مساء الورد
شخباركم يا عرايس ...
شلونكم مع التجهيز , الله يعينكم
ماتلاحظون خذتنا السوالف عن التجهيز
والأسواق والمحلات والأتيليهات والمشاغل
ونسينا شغله صغيره ومهمه حيييييييييييل
(( جنطة الفندق ))
طبعاً الأغلبيه عارفين إن أغلب العرايس
أول ليله يرحون فندق وبعظهم يروحون لشقتهم
والمعروف إن لازم العروس يكون معاها جنطه
فيها أغراظها الخاصه , مو معقوله من أول ليله
بنفنوفج والتسريحه والويه تقعدين إدورين بالكبت
على القميص وإطلعين مكياجج من الدراج وووو الخ
فـ لازم يكون معاج جنطه تحطين فيها :
القميص الأبيض ( قميص ليلة الدخله )
طبعاً عقب ماتخلصون من الشيسمونه أحم أحم
بتروحين الحمام تغسلين وأكيد ماراح تطلعين
بنفس القميص الي كنتي لابسته فـ لازم يكون
بالجنطه بجامه حرير فيها شغل ناعم أو قميص
طويل حلو
بجامه حرير
أو
قميص طويل
وطبعاً أول ماتردين لازم تغسلين مكياجج عشان
يشوفج على الطبيعه يعني تحطين مكياج نااااااعم
قصدي يكون معاج مقلمة مكياج
تحطين فيها :
كحل أسود
مسكره
كريم أساس
علبة شدوات صغيره ( الألون حسب الرغبه )
بلاشر
قلوس ( يفظل ألوان فاتحه )
أيلينر ( كحل أسود سايل )
اذا حابه ترسمين عينج رسمه نااااعمه
وأهم شي بالجنطه تحطين نفنوف الصباحيه
اذا حابه ترسمين عينج رسمه نااااعمه
وأهم شي بالجنطه تحطين نفنوف الصباحيه
لأنج ماراح تردين لشقتج أو لبيت حمولتج
بالبجامه عشان تاخذين بدلة الصباحيه
وإكسسواراتج وكعبج فـ لازم تكون بالجنطه
وسلامتكم وعسى الله يوفق كل عروس
ويهنيها بحياتها الجديده ويسعدها
ويبعد عنكم العين والحسد ويرزقكم
زريه مؤمنه صالحه اللهم أميييييين
ويهنيها بحياتها الجديده ويسعدها
ويبعد عنكم العين والحسد ويرزقكم
زريه مؤمنه صالحه اللهم أميييييين
أتمنى أكون أفدتكم ولو بشي بسيط
تحياتي (( راقيه وجذابه ))
