بسم الله الرحمن الرحيم
بنات اقروا المعوذات لو سمحتوا قبل ما تقرون سالفتي :bbbiu:
اسم الله عليكم ليش خايفين ؟ ترى ماكو الا العافيه , دشوا دشوا
اللي راح اكتبه لكم حادثه صارت لي شخصيا من ثلاث سنوات تقريبا, القصه طويلة بس انا بختصرها قد ما اقدر, واتمنى ان قصتي تكون عبرة تستفيدون منها. وعلى فكره الحوارات طعمتها بنوع من الفكاهه علشان ما تملوووون
ذيج السنه كنت راده من دراستي بره وكالعادة الاهل وايد مستانسين بردتي, التقيت بوحده تصير لي وكنت قاعده ادردش معاها بدارها, جان اتذكر ان امس ياني "ياثوم" وانا نايمه وقعدت اقص لها اشصار
جان تقولي: يا مرتاحه انتي ما تسالين نفسج ليش تاخرتي وما تزوجتي لما الحين؟!! ما تشوفين ان الشي هذا مو طبيعي؟!!
قلت: من صجج انتي وانا قاعده اضحك, لا يا حبيبتي ما فيني الا العافيه, انتي شكلج جذبتي الجذبه و صدقتيها هههههههههه
قالت: لا حبيبتي انتي وضعج مو طبيعي والخطاب اللي طاروا منج بدون سبب يثيرون بنفسي تساؤل
قلت: انتي عاد لازم تسوينها قصه, ترى اللي صار كله قضاء و قدر ربي كاتب لي جذي وانا راضيه بنصيبي الحمد الله.
قالت: انزين!بالله عليج انتي شنو اللي يخليج واثقه انه ما فيج شي ؟!
ضحكت و قلت لاني ما احس بشي, بعدين انا صج مرات انسى اقول الاذكار بس ملتزمه بصلاتي , خلاص هذا كافي انه يخليني واثقه انه ما فيني الا كل خير
قالت: مرتاحوه يا حبيبتي وايد ناس مسحورين ومحسودين و عايشين حياتهم و اهم مو حاشين مع انه تطلع لهم بعض الاعراض بس يطنشونها مثلج
قلت: ههههههههه لا يا اوخيتي انتي اللي تتوهمين صج مرات انا احلم احلام مزعجه جنه ينانوه يلاحقوني و بيوت مهجوره وحيوانات تخرع وغير الياثوم بس هذا مو دليل انه انا فيني شي, كل الناس تتحلم احلام مزعجه, اتعوذ من ابليس و اسمي و اقرا المعوذات وكان الله غفورا رحيما
قالت: انزين ليش ما تقرين الحين رقية شرعية, ترى هذا كلام الله ويا حلو ذكر الله , لا تقولين مالي خلق الحين, يلا آهووو جدامي هاج الكتييب و اقري الرقية يلا عن الرباده
قلت بقلبي اوكي بقرا الرقية, ومسكت الكتييب و قمت اقرا و يابت لي قلاص ماي وبعدين راحت يابت "تب" او "سطل" فيه ماي و طلعت من الكبت زعفران خاشته عندها و اوراق سدر و حطته بالتب, وانا اقرا و طالعها بطرف عيني و اضحك بسري لاني كنت اعتبر هالاشياء خرابيط جان اوقف من قرايتي و سالتها
حجيه انتي شتخبصين ؟! شنو هذا؟ اشفيج قلبتي دارج حمام؟!
قالت: استغفر الله, مرتاحوه يوزي الحمام فيه نجاسه و اهني الدار طاهره بعدين الزعفران معطر و نظيف والسدر شجرة مباركة مذكورة بالقران و انا سمعت ان الينانوه ما يحبونها ولا يحبون الطهارة
قلت: امبية انتي حدج ماخذه مقلب بنفسج, انتي من صجج يعني تعتقدين ان فيني يني؟! حرام عليج ليش تفاولين على! اسم الله علي
قالت: اقول انتي صكي حلجج و كملي قرايتج وعن الهذره الزايده يلا ترى انتي قاعده اتضعين الوقت بأسئلتج و تحلطمج هذا.
انا سكت و كملت قرايتي وانا ابتسم لاني انزفيت ههههههههه
عقب ما خلصت نفثت في قلاص الماي جان تقول لي نفثي بعد في التب و نفثت فيه لا اطقني بعد هههههه
وشربت قلاص الماي و قالت يلا الحين غسلي ويهج وغسلي بعض اجزاء جسمج بماي الزعفران و السدر و سويت اللي قالت لي عليه مو عن شي بس لاني بثبت لها بطريقة فهمها ان السوالف هذي الماي اللي فيه زعفران و مادري شنو خرابيط لا تقدم ولا تاخر
واهي بعد غسلت ويهها بالماي
قالت: هااا مرتاحوه تحسين باي اعراض؟
قلت لها: ايييييييي و اقولب لها عيوني ووقف و امشي مثل الرجل الآلي و امد ايدي صوب رقبتها و اغيير صوتي و اقول لها آآآآآآآآآنااا يني المرتاااحه بزنطج الحيييييييييين هههههههه
قالت: مرتاحووووووه السوالف هذي ما تضحك مو زين بس عاد !! يا ملقج !
عقبها تعشينا ورحت البيت قعدت اشويه ويا البابا و الماما وبعدين رحت نمت
بعد يومين قمت احس بدوخه وقلت بقلبي وي لا يكون فقر الدم رد لي! مالي خلق اروح اسحب دم بروحي اخاف من الابرة
ودقيت على اللي تصير لي اسولف معاها ومع السوالف قلت لها فلانه الظاهر فقر الدم رد علي لاني احس بدوخه على طول وخمول
قالت لي روحي حللي و اقري سورة البقرة لا تنسين كل يوم اقريها, وي امبيه مرتاحوه لا يكون هذا مفعول الرقية الشرعية بين اللي فيج
" بنات صارت سوالف وما كنت اصدق وكله اقول لا هذي اوهام المشكله انا ما اذكر اشلون بديت اشوف الاشياء الموطبيعية بس اللي اذكره كنت اطلع و اشوف ويوه الناس تخرع حتى اللوحات بالشارع اللي فيها الدعايات اشوف اشكالهم غريبه, اذكر دعاية برد كي دي دي فيه صورة بنت تبتسم كنت اشوف شكلها شيطاني "
اذكر بحالتي هذي كنت خايفه من بيتنا احس بيتنا مظلم واحس اني بعالم ثاني ما جني مع الناس واخاف من الناس لان اشكالهم تخووف كنت كله قاعده بداري مسكره الباب علي لاني كنت اخاف حتى من اهلي واقرا سورة البقرة ومستمرة عليها وضعفت وما قمت اهتم بلبسي حتى لما اطلع البس عبايه اي شي ويههي ما ادهنه بس كنت اهتم اني اكون طاهره ملابسي نظيفه بس الالوان مرقعه
راح اكمل لكم اشصار لي
يتبع.....
بنات اقروا المعوذات لو سمحتوا قبل ما تقرون سالفتي :bbbiu:
اسم الله عليكم ليش خايفين ؟ ترى ماكو الا العافيه , دشوا دشوا
اللي راح اكتبه لكم حادثه صارت لي شخصيا من ثلاث سنوات تقريبا, القصه طويلة بس انا بختصرها قد ما اقدر, واتمنى ان قصتي تكون عبرة تستفيدون منها. وعلى فكره الحوارات طعمتها بنوع من الفكاهه علشان ما تملوووون
ذيج السنه كنت راده من دراستي بره وكالعادة الاهل وايد مستانسين بردتي, التقيت بوحده تصير لي وكنت قاعده ادردش معاها بدارها, جان اتذكر ان امس ياني "ياثوم" وانا نايمه وقعدت اقص لها اشصار
جان تقولي: يا مرتاحه انتي ما تسالين نفسج ليش تاخرتي وما تزوجتي لما الحين؟!! ما تشوفين ان الشي هذا مو طبيعي؟!!
قلت: من صجج انتي وانا قاعده اضحك, لا يا حبيبتي ما فيني الا العافيه, انتي شكلج جذبتي الجذبه و صدقتيها هههههههههه
قالت: لا حبيبتي انتي وضعج مو طبيعي والخطاب اللي طاروا منج بدون سبب يثيرون بنفسي تساؤل
قلت: انتي عاد لازم تسوينها قصه, ترى اللي صار كله قضاء و قدر ربي كاتب لي جذي وانا راضيه بنصيبي الحمد الله.
قالت: انزين!بالله عليج انتي شنو اللي يخليج واثقه انه ما فيج شي ؟!
ضحكت و قلت لاني ما احس بشي, بعدين انا صج مرات انسى اقول الاذكار بس ملتزمه بصلاتي , خلاص هذا كافي انه يخليني واثقه انه ما فيني الا كل خير
قالت: مرتاحوه يا حبيبتي وايد ناس مسحورين ومحسودين و عايشين حياتهم و اهم مو حاشين مع انه تطلع لهم بعض الاعراض بس يطنشونها مثلج
قلت: ههههههههه لا يا اوخيتي انتي اللي تتوهمين صج مرات انا احلم احلام مزعجه جنه ينانوه يلاحقوني و بيوت مهجوره وحيوانات تخرع وغير الياثوم بس هذا مو دليل انه انا فيني شي, كل الناس تتحلم احلام مزعجه, اتعوذ من ابليس و اسمي و اقرا المعوذات وكان الله غفورا رحيما
قالت: انزين ليش ما تقرين الحين رقية شرعية, ترى هذا كلام الله ويا حلو ذكر الله , لا تقولين مالي خلق الحين, يلا آهووو جدامي هاج الكتييب و اقري الرقية يلا عن الرباده
قلت بقلبي اوكي بقرا الرقية, ومسكت الكتييب و قمت اقرا و يابت لي قلاص ماي وبعدين راحت يابت "تب" او "سطل" فيه ماي و طلعت من الكبت زعفران خاشته عندها و اوراق سدر و حطته بالتب, وانا اقرا و طالعها بطرف عيني و اضحك بسري لاني كنت اعتبر هالاشياء خرابيط جان اوقف من قرايتي و سالتها
حجيه انتي شتخبصين ؟! شنو هذا؟ اشفيج قلبتي دارج حمام؟!
قالت: استغفر الله, مرتاحوه يوزي الحمام فيه نجاسه و اهني الدار طاهره بعدين الزعفران معطر و نظيف والسدر شجرة مباركة مذكورة بالقران و انا سمعت ان الينانوه ما يحبونها ولا يحبون الطهارة
قلت: امبية انتي حدج ماخذه مقلب بنفسج, انتي من صجج يعني تعتقدين ان فيني يني؟! حرام عليج ليش تفاولين على! اسم الله علي
قالت: اقول انتي صكي حلجج و كملي قرايتج وعن الهذره الزايده يلا ترى انتي قاعده اتضعين الوقت بأسئلتج و تحلطمج هذا.
انا سكت و كملت قرايتي وانا ابتسم لاني انزفيت ههههههههه
عقب ما خلصت نفثت في قلاص الماي جان تقول لي نفثي بعد في التب و نفثت فيه لا اطقني بعد هههههه
وشربت قلاص الماي و قالت يلا الحين غسلي ويهج وغسلي بعض اجزاء جسمج بماي الزعفران و السدر و سويت اللي قالت لي عليه مو عن شي بس لاني بثبت لها بطريقة فهمها ان السوالف هذي الماي اللي فيه زعفران و مادري شنو خرابيط لا تقدم ولا تاخر
واهي بعد غسلت ويهها بالماي
قالت: هااا مرتاحوه تحسين باي اعراض؟
قلت لها: ايييييييي و اقولب لها عيوني ووقف و امشي مثل الرجل الآلي و امد ايدي صوب رقبتها و اغيير صوتي و اقول لها آآآآآآآآآنااا يني المرتاااحه بزنطج الحيييييييييين هههههههه
قالت: مرتاحووووووه السوالف هذي ما تضحك مو زين بس عاد !! يا ملقج !
عقبها تعشينا ورحت البيت قعدت اشويه ويا البابا و الماما وبعدين رحت نمت
بعد يومين قمت احس بدوخه وقلت بقلبي وي لا يكون فقر الدم رد لي! مالي خلق اروح اسحب دم بروحي اخاف من الابرة
ودقيت على اللي تصير لي اسولف معاها ومع السوالف قلت لها فلانه الظاهر فقر الدم رد علي لاني احس بدوخه على طول وخمول
قالت لي روحي حللي و اقري سورة البقرة لا تنسين كل يوم اقريها, وي امبيه مرتاحوه لا يكون هذا مفعول الرقية الشرعية بين اللي فيج
" بنات صارت سوالف وما كنت اصدق وكله اقول لا هذي اوهام المشكله انا ما اذكر اشلون بديت اشوف الاشياء الموطبيعية بس اللي اذكره كنت اطلع و اشوف ويوه الناس تخرع حتى اللوحات بالشارع اللي فيها الدعايات اشوف اشكالهم غريبه, اذكر دعاية برد كي دي دي فيه صورة بنت تبتسم كنت اشوف شكلها شيطاني "
اذكر بحالتي هذي كنت خايفه من بيتنا احس بيتنا مظلم واحس اني بعالم ثاني ما جني مع الناس واخاف من الناس لان اشكالهم تخووف كنت كله قاعده بداري مسكره الباب علي لاني كنت اخاف حتى من اهلي واقرا سورة البقرة ومستمرة عليها وضعفت وما قمت اهتم بلبسي حتى لما اطلع البس عبايه اي شي ويههي ما ادهنه بس كنت اهتم اني اكون طاهره ملابسي نظيفه بس الالوان مرقعه
راح اكمل لكم اشصار لي
يتبع.....
