تكفون شوووروا علي شنو اسوي..؟

مسااااء الورد..:eh_s(17)::eh_s(17):

شلوووووووونكم يالغاالين ...
والله ما ادري من وين ابدا ابي منكم النصييحه وابي تشورون علي شنو اسوي..؟

انا الله يسلمكم خوافه درجه اولى وما عندي لساااان ارد وردي بس اخاف ..
تزوجت والحمدلله الله تمم على خير وعندي ماشالله تبارك الله حموااات وااايد
وعندي طبعاً ( خااااله)
ما اقولكم احبهااا ولا اكرهاا بس اتوقع اني مع الايام بكرها اها وحماتي الصغيره..

اممممم محتاره شلون اكتب..

حماتي الصغيره لو اقولكم كلها تجميل شوي والله وحاطه دوبها ودوبي وانا مالي شغل ولا والله كافه خيري شري عمرها 24 اكبر مني بسنتين
واهيا على فكره مو معاي بالبيت متزوجه بس والله ما اخلص منها صج صج بديت اكش منها والله وموشي اني اكرها لاني لا كرهت اووووف موشي..

وخالتي الله يسلمكم نفس الشي والله مو مقصره بحقها
اهيا منفصله عن عمي وبيت بروح نروح لها كل زواره وبالاسبوع نروح ساعات
بعيد الام يبت لها الهديه السنعه وعيد ميلادها هم والله من الشايع ذاك الطقم الي على قولتها لا بغيت الفحم لقيته والعط والبخورر والذوووق كله والله وبكل مناسبه ادش موخاليه

انا متروووسه شوي ومن يوم خذوني واهما شايفيني متروسه مو ضعييفه وعمري ما وصلت درجة الضعف
كل ما قعدوا هذولي الثنتين قالوي اي وجدام ريلي مرتك متيينه وحتى لو يروح بروحه هم يقولوله والله
وتوا توا وصلني خبر ان قاعدين الخوات كلهم ويايبين طاريي ورادين هالثنتين وقالين اي اهيا اصلا (دبه) ومتينه والله يا بنات يقولولي خواته واهذي الصغيره انها كانت متيييييييييييييييينه وبعدين مع التجميل واللويه صارت ضعيفه
وكل ما تحجوا قالوا متينه لان مولاقين شي يتحجون فيه عني لاني اركض بكل مناسبه وادش بالهدايا والشغل السنع لان امي مربيتني عسى عمرها طويل ع السنع ويتحجون عني وخواته الكبار رادينعلى اختهم والام حرام البنت موقاصرها شي سنع واصل وجمال وبياض واذا ع السمنه عودها جذي اوووف تعبت منهم هالثنتين والله والام بس تشيش بالولد تعببببت واكثر مشاكلنا واهواشنا امه مافي شي غيرها والله

شوووووروا علي شنو اسوي والله انكم خواتي ولم احترت قلت مالي غيركم تكفوووووووووون تعبت والله ما ابي اكرهم ماااا ابي :eh_s(11)::eh_s(11)::eh_s(11):

مشكوورين بنات ع الردوود ...
والله مو متينه حييل لاااا مستحيل اوصل لسالفة المتن حيييل لا والله
انا متروووسه بس..

وانا ما اقول لريلي اي اي اي اي اي اي شي اسمع واسكت واطوف لان ما ابي حياتي تخرب من القيل والقال لاااا والله ..
وانا كاافه خيري شري والله يا بنات..

مشكووورين ويعطيكم العافيه..

والي قالت لي خالتج بعيده صح بعيده بس الفون موجود وكل ساعه والله انها تعرف وين يروح وين ايي اكثر مني الله المستعان وطاااااااااااااااااااااااااااااااااف على قولتكم ..