انا انظلمت وحوبتي صابتهم

السلام عليكم -- انامحتاجة احد يساعدني لاني تعبت من اللي انا فيه --- انا انظلمت واتهمت بشىء انا ما سويته --- وقولوني علي اقوال انا ماقلتها وفعايل انا مافعلتها --وانخنت من اقرب الناس ما توقعت انهم يخونوني --- وشهروا فيني بالمجالس -- وماني عارفة اشلون ادافع عن نفسي وارد كرامتي وسمعتي والناس اللي خسرتها --- ماقدرت اسوي اي شيء --غير اني افرش سجاتي وادعي ودموعي على خدي ومن قلبي في ذاك الوقت لواحد لا يخاب الرجا فيه ان الله ينصري وان الله يكفنيهم بما يشاء --- وتحسبت عليهم --- وفيه مثل يقال الباب اللي يجيك منه الريح سده واستريح -- طبقت هذا المثل وتوكلت على الله -- وخمس سنين وانا الناروالبقظ والحقد بقلبي من الظلم اللي انا شفته -- وتبون الصراحه ياليتني مادعيت عليهم --- لاني قاعده اشوفهم قاعدين يضررون ويتالمون --- واللي ينضرون فيه ماسرني -- ولا انا راضيه باللي يصيرلهم --- لكن قدر الله وما شاء فعل --- واللي حولي من كلامهم ونظراتهم يقولون حوبتك--
سؤالي -- هل فعلا المظلوم يستجاب دعاءه علي من ظلمه $--- هل فعلا فيه حوبه $-- هل علي ذنب لما دعيت عليهم وتحسبت وانا فعلا انخنت وانظلمت بنفس الوقت فتخيلوااحساسكم بالخيانه والظلم $لما انا احس انها فعلا حوبتي هل علي ذنب $ لما الناس تقولي هذي حوبتك علي ظلمهم لك $ واقولهم لن يصيبنا الا ماكتب اله لنا-- يقولون نعم لكنها حوبتك-- ياليتكم تجاوبون علي سؤالي لاني تعابانه -- واللي تاعبني فيه ناس تتضرر مالها ذنب والسبب اهلهم --وذنب اهلهم-- وانا اسفه اني طولت عليكم --

ياليت الداعيات يردون علي ---وخواتي اللي مروا بموقف مثل هذا ---

##سبحان الله## قال:

اختي يمكن هالضرر لهم بلاء من ربي وامتحان وتخفيف ذنوب مو شرط من حوبتج

أنقر للتوسيع...

الله يجزاك خير --- اتمنى من كل قلبي انه امتحان وابتلاء لهم من رب العالمين ---- ولا تكون الحوبه لاني ماحب اضر احد --

*حوراء* قال:

اختي انصحج نصيحه اخت واتمنى اتطبقينها واتشوفين حياتج بتغير
انتي جذي صارلج 5 اسنين لاطبتي ولاغدا الشر اول شي لازم اتجاهلينهم وماتردين ولااتحاولين اتردين عليهم
ثاني شي عليـــــــج بالدعــــــــــــــــاء وبالذات بالسجـــــــــــــود وادعي بشي في فايده لج موباحقاد وبس ترا الحياة ماشيه عيشيها ولاتستعجلين الله وعد المظلـــوم بالنصر وبالدعوه المستجابه ثالثا ركزي على تغيير حلو في حياتج حاولي اتطورين من نفسج تشغلينها عن التفكير اللي ماله معنى مثلادشي نادي سوي مشروع ولو بسيط اشتركي بمجله

أنقر للتوسيع...

اختى حوراء اشكرج علي النصيحه وكانك تدرين كل اللي قلتيه طبقته خلال خمس سنوات واكثر وصار تغير حيل بحياتي وقلتلكم الباب اللي يجي منه الريح سده واستريح ومافتحت اي مجال للوصل بيني وبينهم ووكلت امري لحبيبي الله الواحد الاحد القادر على كل شي وماتمنيت احد غيره -

جزاكم الله خير على ردودكم الطيبه -- وكنت دايما ادعي ربي واقول عساني ابات مظلومة ولا ظالمة ---

وتكفون بنات لا تدعون على احد قولوا الله يسامحهم والله يهديهم وصدوا عنهم --- والحمدلله على كل حال -----