يوسف مايدري شيقول:ايي..ايي....الله يعينكم..
فاطمه:امييي انهااارات و طاحت بالارض تبجييي.......تخيل انهااا قاعده تصرخ من قمت راااسهاااا....كسرت خاطريي..
يوسف حس انه نعم داقه تشكين الحال؟؟ومو عارف شيقول:اييي وييي...
فاطمه:ابوووي اخذه و طلع....امييي طاحت على اييده تبوووسها عشاان يخلييي عندناا بسسس قلبه مييت عمره ماراح يحس...
يوسف:اييييي...
فاطمه:تخيل انه الي بالبيييت الحيين بس انا و امي و اختي الصغييره....كلنا بنااات....وانا اكبر خواتي و توني 17 سنه....قووليي شلووون اقدر اتحمل هالمسؤووليه شلوووون؟؟؟؟اميي ما تقدر على الدنيا و مصااايبها...كل شيي على رااسسيييي كل شيييييييي.....
يوسف:ايييي..
فاطمه بانفعال:وانت بس ايي ايييي قوول شيي تحجىىى شنوو ايييي؟؟؟قاعده احاااجيي هندييي؟؟
يوسف ببرود:شقول؟؟
فاطمه:تدرييي شلون؟؟ انا الغلطانه الي داقه عليك...
يوسف:لحظه لحظه لحظه....ويت صبري..
فاطمه:هااا؟؟
يوسف بعياره:شسمج؟؟
فاطمه:والله فااااضيي
يوسف:انزين انزييين لا تعصبين خلااص....
فاطمه تبجيي:......عمرك ماراح تحس..
يوسف:بس لا تبجين....انتي لازم تكونين قويه عشان تتحملين المسؤووليه...اذا ما كان فيج قوة كل شي بيروح..
فاطمه تبجي زياده:............
يوسف:بس لا تبجييين...
فاطمه تبجيي:........
يوسف:بس...
فاطمه تبجي:.....
يوسف:بااس
فاطمه سكتت:..........
يوسف:لا تبجييين
فاطمه تمسح دموعها وبراءه:انزييين لا تعصصصصب.
يوسف:احم...ايي كملي....شسمج؟؟
فاطمه:وانت شكوو؟؟ يالله يالله باي..( وسدته)
يوسف:الوو...الوو؟؟..حمدالله و الشكر...
_______________________________________________
الصبح الساعة 10عند بدرية و نور :
نور قعدت و راسها حده مصدع .. بالقصب قامت و دخلت الحمام غسلت وكل شي .. وبعدها طلعت ولبست ..
بدرية حست فيها .. : انتي وين رايحة ..؟!
نور : برد البيت...
بدرية : بكيفج ؟؟
نور و أهيه تربط شعرها :أي بكيفي
بدرية : و مع منو أن شالله ؟؟
نور : مع سايقكم
بدرية : لاااا الظاهر شكلج ينيتي رسمي .. منو إلي بيرضى يخليج تروحين معاه بروحكم؟؟
نور حقرتها و خذت جنطتها و طلعت
بدرية : الحمدلله و الشكر ( وردت نامت)
نزلت تحت لقت الكل قاعد يتريق .. ( بو جراح - أم جراح - جراح - مشاري - أمولة بنت جراح)
نور استحت شوي : صباح الخير
الكل : صباح النور
أم جراح ( أمل) : هلا يما نور .. وين بدرية
نور : فوق نايمة
أمل : وييي هذيي ما تخيس من النوم.. تعالي حبيبتي تريقي على ما أنا اقعدها
نور : لا خالتي خليها نايمة .. أنا برد البيت و بليل يمكن أييها أو نطلع
أمل : إنزين على الأقل تعالي تريقي
نور تبتسم : لا مشكورة شبعانه .. بس ولا عليج أمر بغيت السايق يردني البيت
خالد : لا يا يبا .. وين تروحين ويا السايق بروحكم
نور ويهها منقص حده : لا عادي عمي .. كا بيتنا قريب مو بعيد
خالد : لا يبا .. تعالي تريقي و بعدين واحد من العيال يقطج
نور أبتسمت و راحت تبي تقعد .. بس توهقت لأن مافي مكان إلا يم مشاري
نور تقعد يمه:.....
مشاري و أهوا ياكل : أهلان أهلان
نور قصب تبتسم و لفت ويهها تآكل:هلا فيك..
أم جرإح : مشاري ودها على دربك
نور ( لاااااااااااااا ... إووووفففف):....
مشاري: اوكييك
_____________________________________
عند عزيز
منسدح على فراشة و يفكر ..: ((شالي قاعد يصير .. شفيها ؟؟؟شقصتها ؟؟ بموت من كثر التفكير .. ليش ما قالت لي اسمها ؟؟ ليش أمس دقت و ما ردت وبعدين سكرته ..؟؟ معقولة تقص علي ؟ موو معقولة .. مومعقولة .. ماني لاقي ولا سبب يخليها تجذب ... ميت و أعرف ليش جذبت ؟؟ اااااخخخ)) ...
و مسك التلفون يدق عليها ( الجهاز مغلق ............) عصب و حذف التلفون : إووففف ردي ردي ردي
______________________________
بسيارة مشاري:
نور متسندة على الدريشة و حاطة أيدها على يبهتها و تضغط عليها ..........
مشاري لاحظها : مصدعة ؟؟
نور بتعب : شوي
مشاري سكت و غير طريجه:......
وقف عند صيدلية و فتح الباب يبي ينزل:....
نور : لحظة وييين ؟؟
مشاري : نطريني شوي. ( و نزل و سكر الباب وراه)
شوي و رجع مشاري بيده قوطي بندول و بطل ماي
مشاري يركب السيارة : هاج
نور : شنو ؟
مشاري : بندول و ماي .. مو تقولين مصدعة ؟
نور سكتت و خذت البندول و الماي لأنها كانت مصدعة حدها ....
بلعت لها حبه و شربت الماي : مشكور
مشاري يحرك : العفو.. ما تشوفين شر
نور : الشر ما ييك
_____________________________________
عند فاطمة :
رن تلفونها و أهيا بسابع نومه
فاطمة : اووففففف منو هذا إلي داق من الصبح ؟؟ ( و شالت التلفون ): الوووو
يوسف : يالكسلاانه... إنتي ليلحين نايمة ؟؟