منو سوت خلع جراحي للاسنان ...؟؟؟ بليز اطمني :(

السلام عليكم

بقولكم تجربتي الفرش حق يستفيدون الخوافات مثلي :tongue22:

انا كان عندي خوف مب طبيعي من علاج الاسنان حتى الحشو ماتحمله ماحس بالبنج ودكتوري كان يقولي لو تجربين علاجات ثانية شبتسوين .. اظل ارتجف طول الوقت تقولون صايدني شوط كهربا :eh_s(16):

الموهيم دارت الايام وطلع لي ضرس العقل وهوايله وآلامه لا ليلي ليل ولا نهاري نهار ورحت لدكتوري نفسه من يديد وقالي لازم قلع :eh_s(1): وهو يضحك يعرفني خوافة رديت البيت وانا اقلب بكل المنتديات والمواقع واجوف التجارب واطرح استشارات وقريت عن واحد مات لما قلعوله ضرسه وانا زدت عقدة فوق عقدتي ولكن لامفر ضغطت على نفسي وقلت ماكو حل ثاني........ :yaaaaaarb:

ورحت للدكتور ومايحتاي اوصف الحالة اللي كنت فيها فيلم رعب :eh_s(11):
ضربني ابرة البنج اوووووووووووووووووووووووووووووووووج تأأأأألم صرخت :016اقوى من العادية بوايد وفي اللثة مب الخد)
قالي اهدأي شوي وبيي اقلعهه لج عقب قالي غمضي دقيقة ومادري شسوا ماحسيت بولا شي الا يقولي خلاص شلته :eh_s(1):
من الوناسة قمت اضحك ماتوقعت القلع سهل جذي طبعا من غير الابرة (تعور)
وبعدها يخيط مكان الجرح وسهالات جدا ماتحسين بشي

وهاذي اول مرة بحياتي اطلع من عيادة اسنان وانا مرتاحة :ggdw:

طبعا بعد مايروح مفعول البنج اييج الم قوي لكن المسكنات تقوم بالواجب فاشتريها قبل ماتروحين البيت .......

وبس عندي حجي وايد بس استحيت اقرق ازيد :krkrkr:
سلامتكم من كل شر
:eh_s(17):

شلت مره ضرس كان فيه حشوه وملتهب بغيت اموت من العوار قعدت اصرخ عندهم

ومره ثانيه شالولي ضرس بعد بس ماتعورت كلش كلش

مادري شالفرق !!!

لا تحاتين مايعور بس صداع خفيف بعد مايروح البنج
امس خلعت 8 اسنان جراحة وخيطلي مكان الخلع
المفروض انهم 7 اسنان
بس بعد ماشال ضرس العقل لقوا تحته ضرس عقل ثاني
يعني <<< 2×1 عقل

لو ماتخافين بحطلج صورة الاسنان لاني مصورتهم بعد الخلع ((شكلهم يخرع))
توكلي على الله
ولاتتركين ضروس خربانه تاثر على باقي ضروسج السليمة

نفسيتي تعبانه لازم اخلع ضرسي وانا جبانه حتي دكتوري خاف وعطاني ميكن وقال روحي وتعالي بعد ما تهدين &#55357;&#56877;