تفهمين بسلم الترقيات والدرجات؟؟

حبيبتي الدرجات الوظيفية تحسب لكل موظف حسب شهادته الي يتعين عليها في ديوان الخدمة

وبما انك معلمة فانتي تتعينين عالدرجة الرابعة لانك جامعية " جامعة الكويت + التعليم التطبيقي "

وتبقين في الدرجة لمدة 5 سنوات في نهاية الخامسة تترفعين من اخر مربوط الرابعة للخامسة

هذا لو ترفعتي بالاقدمية ..... اما لو ترفعتي بالاختيار فاى درجة بالاختيار تقدمك سنتين منها السنة الباقية من اخر درجة

+ سنة من الدرجة الجديدة التي ترشحتي لها + ترفيع في عدة بنود مادية مصاحبة لها "مثل العلاوة الاجتماعية والعلاوات المصاحبة

والدرجات للمعلم تبدا من الرابعة بعدها الثالثة بعدها الثانية بعدها الاولى بعدها " ب " بعدها " أ "

هذا فيما يتعلق بالدرجات ...

اما المستويات الوظيفية للمعلمين فهي تبدأ ب هـ للشهادات الدبلوم وتبدأ بـ د للبكالوريوس وتترفعين بعدها ج ب أ

اتمنى اكون فدتك يا غلااهم ...

جيتك تعال ،،، شرح وافي
وحبيت ازيد بالنسبه للمستوى الوظيفي،،، تترقين علي الامتياز ،، يعني ممكن يكون احد الدرجه الاولي ومازل مستوي الوظيفي د !!!!!!

باختصار ،،،، كل امتيازين ورا بعض بالسنوات ،،، يرفعج مستوي

ماعدا المستوي الف ،،،، يبيله اربع سنوات ( وهذا اللي ناطرته انا))

يعني مع هالكادر الراهي اللي راح يقروونه ،،، شدي حيلج علشان الامتياز


واي سؤال حاضرين

انا اللي اعرفه باختصار بالنسبه للدرجات اول ماتتوظفين تكونين الدرجه الرابعه طبعا شهادتج بكالوريوس وبعد 5 سنين تصيرين الثالثه وجذي كل جم سنه على حسب اللي اهما حاطينه تترقين

اما بالنسبه ل ا - ب - ج يعني كل سنتين ورا بعض امتياز تترقين يعني اول ماتتوظفين انتي د اتييبين امتياز سنتين ورا بعض تصيرين ج عرفتي وجذي

البنات كفو و وفو

معلومة اضافية بالنسبة لترقيات الاختيار

يترقى الموظف بالاختيار اذا كانت تقاديره الثلاث الاخيرة فوق ال 94 ومستمرة في الصعود للسنتين الاخيرتين

يعني مثلا 94 - 95 - 97 وهكذاااا

وانا بعد درجه ب

وهاذي ٨ سنه

والحمد لله تقاديري امتياز

اكووون على درجه؟ هذاا اللي مو فاهمته


يبين هالشي بشهادة الراتب او وين ؟

حباايبي المستوى الوظيفي شي ... والدرجة شي ثاني

ومو شرط تكونين ب ولازم تكونين على درجة محددة ... لا

ولو طلبتي تقرير راتب راح يبن لك الدرجة الحالية لك

ورااح يبن لك المستوى الوظيفي لك

لذلك لا تربطون بين الدرجة والمستوى الوظيفي