السلام عليكم ورحمة الله وبركاته
شلونكم يا عرايس يا حلوات .. انا كتبت هالموضوع لان واجد بنات يسألون شلون اجهز و شنو اشتري ؟ فاجمعت كل اللي عندي عشان افيدكم
وأبيكم تستفيدون من تجاربي وأفكاري وما أبي منكم غير دعوة بظهر الغيب إن ربي بخلي لي امي و ابوي و يرزقني من حيث لا احتسب و يحقق اللي في بالي يارب
نبدأ أولا ..
بجناط السفر .. هل شريتيها ؟ إذا ما شريتيها عندج محلات واجد بالامنيوز بدبن هامز و سنتر بوينت تبيع جنط رائعة وحلوة وانا أشتريت شنط سفري من قزاز 5 شنط احجام مختلفة ومعاهم شنطة مكياج مثل هذي للتوضيح..
أو.. أنا أحب الالوان الغامقة..
أو
أو
طبعا اللحين خلصنا من جنط السفر إذا ماجت مع جنظة السفر جنظة مكياج اشتري لانه راح تحطين مكياج لزوجج في السفر... أنا شريت وحدة صغيرة تنحط داخل جنطة أيدي .. لاني ما افضل المكياج الواجد أثناء السفر ..
خلصنا من جنط السفر وجنط المكياج نجي اللحين شنو نحط داخل هالجنط ..
أولا نبدأ بجنطة شهر العسل قبل جنطة ليلة العرس عشان تفتكين من تجهيزها مبجر..
أولا أنصحج ترشين داخل جنطة ملابسج عطر حلو..
وتبخرين ملابسج اللي بتحطينها بالجنطة أنصحج بالمعمول الدوسري تهبل ريحته ..
- حطي 3 بناطلين جيز على حسب الالوان اللي تحبينها أنا شريت جينزات مرسوم عليها فرايحية حلووة من محل (مث الحجاب) بمجمع الراشد وشريت واحد من (مس سكستي) بمجمع الراشد بعد..
بعدين خذي برموا واحد تلبسينه لزوجك في الفندق زي كذا..
اللحين نجي للتي شيرتات اللي راح تلبسينها مع البناطلين او البرمودا ..خذي لي 4 او 5 تي شيرتات ..
بالنسبة للتي شيرتات عندج مس سكستي - زارا - مانجو - فيرو مودا - ريفيرآيلاند - توب شوب - بريشيكا ..
اللحين نجي للملابس الكشخة أذا كنتي محجبة وماتبين تلبسين عباية .. اشتري لكل طلعتين بلوزة ..
طبعا هذا تلبسين تحته بودي و بنطلون جينز مع الحجاب.
