حياكم في الديوانية الخاصه لإللي صدرها صغير
// افتحي قلبج ,, اشكي همج ,, احمدي ربج \\
شلونكم وشخباركم يا احلا بنات ,, اسمحولي ارحب فيكم بهالموضوع المتواضع
إللي ما سويته إلا من كثافة مواضيع البنات اللي متضايقين من صغر حجم صدرهم
ويتمنون بطريقة مــا يكبر , وانا وحده منهم
وكل وحده فيكم متضايقه فا حبيت اجمعكم نسولف ونتكلم بهالموضوع وكل وحده تقولنا شنو استخدمت وشنو اثر عليها وشنو اللي جابلها نتيجه وإللي ما اثر فيها شي حياها معانا
تدردش وتستفيد
صحيح ان الصحه والعافيه كنز عظيم ونحمد ونشطر ربنا على هالنعمه وعساها ما تفارق اي مسلم ولا مسلمه , والكل منا يا بنات رضا بامر ربه لكن مهما يمر فيج الوقت تشتاقين للمسه جماليه
وخاصتا لما تكون انثويه وخاصتا لما تكونين متزوجه صح ؟
مصيرج تعيدين التفكير بهالموضوع وتتمنين صدرج يكبر وتبحثين بعدة طرق لتكبيره
بالاول والاخير نحمد ونشكر ربنا وعسى الله يتم ويديم علينا نعمة الجمال ويرزقنا بإللي نتمناه
بالأول بقولكم تجربتي ...
* انا نوعيتي اذا اخذت حبوب تمتن جسمي يمتن كله الا صدري!! وكنت اتضايق:bbbiu:
* استمريت على حليب الصويا لمدة 3 شهور وباليوم اشرب تقريبا كوبين
ولا اثر على حجم صدري ! بالعكس فتح شهيتي وزاد وزني !!
* شريت كريمات واااااجد طبيعيه وطبيه من الصيدليه وهم شريت كريمات من مصر وسوريا و ولا جابتلي اي نتيجه !!
* شريت جهاز من صيدلية الغانم امدحوه لي حيــــــــــــــــــــل وسعره 35,500
يشتغل عن طريق اهتزاز للصدر وهم ما سوا شي وماكان مثل ما انا كنت متخيلته من ناحية الاهتزاز وهاذي صورته
* وشريت من بنات المنتدى زيوت وكريمات و ولا جابت لي نتيجه وللعلم انا نوعيتي استمر بالشي
واشجع نفسي عشان ما أمل وأزهق يعني لا احد يقولي يمكن انتي ما تصبرين وتستمرين!!
وطبعا قالولي ان بعد الزواج يكبر مع ان هالفكره ماكانت احبذها لان مو وحده تصدف معاها , والحمدلله تزوجت وحملت و هذا اهو صدري
قلت خلاص انا سويت اللي قدرت عليه ودايم ادعي ربي يستر علي من هالكريمات والحبوب الي جربتها ورضيت بحالي ,, بس مع مرور الوقت لابد اشتاق او افكر لان كل شخص يفكر بإللي ناقصه
او وده يبرز شي جمالي انثوي فيه , فا اكتشفت نهائيا ان تكبير الصدر يا عن طريقة الحقن بالدهون , او عن طريق السيليكون لكن طبعا بالشي المعقول
اتصلت على كذا مستشفى خاص معروف وكلمة الدكتور شخصيا وشرحلي طريقة العمليه
وقالي اشكثر يجوني بنات اسوي لها العملية وباليل يطلعون عشان ابوهم او خوانهم بس يكونون مضبطين الوضع مع امهم و خواتهم وقالي انها امنه اثناء الحمل والرضاعه وكلام واجد
واغلب الدكاتره تتراوح مبالغهم من 1500 لي 200 دينار وكل حجم له سعر
اما الشغله الثانيه في دكتوره شاطره جدا واكتشفت ان عندها زحممممممممممممممممه من بنات الكويت انها تاخذ الدهن الزايد اللي بجسمج بالمكان اللي ما تبينه مثلا من البطن
او من الخلفيه او الفخذ وتحقنه يا بالخد او الشفايف او الصدر وقالت طريقه امنه وممكن الدهن الزايد اجمده لج ومتى ما بغيتي تتفخين مكان ارد احطه فيج
وحده اعرفها اخذت دهن من بطنها (بما ان عندها عيال فا الدهون تكثر في البطن اثر الحمل) وحطت شويه في خدودها وصدرها وخلفيتها وصار جسمها
واااااااااااااااااااااااااااااو
فا انا افكر اسوي صدري عن طريق الدهون:eh_s(10):
بس هم بنفس الوقت اخاف من المستقبل اني هيجت منطقة الصدر او تعبثت فيها!
مع انها عن طريقة مستشفى وشي طبي وموثوق فيه بس لابد يصير فيننا الخوف ونتمنى يكون شي طبيعي ,, وبنفس الوقت في بنات واااااااااااااااااااااااااااجد مجربين و ولا فيهم شي ومستانسين واذا احد سالهم يقولون احنا ماكلين شي يمتن لان شكلهم طبيعي جذّاب:ggdw:
بالنهاية اسفه عالإطاله وحبيت اشكر كل من دخل موضوعي , واتمنى الكل يستفيد وان شاءالله هم انا استفيد من تجاربكم واللي طبقت شي وضبط معاها لا تبخل علينا لان كلنا خوات وعلى قلب واحد
واذا ما عجبكم موضوعي اشكركم على قرائته:eh_s(7):
