مرحبا اختي
اول شي حياج الله وبتنور الدوحه بوجودج ووجود كل من ينوي يزورها
بالنسبه للفنادق
يعتمد حسب انتو شنو تفضلون
اذا تبون الهدوء والرومانسيه
فا انصحكم بالرتز كارلتون
الفورسيزن
شرق فلج
دبليو طبعا
الشيراتون (صحيح من اقدم الفنادق بقطر بس مازال متربع على القمه وغرفه تينن ويكفي اطلالته)
والانتركونتننتال
اذا انتو مجموعه وحابين فندق يكون غرفه واسعه اكثر وعمليه اكثر وبنفس الوقت حلوه فا انصحكم
بموفنبيك تاور رااااااائع غرفه حلوه واطلالته رهيبه صحيح مافيه لوبي كبير ودلع نفس الفنادق الي ذكرتها فوق لكن غرفه روعه وشرحه وواسعه
وطبعا احدث فندق حاليا على نظام سويتات كمبنسكي (خيااااااااال) يعتبر شقه فندقيه لكن من النوع الراقي جددددددا
وفيه شقق فندقيه بعد تجنن اسمها سمر ست وموقعها رهيب في قلب الدوحه
وفي رتاج الريان ماشفته لكن يمدحونه وااااااايد
طبعا انا لو بيخيروني ما اسكن غير شرق فلج اموووت في اجوائه بالذات لا صار الوقت شهر 10 او 11 قبل البرد عشان تستفيدون من السباحه بالبر الشاطئ ماله ايجنن وفيه خصوصيه والغرف خيااااااااااال مصممه على طراز اندلسي قديم وفيها فخامه عجيبه غير طبعا السبا ماله الفندق اللي هو sex senses spa
هذا سبا عالمي معروف وفي الشرق الاوسط كله بس موجود في الدوحه في هالفندق
جربت سبا الريتز كارلتون بعد حلو لكن الجو العام حق سكس سنسز احلى
نجي حق الاسواق
انا بالنسبه لي احلى واشرح مجمع هو اللاند مارك
مع ان الناس اكثرها تفضل الفيلاجيو وانا احبه بعد لكن اللاند شرح ومحلاته نطاقها اوسع بالذات لارحتيله بالنهار يشرح القلب
الفيلاجيو اللي يميزه انه فيه قسم خاص للماركات و محلاتهم صج صج تفتح النفس
وفيه مطاعم بعد وايد حلوه
ايي بعدهم الستي سنتر بعد حلو وكل شي فيه و فيه محلات عبي وايد في التوسعه الي ورا ستار بكس الي بالطابق الاول
واذا تبين فساتين سهره حلوه ومميزه عندج في مجمه الرويال بلازا في الدور الاول محلين او 3 جنب بعض فساتينهم حلوه بس احلى واحد الي صاحبته سعوديه نسيت اسمه لكن فساتينه صج صج رااااااااااااقيه والرويال هادي وموكبير وايد بس تلاقين فيه شغلات مميزه وفيه محل عبي حلو اسمه داري
اذا معاج اطفال انصحج تودينهم جنغل زون في حياة بلازا الي جنب فيلاجيو راح يستانسون وناسه مو طبيعيه
انيي حق سوق واقف
طبعا انصحج تروحيله غلى اخر النهار لانه محلاته مفتوحه مو مسقفه بس روعه
شعبي طبعا بحت
فيه المطاعم الراقيه وفيه المطاعم الشعبيه الي قعداتتها كراسي خشب ويشوونلج كباب وتكا وجبده واييبون الجاي بقوري شي عجيب
وفيه مطعم اسمه لوجورميه وايد حلو
واذا تحبون الكباب عندج مطعم عراقي اسمه الاعظميه وفي اصفهان الايراني اينن بعد وفي المطعم اليمني يسوي مندي خيال
وفي زعتر وزيت و كافيهات واذا انتو من عشاق العصير انصحج تشربين من محل عصير اسمه مندرين صاير مقابل المطعم الاطالي لازق في سكند كب عليه عصير واااااااااااو خيال طلبي عصير شادي او حمد
انيي الحين حق كتارا
عباره عن مكان كبير وشرح وواسع على البحر اول ماتسفطين تلاقين الغولف كار تاخذج تلففج بالمكان وتوقفج بالمكان الي تبينه
انصحج انصحج تروحين خان فاروق
مطعم مصري بس شنووو والله لا رحتي ماودج تطلعين طبعا كتارا حلاته تروحين تشوفينه على العصاري قبل الغروب عشان تستمتعين بالمنظر بس خان فاروق روحيله عشا فيه تخت شرقي يونننننننس والاجواء والديكوريشن والاكل مصري 100% انصحج جربي المسئعه واااو والفلافل المحشيه مع الطحينه يمي يمي والكشري والملوخيه والكباب والكفته والفطير المشلتت كل اكله روعه صراحه
وبعد زعفران الهندي اكله لذيذ وعندج التركي سكر باشا مامدحوا اكله بس قعدته حلوه وفي مطعم الوزار سي فود اكله خيااااال وفي وايد مطاعم وقعدات وبالويك اند يحطون ستيجات عالبحر ويسوون حفلاات حتى سوق واقف كل ويك اند حفله و دقدقه ووناسه
بس نصيحه لاتطوفون خان فاروق
واخيرا اللؤلؤه
مشروع فخم و راقي جدا
عباره عن مرسي يخوت وعلى الناحيه الثانيه ممشى كبير نفس طريقة الجي بي ار ووك في دبي ومقابله دايركت محلات ماركات من افخم و اغلى الماركات العالميه وبين كل جم محل و محل كافيه ولا مطعم
في ايطالي وفي فرنسي وفي كافيهات مثل سكندكب و هاقنداز في ه انتروكوت مال الستيكات وفي برج الحمام و لحمبين الاكل الغريب والفناتق في مطعم اسمه ميز هذا صاجبه اهو مال برنامج مطبخ الجحيم اذا تشوفونه الي يختبر طباخين والي يسوي اغرب طبق يشغله في واحد من افرع مطاعمه فالعالم بعد اذا ماخاب ظني في الشرق الاوسط كله بس موجود في الدوحه هالمطعم
وفي جوكلت بار وجم كافيه بعد بس قعدته شررررحه ترد الروح بالذات لا صار الوقت بعد ماغابت الشمس والجوحلو ماودج تطلعين
هاذي نبذه مفصله اتمنى اني قدرت افيدج وافيد الجميع و اي استفسار انا حاضره وحياكم الله جميعا تنورون لبلاد بجيتكم
