كويتيات للطبخ

العودة   منتديات كويتيات النسائية > > >


تجمع بنات الايليتز

تعليم اللغات



إضافة رد
 
أدوات الموضوع إبحث في الموضوع انواع عرض الموضوع
قديم 29-05-2011, 07:33:44 AM   #1
ريان
كــويــتــيــة بــرونــزيــة
 
تاريخ التسجيل: May 2005
المشاركات: 574

افتراضي تجمع بنات الايليتز


السلام عليكم

اشلوونكم شخباركم شمسوين


الصراحة احترت وين اكتب موضوعي هذا بس بالنهايه قررت احطه هني وان شاء الله يكون في مكانه الصحيح بنااات ابي اقدم امتحان ايليتز وفكرت بفكره بتفيدني وتفيدكم معاي حق الي حابين يقدمون على امتحان الايليتز اشراااايكم نتيمع بمكان وندرس مع بعض يا بكافيه او بمكتبه عامة الهدف من التجمع تثبيت المعلومات باللغة الانجليزيه وتطوير اللغه بالبراكتس يعني نتكلم بالانجليزي مع بعض ونتبادل افكاار والي قدموو من قبل يفيدونا بتجاربهم الي حابه تشارك معاااي تقولي متى موعد امتحانها وشنو خطتها للحصول على الدرجة المطلوبه

بالنسبه لي انا امتحاني تاريخ 25-6 في بريتش كانسل وابي اييب 6 ونص واول مره امتحن
خطتي للدراسة بسمع ال بي بي سي واقرا جرايد





وانتووو شناوييين عليه ؟؟؟؟

شاكره لكم حسن تعاونكم معاي



ريان غير متواجدة حالياً   رد مع اقتباس
قديم 29-05-2011, 09:17:49 AM   #2
^AyOoTa^
كــويــتــيــة ذهــبــيــة
 
تاريخ التسجيل: Jul 2008
المشاركات: 1,034

افتراضي رد: تجمع بنات الايليتز


امبيه اليوم دخلت القسم وجنه احد حااس فيني
انا بعد ابي اييب 6.5 وابي ادرس




انا معااااج



__________________
اللهم انى توكلت عليك وسلمت امرى اليك لا ملجأ ولا منجى منك الا اليك.


^AyOoTa^ غير متواجدة حالياً   رد مع اقتباس
قديم 29-05-2011, 09:18:21 AM   #3
^AyOoTa^
كــويــتــيــة ذهــبــيــة
 
تاريخ التسجيل: Jul 2008
المشاركات: 1,034

افتراضي رد: تجمع بنات الايليتز


انا بعد امتحاني 25-6



__________________
اللهم انى توكلت عليك وسلمت امرى اليك لا ملجأ ولا منجى منك الا اليك.


^AyOoTa^ غير متواجدة حالياً   رد مع اقتباس
قديم 29-05-2011, 10:45:53 AM   #4
ريان
كــويــتــيــة بــرونــزيــة
 
تاريخ التسجيل: May 2005
المشاركات: 574

افتراضي رد: تجمع بنات الايليتز


اشرايج نتواصل بالايميل ونتفق على كل شيء؟؟
gana_q8 على الهوتميل
وشنو خطتج للدراسة عندنا وقت خلينا نستغل وقتنا ونسوي خطه استيراتيجيه للحصول على الدرجة المطلوبه



ريان غير متواجدة حالياً   رد مع اقتباس
قديم 29-05-2011, 11:22:44 AM   #5
Aisha92
كــويــتــيــة
 
تاريخ التسجيل: May 2011
الدولة: Kuwait
المشاركات: 35

افتراضي رد: تجمع بنات الايليتز


اناا امتحااني قبلكم اب اسبووووع,,, ١١\٦ انشالله ,,




و خطتي للدراسه الصراحه ماكو خطه,, بس مفكره اشوف دورات الجامعه الأمريكيه
و هم بعد لازم اييب ٦.٥ بحيييل الله :>
الله يـــــوفـقكم



Aisha92 غير متواجدة حالياً   رد مع اقتباس
قديم 29-05-2011, 12:35:35 PM   #6
ريان
كــويــتــيــة بــرونــزيــة
 
تاريخ التسجيل: May 2005
المشاركات: 574

افتراضي رد: تجمع بنات الايليتز


اشرايكم نتيمع بمكتبه عامة وندرس مع بعض



ريان غير متواجدة حالياً   رد مع اقتباس
قديم 30-05-2011, 08:49:16 PM   #7
ريان
كــويــتــيــة بــرونــزيــة
 
تاريخ التسجيل: May 2005
المشاركات: 574

افتراضي رد: تجمع بنات الايليتز


http://www.kuniv.in/vb/showthread.php?t=15532
بنات دخلو هالموضوع عجيب ويفيد وايد بس حسافه ماني قادره اسجل بالمنتدى ياليت الي تسجل تحطلنا اللينكات الي بالموضوع هني





شكرا عواااااشه على اللينك ماقصرتي



ريان غير متواجدة حالياً   رد مع اقتباس
قديم 30-05-2011, 10:31:29 PM   #8
برنسيسة الشمال
كــويــتــيــة ذهــبــيــة
 
الصورة الرمزية برنسيسة الشمال
 
تاريخ التسجيل: Oct 2009
المشاركات: 1,588

افتراضي رد: تجمع بنات الايليتز


اهلين بنات الله يوفقكم بس عندي استفسار

شنو يعني الايلتز






وشنو تستفيدون منه ؟

وليش ماخذينه



برنسيسة الشمال غير متواجدة حالياً   رد مع اقتباس
قديم 30-05-2011, 11:45:37 PM   #9
ريان
كــويــتــيــة بــرونــزيــة
 
تاريخ التسجيل: May 2005
المشاركات: 574

افتراضي رد: تجمع بنات الايليتز


اختبار الايلتس هو : اختبار تحديد مستواج باللغة الأنجليزية و المطلوب اجتيازه




للالتحاق بالجامعات الاجنبية .
و هو على النظام البريطاني و
يعادل التوفل ( الأمريكي ) و هو أسهل من التوفل.




ريان غير متواجدة حالياً   رد مع اقتباس
قديم 30-05-2011, 11:59:42 PM   #10
برنسيسة الشمال
كــويــتــيــة ذهــبــيــة
 
الصورة الرمزية برنسيسة الشمال
 
تاريخ التسجيل: Oct 2009
المشاركات: 1,588

افتراضي رد: تجمع بنات الايليتز


مشكوره قلبي





ويعطيج العافيه




برنسيسة الشمال غير متواجدة حالياً   رد مع اقتباس
قديم 31-05-2011, 12:05:10 AM   #11
Aisha92
كــويــتــيــة
 
تاريخ التسجيل: May 2011
الدولة: Kuwait
المشاركات: 35

افتراضي رد: تجمع بنات الايليتز


اقتباس:
المشاركة الأصلية كتبت بواسطة ريان مشاهدة المشاركة
http://www.kuniv.in/vb/showthread.php?t=15532
بنات دخلو هالموضوع عجيب ويفيد وايد بس حسافه ماني قادره اسجل بالمنتدى ياليت الي تسجل تحطلنا اللينكات الي بالموضوع هني

شكرا عواااااشه على اللينك ماقصرتي
اناا مسجلة بالموضوع و الحين اسويله كوبي



Aisha92 غير متواجدة حالياً   رد مع اقتباس
قديم 31-05-2011, 12:07:38 AM   #12
Aisha92
كــويــتــيــة
 
تاريخ التسجيل: May 2011
الدولة: Kuwait
المشاركات: 35

افتراضي رد: تجمع بنات الايليتز


بسم الله الرحمن الرحيم

الحمد لله و الصلاة و السلام على رسول الله

تجربتي مع اختبار الايلتس
في البداية ( تعريف الايلتس بشكل عام )

اختبار الايلتس هو : اختبار اللغة الأجنبية المطلوب اجتيازه
للالتحاق بالدراسات العليا ( المقصود هنا جامعة الكويت ، بعض الجامعات تشترطه للبكالوريوس أيضا) و هو على النظام البريطاني و
يعادل التوفل ( الأمريكي ) و هو أسهل من التوفل.

* ينقسم اختبار الايلتس 4 أقسام :

استماع ، قراءة ، كتابة ، محادثة >>>( لا داعي للخوف من المحادثة ، ستفاجأ بقدرتك على الكلام بطلاقة <<< سيتم الشرح لاحقا.

الاختبار ما فيه قواعد نفس التوفل بس مطالبين فيها بالكتابة و المحادثة ،، يعني تستخدم تنس
معين بالقطعة ( مضارع ، ماضي ، ...) أفضل من إنه يسألك عن 100 قاعدة بنفس الوقت لا و اختيارات اللي تلخبط الواحد >>> طبيت بالتوفل.
وين أسجل للاختبار؟ راجع هالرابط فيه كل المعلومات

http://kuniv.in/vb/showthread.php?t=15434

* درجات الاختبار:

يقسم الاختبار الطلبة إلى 9 مستويات كالتالي :
المستوى 9: المستخدم المحترف Expert User
المستوى 8: المستخدم الجيد جداً Very Good User
المستوى 7: المستخدم الجيد Good User
المستوى 6: المستخدم المؤهل Competent User
المستوى 5: المستخدم المتوسط Modest User
المستوى 4: المستخدم المحدود Limited User
المستوى 3: المستخدم المحدود بشدة Extremely Limited User
المستوى 2: المستخدم المتردد Intermittent User
المستوى 1: الشخص الغير عالم بالإنكليزية بتاتا Non User





كل اختبار ( استماع و قراءة و كتابة و محادثة ) عليه 9 درجات و يجمعون درجة كل اختبار و ياخذون المتوسط الحسابي ،، يقسمون المجموع على 4 و هني في تكتيك حلو إنكم تركزون عالأقسام السهلة : استماع و محادثة و إتييبون غريد حلو فيه يرفع مجموعكم مثلا مطلوب 4 ( يعني التوتال 16 )
شدوا حيلكم بالاستماع و المحادثة فرضا يبتوا 6 بكل واحد ، يعني التوتال وصل 12 ، جم بقى لكم على 16؟
4 ،، و جم عندكم امتحان 2 ( كتابة و قراءة ) إتييبون فيهم أكثر من 4 أكيد (( التكنيك هذا قريته بأحد المنتديات للامانة))
بس انتبهوا على شغلة إنه بعض الجامعات إتركز على درجة كل امتحان إلى جانب الدرجة النهائية يعني إذا تبي توتال 5 تبي كل امتحان 5 فما فوق

* إشلون أحسب درجات الاختبار؟

الاستماع 40 سؤال عليه 9 درجات
حليت 15 سؤال صح تاخذ 4
حليت 20سؤال صح تاخذ 5 >>> لاحظ 20 سؤال من أصل 40 يعني نص الأسئلة صح و ضمنت 5 بجيبك
و كذلك القراءة نفس الحسبة.
الكتابة و المحادثة لهم معايير خاصة بالتصحيح.
و هذا الموقع يحسب درجاتكم بالامتحان

http://www.aapress.com.au/ielts/engl...lts.html#ielts

و على فكرة الامتحانات إتصلح ببريطانيا .

" http://www.kuniv.in/vb/showthread.php?t=15532 " << المصدر



Aisha92 غير متواجدة حالياً   رد مع اقتباس
قديم 31-05-2011, 12:09:10 AM   #13
Aisha92
كــويــتــيــة
 
تاريخ التسجيل: May 2011
الدولة: Kuwait
المشاركات: 35

افتراضي رد: تجمع بنات الايليتز


الحين أبلش بتجربتي مع الاختبار:

مستواي قبل الاختبار : عادي حالي حال الطلبة بالجامعة.
هل التحقت بدورة تدريبية ؟ لا و أكرر و أقول ( نفس ما كتبت بموضوع سابق )
الموضوع هذا حيل تعبني ، آنا مع الدورات ، لكن لضيق الوقت ما مداني .

الكتب و المواقع اللي درست منها :

1-كتاب how to prepare to the ielts شريته من المجلس البريطاني مع السي دي >>> كلش ما عجبني ، بس فادني للقراءة و ما أنصح فيه.
2- كتاب ielts check your English vocabulary for the
تنزلونه من النت بصيغة pdf : يقوي مفرداتك بالانجليزي فقط >>> ممتاز هالكتاب.
3- كتاب كامبيردج ما أعرف إسمه بالضبط >>> يقدم مجموعة اختبارات بالأقسام الأربعة . >>> هم تنزلونه من النت بنفس الصيغة. >>> هم حلو.
4- للكتابة طبعت القطع من هالسايت
تسك 1 http://www.scribd.com/doc/3049072/IE...1-Graph-Part-I

تسك 2 http://www.scribd.com/doc/3008689/ie...100-plus-essay

>>> الصراحة قعدت بس أقرأ شنو الأفكار اللي ممكن أكتبها و قويت مفرداتي من المواضيع المكتوبة.
هذي له التوب ، النت متروس من المواقع عربي و إنجليزي ، غير المنتديات >>> و هذي الغلطة اللي طحت فيها تشتت بين المنتديات و المواقع بس النصيحة الذهبية : أفضل موقع والله العظيم أغلب أسئلة الامتحان تكررت منه هو :

http://www.ielts-exam.net/
فادني حيل بالاستماع و القراءة و كتابة تاسك ون ،، و تاسك تو حاطين نماذج بس أحس لازم في مدرس يقيم كتابتك ما ينفع تدرس من النت ،، المحادثة فيه أسئلة زينة و تكرر ،، بس فيه سايت فيه أسئلة احلى و تكررت معاي بالامتحان أذكره لكم بعدين >> الصراحة بدوره مضيعته.
الحلو بالموقع حاط الأجوبة المثالية ...
و الطريقة الحلوة للدراسة إنك تطبع الأسئلة ، لازم الأوراق إتكون بإيدك ،، عشان أول شي ما راح تمتحن أون لاين ،، ورقة اسئلة فتدرب على أوراق ،، ثاني شي عشان بالاستماع لازم تحط دائرة على الكلمة اللي تنطر تسمع جوابها >

.....




الامتحان كالتالي
1/الاستماع : 40 سؤال ،، مدته نص ساعة ،، عبارة عن 4 أقسام ،، محادثة بين شخصين تتدرج صعوبتها مع كل قسم ،، محادثة بين 3 أشخاص ،، محاضرة أو برنامج إذاعي و هكذا ..
بالامتحان يعطونكم كتيب الأسئلة الخاص باللسننغ ،، و راح تلبسون السماعات ،، و راح يتم تشغيل المسجل مرة وحدة بس ،، سرحت راح عليك سؤال إنساه و فكر باللي بعده ،، و بنهاية الشريط يعطونكم وقت تنقلون الأجوبة بنموذج الإجابات ، فالحل بالبداية يكون عالكتيب .
تدريبي على الاختبار كان من موقع
http://www.ielts-exam.net/

إدشون ielts practice test
أكرر و أقول لازم تطبعون الأوراق و إتكون بإيدكم لا تقرون الأسئلة من الشاشة،، تشغلون الريل بلير يقول لكم مقدمة و يعطيكم 15 ثانية تقرون الأسئلة ( أول 6 أسئلة مثلا )
الأسئلة : فراغات ، توصيل ، جدول إتكملونه ، اختيارات .. جدا بسيط..
مثلا اسم الشخص كاتبين الاسم الأول بعدين فراغ ،، تحط دائرة على كلمة name عشان لما يشتغل الشريط إتركز عالإسم .
في شغلة دايما إتكرر : إتكون محادثة بين شخصين ( إتصال هاتفي مثلا و واحد يسأل الثاني عن اسمه ، يقول له x ، اللي سأل يقعد يهجي الاسم و الثاني يعدل له حرف ، فلما اللي سأل يهجي الاسم على طول كتبوه و انتبهوا الثاني شنو يعدل له) و أيضا دايما يملون ارقام هواتف لحقوا كتبوها بسرعة.
الموضوع جدا بسيط و يبي له تدريب ،، أول ما تدربت كان الشريط يشتغل و يخلص و ما حليت شي ،، شوي شوي قمت أسمع بس أحل غلط !! مع الوقت صار الموضوع سهل >>> لا أحد ييأس..
إنتبهوا عالأحرف الكبيرة ، السبلنغ مهم إذا غلطتوا بحرف راح عليك الجواب ..
و هذي النصائح نقلتها حرفيا من العضو ( سيد المحبين ) بمنتدى ( جامعة قطر )


" http://www.kuniv.in/vb/showthread.php?t=15532 " << المصدر



Aisha92 غير متواجدة حالياً   رد مع اقتباس
قديم 31-05-2011, 12:09:49 AM   #14
Aisha92
كــويــتــيــة
 
تاريخ التسجيل: May 2011
الدولة: Kuwait
المشاركات: 35

افتراضي رد: تجمع بنات الايليتز


* القسم الأول : الإستماع listening :

** الإستماع Listening :
مده هذا القسم تقريبا 30 دقيقه تقريباً وهو مكون من أربعه أقسام وكل كل قسم عشر فقرات كالتالي :

القسم الأول والثاني : يتعلق بالحياة الإجتماعية :
القسم الأول :عباره عن محادثه بينشخصين تتعلق بالحياه الإجتماعيه مثلا شخص يتصل بالبنك عشان يسأل عن فتح حساب او شخص يسأل عن سكن معين .. الخ

القسم الثاني :عباره عن شخص واحد يقوم بسرد معلومات عن شئ معين مثل معلومات عن منتج معين او برنامج ترفيهي معين ... الخ .

القسم الثالث والرابع يتعلقوا بالحياه الأكاديميه
القسم الثالث :محادثه بين المحاضر وطالبين أوطلاب قد يكون عن نتيجه بحث معين أو كيف يقوم الطالب بعمل بحث او اي شئ من الأشياءالأكاديميه

القسم الرابع :عباره عن محاضره يلقيها إستاذ جامعي عن أي موضوع أكاديمي قد يكون الإنحباس الحراري أو أي شي يتعلق بالنبات ..

* * أنواع الإسئله لهذا القسم :

تتنوع الأسئله فيهذا القسم فمرة يكون هناك جدول تقوم بإكمال فراغاته ومرة يعطونك خريطة ومن خلالالوصف تسجل اسماء الأماكن المفقوده ومرة يضعون نوته وانت تدون بها البيانات الناقصة .. الخ .


** نصائح عامه متعلقه بهذا القسم :
1- اول ما يشغلون الشريط بيكون تجربة وايجربون اذا الصوت يوصل لكأو لا .. اذا كان في مشكلة بالصوت او انك ما تسمع لا تخليهم بلغهم عشان ايعلون على الصوت او يغيرون مكانك لأن وصول الصوت بطريقة مريحه لك يساعدك في الحل وفي التركيزعلى الإجابة..
2- ركز في الكلام اللي ايقوله المتحدث ولا تعطي نفسك ثانيةوحده للسرحان في الإمتحان لأن اي كلمة تنقال او معلومة تنذكر ما راح تنعاد حتى كنتتعرف المشرف على الإمتحان نفسه خخخ..




3- فيبداية كل قسم راح تلاقي مثال محلول انت لا تهتم بالمثال بقدر ما تهتم بآخر كلمةبالمثال عشان بعدها بيبدأ السؤال الثاني واللي يحتاج منك لحل وهذا من مميزات امتحانالآيلز .. كل شي متسلسل .
4-راح تنعطى دقيقه تقريباً قبل كل قسم عشان تقرأالإسئله إستغلها وحاول تخمن نوع الإجابه المطلوبه مثلا رقم أو إسم شارع.... إلخودون ملاحظاتك لو بالعربي
5- الجميل فيامتحان الإستماع انك تقدر تسجل على ورقة الأسئلة ملاحظات قد ما تبي بعكس التوفلوبعد ما ايخلص الإمتحان يعطونك عشر دقايق تنقل اجابتك لورقة الإجابة ( تبيضها ) عشان كذا اكتب ملاحظات قد ما تبي .
6-في بعض الإجابات عندك خيارات مثلاًالحل مسجل عندك ( التاريح أو الجغرافيا او الفيزياء ) فركز على كلام المتحدث ولاتخليه ايضيعك عشانه ساعات ايقول مثلا احب التاريخ ولكني اعتقد ان متخصص واحد فيالعائلة يكفي لذا افضل الفيزياء .
7- في امتحان الآيلز لو تحاول تسمع نفسالكلمة وتلاقيها جاهزة .. من الأشياء المميزة لإمتحان الآيلز ( الإستماع ) انهايجيبون المترادفات ويستعملونها بكثره عشان كذا ممكن تلاقي في السؤال كلمة وفيالإجابة المترادفة لها مب ضروري نفس الكلمة .
8- في غالبية الأسئلة يطلب منكما تكتب اكثر من 3 كلمات في الفراغ فلا توفر اي كلمة سمعتها ( يعني مثلا ايقول كانشعره اسود مجعد ) انت تسمع ( بلاك وتسجلها ) لكن تنقصك هالدرجه لأنهم يبون ( اسودمجعد ) ..
9- بما ان الأسئلة متسلسة في المحادثه فإذا طافتك معلومه حاولتنتقل مباشرة للسؤال اللي عقبه ( اتضيع سؤال ولا تقعد تحوس وتضيع الباقي) ..

و قريت نصيحة بكذا منتدى و طبقتها بمتابعة قناة bbc الإخبارية


" http://www.kuniv.in/vb/showthread.php?t=15532 " << المصدر



Aisha92 غير متواجدة حالياً   رد مع اقتباس
قديم 31-05-2011, 12:11:03 AM   #15
Aisha92
كــويــتــيــة
 
تاريخ التسجيل: May 2011
الدولة: Kuwait
المشاركات: 35

افتراضي رد: تجمع بنات الايليتز


2/أسئلة القراءة : بمجرد تجميع أسئلة الأجوبة سيتم توزيع أسئلة القراءة >>> ما في بريك
ثلاث قطع و عليها 40 سؤال ،، مدة هالقسم ساعة كاملة ،، فخصصوا 20 دقيقة مثلا أو أقل حق كل قطعة ،، و بنهاية كل قطعة إنقلوا الأجوبة لنموذج الإجابة ،، هو نفسه اللي كتبتوا فيه أجوبة الاستماع بس تقلبون ظهر الورقة ،، و ما راح يعطونكم وقت تنقلون الأجوبة بنهاية الامتحان نفس الاستماع ،، الحل يكون بقلم رصاص على فكرة ،،
القطع تتدرج بالصعوبة ، مو شرط أول قطعة إتكون هي السهلة،، في البداية ألقوا نظرة عامة على القطع و قرروا تحلون السهلة أول شي.

مستحيل تقرون القطع كاملة ،، الامتحان جذيه ،، ما يعطي وقت للقراءة ،، يبونكم تستخلصون الإجابة بنظرة سريعة >>> خاف صج
المهم
تقرون العناوين ،، شوفوا الصور و الرسوم التوضيحية ،، اقروا أول سطر من كل فقرة ( التوبك ) و حطوا تحته خط ، لاحظوا الأرقام و التواريخ و الأسماء بعدين قلبوا عالأسئلة ،، اقروا السؤال عدل شنو يبي و ردوا عالقطعة دوروا الإجابة المطلوب>>> يبي له تدريب
طبيعة الأسئلة : خيارات ، توصيل ، صح و خطا ، فراغات
نوعية السؤال لازم تفهمه يعني صح و خطأ مو تجاوب بإشارة صح أو خطأ ، تكتب True أو right حسب شنو
يبي .
مثلا الاختيارات ممكن a b c و ممكن أرقام ،، فبنموذج الإجابة انقل جوابك صح لا تروح عليك الدرجة.

السايت اللي فادني هنيه هو http://www.ielts-exam.net

طبعت القطعة و طبعت الأسئلة و حليت ،، و قارنت إجاباتي ،، بس يبي لها مدرس لأن حيل صعب هالقسم

لأن بالامتحان آخر قطعة كانت صعبة حيل كلها مصطلحات طبية ،، ريحت راسي و قعدت أشير ..

في شغلة حيل حلوة هني طبقتها و فادتني و هي إنه الجواب لا إدورونه بنص الفقرة ركزوا على أول جملة و آخر جملة بالفقرة.




و إذا ما لقيتوا ركزوا على ثاني جملة بالفقرة و الجملة قبل الأخيرة بالفقرة أكيد فيها الجواب.
الكل يشتكي من الوقت إنه ما يكفي ،، و بالفعل الوقت يركض فالسرعة مطلوبة ،، ما عرفت سؤال إقلب عالثاني لا إضيع وقتك و بالأخير شير اللي ما تعرفه لا تخلي شي فاضي.
في غلطة كبيرة إنتبهوا عليها و هي نقل الإجابات بالنموذج بترتيب خطأ فمثلا حليت و خليت رقم 6 فاضي ،، لما تنقل إجاباتك تنقل جواب 7 بمكان 6 و جواب 8 بمكان 7 و هكذا لي نهاية السؤال ال 40 كل الإجابات غلط.
فبالتدريب نقلوا بالفورمة مالت الأجوبة ( موجودة بكتاب كامبيردج ) و موجودة بالنت ، لا تقولون بالامتحان أنقل..تدربوا من الحين ..
و أول شي حلوا قطعة ، بريك الثانية ،، بس إذا فهمتوا الموضوع حلوا 3 قطع ورى بعض و حطوا المنبه ساعة كاملة عشان تعيشون جو الامتحان .



بالفراغات نقطة مهمة إنه الإجابة ما إتعدى 3 كلمات no more than three words<<<سواء استماع أو قراءة.

و في الاستماع إذا خلصت أول قسم راح يعطيك 10 ثواني أو أكثر عشان إتراجع إجاباتك ...لا تراجع إستغل هالوقت عشان تقرأ الأسئلة اللي وراها مع ال20 ثانية اللي راح يعطيك إيها لقراءة الأسئلة و بجذي إتكون حصلت عل وقت كافي لقراءة الأسئلة
بعدين ركز السؤال شنو يبي : رقم / تاريخ /اسم....لا تجاوب شي ثاني

إذا تغيرت نبرة صوت المتحدث أو سكت شوي معناته انتقل للسؤال اللي وراه

بالنسبة للقراءة راح يكون حال لكم مثال في بداية الأسئلة جنه يقول لك دور عالأجوبة بالفقرة الفلانية >>>>إقروا المثال المحلول
في كتاب حلو ما قريته كله بس و الله مفيد <<<<نزلوه من النت هو
101 Helpful Hints for IELTS


" http://www.kuniv.in/vb/showthread.php?t=15532 " << المصدر



Aisha92 غير متواجدة حالياً   رد مع اقتباس
إضافة رد

اكثر الكلمات بحث
الايليتز, تجمع, بنات

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 05:46:08 PM.