سوق التوفيق اللي يم جمعية الجهرا الرئيسيه فيه سرداب اسمه بيتي عندهم كفرات عرايس حلوه واطقم فوط
وهم بالعالميه مول في محل يبيع كفرات عرايس حلوه على 60

والاكسسوارات خل تسوي فضه مطلي ذهب
وتشتري اكسسوار حلوو لثوب الزفه

وطقم ذهب صغير من 200 الى 400 يمكن تقدر

وبالنسبه للدي جي وشريط الزفه واغنية الزفه عندج فرحة اثنين رخاص
كان شريط زفتي ب20 والدي جي عندهم 30 رقمهم 24571520

وخل تحط مبلغ لليموزين ينقلها من الفندق للصاله ب25 زيزي تعرف ليموزين على 25دك تعرف المصوره زيزي ليموزين على 25دك

بالنسبه للشوز والجناط خل تشتري الالوان الاساسيه
اسود
بني
بيج
رمادي
كحلي
ابيض
عندج مجمع منيره بالفروانيه حلوو للجناط والشوز عزج الله

والساعات تشتري ساعتين وحده فضيه ووحده ذهبيه عند الركن السويسري بالحمرا مول والبيرق موجود وحده مع ثوب الزفه اللي فضيه وكرستال والذهبيه حق المناسبات وتصلح مع كل ثوب

اول شي تسويه بما انه باقي شهر
تحجز الصالون
وتحجز المصوره
وتحجز اغنية الزفه
وتحط فلوسهم بظرف
مع فلوس الليموزين
مع حجز ثوب االزفه
وثوب ثاني يوم هم رفيجتي وام خالد اللي حطيت لج ارقامهم عندهم ملابس حلوه ورخيصه حق ثاني يوم بس قولي لهم ترا المهر شوي 3 الاف

اذا اسنانها تحتاج تنظيف وتبييض انا توني مسويه تنظيف اسنان ب15 وتبييض ليزر ب50 بعيادة ديرمادنت بالجهرا توها فاتحه مسوين عرض بس لازم التبييض قبل العرس باسبوع تسويه اخذوا مني 65دك وفتح الملف بلاش رقمهم 24566200

وهم تحجز اغنية الزفه اذا في صاله من فرحة اثنين على 20دك السي دي والديجي 30 اذا العرس ببيت

العبي :
2 عاديات و2 كشخه روحي الفروانيه بالعربيد رخيص
وطبعا لاتنسى برنامج العروس قبل يوم العرس باسبوع تخصص له مبلغ

خل تحجز مستلزمات يوم الزفه ( ثوب الزفه - حجز مصوره - اغنية الزفه - حجز الصالون - اكسسوار ثوب الزفه من ساعه من قلاده اكسسوار وحجز المسكه )

وعقب عاد تبدى بالعطور والبخور والمكياج والعبي وقمصان النوم والبجايم والجواتي والجناط وكفر العرايس وطقم الفوط والدراريع والبدل

حراااام

لازم تساعدونها

وتسوون لهاا قطيه

بس يخلص عرسها ترد الفلوس

وبجذي تقدر تزهب جهاز سنع وبفلوس تكفي

اخ منهم الرياييل الحين السياره ما يشترونها الا فوق ٨ الآلاف

والحرمه ٣ بعدين المفروض تاخذ ٤ مالت الحكومه كامله لان حقها

الله يسهل عليها مالها الا القطيه

رحماك ياربي قال:

حراااام

لازم تساعدونها

وتسوون لهاا قطيه

بس يخلص عرسها ترد الفلوس

وبجذي تقدر تزهب جهاز سنع وبفلوس تكفي

اخ منهم الرياييل الحين السياره ما يشترونها الا فوق ٨ الآلاف

والحرمه ٣ بعدين المفروض تاخذ ٤ مالت الحكومه كامله لان حقها

الله يسهل عليها مالها الا القطيه

أنقر للتوسيع...

فلوس الحكومه على الكويتيات
فقط

يمكن البنت بدون او سعوديه وزوجها على قده

ما اعتقد العروس كويتيه

الكويتيه اقل شي 4 الاف الحكومه

البنات ما قصروا

الله يوفقها ان شاء الله

دعوااتج

الله يكون بعونها ,, اعتقد لو تجهز اغراضها من السعوديه افضل لكم عشان الدينار يجيب كثير في السعوديه وبتاخذ اللي تبيه بالراحه

اي بنت الخبر 22

ترا الخبر ارخص من الكويت حيل وفيه كل شي

بس ماتدرين

شنو ظروفها يمكن ماتقدر تروح

هذي الشكله وحده من اهلنا بعد مهرها اقل من 3000 دينار ومحتاسه

خل تشتري : - طقم ناعم ذهب
- طقم اكسسوار فضة.. في كشك بالكوت تحت اسمه جنه ايتاليانو مادري.. بس كشك يبيع اطقم اتينن جنها ذهب

-البدلة البيضا: من تباهي، رخيّص وكويس.. مكانه ورا الفنار.

- خل تروح ماكس: 6 بجامات.. 4 شورتات.. 3 قمصان.
الجميع: قمصان نوم
وتشتري اطقم ملابس داخلية اللي ترتاح عليهم مع تكثير اللون الابيض والاوف وايت..

قميص اول ليلة من الطاهر.

مكياج على قدها لا تشتري وايد، عطرين او 3 فرنسية + عطرين شرقيين مع بخور و معمول للبيت و دهن عود و عطر المفارش

3 كعوب، و شحاطتين و فلات وجوتي رياضة

3 عبايات

3 جناط..

5بدلات + 5 دراريع..

-مجموعتين من باث اند بودي ووركس، وحدة بالفراولة و وحدة بالليمون "مادري اذا في ليمون ولا انا أألف"

- اغراض الجمعية + دلاغات شفافة وهيلاهوب

و جذي خلصنا :>

الله يوفقها هذا اللي اقدر عليه

ويسهل امورها كلها

والبنات ان شاءالله يفيدونك ياقلبي

الله يطرح فيها البركه ان شاء الله وتكفيها حاولي تكتبين وتحسبين اللي تشتريه عشان ما تتخربطون وتضيع منكم مبالغ على غير حسبه يارب يوفقها البركه بالشي القليل والله يسرلكم اموركم ويسهل عليكم ويفتحها بوجيهكم امين